Levitikɔs 3
3
Asomdwee Afɔr Ho Nhyehyɛɛ
1Na sɛ n’ayɛyɛdze yɛ asomdwee afɔr afɔrbɔdze; sɛ ofi anantwi mu, dɛ onyin o, ɔber o, na ɔdze reba a, dza onndzii dzɛm na ɔmfa no mbra EWURADZE enyim. 2Na ɔmfa ne nsa nto n’ayɛyɛdze no etsifi, na onku no wɔ ehyiadzibuw no n’abowano: na Aaron mbabanyin asɔfo no mfa bɔgya no mpetse afɔrmbukyia no do nhyia. 3Na onyi asomdwee afɔr no mu bi mbra mbɛyɛ ogya afɔr mma EWURADZE. Onyi seradze a ɔkata ayamudze do no, nye seradze a ɔwɔ do no, 4nye nsɛbɛ ebien no, na seradze a ɔwɔ ho no, dza ɔwɔ sisiw mu, nye berɛbo do ntentan no mfi hɔ. 5Na Aaron mbabanyin no nhyew no wɔ afɔrmbukyia no do ɔhyew afɔr no a ɔwɔ nyena no a ɔwɔ ogya no do no do: ɔyɛ ogya afɔr a oyi nka huanhuam ma EWURADZE.
6Na sɛ n’ayɛyɛdze a ɔdze rebɛyɛ asomdwee afɔr afɔrbɔdze ama EWURADZE no fi nguan mu a; onyin o, ɔber o, dza onndzii dzɛm na ɔmfa no mbra. 7Sɛ ɔdze eguambaa rebɛyɛ n’ayɛyɛdze a, ɔno ɔmfa no mbra EWURADZE enyim: 8na ɔmfa ne nsa nto n’ayɛyɛdze no etsifi, na onku no wɔ ehyiadzibuw no enyim: na Aaron mbabanyin no mfa no bɔgyaa mpetse afɔrmbukyia no do nhyia. 9Na onyi asomdwee afɔr no bi mbra mbɛyɛ EWURADZE ogya afɔr; ne seradze no, nye seradze dua mu no nyinara, ɔntwe no wɔ n’ekyir kratse no ho. Na onyi seradze a ɔkata ayamudze no ho no, nye seradze a ɔwɔ ayamudze no do no nyinara, 10nye nsɛbɛ ebien no, nye no do seradze no a ɔwɔ sisiw mu no, nye berɛbo do ntentan no mfi hɔ. 11Na ɔsɔfo no nhyew no wɔ afɔrmbukyia no do: ɔyɛ ogya afɔr edziban ma EWURADZE.
12Na sɛ n’ayɛyɛdze yɛ apɔnkye a, ɔno ɔmfa no mbra EWURADZE enyim: 13na ɔmfa ne nsa nto n’etsifi, na onku no wɔ ehyiadzibuw no enyim; na Aaron ne mbabanyin no mfa no bɔgyaa mpetse afɔrmbukyia no do nhyia. 14Na onyi mu bi mbra mbɛyɛ n’ayɛyɛdze, mekyerɛ ogya afɔr mma EWURADZE; seradze a ɔkata ayamudze no ho no, nye seradze a ɔwɔ ayamudze no do no nyinara, 15nye nsɛbɛ ebien no, nye no do seradze no a ɔwɔ sisiw mu no, nye berɛbo do ntentan no dze, onyi mfi hɔ. 16Na ɔsɔfo no nhyew no wɔ afɔrmbukyia no do: ɔyɛ ogya afɔr edziban a oyi nka huanhuam: seradze no nyinara yɛ EWURADZE dze. 17Ɔnyɛ daa ahyɛdze wɔ hom ebusuasantsen mu wɔ hom tsenabea nyinara mu, dɛ hom nndzi seradze anaa bɔgya biara.
ទើបបានជ្រើសរើសហើយ៖
Levitikɔs 3: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.