Eksodɔs 31
31
Ehyiadzibuw No Ho Edwumayɛfo
(Eksodɔs 30.35—36.1)
1Na EWURADZE kasaa kyerɛɛ Moses dɛ, 2Hwɛ, mabɔ Bezalel, Uri ba no, Hur ba no a ofi Juda ebusuakuw mu no ne dzin mafrɛ no: 3na medze Nyankopɔn sunsum ahyɛ no ma, wɔ nyansa, nye ntseasee, nye nyimdzee, nye edwindzi ahorow nyinara mu, 4dɛ ɔmfa ndwen ne tsir mu ndzi sika, nye dwetɛ, nye boran, 5nye nsisimu abo ntwitwae, nye ndua sian mu edwin, ma oeedzi edwin horow nyinara. 6Na, hwɛ, mara mafa Oholiab, Ahisamak ba a ofi Dan ebusuakuw mu, aka no ho; na hɔn a wɔwɔ nyansa akoma nyinara medze nyansa ahyɛ hɔn akoma mu ma wɔaayɛ dza mahyɛ wo nyinara: 7ehyiadzibuw no, nye dasedaka no, nye mbɔbɔrhu egua a ɔwɔ do no, nye Buw no no ho ndzɛmba nyinara; 8na ɔpon no nye no ho ndzɛmba, nye kandzeadua mapa no ɔnye no ho ndzɛmba nyinara, nye eduhuamhyew afɔrmbukyia no; 9na ɔhyew afɔr afɔrmbukyia no ɔnye no ho ndzɛmba nyinara, nye eguarsɛn no nye ne ntaease no; 10na ntar fɛɛfɛw a wɔapempam no, nye ɔsɔfo Aaron ne ntar krɔnkrɔn no, nye ne mbabanyin no hɔn ntar no a wɔdze bedzi m’asɔfoe no; 11nye ɔserango no, nye bea krɔnkrɔn nduhuanhuam a wɔahyew no: wɔnyɛ no dɛ mbrɛ mahyɛ wo no nyinara.
12Na EWURADZE kasaa kyerɛɛ Moses dɛ, 13Eso kasa kyerɛ Israelmba no dɛ, Ampaara, m’ahomgyenda no na hom nsie: osiandɛ ɔyɛ emi nye hom ntamu asɛnkyerɛdze wɔ hom mbasantsen nyina mu; ma hom eehu dɛ emi nye EWURADZE a metsew hom ho no. 14Dɛm ntsi hom nsie ahomgyeda no; osiandɛ ɔyɛ krɔnkrɔn ma hom: obiara a ohura ho no, oku na wonku no: na obiara a ɔyɛ edwuma wɔ mu no, wobotwa dɛm ɔkra no efi no nkorɔfo mu akyen. 15#Eks 20.8-11; 23.12; 34.21; 35.2; Lev 23.3; Deut 5.12-14 Nda esia na wɔmfa nyɛ edwuma; na da a otsia esuon no ɔyɛ ahomgye mu ahomgyeda a ɔyɛ krɔnkrɔn ma EWURADZE: obiara a ɔyɛ edwuma biara wɔ ahomgyeda no mu no, oku na wonku no. 16Dɛm ntsi Israelmba no nsie ahomgyeda no, dɛ wɔrodwen ahomgyeda no do wɔ hɔn mbasantsen nyina mu, dɛ daa ahyɛmu. 17#Eks 20.11 Ɔyɛ emi nye Israelmba ntamu daa daa asɛnkyerɛdze: na nda esia na EWURADZE dze yɛɛ ɔsor nye asaase, na da a otsia esuon no ɔhomee na ɔdwedwee noho.
18Na aber a ɔnye Moses wiee nkɔmbɔ twetwe wɔ bepɔw Sinai do no, ɔdze dasepon ebien no maa no, abopon a, wɔdze Nyankopɔn nsatseaba akyerɛw do.
ទើបបានជ្រើសរើសហើយ៖
Eksodɔs 31: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 31
31
Ehyiadzibuw No Ho Edwumayɛfo
(Eksodɔs 30.35—36.1)
1Na EWURADZE kasaa kyerɛɛ Moses dɛ, 2Hwɛ, mabɔ Bezalel, Uri ba no, Hur ba no a ofi Juda ebusuakuw mu no ne dzin mafrɛ no: 3na medze Nyankopɔn sunsum ahyɛ no ma, wɔ nyansa, nye ntseasee, nye nyimdzee, nye edwindzi ahorow nyinara mu, 4dɛ ɔmfa ndwen ne tsir mu ndzi sika, nye dwetɛ, nye boran, 5nye nsisimu abo ntwitwae, nye ndua sian mu edwin, ma oeedzi edwin horow nyinara. 6Na, hwɛ, mara mafa Oholiab, Ahisamak ba a ofi Dan ebusuakuw mu, aka no ho; na hɔn a wɔwɔ nyansa akoma nyinara medze nyansa ahyɛ hɔn akoma mu ma wɔaayɛ dza mahyɛ wo nyinara: 7ehyiadzibuw no, nye dasedaka no, nye mbɔbɔrhu egua a ɔwɔ do no, nye Buw no no ho ndzɛmba nyinara; 8na ɔpon no nye no ho ndzɛmba, nye kandzeadua mapa no ɔnye no ho ndzɛmba nyinara, nye eduhuamhyew afɔrmbukyia no; 9na ɔhyew afɔr afɔrmbukyia no ɔnye no ho ndzɛmba nyinara, nye eguarsɛn no nye ne ntaease no; 10na ntar fɛɛfɛw a wɔapempam no, nye ɔsɔfo Aaron ne ntar krɔnkrɔn no, nye ne mbabanyin no hɔn ntar no a wɔdze bedzi m’asɔfoe no; 11nye ɔserango no, nye bea krɔnkrɔn nduhuanhuam a wɔahyew no: wɔnyɛ no dɛ mbrɛ mahyɛ wo no nyinara.
12Na EWURADZE kasaa kyerɛɛ Moses dɛ, 13Eso kasa kyerɛ Israelmba no dɛ, Ampaara, m’ahomgyenda no na hom nsie: osiandɛ ɔyɛ emi nye hom ntamu asɛnkyerɛdze wɔ hom mbasantsen nyina mu; ma hom eehu dɛ emi nye EWURADZE a metsew hom ho no. 14Dɛm ntsi hom nsie ahomgyeda no; osiandɛ ɔyɛ krɔnkrɔn ma hom: obiara a ohura ho no, oku na wonku no: na obiara a ɔyɛ edwuma wɔ mu no, wobotwa dɛm ɔkra no efi no nkorɔfo mu akyen. 15#Eks 20.8-11; 23.12; 34.21; 35.2; Lev 23.3; Deut 5.12-14 Nda esia na wɔmfa nyɛ edwuma; na da a otsia esuon no ɔyɛ ahomgye mu ahomgyeda a ɔyɛ krɔnkrɔn ma EWURADZE: obiara a ɔyɛ edwuma biara wɔ ahomgyeda no mu no, oku na wonku no. 16Dɛm ntsi Israelmba no nsie ahomgyeda no, dɛ wɔrodwen ahomgyeda no do wɔ hɔn mbasantsen nyina mu, dɛ daa ahyɛmu. 17#Eks 20.11 Ɔyɛ emi nye Israelmba ntamu daa daa asɛnkyerɛdze: na nda esia na EWURADZE dze yɛɛ ɔsor nye asaase, na da a otsia esuon no ɔhomee na ɔdwedwee noho.
18Na aber a ɔnye Moses wiee nkɔmbɔ twetwe wɔ bepɔw Sinai do no, ɔdze dasepon ebien no maa no, abopon a, wɔdze Nyankopɔn nsatseaba akyerɛw do.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.