Ndwuma 20
20
Paul Kɔ Masidonia na Griikman mu
1Na sakasaka no bɔɔ adze no, Paul frɛɛ esuafo no baa ne nkyɛn, na otuu hɔn fo no, ɔkraa hɔn, na ofii hɔ dɛ ɔrokɔ Masidonia. 2Na otwaa mu wɔ afa mu hɔ, na ɔmaa hɔn afotu pii no, ɔbaa Griis. 3Na ɔbɛtsenaa hɔ abosoom ebiasa, na ɔreyɛ etu akɔ Siria no, nna Jewfo no retsɛw no ntsi, ɔyɛɛ n’adwen dɛ ɔbɛfa Masidonia asan akɔ. 4Na Beroanyi Sopater, Pirus ne ba, na Tesalonikafo no mu Aristarkus nye Sekundus, nye Derbenyi Gaius, nye Timoti, nye Asiafo Tikikus nye Trofimus kaa no ho. 5Yinom dzii kan kɔtweɔɔn hɛn wɔ Troas. 6Na hɛn so, epitsi nda twaa mu no, yɛfowee fii Filipi dze nda enum baa hɔn nkyɛn wɔ Troas; na yedzii hɔ nda esuon.
Paul nye Troas Asɔrmba Dzi Nkra
7Na dapɛn no mu da a odzi kan no a yebehyiaa mu dɛ yerubobu paanoo no, Paul nye hɔn kasae na ɔnam dɛ adze rebɛkye ma ɔaakɔ ntsi, ɔkaa asɛm araa kodur esuom. 8Nna nkandzea pii wɔ abansor mbrɛ yeehyia mu hɔ. 9Na aberantsɛ bi a ne dzin dze Eutikus tse tokura ano a n’enyi akom kɛse, na Paul kaa asɛm kyɛree no, ɔtɔɔ nkom fii asaansa no do bɔhwee ase, na wɔmaa no do no nna oewu. 10Na Paul sianee kobutuuw no do, na ɔyɛɛ no etuu, na ɔsee dɛ, Mma hom nnsuro: na nkwa da ho wɔ no mu. 11Na ɔbaa sor bio no, na obubuu paanoo, na odzii no, ɔdaa ho kasae araa kodur adzekyee, na ofii hɔ dɛm kɔree. 12Na wɔdze aberantsɛ no baa enyikan, na ɔyɛɛ hɔn awerɛkyekyer kɛse.
Ofi Troas Kɔ Miletus
13Na yedzii kan kɔr wusihɛn mu no, yetui kɔr Asos dɛ yɛrekɛfa Paul wɔ hɔ; na mbrɛ ɔhyɛɛ hɛn nye no, osiandɛ ɔyɛɛ n’adwen dɛ ɔbɛfa daadze akɔ. 14Na ɔnye hɛn hyiae wɔ Asos no, yɛfaa no baa nsu hɛn no mu, na yɛbaa Mitilene. 15Na yetui fii hɔ, na adze kyee no, yebodur Kios tsentsendo; na adze kyee bio no, yɛbaa Samos, na adze kyee no yedur Miletus. 16Nna Paul aka ato hɔ dɛ ɔbɛpa Efeso ho, amma ɔaannkɛkyɛr wɔ Asia; na ɔpɛɛ ntsɛm ma sɛ ɔbɛyɛ a, oeekodu Jerusalɛm Pentekost da no.
Paul nye Efeso Asɔr mpanyimfo Dzi Nkra
17Na ofii Miletus somae kɔr Efeso kɛfrɛɛ asɔr mpanyimfo no. 18Na wɔbaa ne nkyɛn no, ɔsee hɔn dɛ: Homankasa hom nyim mbrɛ ofitsi da a odzi kan a mebaa Asia no, menye hom tsenae wɔ aber no nyina mu, 19medze adwen mu ahobrɛadze nye nyinsu pii mosoom Ewuradze, nye nsɔhwɛ a ɔbaa mo do ɔnam Jewfo pempɛn a wɔpempɛɛn me no do: 20mbrɛ mannwodow ho dɛ mebɛka hom biribiara a ɔyɛ hom mfaso na mekae na mekyerɛkyerɛɛ hom guado nye efiefi, 21na midzii dase maa Jewfo nye Griikfo so wɔ nnuho a ɔkɔ Nyankopɔn do, nye gyedzi a ɔkɔ hɛn Ewuradze Jesus Kraest do no ho. 22Na afei, hwɛ, morokɔ Jerusalɛm dɛ woekitsa me wɔ sunsum mu, na minnyim dza ɔbɛba mo do wɔ hɔ, 23gyedɛ dase a Sunsum Krɔnkrɔn no dzi wɔ nkurow nyina mu dɛ ɔkyer nye amandze rotweɔn me. 24Na memmfa mo nkwa nnyɛ biribi dɛ ɔsom mo bo, ama medze dɛw eewie m’akwantu, nye ɔsom a minyaa no Ewuradze Jesus hɔ, dɛ mindzi Nyankopɔn adom asɛmpa no ho dase no. 25Na afei, hwɛ, minyim dɛ hom a muboduaa hom mu mekaa ahenman no ho asɛm no nyina runnhu m’enyim bio. 26Dɛm ntsi, ndɛ midzi hom dase dɛ mo ho san hom nyina hom bɔgyaa ho. 27Na mannwodow ho dɛ mebɛka Nyankopɔn apam nyina makyerɛ hom. 28Hom nhwɛ homho yie, nye nguankuw a Sunsum Krɔnkrɔn ahyɛ hom hɔn do ahwɛfo no nyina, dɛ hom bɛnyɛn Nyankopɔn asɔr a ɔdze nankasa no bɔgyaa enya no. 29Na minyim dɛ, mokɔ ekyir no, mpataku abɔyafo bɛba hom do, na wonnkegyaa nguankuw no; 30eso homankasa hom mu nyimpa bɔsoɛr a wɔbɛka nsɛnkyew dze atwe esuafo no edzi hɔn ekyir. 31Dɛm ntsi hom nweɔn, na hom nkaa dɛ mfe ara ebiasa anadwe nye ewia minngyaa dɛ medze nyinsu tu hom mu biara fo. 32Na nkyii, enuanom, medze hom hyɛ Nyankopɔn nsa, nye n’adom asɛm a otum dɛ ɔma hom ntowdo, na ɔma hom egyapadze wɔ hɔn a wɔatsew hɔn ho nyina mu no. 33M’enyi ammber obiara no dwɛɛtɛɛ anaa ne sika anaa n’atar. 34Homankasa hom nyim dɛ dza ohiaa me nye hɔn a wɔka mo ho no, mara me nsa yi ano edwuma na medze minyae. 35Adze nyina mu makyerɛ hom dɛ ɔsɛ dɛ hom yɛ edwuma dze hwɛ hɔn a wɔyɛ mberɛw no, na hom kaa Ewuradze Jesus n’asɛm a ɔkaa dɛ, Ɔma yɛ nhyira kyɛn ɔgye no.
36Na ɔkaa dɛm no, obuu ntwɛr nye hɔn nyina bɔɔ mpaa. 37Na hɔn nyina suu pii, na wotutui bebaar Paul na wɔfefeew n’ano, 38na dza ɔyɛɛ hɔn yaw kɛse nye asɛm a ɔkaa dɛ worunnhu n’enyim bio no. Na wokegyaa no wɔ wusihɛn no mu.
ទើបបានជ្រើសរើសហើយ៖
Ndwuma 20: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Ndwuma 20
20
Paul Kɔ Masidonia na Griikman mu
1Na sakasaka no bɔɔ adze no, Paul frɛɛ esuafo no baa ne nkyɛn, na otuu hɔn fo no, ɔkraa hɔn, na ofii hɔ dɛ ɔrokɔ Masidonia. 2Na otwaa mu wɔ afa mu hɔ, na ɔmaa hɔn afotu pii no, ɔbaa Griis. 3Na ɔbɛtsenaa hɔ abosoom ebiasa, na ɔreyɛ etu akɔ Siria no, nna Jewfo no retsɛw no ntsi, ɔyɛɛ n’adwen dɛ ɔbɛfa Masidonia asan akɔ. 4Na Beroanyi Sopater, Pirus ne ba, na Tesalonikafo no mu Aristarkus nye Sekundus, nye Derbenyi Gaius, nye Timoti, nye Asiafo Tikikus nye Trofimus kaa no ho. 5Yinom dzii kan kɔtweɔɔn hɛn wɔ Troas. 6Na hɛn so, epitsi nda twaa mu no, yɛfowee fii Filipi dze nda enum baa hɔn nkyɛn wɔ Troas; na yedzii hɔ nda esuon.
Paul nye Troas Asɔrmba Dzi Nkra
7Na dapɛn no mu da a odzi kan no a yebehyiaa mu dɛ yerubobu paanoo no, Paul nye hɔn kasae na ɔnam dɛ adze rebɛkye ma ɔaakɔ ntsi, ɔkaa asɛm araa kodur esuom. 8Nna nkandzea pii wɔ abansor mbrɛ yeehyia mu hɔ. 9Na aberantsɛ bi a ne dzin dze Eutikus tse tokura ano a n’enyi akom kɛse, na Paul kaa asɛm kyɛree no, ɔtɔɔ nkom fii asaansa no do bɔhwee ase, na wɔmaa no do no nna oewu. 10Na Paul sianee kobutuuw no do, na ɔyɛɛ no etuu, na ɔsee dɛ, Mma hom nnsuro: na nkwa da ho wɔ no mu. 11Na ɔbaa sor bio no, na obubuu paanoo, na odzii no, ɔdaa ho kasae araa kodur adzekyee, na ofii hɔ dɛm kɔree. 12Na wɔdze aberantsɛ no baa enyikan, na ɔyɛɛ hɔn awerɛkyekyer kɛse.
Ofi Troas Kɔ Miletus
13Na yedzii kan kɔr wusihɛn mu no, yetui kɔr Asos dɛ yɛrekɛfa Paul wɔ hɔ; na mbrɛ ɔhyɛɛ hɛn nye no, osiandɛ ɔyɛɛ n’adwen dɛ ɔbɛfa daadze akɔ. 14Na ɔnye hɛn hyiae wɔ Asos no, yɛfaa no baa nsu hɛn no mu, na yɛbaa Mitilene. 15Na yetui fii hɔ, na adze kyee no, yebodur Kios tsentsendo; na adze kyee bio no, yɛbaa Samos, na adze kyee no yedur Miletus. 16Nna Paul aka ato hɔ dɛ ɔbɛpa Efeso ho, amma ɔaannkɛkyɛr wɔ Asia; na ɔpɛɛ ntsɛm ma sɛ ɔbɛyɛ a, oeekodu Jerusalɛm Pentekost da no.
Paul nye Efeso Asɔr mpanyimfo Dzi Nkra
17Na ofii Miletus somae kɔr Efeso kɛfrɛɛ asɔr mpanyimfo no. 18Na wɔbaa ne nkyɛn no, ɔsee hɔn dɛ: Homankasa hom nyim mbrɛ ofitsi da a odzi kan a mebaa Asia no, menye hom tsenae wɔ aber no nyina mu, 19medze adwen mu ahobrɛadze nye nyinsu pii mosoom Ewuradze, nye nsɔhwɛ a ɔbaa mo do ɔnam Jewfo pempɛn a wɔpempɛɛn me no do: 20mbrɛ mannwodow ho dɛ mebɛka hom biribiara a ɔyɛ hom mfaso na mekae na mekyerɛkyerɛɛ hom guado nye efiefi, 21na midzii dase maa Jewfo nye Griikfo so wɔ nnuho a ɔkɔ Nyankopɔn do, nye gyedzi a ɔkɔ hɛn Ewuradze Jesus Kraest do no ho. 22Na afei, hwɛ, morokɔ Jerusalɛm dɛ woekitsa me wɔ sunsum mu, na minnyim dza ɔbɛba mo do wɔ hɔ, 23gyedɛ dase a Sunsum Krɔnkrɔn no dzi wɔ nkurow nyina mu dɛ ɔkyer nye amandze rotweɔn me. 24Na memmfa mo nkwa nnyɛ biribi dɛ ɔsom mo bo, ama medze dɛw eewie m’akwantu, nye ɔsom a minyaa no Ewuradze Jesus hɔ, dɛ mindzi Nyankopɔn adom asɛmpa no ho dase no. 25Na afei, hwɛ, minyim dɛ hom a muboduaa hom mu mekaa ahenman no ho asɛm no nyina runnhu m’enyim bio. 26Dɛm ntsi, ndɛ midzi hom dase dɛ mo ho san hom nyina hom bɔgyaa ho. 27Na mannwodow ho dɛ mebɛka Nyankopɔn apam nyina makyerɛ hom. 28Hom nhwɛ homho yie, nye nguankuw a Sunsum Krɔnkrɔn ahyɛ hom hɔn do ahwɛfo no nyina, dɛ hom bɛnyɛn Nyankopɔn asɔr a ɔdze nankasa no bɔgyaa enya no. 29Na minyim dɛ, mokɔ ekyir no, mpataku abɔyafo bɛba hom do, na wonnkegyaa nguankuw no; 30eso homankasa hom mu nyimpa bɔsoɛr a wɔbɛka nsɛnkyew dze atwe esuafo no edzi hɔn ekyir. 31Dɛm ntsi hom nweɔn, na hom nkaa dɛ mfe ara ebiasa anadwe nye ewia minngyaa dɛ medze nyinsu tu hom mu biara fo. 32Na nkyii, enuanom, medze hom hyɛ Nyankopɔn nsa, nye n’adom asɛm a otum dɛ ɔma hom ntowdo, na ɔma hom egyapadze wɔ hɔn a wɔatsew hɔn ho nyina mu no. 33M’enyi ammber obiara no dwɛɛtɛɛ anaa ne sika anaa n’atar. 34Homankasa hom nyim dɛ dza ohiaa me nye hɔn a wɔka mo ho no, mara me nsa yi ano edwuma na medze minyae. 35Adze nyina mu makyerɛ hom dɛ ɔsɛ dɛ hom yɛ edwuma dze hwɛ hɔn a wɔyɛ mberɛw no, na hom kaa Ewuradze Jesus n’asɛm a ɔkaa dɛ, Ɔma yɛ nhyira kyɛn ɔgye no.
36Na ɔkaa dɛm no, obuu ntwɛr nye hɔn nyina bɔɔ mpaa. 37Na hɔn nyina suu pii, na wotutui bebaar Paul na wɔfefeew n’ano, 38na dza ɔyɛɛ hɔn yaw kɛse nye asɛm a ɔkaa dɛ worunnhu n’enyim bio no. Na wokegyaa no wɔ wusihɛn no mu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.