Eksodɔs 13
13
Wotu Mbakan Si Hɔ Ma EWURADZE
1Na EWURADZE kaa kyerɛɛ Moses dɛ, 2#Nka 3.13; Luk 2.23 Tu mbakan nyinara si nkyɛn ma me, adze biara a obue yafun mu, wɔ Israelmba mu, wɔ onyimpa nye abowa mu nyinara; yɛ medze.
Epitsi Afahyɛ
3Na Moses see ɔman no dɛ, Hom nkaa da yi a hom dze fii Egypt firii, fii nkowaasom fi mu no; na nsa a ɔyɛ dzen na EWURADZE dze yii hom fii bea no do: mma wonndzi mbɔrkaw boodoo. 4Ndɛ da yi na hom rifir edzi wɔ bosoom Abib mu. 5Na ɔbɛba dɛ sɛ EWURADZE nya dze wo du Keenanfo, Hitifo, Amorifo, Hivifo, nye Jebusfo asaase a ɔkaa ho ntam kyerɛɛ w’egyanom dɛ ɔdze bɛma wo no, asaase a numfonsu nye ewo pem wɔ do no do a, ɔno som ɔsom yi wɔ bosoom yi mu. 6Nda esuon na dzi epitsi boodoo, na da a otsia esuon no bɛyɛ afahyɛ ama EWURADZE. 7Wondzi epitsi boodoo nda esuon no mu nyina; na mma wonnhu mbɔrkaw boodoo wɔ wo nkyɛn, nkyii so mma wonnhu mbɔrkaw wɔ wo nkyɛn, wɔ wo ntoaado nyinara mu. 8Na da no kyerɛ mu kyerɛ wo ba dɛ, Osian dza EWURADZE yɛe maa me wɔ ber a mirifi Egypt aba no ntsi a. 9Na ɔbɛyɛ wo wo nsa do asɛnkyerɛdze, na w’enyiwa ntamu nkaadze, ama EWURADZE mbra no aako w’anomu: na nsa a ɔyɛ dzen na EWURADZE dze eyi wo efi Egypt. 10Dɛm ntsi dzi mbra yi do wɔ ne ber mu afrenhyia daa.
11Na ɔbɛba dɛ sɛ EWURADZE dze wo du Keenanfo asaase do, dɛ mbrɛ ɔkaa ntam kyerɛɛ ɔwo nye w’egyanom no, na ɔdze ma wo a, 12ɔno yi dza obue yafun mu nyinara si nkyɛn ma EWURADZE, na abakan biara a ewɔ a ofi abowa mu: enyin no nyɛ EWURADZE dze. 13Na asoasopɔnkɔ abakan biara fa eguambaa sesa; na sɛ annsesa a, ɔno bu no kɔn mu; na nyimpa mbakan a wɔwɔ wo mbabanyin mu nyinara dze sesa gye hɔn. 14Na ɔbɛba dɛ sɛ ndaamba bi wo ba bisa wo dɛ, Ebɛnadze nye yi a, ase no dɛ, Nsa a ɔyɛ dzen na EWURADZE dze yii hɛn fii Egypt, fii nkowaasom fi no mu. 15Na ɔbaa dɛ, aber a nna Farao mmpen dɛ ɔbɛma yɛakɔ no, EWURADZE kunkum Egypt asaase do mbakan nyinara, nyimpa abakan, nye mbowa abakan nyina: dɛm ntsi na mo so medze enyin nyinara a wobue yafun mu no mobɔ EWURADZE afɔr; na me mbabanyin mu mbakan nyinara dze medze mbowa sesa gye hɔn. 16Na ɔbɛyɛ wo nsa do asɛnkyerɛdze, nye w’enyiwa ntamu nkaadze: na nsa a ɔyɛ dzen na EWURADZE dze yii hɛn fii Egypt.
Ogya Na Mununkum Fadum
17Na ɔbaa dɛ, Farao maa ɔman no kwan no, Nyankopɔn ammfa hɔn annkɛfa Filistiafo asaase do kwan do, kaansa ɔno ɔbɛn mpo a; na Nyankopɔn see dɛ, Bi a bɛyɛ na ɔman no ekehyia ɔsa, na woenu hɔnho, na wɔasan akɔ Egypt: 18mbom Nyankopɔn dze ɔman no danee faa Mbɛw Po no ho sar do ɔkwan do; na Israelmba no miae fii Egypt asaase do kɔree. 19#Gye 50.25; Jos 24.32 Na Moses faa Josef mbiew no kaa no ho: osiandɛ ɔaka Israelmba ntam dɛ, Ampaara Nyankopɔn bɛba abɛsera hom; na hom mfa me mbiew nka hom ho mfi ha nkɔ. 20Na wotuu hɔn kwan fii Sukɔt, na wɔkɛkyeer nsera wɔ Etam, wɔ sar no ano. 21Na EWURADZE dzii hɔn enyim ewimbir wɔ mununkum dum mu, dɛ ɔrekyerɛ hɔn kwan; na anadwe wɔ gya dum mu, dɛ ɔrema hɔn kan; ama wɔaanantsew ewiaber nye anadwe: 22ewiaber mununkum dum no, nye anadwe gya dum no, wɔanntwe hɔnho emmfi ɔman no enyim.
ទើបបានជ្រើសរើសហើយ៖
Eksodɔs 13: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 13
13
Wotu Mbakan Si Hɔ Ma EWURADZE
1Na EWURADZE kaa kyerɛɛ Moses dɛ, 2#Nka 3.13; Luk 2.23 Tu mbakan nyinara si nkyɛn ma me, adze biara a obue yafun mu, wɔ Israelmba mu, wɔ onyimpa nye abowa mu nyinara; yɛ medze.
Epitsi Afahyɛ
3Na Moses see ɔman no dɛ, Hom nkaa da yi a hom dze fii Egypt firii, fii nkowaasom fi mu no; na nsa a ɔyɛ dzen na EWURADZE dze yii hom fii bea no do: mma wonndzi mbɔrkaw boodoo. 4Ndɛ da yi na hom rifir edzi wɔ bosoom Abib mu. 5Na ɔbɛba dɛ sɛ EWURADZE nya dze wo du Keenanfo, Hitifo, Amorifo, Hivifo, nye Jebusfo asaase a ɔkaa ho ntam kyerɛɛ w’egyanom dɛ ɔdze bɛma wo no, asaase a numfonsu nye ewo pem wɔ do no do a, ɔno som ɔsom yi wɔ bosoom yi mu. 6Nda esuon na dzi epitsi boodoo, na da a otsia esuon no bɛyɛ afahyɛ ama EWURADZE. 7Wondzi epitsi boodoo nda esuon no mu nyina; na mma wonnhu mbɔrkaw boodoo wɔ wo nkyɛn, nkyii so mma wonnhu mbɔrkaw wɔ wo nkyɛn, wɔ wo ntoaado nyinara mu. 8Na da no kyerɛ mu kyerɛ wo ba dɛ, Osian dza EWURADZE yɛe maa me wɔ ber a mirifi Egypt aba no ntsi a. 9Na ɔbɛyɛ wo wo nsa do asɛnkyerɛdze, na w’enyiwa ntamu nkaadze, ama EWURADZE mbra no aako w’anomu: na nsa a ɔyɛ dzen na EWURADZE dze eyi wo efi Egypt. 10Dɛm ntsi dzi mbra yi do wɔ ne ber mu afrenhyia daa.
11Na ɔbɛba dɛ sɛ EWURADZE dze wo du Keenanfo asaase do, dɛ mbrɛ ɔkaa ntam kyerɛɛ ɔwo nye w’egyanom no, na ɔdze ma wo a, 12ɔno yi dza obue yafun mu nyinara si nkyɛn ma EWURADZE, na abakan biara a ewɔ a ofi abowa mu: enyin no nyɛ EWURADZE dze. 13Na asoasopɔnkɔ abakan biara fa eguambaa sesa; na sɛ annsesa a, ɔno bu no kɔn mu; na nyimpa mbakan a wɔwɔ wo mbabanyin mu nyinara dze sesa gye hɔn. 14Na ɔbɛba dɛ sɛ ndaamba bi wo ba bisa wo dɛ, Ebɛnadze nye yi a, ase no dɛ, Nsa a ɔyɛ dzen na EWURADZE dze yii hɛn fii Egypt, fii nkowaasom fi no mu. 15Na ɔbaa dɛ, aber a nna Farao mmpen dɛ ɔbɛma yɛakɔ no, EWURADZE kunkum Egypt asaase do mbakan nyinara, nyimpa abakan, nye mbowa abakan nyina: dɛm ntsi na mo so medze enyin nyinara a wobue yafun mu no mobɔ EWURADZE afɔr; na me mbabanyin mu mbakan nyinara dze medze mbowa sesa gye hɔn. 16Na ɔbɛyɛ wo nsa do asɛnkyerɛdze, nye w’enyiwa ntamu nkaadze: na nsa a ɔyɛ dzen na EWURADZE dze yii hɛn fii Egypt.
Ogya Na Mununkum Fadum
17Na ɔbaa dɛ, Farao maa ɔman no kwan no, Nyankopɔn ammfa hɔn annkɛfa Filistiafo asaase do kwan do, kaansa ɔno ɔbɛn mpo a; na Nyankopɔn see dɛ, Bi a bɛyɛ na ɔman no ekehyia ɔsa, na woenu hɔnho, na wɔasan akɔ Egypt: 18mbom Nyankopɔn dze ɔman no danee faa Mbɛw Po no ho sar do ɔkwan do; na Israelmba no miae fii Egypt asaase do kɔree. 19#Gye 50.25; Jos 24.32 Na Moses faa Josef mbiew no kaa no ho: osiandɛ ɔaka Israelmba ntam dɛ, Ampaara Nyankopɔn bɛba abɛsera hom; na hom mfa me mbiew nka hom ho mfi ha nkɔ. 20Na wotuu hɔn kwan fii Sukɔt, na wɔkɛkyeer nsera wɔ Etam, wɔ sar no ano. 21Na EWURADZE dzii hɔn enyim ewimbir wɔ mununkum dum mu, dɛ ɔrekyerɛ hɔn kwan; na anadwe wɔ gya dum mu, dɛ ɔrema hɔn kan; ama wɔaanantsew ewiaber nye anadwe: 22ewiaber mununkum dum no, nye anadwe gya dum no, wɔanntwe hɔnho emmfi ɔman no enyim.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.