Levitikɔs 1
1
Ɔhyew Afɔr Ho Nhyehyɛɛ
1Na EWURADZE frɛɛ Moses, na ofii ehyiadzibuw no mu kasaa kyerɛɛ no dɛ, 2Kasa kyerɛ Israelmba, na se hɔn dɛ, Sɛ hom mu nyimpa biara dze ayɛyɛdze rebrɛ EWURADZE a, hom mfa hom fiembowa, a wɔyɛ anantwi nye nguan mu bi, nyɛ hom ayɛyɛdze mbra.
3Sɛ n’ayɛyɛdze yɛ ɔhyew afɔr a ofi anantwi mu a, ɔmfa onyin a onndzii dzɛm mbra ehyiadzibuw no n’abowano, ama aayɛ enyisɔ wɔ EWURADZE enyim ama no. 4Na ɔmfa ne nsa nto ɔhyew afɔr no n’etsifi; na ɔbɔsɔ enyi dɛ mpata ama no. 5Na onku nantwisaa no wɔ EWURADZE enyim: na Aaron mbabanyin, asɔfo no, mfa bɔgya no mbɛkyerɛ, na wɔmfa bɔgya no mpetse afɔrmbukyia no a ɔwɔ ehyiadzibuw no n’abowano no do nhyia. 6Na ɔnyer abowa no, na ontwitwa no esinesin. 7Na ɔsɔfo Aaron ne mbabanyin no mfa nyena ngu afɔrmbukyia no do, na wɔnsɔ gya wɔ do. 8Na Aaron mbabanyin asɔfo no, mfa esinesin no, tsir no, nye seradze no, ngu yie wɔ nyena a ɔsɛw gya no afɔrmbukyia no do no do; 9n’ayamudze nye ne ntwɛr dze ɔmfa nsu nhohor ho ana: na ɔsɔfo no nhyew ne nyinara wɔ afɔrmbukyia no do, ma ɔnyɛ ɔhyew afɔr, mekyerɛ ogya afɔr a oyi nka huanhuam ma EWURADZE.
10Na sɛ n’ayɛyɛdze fi nguankuw, nkɔsɔw anaa mpɔnkye mu a, ɔmfa onyin a onndzii dzɛm mbra. 11Na onku no wɔ afɔrmbukyia no ne nkyɛn mu kwaamu afamu wɔ EWURADZE enyim: na Aaron mbabanyin, asɔfo no, mfa no bɔgyaa mpetse afɔrmbukyia no do nhyia. 12Na ontwitwa no esinesin, nka ne tsir nye ne seradze ho; na ɔsɔfo no nsiesie no yie ngu nyena no a ɔwɔ gya no a ɔwɔ afɔrmbukyia no do no do: 13ayamudze nye ntwɛr no dze ɔmfa nsu nhohor ho ana: na ɔsɔfo no mfa ne nyinara mbra, na ɔmbɛhyew no wɔ afɔrmbukyia no do: ɔyɛ ɔhyew afɔr, mekyerɛ ogya afɔr a oyi nka huanhuam ma EWURADZE.
14Na sɛ n’ayɛyɛdze fi nnoma mu na ɔdze robɔbɔ EWURADZE ɔhyew afɔr a, ɔno ɔmfa ntamram, anaa mborɔnomamba bi nyɛ n’ayɛyɛdze mbra. 15Na ɔsɔfo no mfa mbra afɔrmbukyia no ho, na ɔntsew ne tsir, na ɔnhyew no wɔ afɔrmbukyia no do; na no bɔgyaa no nkyi ngu afɔrmbukyia no ho: 16na onyi no totuaa nka no mu ifi no ho, na ɔntow nkyen afɔrmbukyia no nkyɛn wɔ boka afamu, wɔ mbrɛ nso no gu no: 17na onsuan mu wɔ n’atsaban ho, na mbom mma ɔnntsew mu: na ɔsɔfo no nhyew no wɔ afɔrmbukyia no do, wɔ nyena no a ɔwɔ gya no do no do: ɔyɛ ɔhyew afɔr, mekyerɛ ogya afɔr a oyi nka huanhuam ma EWURADZE.
ទើបបានជ្រើសរើសហើយ៖
Levitikɔs 1: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Levitikɔs 1
1
Ɔhyew Afɔr Ho Nhyehyɛɛ
1Na EWURADZE frɛɛ Moses, na ofii ehyiadzibuw no mu kasaa kyerɛɛ no dɛ, 2Kasa kyerɛ Israelmba, na se hɔn dɛ, Sɛ hom mu nyimpa biara dze ayɛyɛdze rebrɛ EWURADZE a, hom mfa hom fiembowa, a wɔyɛ anantwi nye nguan mu bi, nyɛ hom ayɛyɛdze mbra.
3Sɛ n’ayɛyɛdze yɛ ɔhyew afɔr a ofi anantwi mu a, ɔmfa onyin a onndzii dzɛm mbra ehyiadzibuw no n’abowano, ama aayɛ enyisɔ wɔ EWURADZE enyim ama no. 4Na ɔmfa ne nsa nto ɔhyew afɔr no n’etsifi; na ɔbɔsɔ enyi dɛ mpata ama no. 5Na onku nantwisaa no wɔ EWURADZE enyim: na Aaron mbabanyin, asɔfo no, mfa bɔgya no mbɛkyerɛ, na wɔmfa bɔgya no mpetse afɔrmbukyia no a ɔwɔ ehyiadzibuw no n’abowano no do nhyia. 6Na ɔnyer abowa no, na ontwitwa no esinesin. 7Na ɔsɔfo Aaron ne mbabanyin no mfa nyena ngu afɔrmbukyia no do, na wɔnsɔ gya wɔ do. 8Na Aaron mbabanyin asɔfo no, mfa esinesin no, tsir no, nye seradze no, ngu yie wɔ nyena a ɔsɛw gya no afɔrmbukyia no do no do; 9n’ayamudze nye ne ntwɛr dze ɔmfa nsu nhohor ho ana: na ɔsɔfo no nhyew ne nyinara wɔ afɔrmbukyia no do, ma ɔnyɛ ɔhyew afɔr, mekyerɛ ogya afɔr a oyi nka huanhuam ma EWURADZE.
10Na sɛ n’ayɛyɛdze fi nguankuw, nkɔsɔw anaa mpɔnkye mu a, ɔmfa onyin a onndzii dzɛm mbra. 11Na onku no wɔ afɔrmbukyia no ne nkyɛn mu kwaamu afamu wɔ EWURADZE enyim: na Aaron mbabanyin, asɔfo no, mfa no bɔgyaa mpetse afɔrmbukyia no do nhyia. 12Na ontwitwa no esinesin, nka ne tsir nye ne seradze ho; na ɔsɔfo no nsiesie no yie ngu nyena no a ɔwɔ gya no a ɔwɔ afɔrmbukyia no do no do: 13ayamudze nye ntwɛr no dze ɔmfa nsu nhohor ho ana: na ɔsɔfo no mfa ne nyinara mbra, na ɔmbɛhyew no wɔ afɔrmbukyia no do: ɔyɛ ɔhyew afɔr, mekyerɛ ogya afɔr a oyi nka huanhuam ma EWURADZE.
14Na sɛ n’ayɛyɛdze fi nnoma mu na ɔdze robɔbɔ EWURADZE ɔhyew afɔr a, ɔno ɔmfa ntamram, anaa mborɔnomamba bi nyɛ n’ayɛyɛdze mbra. 15Na ɔsɔfo no mfa mbra afɔrmbukyia no ho, na ɔntsew ne tsir, na ɔnhyew no wɔ afɔrmbukyia no do; na no bɔgyaa no nkyi ngu afɔrmbukyia no ho: 16na onyi no totuaa nka no mu ifi no ho, na ɔntow nkyen afɔrmbukyia no nkyɛn wɔ boka afamu, wɔ mbrɛ nso no gu no: 17na onsuan mu wɔ n’atsaban ho, na mbom mma ɔnntsew mu: na ɔsɔfo no nhyew no wɔ afɔrmbukyia no do, wɔ nyena no a ɔwɔ gya no do no do: ɔyɛ ɔhyew afɔr, mekyerɛ ogya afɔr a oyi nka huanhuam ma EWURADZE.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.