Iruruputo 24
24
Se Jiu amu ko kuiripato saṉa ivo vo Paula
1Ni sike ṉaniu ko tova vasi nio vo Ṉisa Siama Ananaiasi ni kama lotu tanatanamu ni kala loea Tetalasi va kikelani ta ke olake Sizaria peuru kale. Ni seta ke olake Qavuna Filekisi ko tanama kale tu kasa ke iko se kevai kuirikako quli vo Paula. 2So sole seta ke amaqivake vo Paula, ni Tetalasi ta o taniekake tava lulueko kaseko koa kuiripato poso ni eri kiolake:
“Matu raura kalaṉa, Qavuna Filekisi, ṉoko uri ama odikato kale eṉeta lula rosi ama taku ṉe eva bule kale, ni ṉoko qulepo ama iruruputo kale inio eṉeko peuru poso kale ta uri ama quli ko ereiva ni ko besieka ko ruqe ama quli. 3Eṉeta ṉeqa zoleiva komi quli komia kiadama peuru poso kale amu ke kavani kiadama taku, ni eṉeta ṉeṉa matu zuraiva ṉo. 4Aṉata pui aṉa zaria ṉo tu a jairokiṉo, Sokale avole aṉata a baseṉa tu ṉoko uri kale ṉota taṉela viqe eṉeko puju ama pesio. 5Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani. 6Ni vo inio o madoekeni sarosaroro iko ko Jelepade voko kapokapoto kale, ni eṉeta ṉe noqoeve vo.#24:6 Kama lulama riki poso kale ta ikoana mata omuqama kobu vesi 6, ni vesi 7, ni mata kama kobu vesi 8, eri kikolako: ‘Eṉeta ṉeqa zaria titizivo ṉe ṉaviko Bazu kikolani kale, 7 melai Laisiasi se solodia madu vo kuleto ala ta o kuevake ni opa noqoevake ni opa voake eṉe kasi azo. 8 Ni vo Laisiasi ta o soroeṉela eṉe vo kuiripato sana ṉe ivani ṉela ta ṉe qilo noko tanama kale.’ 8Sole ṉo ṉavi ṉo inio ṉo quimaevou nea maba inio ṉota ṉoda vai nianiiovou koa kiadama quli eṉe lula ṉevai kuirikako vo,” kiolake. 9Ni se Jiu amu sai ke zomaneni ta ke kasekake koa kiadama quli ta tuvevo ama, kikelake.
Paula ko qaraqarailo sama pesio Filekisi ko kuleto
10Ni vo Qavuna ta o siqailivake vo Paula tu vota o pesio, nio Paula ta eri kiolake,
“Aṉata aqai nianiia ta ṉota ṉo ereka ko titizato komia matuma qoqono kale kubo sabere poso, so sole aṉata ada zoleiva tu a qaraqarailo a ṉavi ṉoko kuleto. 11Matu olu ṉokasi tu ṉoda ka kelo komi ko tuveano, ta pui kokai paloasa toni omuqa ṉaniu aṉa a qeve keru azo Jerusalema ilusatole. 12Ni se Jiu amu ta pui kepa tala keve aṉa vati aivekinio kala Jelepade kale, ni odiemo ṉiṉoreo kale se maba poso, se Jiu amu ko ilusato ko pade poso kale ma mata kama zaekale Jerusalema peuru kale. 13Ni seta mata pui ke rovea tuvevo saṉa iko ko quli se aṉa kelai kuirikako quli. 14Aṉata aqai eraeraova komi quli ṉokasi: aṉata a ilusiva vo eṉeko taite poso vo Baṉara ko se lipalipa kama keve ka kikelako kale. Melai aṉata a duvevo puekani lala kiadama riki poso kale ama quli vo Mosese ko Bazu kale ama ni se poropita madu ke rikiekema buka poso kale ama. 15Ni aṉako keru vo Baṉara o ereko ama quli kasi ta omadeuvo seko jari ama, se sidopu amu ni se ruqe amu ta mata o saevimou voukale azo kikolako. 16So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.
17“Aṉata a vaeke ko Jerusalema kubo sabere poso, ni aṉata mata a qeve sai ni a qati keve kama seleni a mabamu kasi ni mata a ṉavi ta a ereko ko siqasiqa kialake. 18Ni so keru aṉa komi abe ereka keru inio seta ke lati inotake aṉa Jelepade kale so keru aṉa lula a okotika keru aṉako bulebuleilo ko iruruputo. So keru ta puliama matuma vaki kopa eve aṉa sase ni puliama ṉiṉoreo kopa eve koa taku. 19Melai kake se Jiu amu Eisia ranʼazo ke kuevini ta sai kebeta evake, se inio ke male tu kilo ṉoko kuleto ni kelai kuiriko ko ruqe, ikoana seko lai ṉuruṉuruo tea. 20Melai pui so tea, nita ke kasekou inio aṉa a erekako ruqe ni sarueko keta la kevema so keru aṉa a loje keru se Kauniseli madu ko tanama kale— 21melai seta kekai korakorai esa aṉako pesio so keru a velavelaova keru a loje keru seko kuleto, aṉa eri kiave keru, ‘Aṉata a ditizia meko kuleto vairutu aṉako tuvevo pueko kale ko mata saevo voukale azo ama,’ ” kiolake.
22Nio so keru vo Filekisi o viqa keru komia pesio vota o dokolikake koa titizato, ako vota okai uria nianiiake koa Jisu ko lotu ko keve sole, ni vota o bazuemake se ni eri kiolake, “So keru vo Laisiasi solodia madu vo kuleto ala o barolou keru inio aṉata a mela pitasikou meko aivekinio,” ma kiolake. 23Ni vota o bazuevake kala pado sirula tu vota o vati uria vailo vo Paula, melai vota oma zarievou tu voko baerebaere poso ta ke kilo vokasi tu seta ke kativo vo oka zariovo ama quli.
Paula Filekisi ni Darusila ko kuleto
24Ni kama ṉaniu poso ko tova inio Filekisi ta o kuevake voko reko Darusila#24:24 Darusila: Kota matula Aikovakova Herodi vo mabuzu Herodi Aqaripa kuleto ala ko meqora ikio. Kovo visi inio omuqala aikovakova Herodi Aqaripa. sate, ni kota kama Jiu ama reko. Ni vota o nokaevake vo Paula tu vota ota va viqo voko kai bazubazuto vai oqu vo Jisu Karisito 25Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake. 26Melai mata vota o kerukerutake ta koa taku kale inio vota o kativou ko zuzuku ko seleni tu o rupasio kiolake so sole vota o odievake vo kubo taku ni o vati pesipesitake.
27Ni omuqa sabere kota paloasake inio Pokiasi Fesitasi ta o besievake voa Qavuna Filekisi. Ni Filekisi ta oka zariake zolemo se Jiu amu so sole vota o vaevake vo Paula pirito pade kale.
ទើបបានជ្រើសរើសហើយ៖
Iruruputo 24: BLBNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.
Iruruputo 24
24
Se Jiu amu ko kuiripato saṉa ivo vo Paula
1Ni sike ṉaniu ko tova vasi nio vo Ṉisa Siama Ananaiasi ni kama lotu tanatanamu ni kala loea Tetalasi va kikelani ta ke olake Sizaria peuru kale. Ni seta ke olake Qavuna Filekisi ko tanama kale tu kasa ke iko se kevai kuirikako quli vo Paula. 2So sole seta ke amaqivake vo Paula, ni Tetalasi ta o taniekake tava lulueko kaseko koa kuiripato poso ni eri kiolake:
“Matu raura kalaṉa, Qavuna Filekisi, ṉoko uri ama odikato kale eṉeta lula rosi ama taku ṉe eva bule kale, ni ṉoko qulepo ama iruruputo kale inio eṉeko peuru poso kale ta uri ama quli ko ereiva ni ko besieka ko ruqe ama quli. 3Eṉeta ṉeqa zoleiva komi quli komia kiadama peuru poso kale amu ke kavani kiadama taku, ni eṉeta ṉeṉa matu zuraiva ṉo. 4Aṉata pui aṉa zaria ṉo tu a jairokiṉo, Sokale avole aṉata a baseṉa tu ṉoko uri kale ṉota taṉela viqe eṉeko puju ama pesio. 5Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani. 6Ni vo inio o madoekeni sarosaroro iko ko Jelepade voko kapokapoto kale, ni eṉeta ṉe noqoeve vo.#24:6 Kama lulama riki poso kale ta ikoana mata omuqama kobu vesi 6, ni vesi 7, ni mata kama kobu vesi 8, eri kikolako: ‘Eṉeta ṉeqa zaria titizivo ṉe ṉaviko Bazu kikolani kale, 7 melai Laisiasi se solodia madu vo kuleto ala ta o kuevake ni opa noqoevake ni opa voake eṉe kasi azo. 8 Ni vo Laisiasi ta o soroeṉela eṉe vo kuiripato sana ṉe ivani ṉela ta ṉe qilo noko tanama kale.’ 8Sole ṉo ṉavi ṉo inio ṉo quimaevou nea maba inio ṉota ṉoda vai nianiiovou koa kiadama quli eṉe lula ṉevai kuirikako vo,” kiolake. 9Ni se Jiu amu sai ke zomaneni ta ke kasekake koa kiadama quli ta tuvevo ama, kikelake.
Paula ko qaraqarailo sama pesio Filekisi ko kuleto
10Ni vo Qavuna ta o siqailivake vo Paula tu vota o pesio, nio Paula ta eri kiolake,
“Aṉata aqai nianiia ta ṉota ṉo ereka ko titizato komia matuma qoqono kale kubo sabere poso, so sole aṉata ada zoleiva tu a qaraqarailo a ṉavi ṉoko kuleto. 11Matu olu ṉokasi tu ṉoda ka kelo komi ko tuveano, ta pui kokai paloasa toni omuqa ṉaniu aṉa a qeve keru azo Jerusalema ilusatole. 12Ni se Jiu amu ta pui kepa tala keve aṉa vati aivekinio kala Jelepade kale, ni odiemo ṉiṉoreo kale se maba poso, se Jiu amu ko ilusato ko pade poso kale ma mata kama zaekale Jerusalema peuru kale. 13Ni seta mata pui ke rovea tuvevo saṉa iko ko quli se aṉa kelai kuirikako quli. 14Aṉata aqai eraeraova komi quli ṉokasi: aṉata a ilusiva vo eṉeko taite poso vo Baṉara ko se lipalipa kama keve ka kikelako kale. Melai aṉata a duvevo puekani lala kiadama riki poso kale ama quli vo Mosese ko Bazu kale ama ni se poropita madu ke rikiekema buka poso kale ama. 15Ni aṉako keru vo Baṉara o ereko ama quli kasi ta omadeuvo seko jari ama, se sidopu amu ni se ruqe amu ta mata o saevimou voukale azo kikolako. 16So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.
17“Aṉata a vaeke ko Jerusalema kubo sabere poso, ni aṉata mata a qeve sai ni a qati keve kama seleni a mabamu kasi ni mata a ṉavi ta a ereko ko siqasiqa kialake. 18Ni so keru aṉa komi abe ereka keru inio seta ke lati inotake aṉa Jelepade kale so keru aṉa lula a okotika keru aṉako bulebuleilo ko iruruputo. So keru ta puliama matuma vaki kopa eve aṉa sase ni puliama ṉiṉoreo kopa eve koa taku. 19Melai kake se Jiu amu Eisia ranʼazo ke kuevini ta sai kebeta evake, se inio ke male tu kilo ṉoko kuleto ni kelai kuiriko ko ruqe, ikoana seko lai ṉuruṉuruo tea. 20Melai pui so tea, nita ke kasekou inio aṉa a erekako ruqe ni sarueko keta la kevema so keru aṉa a loje keru se Kauniseli madu ko tanama kale— 21melai seta kekai korakorai esa aṉako pesio so keru a velavelaova keru a loje keru seko kuleto, aṉa eri kiave keru, ‘Aṉata a ditizia meko kuleto vairutu aṉako tuvevo pueko kale ko mata saevo voukale azo ama,’ ” kiolake.
22Nio so keru vo Filekisi o viqa keru komia pesio vota o dokolikake koa titizato, ako vota okai uria nianiiake koa Jisu ko lotu ko keve sole, ni vota o bazuemake se ni eri kiolake, “So keru vo Laisiasi solodia madu vo kuleto ala o barolou keru inio aṉata a mela pitasikou meko aivekinio,” ma kiolake. 23Ni vota o bazuevake kala pado sirula tu vota o vati uria vailo vo Paula, melai vota oma zarievou tu voko baerebaere poso ta ke kilo vokasi tu seta ke kativo vo oka zariovo ama quli.
Paula Filekisi ni Darusila ko kuleto
24Ni kama ṉaniu poso ko tova inio Filekisi ta o kuevake voko reko Darusila#24:24 Darusila: Kota matula Aikovakova Herodi vo mabuzu Herodi Aqaripa kuleto ala ko meqora ikio. Kovo visi inio omuqala aikovakova Herodi Aqaripa. sate, ni kota kama Jiu ama reko. Ni vota o nokaevake vo Paula tu vota ota va viqo voko kai bazubazuto vai oqu vo Jisu Karisito 25Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake. 26Melai mata vota o kerukerutake ta koa taku kale inio vota o kativou ko zuzuku ko seleni tu o rupasio kiolake so sole vota o odievake vo kubo taku ni o vati pesipesitake.
27Ni omuqa sabere kota paloasake inio Pokiasi Fesitasi ta o besievake voa Qavuna Filekisi. Ni Filekisi ta oka zariake zolemo se Jiu amu so sole vota o vaevake vo Paula pirito pade kale.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.