Iruruputo 12
12
Seke tuvevo putani ko mata toraeko ko naqunaquto
1Ni koa taku kale inio vo Aikovakova Herodi#12:1 Aikovakova Herodi: Nei ta vo kuleto ala Herodi Aqaripa inio, vo matula Aikovakova Herodi vo mabuzu. ta o taniekake naquemo kama lotu maba poso. 2Ni vota o voake vo Jemisi, Jone vo kaka, ni seta ke lezuevake vo. 3Ni vota o keake ta koa iruruputo ta ko zolemake se Jiu amu, so sole vota mata o noqoevake vo Pita. Komi quli ta ko ereivake isiti pide ama bereti ko ṉojola ko taku keru. 4Vota o noqoevake vo Pita ni o vaevake pirito pade kale, ni vota o vaevake toni varimuja solodia ko vailo kale. Ni seta ariku poqala ke evake ariariku solodia madu sama ni koa poqala poso ta ko besibesiekiniake vati vailo vo Pita. Herodi ta ova zariake vo tu o titizivo vo vaki ale koa Alokato ko ṉojola ko tova. 5So sole Pita ta obeta evake pirito pade kale, melai se lotu maba poso ta pui ke lalamatake vati matu vararaito vo Baṉara kasi.
Pita ko rupasio pirito pade kale azo
6Ni koa ipu puliako Herodi saqorivo vo Pita pirito pade kale azo tu o titizivo vaki ale kio nio Pita ta obeta maroṉake omuqa solodia kidi ko tiania. Ni omuqa seini kale ke pirieve ni mata omuqa solodia kidi ta inioqiana pirito pade ko veutu tona. 7Ni ota podoloa koi vo Baṉara vo mateana ta o lojoake sai, ni o zakaremu ta ko taloake koa lose kale. Ni vo mateana ta ota va tupiekake Pita ko ropa, ni o toirativake vo, ni eri kiolake, “Taukavole! Zolai!” kiolake. Ni koa seini ta kota rupasiake ni kota piake Pita ko ṉase topi azo. 8Ni vo mateana ta eri kiolake, “Vinaeka ṉoko vimavima ni kiaka ṉoko sadolo.” So sole Pita ta o luluekake koa bazu, ni mateana ta mata eri kiolake, “Kiaka ṉoko topi ama sabosabo ni luluela aṉa,” kiolake. 9Ni Pita ta o luluevake vo pirito pade kale azo, melai vota pui okai nianiia vo mateana o erekako quli, voko kerukeru kale ta ota uloita inio kiolake. 10Ni nioqata qokai alokatake kuleto ama omuqa solodia ni so jari mata kama omuqa kidi, ti qope kai baroake koa tovatovama aeani tibulu peuru ko keve kale kekai olako. Ni koa tibulu ta kota veukaziake ko ṉavi, ni nioqata qo saqorake sai kude. Ni nioqata qo olake keve tona, ni vo mateana ta ota podolo vaevo o evake vo Pita.
11Ni so keru pado inio Pita ta o paqumukake ko quli ko ereima vokasi, so sole eri kiolake, “Erisaṉa aṉata a baqumuka ta kota matu tuvevo! Vo Baṉara inio o soroevala vovo mateana tu o pakielo aṉa Herodi ni kiadama quli se Jiu amu kelai ereko aṉa ka kikelako quli kale azo,” kiolake.
12Ni so keru vo o paqumuka keru ko, vota ota olake Mere ko pade kasi Jone Maka ko niania, sai matu kubo maba madu lula ke padoivakoi ni kebeta vararaitakoi. 13Ni Pita ta o tubitubitake veutu tona, ni kama pado sinaqu rusu nabulu Roda ka kikelako ta ko olake opatikole ko. 14Ni kota kota va nianiiekake Pita ko kora ni kota matu zoleike so sole kota rereole ko vaitake puliako ko veuko ko tibulu, ni kokai bazutake ta Pita ta obeta lojoa pade kupekupe kio. 15Nio seta eri kikelake, “Ṉota ṉoda sarube puta inio!” ka kikelake. Melai kota komai bazuekake ta kota maba tuvevo ikio kikolake. So sole seta ke kati tiorikake ko ni eri kikelake, “Koe kota vovo mateana#12:15 vovo mateana: Esa seko kerukeru ta kota Pita ko auvana kikelake, ma esa vo o vati vailani mateana kikelake. inio!” kikelake.
16So maqa ta Pita ta obeta olake tubitubito. So sole seta ke veukake ko tibulu, ni so keru seke vea keru vo seta matu aqasiele keta evake. 17Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.
18Ni vikale ko evake nio se solodia madu ta matu niuniala kekai evake ko loma quli kio kota ereila Pita kasi kikelake. 19Ni Herodi ta o soruemake se tu seta ke vailivo vo, melai seta pui ke roveake velo vo. So sole vota o kuimakuimaemake sea solodia madu ni vota o erekake ko bazu tu seta ke vouvou, nio seta ke vouvaemake se.
Ni koko tova inio Herodi ta o vaekake ko Jiudia rana ni ota olake Sizaria peuru kale ni o evake sai sasa rosi ama taku.
Herodi ko vou
20Ni vo Herodi ta omai matu korakoraivake se Taea ni Saidoni peuru kale amu, so sole seta ke padoekiniake tu kepa velo vo kikelake. Kuleto seta ke vati baerebaereake vo Balasitasi, vo o kati vailani vo Herodi ko matu pade, tu vota o tauvemou se. Koko tova inio seta kevai olake vo Herodi ni seta ke pasekake ko odouvikinio, ako seko peuru ta vo Aikovakova ko peuru poso kale azo inio ke koakoi ko sailao sole.
21Nio kala pado pitopito ala ṉaniu kale inio Herodi ta o kiakake voko lekasa puo ko sabosabo, ni o papuake voko papupapu topi, ni o pesiake sea maba poso kasi. 22Ni seta eri kikelake, “Pui maba inio o pesiani, melai kala baṉara inio!” kikelake. 23Nio maba koa taku kale inio vo Baṉara vo mateana ta o pazovake ni o verepivake vo Herodi, ako vota ota va epoepoivake vo Baṉara ko ilusato sole. So sole vota loiloi ko vuake ni ota vouvake.
24So maqa inio vo Baṉara ko bazubazu ta kobeta olake aero ni mata kubo maba madu ta ke liliziake.
25Ni Banabasi ni Saula ta qo paikake nioqako iruruputo Jerusalema ni qota vaitake sai kazo, ni nioqata qo vati olake vo Jone Maka.
ទើបបានជ្រើសរើសហើយ៖
Iruruputo 12: BLBNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.
Iruruputo 12
12
Seke tuvevo putani ko mata toraeko ko naqunaquto
1Ni koa taku kale inio vo Aikovakova Herodi#12:1 Aikovakova Herodi: Nei ta vo kuleto ala Herodi Aqaripa inio, vo matula Aikovakova Herodi vo mabuzu. ta o taniekake naquemo kama lotu maba poso. 2Ni vota o voake vo Jemisi, Jone vo kaka, ni seta ke lezuevake vo. 3Ni vota o keake ta koa iruruputo ta ko zolemake se Jiu amu, so sole vota mata o noqoevake vo Pita. Komi quli ta ko ereivake isiti pide ama bereti ko ṉojola ko taku keru. 4Vota o noqoevake vo Pita ni o vaevake pirito pade kale, ni vota o vaevake toni varimuja solodia ko vailo kale. Ni seta ariku poqala ke evake ariariku solodia madu sama ni koa poqala poso ta ko besibesiekiniake vati vailo vo Pita. Herodi ta ova zariake vo tu o titizivo vo vaki ale koa Alokato ko ṉojola ko tova. 5So sole Pita ta obeta evake pirito pade kale, melai se lotu maba poso ta pui ke lalamatake vati matu vararaito vo Baṉara kasi.
Pita ko rupasio pirito pade kale azo
6Ni koa ipu puliako Herodi saqorivo vo Pita pirito pade kale azo tu o titizivo vaki ale kio nio Pita ta obeta maroṉake omuqa solodia kidi ko tiania. Ni omuqa seini kale ke pirieve ni mata omuqa solodia kidi ta inioqiana pirito pade ko veutu tona. 7Ni ota podoloa koi vo Baṉara vo mateana ta o lojoake sai, ni o zakaremu ta ko taloake koa lose kale. Ni vo mateana ta ota va tupiekake Pita ko ropa, ni o toirativake vo, ni eri kiolake, “Taukavole! Zolai!” kiolake. Ni koa seini ta kota rupasiake ni kota piake Pita ko ṉase topi azo. 8Ni vo mateana ta eri kiolake, “Vinaeka ṉoko vimavima ni kiaka ṉoko sadolo.” So sole Pita ta o luluekake koa bazu, ni mateana ta mata eri kiolake, “Kiaka ṉoko topi ama sabosabo ni luluela aṉa,” kiolake. 9Ni Pita ta o luluevake vo pirito pade kale azo, melai vota pui okai nianiia vo mateana o erekako quli, voko kerukeru kale ta ota uloita inio kiolake. 10Ni nioqata qokai alokatake kuleto ama omuqa solodia ni so jari mata kama omuqa kidi, ti qope kai baroake koa tovatovama aeani tibulu peuru ko keve kale kekai olako. Ni koa tibulu ta kota veukaziake ko ṉavi, ni nioqata qo saqorake sai kude. Ni nioqata qo olake keve tona, ni vo mateana ta ota podolo vaevo o evake vo Pita.
11Ni so keru pado inio Pita ta o paqumukake ko quli ko ereima vokasi, so sole eri kiolake, “Erisaṉa aṉata a baqumuka ta kota matu tuvevo! Vo Baṉara inio o soroevala vovo mateana tu o pakielo aṉa Herodi ni kiadama quli se Jiu amu kelai ereko aṉa ka kikelako quli kale azo,” kiolake.
12Ni so keru vo o paqumuka keru ko, vota ota olake Mere ko pade kasi Jone Maka ko niania, sai matu kubo maba madu lula ke padoivakoi ni kebeta vararaitakoi. 13Ni Pita ta o tubitubitake veutu tona, ni kama pado sinaqu rusu nabulu Roda ka kikelako ta ko olake opatikole ko. 14Ni kota kota va nianiiekake Pita ko kora ni kota matu zoleike so sole kota rereole ko vaitake puliako ko veuko ko tibulu, ni kokai bazutake ta Pita ta obeta lojoa pade kupekupe kio. 15Nio seta eri kikelake, “Ṉota ṉoda sarube puta inio!” ka kikelake. Melai kota komai bazuekake ta kota maba tuvevo ikio kikolake. So sole seta ke kati tiorikake ko ni eri kikelake, “Koe kota vovo mateana#12:15 vovo mateana: Esa seko kerukeru ta kota Pita ko auvana kikelake, ma esa vo o vati vailani mateana kikelake. inio!” kikelake.
16So maqa ta Pita ta obeta olake tubitubito. So sole seta ke veukake ko tibulu, ni so keru seke vea keru vo seta matu aqasiele keta evake. 17Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.
18Ni vikale ko evake nio se solodia madu ta matu niuniala kekai evake ko loma quli kio kota ereila Pita kasi kikelake. 19Ni Herodi ta o soruemake se tu seta ke vailivo vo, melai seta pui ke roveake velo vo. So sole vota o kuimakuimaemake sea solodia madu ni vota o erekake ko bazu tu seta ke vouvou, nio seta ke vouvaemake se.
Ni koko tova inio Herodi ta o vaekake ko Jiudia rana ni ota olake Sizaria peuru kale ni o evake sai sasa rosi ama taku.
Herodi ko vou
20Ni vo Herodi ta omai matu korakoraivake se Taea ni Saidoni peuru kale amu, so sole seta ke padoekiniake tu kepa velo vo kikelake. Kuleto seta ke vati baerebaereake vo Balasitasi, vo o kati vailani vo Herodi ko matu pade, tu vota o tauvemou se. Koko tova inio seta kevai olake vo Herodi ni seta ke pasekake ko odouvikinio, ako seko peuru ta vo Aikovakova ko peuru poso kale azo inio ke koakoi ko sailao sole.
21Nio kala pado pitopito ala ṉaniu kale inio Herodi ta o kiakake voko lekasa puo ko sabosabo, ni o papuake voko papupapu topi, ni o pesiake sea maba poso kasi. 22Ni seta eri kikelake, “Pui maba inio o pesiani, melai kala baṉara inio!” kikelake. 23Nio maba koa taku kale inio vo Baṉara vo mateana ta o pazovake ni o verepivake vo Herodi, ako vota ota va epoepoivake vo Baṉara ko ilusato sole. So sole vota loiloi ko vuake ni ota vouvake.
24So maqa inio vo Baṉara ko bazubazu ta kobeta olake aero ni mata kubo maba madu ta ke liliziake.
25Ni Banabasi ni Saula ta qo paikake nioqako iruruputo Jerusalema ni qota vaitake sai kazo, ni nioqata qo vati olake vo Jone Maka.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.