Eksodɔs 39
39
Asɔfontar
(Eksodɔs 28.1-11)
1Na wɔdze bibir, nye ɔberdum, nye serdaa, yɛɛ ntar fɛɛfɛw a wɔdze bɔsom wɔ bea krɔnkrɔn hɔ no, na wɔyɛɛ Aaron ntar krɔnkrɔn no dɛ mbrɛ EWURADZE hyɛɛ Moses no.
2Na ɔdze sika, nye bibir, nye ɔberdum, nye serdaa, nye ndwera fɛɛfɛw a woefira ween egugudo no. 3Na wɔboor sika no tɛtraba, na wotwitwaa no ntseatseaba, dɛ wɔdze robɔfora bibir, nye ɔberdum, nye serdaa, nye ndwera fɛɛfɛw no mu edzi no edwin. 4Wɔyɛɛ ho abatsir ahoma a wɔdze atoa ano ebien no na wɔkaa bɔɔ mu toae. 5Na nkyermu abɔdo a wɔawen a ɔwɔ no do, ma wɔdze abɔ ne nyina do no, ofi ahoma kor no ara mu na ɔtse dɛ n’edwinsa no ara; sika, bibir, nye ɔberdum, nye serdaa, nye ndwera fɛɛfɛw a woefira; dɛ mbrɛ EWURADZE hyɛɛ Moses no.
6Na wosiaan epopobibirbo, sisii sika mbraho mu a, wɔdze nsɔwanokaba nkyerɛwee kyerɛwee, dɛ mbrɛ Israelmba no hɔn edzin tsetsee. 7Na ɔdze bobɔɔ egugudo no n’abatsir ahoma no do ma wɔaayɛ nkaa abo ama Israelmba no; dɛ mbrɛ EWURADZE hyɛɛ Moses no.
Akatabo No Ne Nyɛɛ
(Eksodɔs 28.15-30)
8Na ɔyɛɛ akatabo no, odwimfo pa edwinsa, dɛ mbrɛ egugudo edwuma no tse; sika, bibir, ɔberdum, serdaa, nye ndwera fɛɛfɛw a woefira. 9Ɔyɛ etwaanan; wɔyɛɛ akatabo no mbɔho: ne tsentsen yɛ nsatseama, na ne tɛtɛr nsatseama, ɔyɛ mbɔho ntsi. 10Na wɔdze abo akyerɛpɛn anan sisii mu: kyerɛpɛn a odzi kan no yɛ bɔgyanambo, kratsebo nye ahatawmomonbo kyerɛpɛn. 11Na kyerɛpɛn a otsia ebien no, nserɛmɛmbo, hoabo, nye ɔdɛnkyɛmbo a. 12Na kyerɛpɛn a otsia ebiasa no, ekutuhonbo, aforaforabo nye ɔberdumbo a. 13Na kyerɛpɛn a otsia anan no, sikabereebo, epopobibirbo, nye ahwehwɛbo#39.13 AHWEHWƐBO Hwɛ nkyerɛase no wɔ Eks 28.17. a: ne nsisimu no wɔyɛɛ ho sika mbraho hyiae. 14Na abo no wɔyɛɛ no dɛ mbrɛ Israelmba no hɔn edzin tsetsee, duebien, dɛ mbrɛ hɔn edzin tsetsee; dɛ nsɔwanonkaba nkyerɛwee, baako biara mbrɛ ne dzin tse, dze ma ebusuakuw duebien no. 15Na wɔdze sika mapa yɛɛ akatabo no do ntweaban dɛ ahoma, mbɛsawɔw edwuma. 16Na wɔyɛɛ sika mbraho ebien, nye sika nkaba ebien; na wɔdze nkaba ebien no hyehyɛɛ akatabo no n’ano ebien no do. 17Na wɔdze sika ntweaban a wɔawɔw no mbɛsa ebien no hyehyɛɛ akatabo no n’ano nkaba ebien no mu. 18Na ntweaban a wɔawɔw no mbɛsa ebien no n’ano ebien a aka no, wɔdze toatoaa mbraho ebien no mu, na wɔdze hyehyɛɛ egugudo no n’abatsir ahoma no do wɔ n’enyim afamu. 19Na wɔyɛɛ sika nkaba ebien, na wɔdze hyehyɛɛ akatabo no n’ano ebien do, wɔ ne mfɛn, no mu afamu a ɔba egugudo no ho no. 20Na wɔyɛɛ sika nkaba ebien, na wɔdze hyehyɛɛ egugudo no n’abatsir ahoma ebien no do wɔ ase, wɔ n’enyim afamu, no ntoatoado no nkyɛn, wɔ egugudo no ne nkyermu abɔdo a wɔawen no do. 21Na wɔdze bibir ahoma kyekyeer akatabo no ne nkaba no susuoo egugudo no ne nkaba no mu, dɛ ɔmfam egugudo no ne nkyermu abɔdo a wɔawen no do, amma akatabo no aannsan emmfi egugudo no ho; dɛ mbrɛ EWURADZE hyɛɛ Moses no.
Asɔfontar Nkaa No
(Eksodɔs 28.31-43)
22Na ɔyɛɛ egugudo no ne bataker no tanwemfo edwinsa, ne nyinara bibir ara nko; 23na bataker no ne finimfin otokur no, ɔtse dɛ dadze atar no tokur, wɔdze ɔtamban a wɔawen aban otokur no n’ano ehyia, amma woeennsuan. 24Na bataker no no mbuano no do no wɔyɛɛ bibir, nye ɔberdum, nye serdaa, nye ndwera a woefira pɔmegranate eduaba. 25Na wɔdze sika mapa yɛɛ ndɔndɔmba, na wɔdze ndɔndɔmba no sensɛɛn pɔmegranate eduaba no ne ntamu ne ntamu wɔ bataker no no mbuano no do dze twaa ho hyiae, wɔ pɔmegranate eduaba no ne ntamu ne ntamu; 26adɔmba nye pɔmegranate, adɔmba nye pɔmegranate, wɔ bataker no no mbuano no do ara hyiae, ma wɔdze aasom; dɛ mbrɛ EWURADZE hyɛɛ Moses no.
27Na wɔyɛɛ ndwera fɛɛfɛw ntar a wɔawen no nkyermu maa Aaron, nye ne mbabanyin no, 28nye ndwera fɛɛfɛw asɔfokyɛw, nye ndwera fɛɛfɛw mbɔtsir a ɔyɛ fɛw, nye ndwera ntwontwo a wɔdze ndwera fɛɛfɛw a woefira ayɛ, 29na abɔdo no a wɔdze ndwera fɛɛfɛw a woefira, nye bibir, nye ɔberdum, nye serdaa yɛe, nkyermuwemfo edwinsa a; dɛ mbrɛ Ewuradze hyɛɛ Moses no.
30Na wɔdze sika mapa yɛɛ abɔtsir krɔnkrɔn no ne tɛrba no, na wɔkyerɛɛw do nkyerɛwee dɛ nsɔwanokaba do nkyerɛwee dɛ, KRƆNKRƆN MA EWURADZE. 31Na wɔdze bibir ahoma kyekyeree dze faam asɔfokyɛw no ho sor; dɛ mbrɛ EWURADZE hyɛɛ Moses no.
Moses Kɔ Dwumadzi No Ho Nsera
(Eksodɔs 35.10-19)
32Ehyiadzibuw no ntamadan no ho edwuma nyinara mbrɛ wosii wiei nye yi: na Israelmba no yɛɛ dɛ mbrɛ EWURADZE hyɛɛ Moses no nyinara.
33Na wɔdze ntamadan no brɛɛ Moses, Buw no, nye no ho ndzɛmba nyinara, no nkɔtɔkorba, ne ntaabow, ne mbeabeamu, nye n’edum, nye ne ngyinangyinado; 34na nguannyin nwoma a wɔahyɛ no memen nkatado, nye nsukraman nwoma nkatado, nye ntwamutam nsensɛnho no; 35dasedaka no, nye no mpoma no, nye mbɔbɔrhu egua no; 36pon no, no ho ndzɛmba nyinara, nye kyerɛ edziban no; 37kandzeadua krɔnkrɔn no, ne nkandzea, mekyerɛ nkandzea a wobesiesie esisi do, nye no ho ndzɛmba nyinara, nye kandzea no ngo; 38na sika afɔrmbukyia no, nye ɔserango no, nye eduhuam hyewee huanhuam no, nye Buw no n’abowano nsensɛnho no; 39boran afɔrmbukyia no, nye no boran serɛnkye, no mpoma, nye no ho ndzɛmba nyinara, eguarsɛn no nye ne ntaease; 40dampan no ne nsensɛnho no, n’edum, nye ne ngyinangyinado, nye dampan no n’abotsenano nsensɛnho, n’ahoma, nye no mbɔfondua, nye ntamadan no no som ho ndzɛmba nyinara, dze aama ehyiadzibuw no; 41ntar fɛɛfɛw a wɔdze som wɔ bea krɔnkrɔn hɔ no, ɔsɔfo Aaron ne ntar krɔnkrɔn no, nye ne mbabanyin ntar a wɔdze bedzi asɔfo no. 42Dɛ mbrɛ EWURADZE hyɛɛ Moses nyinara no, dɛmara na Israelmba no yɛɛ edwuma no nyinara. 43Na Moses hwɛɛ edwuma no nyinara, na, hwɛ, wɔayɛ; dɛ mbrɛ EWURADZE hyɛe no, dɛmara so pɛ na wɔyɛe: na Moses hyiraa hɔn.
ទើបបានជ្រើសរើសហើយ៖
Eksodɔs 39: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 39
39
Asɔfontar
(Eksodɔs 28.1-11)
1Na wɔdze bibir, nye ɔberdum, nye serdaa, yɛɛ ntar fɛɛfɛw a wɔdze bɔsom wɔ bea krɔnkrɔn hɔ no, na wɔyɛɛ Aaron ntar krɔnkrɔn no dɛ mbrɛ EWURADZE hyɛɛ Moses no.
2Na ɔdze sika, nye bibir, nye ɔberdum, nye serdaa, nye ndwera fɛɛfɛw a woefira ween egugudo no. 3Na wɔboor sika no tɛtraba, na wotwitwaa no ntseatseaba, dɛ wɔdze robɔfora bibir, nye ɔberdum, nye serdaa, nye ndwera fɛɛfɛw no mu edzi no edwin. 4Wɔyɛɛ ho abatsir ahoma a wɔdze atoa ano ebien no na wɔkaa bɔɔ mu toae. 5Na nkyermu abɔdo a wɔawen a ɔwɔ no do, ma wɔdze abɔ ne nyina do no, ofi ahoma kor no ara mu na ɔtse dɛ n’edwinsa no ara; sika, bibir, nye ɔberdum, nye serdaa, nye ndwera fɛɛfɛw a woefira; dɛ mbrɛ EWURADZE hyɛɛ Moses no.
6Na wosiaan epopobibirbo, sisii sika mbraho mu a, wɔdze nsɔwanokaba nkyerɛwee kyerɛwee, dɛ mbrɛ Israelmba no hɔn edzin tsetsee. 7Na ɔdze bobɔɔ egugudo no n’abatsir ahoma no do ma wɔaayɛ nkaa abo ama Israelmba no; dɛ mbrɛ EWURADZE hyɛɛ Moses no.
Akatabo No Ne Nyɛɛ
(Eksodɔs 28.15-30)
8Na ɔyɛɛ akatabo no, odwimfo pa edwinsa, dɛ mbrɛ egugudo edwuma no tse; sika, bibir, ɔberdum, serdaa, nye ndwera fɛɛfɛw a woefira. 9Ɔyɛ etwaanan; wɔyɛɛ akatabo no mbɔho: ne tsentsen yɛ nsatseama, na ne tɛtɛr nsatseama, ɔyɛ mbɔho ntsi. 10Na wɔdze abo akyerɛpɛn anan sisii mu: kyerɛpɛn a odzi kan no yɛ bɔgyanambo, kratsebo nye ahatawmomonbo kyerɛpɛn. 11Na kyerɛpɛn a otsia ebien no, nserɛmɛmbo, hoabo, nye ɔdɛnkyɛmbo a. 12Na kyerɛpɛn a otsia ebiasa no, ekutuhonbo, aforaforabo nye ɔberdumbo a. 13Na kyerɛpɛn a otsia anan no, sikabereebo, epopobibirbo, nye ahwehwɛbo#39.13 AHWEHWƐBO Hwɛ nkyerɛase no wɔ Eks 28.17. a: ne nsisimu no wɔyɛɛ ho sika mbraho hyiae. 14Na abo no wɔyɛɛ no dɛ mbrɛ Israelmba no hɔn edzin tsetsee, duebien, dɛ mbrɛ hɔn edzin tsetsee; dɛ nsɔwanonkaba nkyerɛwee, baako biara mbrɛ ne dzin tse, dze ma ebusuakuw duebien no. 15Na wɔdze sika mapa yɛɛ akatabo no do ntweaban dɛ ahoma, mbɛsawɔw edwuma. 16Na wɔyɛɛ sika mbraho ebien, nye sika nkaba ebien; na wɔdze nkaba ebien no hyehyɛɛ akatabo no n’ano ebien no do. 17Na wɔdze sika ntweaban a wɔawɔw no mbɛsa ebien no hyehyɛɛ akatabo no n’ano nkaba ebien no mu. 18Na ntweaban a wɔawɔw no mbɛsa ebien no n’ano ebien a aka no, wɔdze toatoaa mbraho ebien no mu, na wɔdze hyehyɛɛ egugudo no n’abatsir ahoma no do wɔ n’enyim afamu. 19Na wɔyɛɛ sika nkaba ebien, na wɔdze hyehyɛɛ akatabo no n’ano ebien do, wɔ ne mfɛn, no mu afamu a ɔba egugudo no ho no. 20Na wɔyɛɛ sika nkaba ebien, na wɔdze hyehyɛɛ egugudo no n’abatsir ahoma ebien no do wɔ ase, wɔ n’enyim afamu, no ntoatoado no nkyɛn, wɔ egugudo no ne nkyermu abɔdo a wɔawen no do. 21Na wɔdze bibir ahoma kyekyeer akatabo no ne nkaba no susuoo egugudo no ne nkaba no mu, dɛ ɔmfam egugudo no ne nkyermu abɔdo a wɔawen no do, amma akatabo no aannsan emmfi egugudo no ho; dɛ mbrɛ EWURADZE hyɛɛ Moses no.
Asɔfontar Nkaa No
(Eksodɔs 28.31-43)
22Na ɔyɛɛ egugudo no ne bataker no tanwemfo edwinsa, ne nyinara bibir ara nko; 23na bataker no ne finimfin otokur no, ɔtse dɛ dadze atar no tokur, wɔdze ɔtamban a wɔawen aban otokur no n’ano ehyia, amma woeennsuan. 24Na bataker no no mbuano no do no wɔyɛɛ bibir, nye ɔberdum, nye serdaa, nye ndwera a woefira pɔmegranate eduaba. 25Na wɔdze sika mapa yɛɛ ndɔndɔmba, na wɔdze ndɔndɔmba no sensɛɛn pɔmegranate eduaba no ne ntamu ne ntamu wɔ bataker no no mbuano no do dze twaa ho hyiae, wɔ pɔmegranate eduaba no ne ntamu ne ntamu; 26adɔmba nye pɔmegranate, adɔmba nye pɔmegranate, wɔ bataker no no mbuano no do ara hyiae, ma wɔdze aasom; dɛ mbrɛ EWURADZE hyɛɛ Moses no.
27Na wɔyɛɛ ndwera fɛɛfɛw ntar a wɔawen no nkyermu maa Aaron, nye ne mbabanyin no, 28nye ndwera fɛɛfɛw asɔfokyɛw, nye ndwera fɛɛfɛw mbɔtsir a ɔyɛ fɛw, nye ndwera ntwontwo a wɔdze ndwera fɛɛfɛw a woefira ayɛ, 29na abɔdo no a wɔdze ndwera fɛɛfɛw a woefira, nye bibir, nye ɔberdum, nye serdaa yɛe, nkyermuwemfo edwinsa a; dɛ mbrɛ Ewuradze hyɛɛ Moses no.
30Na wɔdze sika mapa yɛɛ abɔtsir krɔnkrɔn no ne tɛrba no, na wɔkyerɛɛw do nkyerɛwee dɛ nsɔwanokaba do nkyerɛwee dɛ, KRƆNKRƆN MA EWURADZE. 31Na wɔdze bibir ahoma kyekyeree dze faam asɔfokyɛw no ho sor; dɛ mbrɛ EWURADZE hyɛɛ Moses no.
Moses Kɔ Dwumadzi No Ho Nsera
(Eksodɔs 35.10-19)
32Ehyiadzibuw no ntamadan no ho edwuma nyinara mbrɛ wosii wiei nye yi: na Israelmba no yɛɛ dɛ mbrɛ EWURADZE hyɛɛ Moses no nyinara.
33Na wɔdze ntamadan no brɛɛ Moses, Buw no, nye no ho ndzɛmba nyinara, no nkɔtɔkorba, ne ntaabow, ne mbeabeamu, nye n’edum, nye ne ngyinangyinado; 34na nguannyin nwoma a wɔahyɛ no memen nkatado, nye nsukraman nwoma nkatado, nye ntwamutam nsensɛnho no; 35dasedaka no, nye no mpoma no, nye mbɔbɔrhu egua no; 36pon no, no ho ndzɛmba nyinara, nye kyerɛ edziban no; 37kandzeadua krɔnkrɔn no, ne nkandzea, mekyerɛ nkandzea a wobesiesie esisi do, nye no ho ndzɛmba nyinara, nye kandzea no ngo; 38na sika afɔrmbukyia no, nye ɔserango no, nye eduhuam hyewee huanhuam no, nye Buw no n’abowano nsensɛnho no; 39boran afɔrmbukyia no, nye no boran serɛnkye, no mpoma, nye no ho ndzɛmba nyinara, eguarsɛn no nye ne ntaease; 40dampan no ne nsensɛnho no, n’edum, nye ne ngyinangyinado, nye dampan no n’abotsenano nsensɛnho, n’ahoma, nye no mbɔfondua, nye ntamadan no no som ho ndzɛmba nyinara, dze aama ehyiadzibuw no; 41ntar fɛɛfɛw a wɔdze som wɔ bea krɔnkrɔn hɔ no, ɔsɔfo Aaron ne ntar krɔnkrɔn no, nye ne mbabanyin ntar a wɔdze bedzi asɔfo no. 42Dɛ mbrɛ EWURADZE hyɛɛ Moses nyinara no, dɛmara na Israelmba no yɛɛ edwuma no nyinara. 43Na Moses hwɛɛ edwuma no nyinara, na, hwɛ, wɔayɛ; dɛ mbrɛ EWURADZE hyɛe no, dɛmara so pɛ na wɔyɛe: na Moses hyiraa hɔn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.