Eksodɔs 38
38
Ɔhyew afɔr Afɔrmbukyia No Ne Nyɛɛ
(Eksodɔs 27.1-8)
1Na ɔdze akeesia dua yɛɛ ɔhyew afɔr afɔrmbukyia no: ne tsentsen yɛ basafa ebien nye fa, na ne tɛtɛr basafa ebien nye fa, etwaanan a: na no krɔn basafa kor nye fa. 2Na ɔyɛɛ no ho mmbɛn sisii no kutuw anan no do; ne mmbɛn so fi sin kor no ara mu: na ɔdze boran duraa ho. 3Na ɔyɛɛ afɔrmbukyia no no ho ndzɛmba nyinara, n’asɛn, nye no nsofi, nye no nkɔɔpow, n’edzinam, nye ne gyansenama kukuwa: no ho ndzɛmba nyinara boran na ɔdze yɛe. 4Na ɔween afɔrmbukyia no ho boran serɛnkye a wɔawen no atena, wɔ ne bamba no ho wɔ ase fi famu kodu finimfin. 5Na oguu nkaba anan tuatuaa boran serɛnkye no no kutuw anan no do, dɛ ɔnyɛ mpoma no ne hyɛbew. 6Na ɔdze akeesia dua senseen mpoma no, na ɔdze boran duraduraa ho. 7Na ɔdze poma no hyehyɛɛ nkaba no mu wɔ afɔrmbukyia no ne nkyɛn nkyɛn, ma wɔdze aasoa; ɔdze ntaabow yɛe, no mu da kwan.
8Na ɔdze boran yɛɛ eguarsɛn no, na ne ntaease no so boran a ofi mbaa asomfo a wɔsom wɔ ehyiadzibuw no n’abowano no hɔn nhwehwɛ no mu.
9Na ɔyɛɛ dampan no; pomu afamu a ɔkyerɛ pomu no nye dampan nsensɛnho a wɔdze ndwera fɛɛfɛw a woefira awen a ne tsentsen basafa eduonu enum dzi: 10n’edum yɛ du, nye ne ngyinado du, boran a; edum no no nkwaba nye no mbɔtsir no dwetɛ a. 11Na kwaamu afamu no basafa eduonum, n’edum du, nye ne ngyinado du, boran a; edum no no nkwaba nye no mbɔtsir no dwetɛ a. 12Na anee afamu no ɔyɛɛ nsensɛnho basafa eduonu enum, n’edum du, nye ne ngyinado du; edum no no nkwaba nye no mbɔtsir no dwetɛ a. 13Na boka afamu a ɔkyerɛ boka no basafa eduonu enum. 14Abotsen no n’afa kor nsensɛnho yɛ basafa esuon na fa; n’edum kor na fa, nye ne ngyinado kor na fa; 15na dɛmara wɔ afa kor no so: dampan no ano abotsen no n’afa ha nye n’afa ha nsensɛnho no ɔyɛ basafa esuon na fa; n’edum kor na fa nye ne ngyinado kor na fa. 16Dampan no ne nsensɛnho a etwa ho ehyia nyinara ndwera fɛɛfɛw a woefira na wɔdze yɛe. 17Na edum no ne ngyinado no boran a; edum no no nkwaba nye no mbɔtsir no dwetɛ a; na dampan no n’edum nyinara wɔdze dwetɛ abobɔ no abɔtsir. 18Na dampan no n’abotsen no ano nkataano no, wɔdze bibir, nye ɔberdum, nye serdaa, nye ndwera fɛɛfɛw a woefira ayɛ no nkyermu yɛe: na ne tsentsen yɛ basafa du, na no krɔn wɔ ne tɛtɛr mu no ɔyɛ basafa ebien na fa, ɔtse dɛ dampan no ho nsensɛnho no. 19Na edum no yɛ anan, nye ne ngyinado anan, boran a; no nkwaba dwetɛ a, na n’etsir nduraho nye no mbɔtsir dwetɛ a. 20Na ntamadan no, nye dampan no ho mbɔfondua a etwa ho ehyia no nyinara boran a.
21Iyi nye ntamadan no ho ndzɛmba, no dodow, mekyerɛ dase ntamadan no, dɛ mbrɛ wɔnam Moses mbrasɛm do, dze maa Levifo no hɔn som, wɔnam ɔsɔfo Aaron ne babanyin Itamar ne nsa do buu ano no. 22Na Bezalel, Uri ne ba no, Hur ne ba no a ofi Juda ebusuakuw mu no, yɛɛ dza EWURADZE hyɛɛ Moses no nyinara. 23Na nyia ɔka no ho nye Oholiab, Ahisamak ne ba no a ofi Dan ebusuakuw mu no, ɔbosiamfo, nye nduadwimfo, nye ɔwemfo a odzi bibir, nye ɔberdum, nye serdaa, nye ndwera fɛɛfɛw mu edwin.
24Sika nyinara a wɔdze yɛɛ edwuma wɔ krɔnkrɔnbea no ho edwuma nyinara mu no, mekyerɛ oyima sika no, ɔyɛ talent eduonu akron, nye dwetɛbona ahaesuon eduasa, dɛ mbrɛ krɔnkrɔnbea dwetɛbona no tse. 25#Eks 30.11-16 Na mboanofo no mu hɔn a wɔkaan hɔn no hɔn dwetɛ yɛ kyɛpɛn ɔha, nye dwetɛbona apem ahaesuon eduosuon enum, dɛ mbrɛ krɔnkrɔnbea dwetɛbona no tse: 26#Mat 17.24 itsir kor, biika kor, ɔnye dɛ, dwetɛbona fa, dɛ mbrɛ krɔnkrɔnbea dwetɛbona no tse, obiara a otwaa mu kɔr hɔn a wɔkaan hɔn no mu no, oedzi mfe fi eduonu nye n’ekyir no a wɔyɛ nyimpa mpem ahaesia mpensa ahaenum eduonum no dze nye no. 27Na dwetɛ kyɛpɛn ɔha no wɔdze guu krɔnkrɔnbea ne ngyinado, nye ntwamutam ne ngyinado no; ngyinado ɔha yɛ dwetɛ kyɛpɛn ɔha, dwetɛ kyɛpɛn kor ngyinado kor. 28Na dwetɛbona apem ahaesuon eduosuon enum no, ɔdze yɛɛ edum no no nkwaba no, na ɔdze duraduraa n’etsir ho, na ɔdze yɛɛ no ho mbɔtsir. 29Na oyima boran no ɔyɛ dwetɛ kyɛpɛn eduosuon, nye dwetɛbona mpemebien ahaanan. 30Na ɔno na ɔdze yɛɛ ehyiadzibuw no n’abowano ngyinado no, nye boran afɔrmbukyia no, nye no ho boran serɛnkye no, nye afɔrmbukyia no ho ndzɛmba nyinara, 31nye dampan no ne ngyinado a etwa ho ehyia, nye dampan no n’abotsen ano ngyinado, nye ntamadan no ho mbɔfondua nyinara, nye dampan no no mbɔfondua a etwa ho ehyia nyinara.
ទើបបានជ្រើសរើសហើយ៖
Eksodɔs 38: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 38
38
Ɔhyew afɔr Afɔrmbukyia No Ne Nyɛɛ
(Eksodɔs 27.1-8)
1Na ɔdze akeesia dua yɛɛ ɔhyew afɔr afɔrmbukyia no: ne tsentsen yɛ basafa ebien nye fa, na ne tɛtɛr basafa ebien nye fa, etwaanan a: na no krɔn basafa kor nye fa. 2Na ɔyɛɛ no ho mmbɛn sisii no kutuw anan no do; ne mmbɛn so fi sin kor no ara mu: na ɔdze boran duraa ho. 3Na ɔyɛɛ afɔrmbukyia no no ho ndzɛmba nyinara, n’asɛn, nye no nsofi, nye no nkɔɔpow, n’edzinam, nye ne gyansenama kukuwa: no ho ndzɛmba nyinara boran na ɔdze yɛe. 4Na ɔween afɔrmbukyia no ho boran serɛnkye a wɔawen no atena, wɔ ne bamba no ho wɔ ase fi famu kodu finimfin. 5Na oguu nkaba anan tuatuaa boran serɛnkye no no kutuw anan no do, dɛ ɔnyɛ mpoma no ne hyɛbew. 6Na ɔdze akeesia dua senseen mpoma no, na ɔdze boran duraduraa ho. 7Na ɔdze poma no hyehyɛɛ nkaba no mu wɔ afɔrmbukyia no ne nkyɛn nkyɛn, ma wɔdze aasoa; ɔdze ntaabow yɛe, no mu da kwan.
8Na ɔdze boran yɛɛ eguarsɛn no, na ne ntaease no so boran a ofi mbaa asomfo a wɔsom wɔ ehyiadzibuw no n’abowano no hɔn nhwehwɛ no mu.
9Na ɔyɛɛ dampan no; pomu afamu a ɔkyerɛ pomu no nye dampan nsensɛnho a wɔdze ndwera fɛɛfɛw a woefira awen a ne tsentsen basafa eduonu enum dzi: 10n’edum yɛ du, nye ne ngyinado du, boran a; edum no no nkwaba nye no mbɔtsir no dwetɛ a. 11Na kwaamu afamu no basafa eduonum, n’edum du, nye ne ngyinado du, boran a; edum no no nkwaba nye no mbɔtsir no dwetɛ a. 12Na anee afamu no ɔyɛɛ nsensɛnho basafa eduonu enum, n’edum du, nye ne ngyinado du; edum no no nkwaba nye no mbɔtsir no dwetɛ a. 13Na boka afamu a ɔkyerɛ boka no basafa eduonu enum. 14Abotsen no n’afa kor nsensɛnho yɛ basafa esuon na fa; n’edum kor na fa, nye ne ngyinado kor na fa; 15na dɛmara wɔ afa kor no so: dampan no ano abotsen no n’afa ha nye n’afa ha nsensɛnho no ɔyɛ basafa esuon na fa; n’edum kor na fa nye ne ngyinado kor na fa. 16Dampan no ne nsensɛnho a etwa ho ehyia nyinara ndwera fɛɛfɛw a woefira na wɔdze yɛe. 17Na edum no ne ngyinado no boran a; edum no no nkwaba nye no mbɔtsir no dwetɛ a; na dampan no n’edum nyinara wɔdze dwetɛ abobɔ no abɔtsir. 18Na dampan no n’abotsen no ano nkataano no, wɔdze bibir, nye ɔberdum, nye serdaa, nye ndwera fɛɛfɛw a woefira ayɛ no nkyermu yɛe: na ne tsentsen yɛ basafa du, na no krɔn wɔ ne tɛtɛr mu no ɔyɛ basafa ebien na fa, ɔtse dɛ dampan no ho nsensɛnho no. 19Na edum no yɛ anan, nye ne ngyinado anan, boran a; no nkwaba dwetɛ a, na n’etsir nduraho nye no mbɔtsir dwetɛ a. 20Na ntamadan no, nye dampan no ho mbɔfondua a etwa ho ehyia no nyinara boran a.
21Iyi nye ntamadan no ho ndzɛmba, no dodow, mekyerɛ dase ntamadan no, dɛ mbrɛ wɔnam Moses mbrasɛm do, dze maa Levifo no hɔn som, wɔnam ɔsɔfo Aaron ne babanyin Itamar ne nsa do buu ano no. 22Na Bezalel, Uri ne ba no, Hur ne ba no a ofi Juda ebusuakuw mu no, yɛɛ dza EWURADZE hyɛɛ Moses no nyinara. 23Na nyia ɔka no ho nye Oholiab, Ahisamak ne ba no a ofi Dan ebusuakuw mu no, ɔbosiamfo, nye nduadwimfo, nye ɔwemfo a odzi bibir, nye ɔberdum, nye serdaa, nye ndwera fɛɛfɛw mu edwin.
24Sika nyinara a wɔdze yɛɛ edwuma wɔ krɔnkrɔnbea no ho edwuma nyinara mu no, mekyerɛ oyima sika no, ɔyɛ talent eduonu akron, nye dwetɛbona ahaesuon eduasa, dɛ mbrɛ krɔnkrɔnbea dwetɛbona no tse. 25#Eks 30.11-16 Na mboanofo no mu hɔn a wɔkaan hɔn no hɔn dwetɛ yɛ kyɛpɛn ɔha, nye dwetɛbona apem ahaesuon eduosuon enum, dɛ mbrɛ krɔnkrɔnbea dwetɛbona no tse: 26#Mat 17.24 itsir kor, biika kor, ɔnye dɛ, dwetɛbona fa, dɛ mbrɛ krɔnkrɔnbea dwetɛbona no tse, obiara a otwaa mu kɔr hɔn a wɔkaan hɔn no mu no, oedzi mfe fi eduonu nye n’ekyir no a wɔyɛ nyimpa mpem ahaesia mpensa ahaenum eduonum no dze nye no. 27Na dwetɛ kyɛpɛn ɔha no wɔdze guu krɔnkrɔnbea ne ngyinado, nye ntwamutam ne ngyinado no; ngyinado ɔha yɛ dwetɛ kyɛpɛn ɔha, dwetɛ kyɛpɛn kor ngyinado kor. 28Na dwetɛbona apem ahaesuon eduosuon enum no, ɔdze yɛɛ edum no no nkwaba no, na ɔdze duraduraa n’etsir ho, na ɔdze yɛɛ no ho mbɔtsir. 29Na oyima boran no ɔyɛ dwetɛ kyɛpɛn eduosuon, nye dwetɛbona mpemebien ahaanan. 30Na ɔno na ɔdze yɛɛ ehyiadzibuw no n’abowano ngyinado no, nye boran afɔrmbukyia no, nye no ho boran serɛnkye no, nye afɔrmbukyia no ho ndzɛmba nyinara, 31nye dampan no ne ngyinado a etwa ho ehyia, nye dampan no n’abotsen ano ngyinado, nye ntamadan no ho mbɔfondua nyinara, nye dampan no no mbɔfondua a etwa ho ehyia nyinara.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.