Ndwuma 19
19
Paul Wɔ Efeso
1Na ber a Apollos wɔ Korinte no, Paul kotwaa mu wɔ amantsifi asaase no do no, ɔbaa Efeso, na obohun esuafo bi; 2na ɔsee hɔn dɛ, Ana hom gyee dzii no, hom nyaa Sunsum Krɔnkrɔn no? Na wɔsee no dɛ, Yɛnntsee pɛn mpo dɛ Sunsum Krɔnkrɔn bi wɔ beebi. 3Na ɔsee dɛ, Ebɛnadze mu na wonumaa hom hyɛe? Na wɔsee dɛ, John enuma no mu a. 4#Mat 3.11; Mar 1.4, 7, 8; Luk 3.4, 16; Joh 1.26, 27 Paul see dɛ, John dze nnuho enuma no numae see nkorɔfo no dɛ wɔngye nyia odzi n’ekyir reba no ndzi, ɔno nye Jesus. 5Na wɔtsee no, wɔmaa wonumaa hɔn hyɛɛ Ewuradze Jesus dzin mu. 6Na Paul dze ne nsa guu hɔn do no, Sunsum Krɔnkrɔn no baa hɔn do, na wɔdze kasa fofor kasae, na wɔhyɛɛ nkɔm. 7Nna hɔn nyina bɛyɛ mbarimba duebien.
8Na ɔkɔr nhyiamudan no mu, na ɔdze akokodur kaa asɛm no ara abosoom ebiasa, na ɔnye hɔn rekasa nyina nna ɔrekyerɛkyerɛ mu yie ama wɔaagye dza ɔfa Nyankopɔn ahendzi ho no edzi. 9Nna binom akoma epirim, na woenntsie, na wɔkasaa Ɔkwan no ho bɔn wɔ nyimpadodow no enyim no, ofii hɔn nkyɛn na oyii esuafo no fii hɔn mu; na daa ɔnye hɔn kasae wɔ Tiranus ne nkyerɛkyerɛbea hɔ. 10Na iyi kɔr do ara kodur mfe ebien, ma dɛm no hɔn a wɔwɔ Asia nyina tsee Ewuradze asɛm, Jewfo nye Griikfo nyina.
Skevamba ho Asɛm
11Na Nyankopɔn nam Paul nsa do yɛɛ tum ndwuma soronko: 12ma woyiyii no ho nduukuu anaa nsamenyim mpo koguu ayarfo do, ma yarba fii hɔn do, na esunsum bɔn so fii hɔn mu. 13Na Jewfo bi a wokyinkyin tu mbɔnsam sii hɔn bo dɛ wɔbɔbɔ Ewuradze Jesus dzin wɔ hɔn a wɔwɔ esunsum bɔn no do, dɛ, Meka Jesus a Paul ka no ho asɛm no gu hom do. 14Na Jewnyi sɔfopanyin bi a ɔdze Skeva ne mba beesuon bi na wɔyɛɛ dɛm. 15Na sunsum bɔn no buae see hɔn dɛ, Jesus minyim, na Paul so minyim, na hom dze hom nye woananom? 16Na nyimpa no a sunsum bɔn wɔ no do no tui hyɛɛ hɔn do, na ɔboor hɔn pasaa, na wɔdze adagyaw nye pira guanguanee fii fie no mu. 17Na Jewfo nye Griikfo a wɔwɔ Efeso nyina tsee yi, na hu kaa hɔn nyina, na wohuhoor Ewuradze Jesus ne dzin. 18Na hɔn a wɔagye edzi no mu pii so bae bɛkae na wobeyii hɔn ndzeyɛɛ kyerɛe. 19Na hɔn a wɔyɛɛ esumandze mu pii dze hɔn nwoma bae bɛhyeew no wɔ nyimpa nyina enyim; na wobuu no bo ano no, wohun dɛ osii ndwetɛbona mpem eduonum. 20Mbrɛ Nyankopɔn asɛm nam ahoɔdzen do nyinii na odzii nyim nye no.
Begyabegyayɛ wɔ Efeso
21Na wowiee iyinom no, Paul bɔɔ ne tsirmu pɔw wɔ sunsum mu dɛ sɛ otwa mu wɔ Masidonia nye Akaia a, ɔbɔkɔ Jerusalɛm, na ɔsee dɛ, Mudu hɔ a, otwar dɛ mubokohu Rome so. 22Na ɔsomaa hɔn a wɔsoom no no mu beenu, Timoti nye Erastus, kɔr Masidonia, na nankasa dze, ɔkyɛree wɔ Asia kakra.
23Na ber no ara mu na sakasaka kɛsenara bae wɔ Ɔkwan no ho. 24Na dwetɛdwimfo bi a ne dzin dze Demitrius a ɔdze dwetɛ yɛ ɔbosom Artemis asɔrdan no sɛso honyi, na n’edwuma no dze mfaso pii brɛɛ edwimfo no, 25na ɔboaa hɔn nye hɔn a wɔyɛ edwuma kor no ara bi ano, na ɔsee dɛ, Ewuranom, hom nyim dɛ edwuma yi mu na yenya hɛn ahonya. 26Na hom ehu na hom atse dɛ nnyɛ Efeso ha nko, na aka kakra na ayɛ Asia nyina, na Paul yi etu nyimpadodow pii hɔn aso esuma, na ɔadan hɔn enyi dɛ dza wɔdze nsa ayɛ hɔn no nnyɛ enyame, 27na nnyɛ hɛn edwin yi nko na ɔreyɛ ayɛ gyan, na nyamebaa Artemis kɛse n’asɔrfi rebɛyɛ dɛ wommbu no hwee bio, na woetu ɔno a Asia nyina nye wiadze nyina sɔr no no efi n’akɛseyɛ mu. 28Na wɔtsee iyi no, ebufuw hyɛɛ hɔn ma, na wɔtseatseaa mu dɛ, Efesofo Artemis yɛ kɛse! 29Na sakasaka hyɛɛ kurow no ma, na wɔyɛɛ adwenkor bɔɔ krididi kɛkyeer Masidoniafo Gaius nye Aristarkus a wɔka Paul ho wɔ n’akwantu mu no, kɔr bea a nkorɔfo kɔ hɔ kɔhwɛ agor no. 30Paul pɛɛ dɛ ɔkɛhɛn nkorɔfo no mu naaso esuafo no amma no kwan. 31Na Asia mpanyimfo bi so a wɔyɛ n’adɔfo somae ma wɔkɔr no hɔ kɛserɛɛ no dɛ mma ɔnnkɔ agohwɛbea no mu hɔ. 32Na afei binom retsea mu dɛm, binom so retsea mu dɛm; na nhyiamu no ayɛ sakasaka; na dodowara yie nnyim siantsir a ɔnam do ma wobehyiae. 33Na wɔtwee Alɛksandar fii nyimpadodow no mu, na Jewfo no sunsuun no too kan. Na Alɛksandar dze ne nsa nyamee, na ɔpɛɛ dɛ oyi n’ano kyerɛ nkorɔfo no. 34Na wohun dɛ ɔyɛ Jewnyi no, hɔn nyina dze ndze kor tseaa mu bɛyɛ ndɔnhwer ebien dɛ, Efesofo Artemis yɛ kɛse! 35Na ɔmankyerɛwfo no dwedwee nyimpadodow no, na ɔsee dɛ, Efeso mbarimba, nyimpa bɛn na onnyim dɛ Efesofo kurow no yɛ Artemis kɛse nye honyi a ofiir Zeus bodwirii no hɔn asɔrfihwɛfo? 36Dɛm ntsi obiara runntum nnkasa nntsia iyinom, ɔsɛ hom dɛ hom yɛ komm, na hom nnyɛ biribi gyigyeegye. 37Na hom dze mbarimba yi a wɔnnyɛ asɔrfi ewifo, eso wɔnnka hɛn nyamebaa ho ebususɛm yi aba ha. 38Na afei, sɛ Demitrius nye edwimfo a wɔka no ho no wɔ obi ho asɛm bi a, asɛndzibea wɔ hɔ, ambradofo wɔ hɔ: hom mma wombeyi atsɛn. 39Na sɛ hom rohwehwɛ biribi wɔ nsɛm afofor bi ho a, wobedzi no bagua mu dɛ mbrɛ mbra tse. 40Na yɛreyɛ enya amandze so ndɛ, sɛ wɔkɔtoa hɛn wɔ ndɛ begyabegya yi ho a, yennyi biribiara a yɛdze botum eyi hɛn ano wɔ nguabɔ yi ho. 41Na ɔkaa dɛm no, ɔmaa bagua no tui.
ទើបបានជ្រើសរើសហើយ៖
Ndwuma 19: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Ndwuma 19
19
Paul Wɔ Efeso
1Na ber a Apollos wɔ Korinte no, Paul kotwaa mu wɔ amantsifi asaase no do no, ɔbaa Efeso, na obohun esuafo bi; 2na ɔsee hɔn dɛ, Ana hom gyee dzii no, hom nyaa Sunsum Krɔnkrɔn no? Na wɔsee no dɛ, Yɛnntsee pɛn mpo dɛ Sunsum Krɔnkrɔn bi wɔ beebi. 3Na ɔsee dɛ, Ebɛnadze mu na wonumaa hom hyɛe? Na wɔsee dɛ, John enuma no mu a. 4#Mat 3.11; Mar 1.4, 7, 8; Luk 3.4, 16; Joh 1.26, 27 Paul see dɛ, John dze nnuho enuma no numae see nkorɔfo no dɛ wɔngye nyia odzi n’ekyir reba no ndzi, ɔno nye Jesus. 5Na wɔtsee no, wɔmaa wonumaa hɔn hyɛɛ Ewuradze Jesus dzin mu. 6Na Paul dze ne nsa guu hɔn do no, Sunsum Krɔnkrɔn no baa hɔn do, na wɔdze kasa fofor kasae, na wɔhyɛɛ nkɔm. 7Nna hɔn nyina bɛyɛ mbarimba duebien.
8Na ɔkɔr nhyiamudan no mu, na ɔdze akokodur kaa asɛm no ara abosoom ebiasa, na ɔnye hɔn rekasa nyina nna ɔrekyerɛkyerɛ mu yie ama wɔaagye dza ɔfa Nyankopɔn ahendzi ho no edzi. 9Nna binom akoma epirim, na woenntsie, na wɔkasaa Ɔkwan no ho bɔn wɔ nyimpadodow no enyim no, ofii hɔn nkyɛn na oyii esuafo no fii hɔn mu; na daa ɔnye hɔn kasae wɔ Tiranus ne nkyerɛkyerɛbea hɔ. 10Na iyi kɔr do ara kodur mfe ebien, ma dɛm no hɔn a wɔwɔ Asia nyina tsee Ewuradze asɛm, Jewfo nye Griikfo nyina.
Skevamba ho Asɛm
11Na Nyankopɔn nam Paul nsa do yɛɛ tum ndwuma soronko: 12ma woyiyii no ho nduukuu anaa nsamenyim mpo koguu ayarfo do, ma yarba fii hɔn do, na esunsum bɔn so fii hɔn mu. 13Na Jewfo bi a wokyinkyin tu mbɔnsam sii hɔn bo dɛ wɔbɔbɔ Ewuradze Jesus dzin wɔ hɔn a wɔwɔ esunsum bɔn no do, dɛ, Meka Jesus a Paul ka no ho asɛm no gu hom do. 14Na Jewnyi sɔfopanyin bi a ɔdze Skeva ne mba beesuon bi na wɔyɛɛ dɛm. 15Na sunsum bɔn no buae see hɔn dɛ, Jesus minyim, na Paul so minyim, na hom dze hom nye woananom? 16Na nyimpa no a sunsum bɔn wɔ no do no tui hyɛɛ hɔn do, na ɔboor hɔn pasaa, na wɔdze adagyaw nye pira guanguanee fii fie no mu. 17Na Jewfo nye Griikfo a wɔwɔ Efeso nyina tsee yi, na hu kaa hɔn nyina, na wohuhoor Ewuradze Jesus ne dzin. 18Na hɔn a wɔagye edzi no mu pii so bae bɛkae na wobeyii hɔn ndzeyɛɛ kyerɛe. 19Na hɔn a wɔyɛɛ esumandze mu pii dze hɔn nwoma bae bɛhyeew no wɔ nyimpa nyina enyim; na wobuu no bo ano no, wohun dɛ osii ndwetɛbona mpem eduonum. 20Mbrɛ Nyankopɔn asɛm nam ahoɔdzen do nyinii na odzii nyim nye no.
Begyabegyayɛ wɔ Efeso
21Na wowiee iyinom no, Paul bɔɔ ne tsirmu pɔw wɔ sunsum mu dɛ sɛ otwa mu wɔ Masidonia nye Akaia a, ɔbɔkɔ Jerusalɛm, na ɔsee dɛ, Mudu hɔ a, otwar dɛ mubokohu Rome so. 22Na ɔsomaa hɔn a wɔsoom no no mu beenu, Timoti nye Erastus, kɔr Masidonia, na nankasa dze, ɔkyɛree wɔ Asia kakra.
23Na ber no ara mu na sakasaka kɛsenara bae wɔ Ɔkwan no ho. 24Na dwetɛdwimfo bi a ne dzin dze Demitrius a ɔdze dwetɛ yɛ ɔbosom Artemis asɔrdan no sɛso honyi, na n’edwuma no dze mfaso pii brɛɛ edwimfo no, 25na ɔboaa hɔn nye hɔn a wɔyɛ edwuma kor no ara bi ano, na ɔsee dɛ, Ewuranom, hom nyim dɛ edwuma yi mu na yenya hɛn ahonya. 26Na hom ehu na hom atse dɛ nnyɛ Efeso ha nko, na aka kakra na ayɛ Asia nyina, na Paul yi etu nyimpadodow pii hɔn aso esuma, na ɔadan hɔn enyi dɛ dza wɔdze nsa ayɛ hɔn no nnyɛ enyame, 27na nnyɛ hɛn edwin yi nko na ɔreyɛ ayɛ gyan, na nyamebaa Artemis kɛse n’asɔrfi rebɛyɛ dɛ wommbu no hwee bio, na woetu ɔno a Asia nyina nye wiadze nyina sɔr no no efi n’akɛseyɛ mu. 28Na wɔtsee iyi no, ebufuw hyɛɛ hɔn ma, na wɔtseatseaa mu dɛ, Efesofo Artemis yɛ kɛse! 29Na sakasaka hyɛɛ kurow no ma, na wɔyɛɛ adwenkor bɔɔ krididi kɛkyeer Masidoniafo Gaius nye Aristarkus a wɔka Paul ho wɔ n’akwantu mu no, kɔr bea a nkorɔfo kɔ hɔ kɔhwɛ agor no. 30Paul pɛɛ dɛ ɔkɛhɛn nkorɔfo no mu naaso esuafo no amma no kwan. 31Na Asia mpanyimfo bi so a wɔyɛ n’adɔfo somae ma wɔkɔr no hɔ kɛserɛɛ no dɛ mma ɔnnkɔ agohwɛbea no mu hɔ. 32Na afei binom retsea mu dɛm, binom so retsea mu dɛm; na nhyiamu no ayɛ sakasaka; na dodowara yie nnyim siantsir a ɔnam do ma wobehyiae. 33Na wɔtwee Alɛksandar fii nyimpadodow no mu, na Jewfo no sunsuun no too kan. Na Alɛksandar dze ne nsa nyamee, na ɔpɛɛ dɛ oyi n’ano kyerɛ nkorɔfo no. 34Na wohun dɛ ɔyɛ Jewnyi no, hɔn nyina dze ndze kor tseaa mu bɛyɛ ndɔnhwer ebien dɛ, Efesofo Artemis yɛ kɛse! 35Na ɔmankyerɛwfo no dwedwee nyimpadodow no, na ɔsee dɛ, Efeso mbarimba, nyimpa bɛn na onnyim dɛ Efesofo kurow no yɛ Artemis kɛse nye honyi a ofiir Zeus bodwirii no hɔn asɔrfihwɛfo? 36Dɛm ntsi obiara runntum nnkasa nntsia iyinom, ɔsɛ hom dɛ hom yɛ komm, na hom nnyɛ biribi gyigyeegye. 37Na hom dze mbarimba yi a wɔnnyɛ asɔrfi ewifo, eso wɔnnka hɛn nyamebaa ho ebususɛm yi aba ha. 38Na afei, sɛ Demitrius nye edwimfo a wɔka no ho no wɔ obi ho asɛm bi a, asɛndzibea wɔ hɔ, ambradofo wɔ hɔ: hom mma wombeyi atsɛn. 39Na sɛ hom rohwehwɛ biribi wɔ nsɛm afofor bi ho a, wobedzi no bagua mu dɛ mbrɛ mbra tse. 40Na yɛreyɛ enya amandze so ndɛ, sɛ wɔkɔtoa hɛn wɔ ndɛ begyabegya yi ho a, yennyi biribiara a yɛdze botum eyi hɛn ano wɔ nguabɔ yi ho. 41Na ɔkaa dɛm no, ɔmaa bagua no tui.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.