Iruruputo 11
11
Pita ko bazu Jerusalema ko evako lotu qoqono kasi
1Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio. 2Nio kake Jiu amu seke tuvevo putani se Jerusalema ke evani ta keka zariake tu se pui Jiu amu seke liliziovini ta ke ṉavi Jiu amu ko moveilo ko kalo ke lulueko. Nio so keru vo Pita o keve keru Jerusalema, inio sea poqala ta ke vati zolizoliekiniake vo, ni eri kikelake, 3“Ṉota kala pado maba ṉa ṉo joipimeni ṉa se pui ke moveivani pui Jiu amu ni ṉo zomaneni ṉa vuato se sate!” kikelake. 4So sole Pita ta omai matu zakaremu puekake koa pado ama bazubazu koko tanitanila keru azo ko kaevo ni eri kiolake:
5“So keru aṉa a vararaite keru Jopa peuru kale, aṉata a erekake kama pado kelokelozato. Ni aṉata a qeake kama quli ko saqorema aukale azo matu suma duruo jaria kelo ama ariku suba kama, ni kota dokolake aṉako sipole. 6Ni aṉata a joipake koko poro kale ni a qeake kiadama azaazama biaṉa poso ariku kiti ama, ni ko vaerako biaṉa poso, ni ko akazako biaṉabiaṉa. 7Ni aṉata a viqake kama pado kora ko eri kikovema aṉa kasi, ‘Loje Pita, ni vouvaeka ko ni vuate!’ kikovema. 8Melai aṉata eri kialake, ‘Maba pui Lekasa! Aṉata maba pui a quako quli kio ko quli ako matu tabu tu kuo sole,’ kialake. 9Nio koa kora aukale azo ama ta eri kikolake mata aṉa kasi, ‘Ṉota pui kai kuiriko ruqe ama quli vo Baṉara lula uri ni tabu o ikema quli,’ kikolake. 10Ni kota zouke taku ko puratake, ni koko tova koa kiadama ta mata kota koiviziake ni kota vaitake aukale. 11Koa taku kale pado inio zouke maba madu Sizaria azo ke Soroini ta ke baroake sai aṉa avai evani pade kasi. 12Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale. 13Ni vota o ṉelai bazuevake vo mateana vo o veveni vo obeta lojeni voko pade kale, vo eri kioveni vokasi, ‘Kake soroema Jopa peuru kale tu kepa odievo vo Saimone Pita o ṉi sala maba. 14Vo inio o rukueko ala koa pesio ṉokasi koko pakieṉo ama ṉo ni ṉoko pado ama saidi ko pakiemo ama,’ kiolake. 15Ni so keru aṉa a danite keru pesio inio vo Tabu ala Auvana ta omai saqorake se omadeuvo kuleto anime o melai saqore jari. 16Nio a qerukeruekake vo Lekasa Jisu eri ka kiovema, ‘Jone ta o bapitaiso pute jukale melai meta bapitaiso me elou Tabu ala Auvana kale,’ ka kiovema. 17Zakaremu kio vo Baṉara ta lula o katima koa puaro se pui Jiu amu omadeuvo anime me duvevo pueve keru vo Jisu Karisito o katimelema jari ama; so sole aṉata pui aba roveovi dokolivo vo Baṉara!” kiolake vo Pita.
18Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.
Anitioko ama lotu qoqono
19Ni kake seke tuvevo putani se azama buara ke eveni Sitiveni ke vouvaeve keru ko ereima matuma niumaniumato kale ta ke keve vaṉama peuru ni udu poso kale omadeuvo Ponisia, Saipirasi ni Anitioko, ni seta kekai bazutake ko Uri ama Bazu se Jiu amu kasi pala. 20Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu. 21Ni vo Baṉara ko pizato ta ko evake se tona, ni matu mota kama maba poso ta ke tuvevo putake ni keta liliziake ni ke luluevake vo Jisu.
22Nio komia bazu ta kota ka baroake koko bazu Jerusalema ma lotu qoqono kasi, so sole saizamu ta ke soroevake vo Banabasi Anitioko peuru kale. 23Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale. 24Banabasi ta kala uri ala maba, vota piza kama oqu sala ni ovai sukatani vo Tabu ala Auvana ni so inio o lilimake kubo madu vo Lekasa kasi.
25Ni Banabasi ta ota olake Tasisi Saula vailivole. 26Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.
27Ni koa taku kale inio kake poropita madu ta ke keve Jerusalema azo Anitioko. 28Ni kala pado se azo Aqabasi va kikelani ta o lojoake ni vo Tabu ala Auvana ko pizato kale vota o pidokikake ko matuma nioṉe koko ereilo ama koa pado ama Romu ko kati vailako peuru ma peuru kale. (Kota tova inio ko baroi vo Kalaudiasi Romu ala Aikovakova ko taku keru.) 29Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani. 30Ni seko koa iruruputo ko tova inio seta ke kati soroekake Banabasi ni Saula seko seleni lotu tanatanamu kasi Jerusalema.
ទើបបានជ្រើសរើសហើយ៖
Iruruputo 11: BLBNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.
Iruruputo 11
11
Pita ko bazu Jerusalema ko evako lotu qoqono kasi
1Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio. 2Nio kake Jiu amu seke tuvevo putani se Jerusalema ke evani ta keka zariake tu se pui Jiu amu seke liliziovini ta ke ṉavi Jiu amu ko moveilo ko kalo ke lulueko. Nio so keru vo Pita o keve keru Jerusalema, inio sea poqala ta ke vati zolizoliekiniake vo, ni eri kikelake, 3“Ṉota kala pado maba ṉa ṉo joipimeni ṉa se pui ke moveivani pui Jiu amu ni ṉo zomaneni ṉa vuato se sate!” kikelake. 4So sole Pita ta omai matu zakaremu puekake koa pado ama bazubazu koko tanitanila keru azo ko kaevo ni eri kiolake:
5“So keru aṉa a vararaite keru Jopa peuru kale, aṉata a erekake kama pado kelokelozato. Ni aṉata a qeake kama quli ko saqorema aukale azo matu suma duruo jaria kelo ama ariku suba kama, ni kota dokolake aṉako sipole. 6Ni aṉata a joipake koko poro kale ni a qeake kiadama azaazama biaṉa poso ariku kiti ama, ni ko vaerako biaṉa poso, ni ko akazako biaṉabiaṉa. 7Ni aṉata a viqake kama pado kora ko eri kikovema aṉa kasi, ‘Loje Pita, ni vouvaeka ko ni vuate!’ kikovema. 8Melai aṉata eri kialake, ‘Maba pui Lekasa! Aṉata maba pui a quako quli kio ko quli ako matu tabu tu kuo sole,’ kialake. 9Nio koa kora aukale azo ama ta eri kikolake mata aṉa kasi, ‘Ṉota pui kai kuiriko ruqe ama quli vo Baṉara lula uri ni tabu o ikema quli,’ kikolake. 10Ni kota zouke taku ko puratake, ni koko tova koa kiadama ta mata kota koiviziake ni kota vaitake aukale. 11Koa taku kale pado inio zouke maba madu Sizaria azo ke Soroini ta ke baroake sai aṉa avai evani pade kasi. 12Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale. 13Ni vota o ṉelai bazuevake vo mateana vo o veveni vo obeta lojeni voko pade kale, vo eri kioveni vokasi, ‘Kake soroema Jopa peuru kale tu kepa odievo vo Saimone Pita o ṉi sala maba. 14Vo inio o rukueko ala koa pesio ṉokasi koko pakieṉo ama ṉo ni ṉoko pado ama saidi ko pakiemo ama,’ kiolake. 15Ni so keru aṉa a danite keru pesio inio vo Tabu ala Auvana ta omai saqorake se omadeuvo kuleto anime o melai saqore jari. 16Nio a qerukeruekake vo Lekasa Jisu eri ka kiovema, ‘Jone ta o bapitaiso pute jukale melai meta bapitaiso me elou Tabu ala Auvana kale,’ ka kiovema. 17Zakaremu kio vo Baṉara ta lula o katima koa puaro se pui Jiu amu omadeuvo anime me duvevo pueve keru vo Jisu Karisito o katimelema jari ama; so sole aṉata pui aba roveovi dokolivo vo Baṉara!” kiolake vo Pita.
18Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.
Anitioko ama lotu qoqono
19Ni kake seke tuvevo putani se azama buara ke eveni Sitiveni ke vouvaeve keru ko ereima matuma niumaniumato kale ta ke keve vaṉama peuru ni udu poso kale omadeuvo Ponisia, Saipirasi ni Anitioko, ni seta kekai bazutake ko Uri ama Bazu se Jiu amu kasi pala. 20Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu. 21Ni vo Baṉara ko pizato ta ko evake se tona, ni matu mota kama maba poso ta ke tuvevo putake ni keta liliziake ni ke luluevake vo Jisu.
22Nio komia bazu ta kota ka baroake koko bazu Jerusalema ma lotu qoqono kasi, so sole saizamu ta ke soroevake vo Banabasi Anitioko peuru kale. 23Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale. 24Banabasi ta kala uri ala maba, vota piza kama oqu sala ni ovai sukatani vo Tabu ala Auvana ni so inio o lilimake kubo madu vo Lekasa kasi.
25Ni Banabasi ta ota olake Tasisi Saula vailivole. 26Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.
27Ni koa taku kale inio kake poropita madu ta ke keve Jerusalema azo Anitioko. 28Ni kala pado se azo Aqabasi va kikelani ta o lojoake ni vo Tabu ala Auvana ko pizato kale vota o pidokikake ko matuma nioṉe koko ereilo ama koa pado ama Romu ko kati vailako peuru ma peuru kale. (Kota tova inio ko baroi vo Kalaudiasi Romu ala Aikovakova ko taku keru.) 29Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani. 30Ni seko koa iruruputo ko tova inio seta ke kati soroekake Banabasi ni Saula seko seleni lotu tanatanamu kasi Jerusalema.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.