Eksodɔs 12
12
Apaho
1 #
Lev 23.5; Nka 9.1-5; 28.16; Deut 16.1, 2 Na EWURADZE kasaa kyerɛɛ Moses nye Aaron wɔ Egypt asaase do dɛ, 2Bosoom yi bɛyɛ abosoom ahyɛse ama hom: ɔbɛyɛ afrenhyia mu bosoom a odzi kan ama hom. 3Hom nkasa nkyerɛ Israel mboanofo no nyinara dɛ, Bosoom yi ne da a otsia du no mu, wɔmfefa nguambaa nkorkor, dɛ mbrɛ hom egyanom efiefi tsetsee, fie kor eguambaa kor: 4na sɛ ofidua no suar dodow dze ma eguambaa kor a, ɔno wɔmma ɔnye ne nyɛnko a ɔbɛn ne fi mfa kor dɛ mbrɛ akra no hɔn dodow tse; dɛ mbrɛ nyimpa biara n’edzidzi tse no, na hom mfa mbu eguambaa no ano. 5Hom eguambaa nyɛ dza onndzi dzɛm, onyin a oedzi afrenhyia a: hom nyi no wɔ nkɔsɔw anaa mpɔnkye mu: 6na hom mfa no nsie ma onkodu bosoom kor no ara ne da a otsia duanan no: na Israel mboanofo kuw no nyina nkuku hɔn ewimbir. 7Na wɔmfa bɔgya no bi, na wɔmfa nsera efi a wobedzi no wɔ mu no n’apondua ebien no nye mpondua etsifi no ho. 8Na wondzi nam no anadwe no ara, wɔmfa gya ntoto, na wɔmfa epitsi boodoo, nye fan wenwen ndzi. 9Mma wonndzi no amon, nkyii so mma wɔmmfa nsu nnoa, mbom wɔmfa gya ntoto; ne tsir nye no ntwɛr na ɔnye n’ayamudze no. 10Na mma hom mma no ho biribiara nnka ma adze nnkye do; na dza ɔbɛka ma adze akye do no hom mfa gya nhyew. 11Na mbrɛ hom ndzi no nye yi; hom mbobɔ hom asen do, hom mpaboa nhyehyɛ hom anan, na hom mpoma nkitsakitsa hom nsamu: na hom ndzi no ɔhar do: ɔyɛ EWURADZE apaho. 12Osiandɛ mubotwa mu wɔ Egypt asaase do anadwe no, na muboku Egypt asaase do mbakan nyinara, nyimpa nye mbowa nyina; na mubobu Egypt enyame nyinara ntsɛn: emi nye EWURADZE. 13Na bɔgya no bɛyɛ asɛnkyerɛdze ama hom wɔ efi a hom wɔ mu no ho: na sɛ muhu mbɔgya no a, mebɛpa hom ho, na ɔyardɔm bi nnkɛba hom do abɛsɛɛ hom, sɛ morobɔbɔ Egypt asaase no a.
14 #
Eks 23.15; 34.18; Lev 23.6-8; Nka 28.17-25; Deut 16.3-8 Na da yi nyɛ nkaa mma hom, na hom nhyɛ no fa mma EWURADZE: hom mfa mbra do nyɛ no afahyɛ wɔ hom ebusuasantsen mu daa. 15Nda esuon na hom ndzi epitsi boodoo; da a odzi kan no ara na hom nyi mbɔrkaw mfi hom efiefi: na obiara a obedzi mbɔrkaw boodoo ofitsi da a odzi kan no do dze kodu da a otsia esuon no do no, ɔkra no wobotwa no efi Israel. 16Na da a odzi kan no hom nyɛ no nhyiamu krɔnkrɔn, na da a otsia esuon no so nhyiamu krɔnkrɔn; mma wɔnnyɛ edwuma biara wɔ mu, gyedɛ dza nyimpa biara bedzi nko na hom nyɛ. 17Na hom ndwen epitsi afahyɛ no do; na dɛm da yi ara so na miyii hom dɔm no mifii Egypt asaase do: dɛm ntsi hom ndwen da yi do wɔ hom ebusuasantsen mu nyɛ no mbra daa. 18Bosoom a odzi kan no mu, bosoom no mu da a otsia duanan ewimbir no, na hom ndzi epitsi ma onkodu bosoom no mu da a otsia eduonu biako ewimbir. 19Nda esuon na mma mma wonnhu mbɔrkaw wɔ hom efi mu: na obiara a obedzi dza ɔaka no, ɔkra no wobotwa no efi Israel mboanofo mu, sɛ ɔyɛ ɔmamforanyi o, obi a wɔwoo no wɔ asaase no do o. 20Mma hom nndzi biribiara a akaw; hom ndzi epitsi wɔ hom tsenabew nyinara.
21Nna Moses frɛɛ Israel mpanyimfo nyinara, na ɔsee hɔn dɛ, Hom nkɔ nkeyiyi nguambaa dɛ mbrɛ hom ebusua tsetsee, na hom nku apaho no. 22Na hom mfa odwonhataw (hisɔp) #12.22 HISƆP:Dua bi a nna wɔdze n’ahataw yɛ ahosan atɔrmuadze wɔ Egypt. siaw, na hom mfa mbɔ bɔgya a ɔwɔ bɛɛsen no mu no mu, na hom mfa bɔgya a ɔwɔ bɛɛsen no mu no bi mpetse mpondua etsifi nye apondua ebien no ho; na mma hom mu obiara mmfir edzi mmfi ne fie abowano ma onkodu anapa. 23#Heb 11.28 Na EWURADZE botwa mu abɔbɔ Egyptfo; na sɛ ohu bɔgya no wɔ mpondua etsifi, nye apondua ebien no ho a, EWURADZE bɛpa ɔpon no ho, na ɔnnkɛma ɔsɛɛfo no kwan ma ɔaaba hom efi mu abɔbobɔ hom. 24Na hom ndwen iyi do ma ɔnyɛ mbra mma ɔwo nye wo mba daa. 25Na ɔbɛba dɛ, sɛ hom du asaase a EWURADZE dze bɛma hom no do, dɛ mbrɛ ɔabɔ anohoba no a, ɔno hom ndzi ɔsom yi do. 26Na ɔbɛba dɛ, sɛ hom mba bisa hom dɛ, Hom som yi ase nye dɛn? 27Ɔno hom nse dɛ, Ɔyɛ EWURADZE n’apaho afɔrbɔdze, nyia ɔpaa Israelmba hɔn efi ho wɔ Egypt, wɔ aber a ɔbɔɔ Egyptfo, na oyii hɛn efi fii mu no. Na ɔman no bɔɔ hɔn tsir adze na wɔsɔree. 28Na Israelmba kɔree kɛyɛɛ dɛ mbrɛ EWURADZE hyɛɛ Moses nye Aaron no.
Mbakamba Hɔn Wu
29 #
Eks 4.23
Na ɔbaa dɛ esuom no, EWURADZE bɔbɔɔ Egypt asaase do mbakan nyinara, ofi Farao n’abakan a ɔtsena n’ahengua do no do dze kodu adaduadan mu ndɔmmum n’abakan do; nye ofiembowa mbakan nyinara. 30Na Farao soɛɛr anadwe no ara, ɔno, nye no nkowaa nyinara, nye Egyptfo nyinara: na su kɛse baa Egypt; osiandɛ fie biara nnyi hɔ a obi ennwu wɔ mu. 31Na ɔfrɛɛ Moses nye Aaron anadwe, na ɔsee dɛ, Hom nsoɛr, hom mfi me man mu mfir, hom nye Israelmba no nyina; na hom nkɔ nkɔsom EWURADZE, dɛ mbrɛ hom aka no. 32Hom mfa hom nguan nye hom anantwi so, dɛ mbrɛ hom aka no, na hom nkɔ; na hom nhyira mo so. 33Na Egyptfo no piapiaa ɔman no dɛ wɔrepam hɔn ntsɛm efi asaase no do; na wɔsee dɛ, Hɛn nyinara ayɛ ewufo ara nye no. 34Na ɔman no fefaa hɔn mbɔr ansaana ɔrekaw, hɔn mbɔrakorow no wɔakyekyer no wɔ hɔn atam mu sisi hɔn kɔn ho. 35#Eks 3.21, 22 Na Israelmba no yɛɛ dɛ mbrɛ Moses kae no; na wobisabisaa dwetɛ ndwindze, nye sika ndwindze, nye atam wɔ Egyptfo hɔ: 36na EWURADZE maa ɔman no enyimpa wɔ Egyptfo no enyim, ma wɔmaa hɔn nsa kaa dza wobisae no. Na wɔfoom Egyptfo egyapadze kɔree.
Israelmba No Fi Egypt
37Na Israelmba no sii mu fii Rameses kɔr Sukɔt, mbanyin ara a wɔnam famu bɛyɛ mpem ahaesia, a mbofraba nnka ho. 38Na aforafora dɔm so nye hɔn kɔree; na nguan, na anantwi, mekyerɛ ofiembowa piigyan. 39Na wɔdze mbɔr a wɔdze fi Egypt bae no totoo epitsi tatar, nna ɔnnkawee; osiandɛ wɔpaam hɔn fii Egypt ntsi, na woenntum enntsinntsim, nkyii so woennsiesie edzidzidze biara amma hɔnho. 40#Gye 15.13; Gal 3.17 Afei tsena a Israelmba dze tsenaa Egypt no yɛ mfe ahaanan eduasa. 41Na ɔbaa dɛ mfe ahaanan eduasa no n’ewiei no, mekyerɛ da kor no ara, EWURADZE no dɔm nyinara tui fii Egypt asaase do. 42Ɔyɛ anadwe a ɔwɔ dɛ wɔhyɛ no nsew ma EWURADZE dɛ oyii hɔn fii Egypt asaase do: iyi nye EWURADZE n’anadwe no a wɔhyɛ no nsew wɔ Israelmba nyinara mu wɔ hɔn ebusuasantsen nyina mu no.
Apaho No Ho Nhyehyɛɛ
43Na EWURADZE see Moses nye Aaron dɛ, Iyi nye apaho no ho mbra no: ɔnanaben biara nndzi bi: 44na nyimpa biara n’akowaa a ɔdze sika atɔ no no dze, sɛ etwa no twatsia a, ɔno ondzi bi. 45Mma ɔmamforanyi nye akowaa ɔpaanyi nndzi bi. 46#Nka 9.12; Joh 19.36 Ofi kor mu na wondzi; mma mmfa nam no bi mmfi fie no mu mmpue; nkyii so mma hom mmbu ne biew bi. 47Israel mboanofo nyinara ndzi do. 48Na sɛ ɔhɔho bi bɛnye wo tsena, na ɔpɛ dɛ odzi apaho no ma EWURADZE a, ma wontwa ne mbarimba nyinara twatsia, na nkyii ɔntwe mbɛn na ombedzi; na ɔnyɛ dɛ nyia wɔawo no asaase no do: monomonomnyi biara dze mma onndzi bi. 49Mbra kor na ɔnda hɔ mma nyia ɔyɛ okuromnyi, nye ɔhɔho a ɔtsena hom mu. 50Na Israelmba nyinara yɛɛ dɛm; dɛ mbrɛ EWURADZE hyɛɛ Moses nye Aaron no, dɛmara so na wɔyɛe. 51Na ɔbaa dɛ da kor no ara, EWURADZE yii Israelmba no fii Egypt asaase do dɛ mbrɛ hɔn dɔm tsetsee.
ទើបបានជ្រើសរើសហើយ៖
Eksodɔs 12: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 12
12
Apaho
1 #
Lev 23.5; Nka 9.1-5; 28.16; Deut 16.1, 2 Na EWURADZE kasaa kyerɛɛ Moses nye Aaron wɔ Egypt asaase do dɛ, 2Bosoom yi bɛyɛ abosoom ahyɛse ama hom: ɔbɛyɛ afrenhyia mu bosoom a odzi kan ama hom. 3Hom nkasa nkyerɛ Israel mboanofo no nyinara dɛ, Bosoom yi ne da a otsia du no mu, wɔmfefa nguambaa nkorkor, dɛ mbrɛ hom egyanom efiefi tsetsee, fie kor eguambaa kor: 4na sɛ ofidua no suar dodow dze ma eguambaa kor a, ɔno wɔmma ɔnye ne nyɛnko a ɔbɛn ne fi mfa kor dɛ mbrɛ akra no hɔn dodow tse; dɛ mbrɛ nyimpa biara n’edzidzi tse no, na hom mfa mbu eguambaa no ano. 5Hom eguambaa nyɛ dza onndzi dzɛm, onyin a oedzi afrenhyia a: hom nyi no wɔ nkɔsɔw anaa mpɔnkye mu: 6na hom mfa no nsie ma onkodu bosoom kor no ara ne da a otsia duanan no: na Israel mboanofo kuw no nyina nkuku hɔn ewimbir. 7Na wɔmfa bɔgya no bi, na wɔmfa nsera efi a wobedzi no wɔ mu no n’apondua ebien no nye mpondua etsifi no ho. 8Na wondzi nam no anadwe no ara, wɔmfa gya ntoto, na wɔmfa epitsi boodoo, nye fan wenwen ndzi. 9Mma wonndzi no amon, nkyii so mma wɔmmfa nsu nnoa, mbom wɔmfa gya ntoto; ne tsir nye no ntwɛr na ɔnye n’ayamudze no. 10Na mma hom mma no ho biribiara nnka ma adze nnkye do; na dza ɔbɛka ma adze akye do no hom mfa gya nhyew. 11Na mbrɛ hom ndzi no nye yi; hom mbobɔ hom asen do, hom mpaboa nhyehyɛ hom anan, na hom mpoma nkitsakitsa hom nsamu: na hom ndzi no ɔhar do: ɔyɛ EWURADZE apaho. 12Osiandɛ mubotwa mu wɔ Egypt asaase do anadwe no, na muboku Egypt asaase do mbakan nyinara, nyimpa nye mbowa nyina; na mubobu Egypt enyame nyinara ntsɛn: emi nye EWURADZE. 13Na bɔgya no bɛyɛ asɛnkyerɛdze ama hom wɔ efi a hom wɔ mu no ho: na sɛ muhu mbɔgya no a, mebɛpa hom ho, na ɔyardɔm bi nnkɛba hom do abɛsɛɛ hom, sɛ morobɔbɔ Egypt asaase no a.
14 #
Eks 23.15; 34.18; Lev 23.6-8; Nka 28.17-25; Deut 16.3-8 Na da yi nyɛ nkaa mma hom, na hom nhyɛ no fa mma EWURADZE: hom mfa mbra do nyɛ no afahyɛ wɔ hom ebusuasantsen mu daa. 15Nda esuon na hom ndzi epitsi boodoo; da a odzi kan no ara na hom nyi mbɔrkaw mfi hom efiefi: na obiara a obedzi mbɔrkaw boodoo ofitsi da a odzi kan no do dze kodu da a otsia esuon no do no, ɔkra no wobotwa no efi Israel. 16Na da a odzi kan no hom nyɛ no nhyiamu krɔnkrɔn, na da a otsia esuon no so nhyiamu krɔnkrɔn; mma wɔnnyɛ edwuma biara wɔ mu, gyedɛ dza nyimpa biara bedzi nko na hom nyɛ. 17Na hom ndwen epitsi afahyɛ no do; na dɛm da yi ara so na miyii hom dɔm no mifii Egypt asaase do: dɛm ntsi hom ndwen da yi do wɔ hom ebusuasantsen mu nyɛ no mbra daa. 18Bosoom a odzi kan no mu, bosoom no mu da a otsia duanan ewimbir no, na hom ndzi epitsi ma onkodu bosoom no mu da a otsia eduonu biako ewimbir. 19Nda esuon na mma mma wonnhu mbɔrkaw wɔ hom efi mu: na obiara a obedzi dza ɔaka no, ɔkra no wobotwa no efi Israel mboanofo mu, sɛ ɔyɛ ɔmamforanyi o, obi a wɔwoo no wɔ asaase no do o. 20Mma hom nndzi biribiara a akaw; hom ndzi epitsi wɔ hom tsenabew nyinara.
21Nna Moses frɛɛ Israel mpanyimfo nyinara, na ɔsee hɔn dɛ, Hom nkɔ nkeyiyi nguambaa dɛ mbrɛ hom ebusua tsetsee, na hom nku apaho no. 22Na hom mfa odwonhataw (hisɔp) #12.22 HISƆP:Dua bi a nna wɔdze n’ahataw yɛ ahosan atɔrmuadze wɔ Egypt. siaw, na hom mfa mbɔ bɔgya a ɔwɔ bɛɛsen no mu no mu, na hom mfa bɔgya a ɔwɔ bɛɛsen no mu no bi mpetse mpondua etsifi nye apondua ebien no ho; na mma hom mu obiara mmfir edzi mmfi ne fie abowano ma onkodu anapa. 23#Heb 11.28 Na EWURADZE botwa mu abɔbɔ Egyptfo; na sɛ ohu bɔgya no wɔ mpondua etsifi, nye apondua ebien no ho a, EWURADZE bɛpa ɔpon no ho, na ɔnnkɛma ɔsɛɛfo no kwan ma ɔaaba hom efi mu abɔbobɔ hom. 24Na hom ndwen iyi do ma ɔnyɛ mbra mma ɔwo nye wo mba daa. 25Na ɔbɛba dɛ, sɛ hom du asaase a EWURADZE dze bɛma hom no do, dɛ mbrɛ ɔabɔ anohoba no a, ɔno hom ndzi ɔsom yi do. 26Na ɔbɛba dɛ, sɛ hom mba bisa hom dɛ, Hom som yi ase nye dɛn? 27Ɔno hom nse dɛ, Ɔyɛ EWURADZE n’apaho afɔrbɔdze, nyia ɔpaa Israelmba hɔn efi ho wɔ Egypt, wɔ aber a ɔbɔɔ Egyptfo, na oyii hɛn efi fii mu no. Na ɔman no bɔɔ hɔn tsir adze na wɔsɔree. 28Na Israelmba kɔree kɛyɛɛ dɛ mbrɛ EWURADZE hyɛɛ Moses nye Aaron no.
Mbakamba Hɔn Wu
29 #
Eks 4.23
Na ɔbaa dɛ esuom no, EWURADZE bɔbɔɔ Egypt asaase do mbakan nyinara, ofi Farao n’abakan a ɔtsena n’ahengua do no do dze kodu adaduadan mu ndɔmmum n’abakan do; nye ofiembowa mbakan nyinara. 30Na Farao soɛɛr anadwe no ara, ɔno, nye no nkowaa nyinara, nye Egyptfo nyinara: na su kɛse baa Egypt; osiandɛ fie biara nnyi hɔ a obi ennwu wɔ mu. 31Na ɔfrɛɛ Moses nye Aaron anadwe, na ɔsee dɛ, Hom nsoɛr, hom mfi me man mu mfir, hom nye Israelmba no nyina; na hom nkɔ nkɔsom EWURADZE, dɛ mbrɛ hom aka no. 32Hom mfa hom nguan nye hom anantwi so, dɛ mbrɛ hom aka no, na hom nkɔ; na hom nhyira mo so. 33Na Egyptfo no piapiaa ɔman no dɛ wɔrepam hɔn ntsɛm efi asaase no do; na wɔsee dɛ, Hɛn nyinara ayɛ ewufo ara nye no. 34Na ɔman no fefaa hɔn mbɔr ansaana ɔrekaw, hɔn mbɔrakorow no wɔakyekyer no wɔ hɔn atam mu sisi hɔn kɔn ho. 35#Eks 3.21, 22 Na Israelmba no yɛɛ dɛ mbrɛ Moses kae no; na wobisabisaa dwetɛ ndwindze, nye sika ndwindze, nye atam wɔ Egyptfo hɔ: 36na EWURADZE maa ɔman no enyimpa wɔ Egyptfo no enyim, ma wɔmaa hɔn nsa kaa dza wobisae no. Na wɔfoom Egyptfo egyapadze kɔree.
Israelmba No Fi Egypt
37Na Israelmba no sii mu fii Rameses kɔr Sukɔt, mbanyin ara a wɔnam famu bɛyɛ mpem ahaesia, a mbofraba nnka ho. 38Na aforafora dɔm so nye hɔn kɔree; na nguan, na anantwi, mekyerɛ ofiembowa piigyan. 39Na wɔdze mbɔr a wɔdze fi Egypt bae no totoo epitsi tatar, nna ɔnnkawee; osiandɛ wɔpaam hɔn fii Egypt ntsi, na woenntum enntsinntsim, nkyii so woennsiesie edzidzidze biara amma hɔnho. 40#Gye 15.13; Gal 3.17 Afei tsena a Israelmba dze tsenaa Egypt no yɛ mfe ahaanan eduasa. 41Na ɔbaa dɛ mfe ahaanan eduasa no n’ewiei no, mekyerɛ da kor no ara, EWURADZE no dɔm nyinara tui fii Egypt asaase do. 42Ɔyɛ anadwe a ɔwɔ dɛ wɔhyɛ no nsew ma EWURADZE dɛ oyii hɔn fii Egypt asaase do: iyi nye EWURADZE n’anadwe no a wɔhyɛ no nsew wɔ Israelmba nyinara mu wɔ hɔn ebusuasantsen nyina mu no.
Apaho No Ho Nhyehyɛɛ
43Na EWURADZE see Moses nye Aaron dɛ, Iyi nye apaho no ho mbra no: ɔnanaben biara nndzi bi: 44na nyimpa biara n’akowaa a ɔdze sika atɔ no no dze, sɛ etwa no twatsia a, ɔno ondzi bi. 45Mma ɔmamforanyi nye akowaa ɔpaanyi nndzi bi. 46#Nka 9.12; Joh 19.36 Ofi kor mu na wondzi; mma mmfa nam no bi mmfi fie no mu mmpue; nkyii so mma hom mmbu ne biew bi. 47Israel mboanofo nyinara ndzi do. 48Na sɛ ɔhɔho bi bɛnye wo tsena, na ɔpɛ dɛ odzi apaho no ma EWURADZE a, ma wontwa ne mbarimba nyinara twatsia, na nkyii ɔntwe mbɛn na ombedzi; na ɔnyɛ dɛ nyia wɔawo no asaase no do: monomonomnyi biara dze mma onndzi bi. 49Mbra kor na ɔnda hɔ mma nyia ɔyɛ okuromnyi, nye ɔhɔho a ɔtsena hom mu. 50Na Israelmba nyinara yɛɛ dɛm; dɛ mbrɛ EWURADZE hyɛɛ Moses nye Aaron no, dɛmara so na wɔyɛe. 51Na ɔbaa dɛ da kor no ara, EWURADZE yii Israelmba no fii Egypt asaase do dɛ mbrɛ hɔn dɔm tsetsee.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.