2 Makabhewu 1
1
Magana nya guhegise ya mulovi
(15:38-39)
Lidangalila ga Vajudha va vbanyago tigoni ga Egipito
1“Ga vandriyathu nya Vajudha va guromo tigoni ga Egipito, gurula ni womi! Vandriyanu nya Vajudha va vbanyago Jerusalema, ni tigoni ga Judha va ngu mi losani ni gu mi suvela gurula ni gunengela. 2Nungungulu a na mi tadze khu esi nya sadi, gambe a na dundruge pwanano waye a giridego ni Abrahama, ni Isaki ni Jakobe, sithumi saye nya gutumbege. 3Uye Nungungulu a na dongisele mihefemulo yanu gasi gu mu khozela ni gu landrisa milayo yaye khu monyo nya lihaladzo ni liphuvbo nya gu dzi ningedzele. 4Uye a na tule myonyo yanu gasi mu hakha nayo waye ni sileletelo saye, bwelo khavbo a mi ninga gurula! 5Uye a na hakhe milombelo yanu, a mi girelani wuhindzi, a si mi digi gikhati nya sigaradzo. 6Ethu avba kha hi garali khu gu lombelela khu enu. 7Matshiguni nya mufumo wa Dhemetriyo, khu mwaga nya lizana ni livbandre na limwedo magumi na livbandre na mina (169), ethu Vajudha, hi mi lovedeni lidangalila na hiri vbakari nya sigaradzo ni gusaniseka nya gukhongolo ngudzu, hi nga bani hi gu vbanya ga iso, gukhugela litshigu Jasamo ni dzipari dzaye va nga diga Litigo nya Guage ni mufumo. 8Lidimba nya Nyumba ya Nungungulu li di vbiswa bwelo khavbo li vbaladzedwa novba nya vathu nyambana nandru; aholu, ethu hi di lombelela ga Pfhumu, uye a gu hakha gilombo gyathu. Hi di dusa dzimhamba ni wuguvbi nya gudadatwe, hi khondrisa dzikandriya, hi vegedzela sibaba mbeli gwaye. 9#Wona gambe: Eks 34:22; Levh 23:33-36; Dhet 16:13-15; 31:10. Khavbo avbo, girani mibuzo nya Mitshatsha, livbandre na mavili matshigu, khu ngima nya Kisilewu. Lidangalila li lovidwego khu mwaga nya lizana ni livbandre na mararu magumi ni livbandre na miraru (188).”
Lidangalila nya gunengele buzo
10Vavbanyi va Jerusalema ni Judheya, huwo nya madhota ni Vajudha, va ngu losa Arisitobhulo, muhevbudzi wa mufumeli Pitolomewu, nya linyangwa nya vaphasi nya mhamba va todzidwego khu mafura, ni Vajudha va vbanyago tigoni ga Egipito: womi ni gukhadzisega!
Gubonga gutsayiswa ga Antiyoko
11Na hi vbulugide mhango nya yikhongolo ngudzu khu gu phaswa khu Nungungulu, hi ngu mi ninga gubonga nya gukhongolo ngudzu, kholu khuye muvhikeli wathu a nga hi vhikela litungani nya gudwane ni mufumeli. 12Kholu uye mune Nungungulu a di reda hwindzo dzitshivba dza vale va nga bani va hunganide gasi guta dhumela lidhoropa nya guage. 13Muthangeli wawe, avbo uye a nga bani a hongode tigoni ga Perisiya gumogo ni vadwani nya dzinyimbi dzaye va nga bani va gu khodwa gukhavo khavo nyamba padwa, a di ya songwa nyumbani ga nungungulu Naneya, khu malipha ma nga lugwago khu vaphasi nya mhamba va Naneya. 14Antiyoko, khu mano nya gukhuye a guya gira dzegano ni nungungulu nya nyamayi, Naneya, a di vboha ni vangana vaye gasi guta dzega dzithomba dza nyumbani nya nombelo, a gira giningwa.
15Vaphasi nya mhamba va di ya mu bikela dzithomba, uye mune a di bela wulangani nya guage, gumogo ni vangana vaye, gikhati gyogyo vaphasi nya mhamba va di sega malimba. 16Gikhati Antiyoko a bedego makhuvini, vaphasi va di tula lidimba nya sihalo la mwambatunu, va pfara mufumeli khu siwindri. Va di kokelela vabangaladzi vaye, va gu va pila mihungo va rinyela avo va nga bani vari vbavbandze. 17A na rungudzwe Nungungulu wathu ga silo satshavbo, kholu ningede va nya guvivbedwe khu myonyo va songwa.
18Kha nga hi fanedego gu alakanya guagiswa nya Nyumba ya Nungungulu, khu litshigu nya magumavili na livbandre nya ngima nya Kisilewu, hi wonide na gu yela gu mi tivisani nenu, gasi mu kodze gu gira nenu buzo nya Mitshatsha, ni gu alakanya nilo wu nga wonegago gikhati Nehemiya a ningedego mhamba, hwane nya guvbahedzwe Nyumba ya Nungungulu ni giluvelo.
19Khu lisine, gikhati vababe vathu va vbagedwego va gu yiswa Perisiya, vaphasi nya mhamba va gikhati gyogyo, va nga bani va gu thava Nungungulu, va di dzega khu gisihaledza nilo nya guage wa vbagiluvelotunu, va wu siha guetani nya nambo wu bangidego, va wu diga wulangani nya gusihale nya gu mwalo uye a nga bani a guti avbo wu nga bani wu romo. 20Gu vbindride myaga nya gulaphe, gikhati Nungungulu a dzinidego, Nehemiya a nga rumedwago khu mufumeli wa Perisiya, a di ruma situgulwana sa vaphasi nya mhamba guya dzega nilo va nga wu sihago, aholu, gukhedza khu esi va nga hi embelago, kha va ya mana nilo, aholu va di ya mana mati nya gutiye. 21Nehemiya a di va ruma gu rega mati va mu resela. Na va dongisede sirengo nya miphaso, Nehemiya a di embela vaphasi nya mhamba va theledzela mati dzikhuni ni sirengo si nga bani si vegidwe. 22Va di gira kharato, hwane nya gikhatinyana, lidambo li nga bani li tshiredzidwe guhegulani, li di phela gu khondra. Khavbo avbo, gu di khondriswa nilo nya wukhongolo ngudzu wu nga liwugisa vatshavbo va nga wu wonago. 23Na yi gu tsagama miphaso, vaphasi nya mhamba va di lombelela, gumogo ni vatshavbo. Jonatane a di thuledzela dzindzimo, vathu vatshavbo ni Nehemiya nuye, va di pata malito yawe ga eli laye. 24Nombelo a nga girago khowu:
“Pfhumu Nungungulu, muvangi nya silo satshavbo,
u thavisegago ni tshivba nya gululame nya wuhindzi,
a gu uwe basi Pfhumu uwe basi u gu wadi,
25khuwe basi nya wuhindzi,
khuwe basi nya lisine,
nya tshivba yatshavbo nya gupindruge,
uwe u vbulugisidego Israyeli guvivbani gwatshavbo,
u hathidego vakokwe vathu u va agisa,
26hakha phaso nya mhamba yeyi,
u giredwago khu vathu vatshavbo va na Israyeli;
sayisa thomba yago u yi agisa.
27Tshanganisa vandriyathu va phalalegidego,
bweledzela gutshulega ga vale va khadego dzikhumbi dza va nya mayigo,
thendregedza maho yago ga vale va nyenywago ni guvengwa,
gasi mayigo ma dziti gukhayo uwe khuwe Nungungulu wathu.
28Tsayisa avo va hi tshanisago va hi hembululago
khu gu dzi gugumugisa gwawe.
29Dzumela vathu vago va ta tsitsa mikhamba
wulangani gwago nya guage.”
30Gikhati gyogyo vaphasi nya mhamba va di gu embelela dzindzimo. 31Avbo yi nga tsagamago miphaso, Nehemiya a di ruma gu mitegedzedwa vbatshani nya siwindri mati ma nga bani ma tshade. 32Na va giride kharato, gu di dzura nilo aholu wu di tshimega, gasi nilo wu nga bani wu khuga khu vbagiluvelotunu, wu di simama gudzura. 33Mahungu nya gigiro gyogyo ma di phalalegiswa. Va di ya embela mufumeli wa Perisiya gukhavo wulanga wule va nga sihago nilo nya guage vaphasi nya mhamba vale va nga vbagedwago kha nga dzikhumbi, gu di ya manega mati. Khavbo nya mati yoyo, Nehemiya ni vangana vaye va di khondrisa nilo wu nga agisa miningelo. 34Avbo mufumeli a li tidego lisine nya silo soso, a di ruma gubhiywa wulanga wule, a gu vega kha nga wulanga wu agidego. 35Mufumeli a di hakha dzisagwati nya dzingi, a dzi kavedzela avo a nga gola gu va tsakisa. 36Vangana va Nehemiya va di rana mati yoyo, khavo: “Nefitari,” gutshamuselago gupwani gu agiswa, aholu vathu nya vangi va di khavo: “Nefita.”
ទើបបានជ្រើសរើសហើយ៖
2 Makabhewu 1: BGG2014
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.
2 Makabhewu 1
1
Magana nya guhegise ya mulovi
(15:38-39)
Lidangalila ga Vajudha va vbanyago tigoni ga Egipito
1“Ga vandriyathu nya Vajudha va guromo tigoni ga Egipito, gurula ni womi! Vandriyanu nya Vajudha va vbanyago Jerusalema, ni tigoni ga Judha va ngu mi losani ni gu mi suvela gurula ni gunengela. 2Nungungulu a na mi tadze khu esi nya sadi, gambe a na dundruge pwanano waye a giridego ni Abrahama, ni Isaki ni Jakobe, sithumi saye nya gutumbege. 3Uye Nungungulu a na dongisele mihefemulo yanu gasi gu mu khozela ni gu landrisa milayo yaye khu monyo nya lihaladzo ni liphuvbo nya gu dzi ningedzele. 4Uye a na tule myonyo yanu gasi mu hakha nayo waye ni sileletelo saye, bwelo khavbo a mi ninga gurula! 5Uye a na hakhe milombelo yanu, a mi girelani wuhindzi, a si mi digi gikhati nya sigaradzo. 6Ethu avba kha hi garali khu gu lombelela khu enu. 7Matshiguni nya mufumo wa Dhemetriyo, khu mwaga nya lizana ni livbandre na limwedo magumi na livbandre na mina (169), ethu Vajudha, hi mi lovedeni lidangalila na hiri vbakari nya sigaradzo ni gusaniseka nya gukhongolo ngudzu, hi nga bani hi gu vbanya ga iso, gukhugela litshigu Jasamo ni dzipari dzaye va nga diga Litigo nya Guage ni mufumo. 8Lidimba nya Nyumba ya Nungungulu li di vbiswa bwelo khavbo li vbaladzedwa novba nya vathu nyambana nandru; aholu, ethu hi di lombelela ga Pfhumu, uye a gu hakha gilombo gyathu. Hi di dusa dzimhamba ni wuguvbi nya gudadatwe, hi khondrisa dzikandriya, hi vegedzela sibaba mbeli gwaye. 9#Wona gambe: Eks 34:22; Levh 23:33-36; Dhet 16:13-15; 31:10. Khavbo avbo, girani mibuzo nya Mitshatsha, livbandre na mavili matshigu, khu ngima nya Kisilewu. Lidangalila li lovidwego khu mwaga nya lizana ni livbandre na mararu magumi ni livbandre na miraru (188).”
Lidangalila nya gunengele buzo
10Vavbanyi va Jerusalema ni Judheya, huwo nya madhota ni Vajudha, va ngu losa Arisitobhulo, muhevbudzi wa mufumeli Pitolomewu, nya linyangwa nya vaphasi nya mhamba va todzidwego khu mafura, ni Vajudha va vbanyago tigoni ga Egipito: womi ni gukhadzisega!
Gubonga gutsayiswa ga Antiyoko
11Na hi vbulugide mhango nya yikhongolo ngudzu khu gu phaswa khu Nungungulu, hi ngu mi ninga gubonga nya gukhongolo ngudzu, kholu khuye muvhikeli wathu a nga hi vhikela litungani nya gudwane ni mufumeli. 12Kholu uye mune Nungungulu a di reda hwindzo dzitshivba dza vale va nga bani va hunganide gasi guta dhumela lidhoropa nya guage. 13Muthangeli wawe, avbo uye a nga bani a hongode tigoni ga Perisiya gumogo ni vadwani nya dzinyimbi dzaye va nga bani va gu khodwa gukhavo khavo nyamba padwa, a di ya songwa nyumbani ga nungungulu Naneya, khu malipha ma nga lugwago khu vaphasi nya mhamba va Naneya. 14Antiyoko, khu mano nya gukhuye a guya gira dzegano ni nungungulu nya nyamayi, Naneya, a di vboha ni vangana vaye gasi guta dzega dzithomba dza nyumbani nya nombelo, a gira giningwa.
15Vaphasi nya mhamba va di ya mu bikela dzithomba, uye mune a di bela wulangani nya guage, gumogo ni vangana vaye, gikhati gyogyo vaphasi nya mhamba va di sega malimba. 16Gikhati Antiyoko a bedego makhuvini, vaphasi va di tula lidimba nya sihalo la mwambatunu, va pfara mufumeli khu siwindri. Va di kokelela vabangaladzi vaye, va gu va pila mihungo va rinyela avo va nga bani vari vbavbandze. 17A na rungudzwe Nungungulu wathu ga silo satshavbo, kholu ningede va nya guvivbedwe khu myonyo va songwa.
18Kha nga hi fanedego gu alakanya guagiswa nya Nyumba ya Nungungulu, khu litshigu nya magumavili na livbandre nya ngima nya Kisilewu, hi wonide na gu yela gu mi tivisani nenu, gasi mu kodze gu gira nenu buzo nya Mitshatsha, ni gu alakanya nilo wu nga wonegago gikhati Nehemiya a ningedego mhamba, hwane nya guvbahedzwe Nyumba ya Nungungulu ni giluvelo.
19Khu lisine, gikhati vababe vathu va vbagedwego va gu yiswa Perisiya, vaphasi nya mhamba va gikhati gyogyo, va nga bani va gu thava Nungungulu, va di dzega khu gisihaledza nilo nya guage wa vbagiluvelotunu, va wu siha guetani nya nambo wu bangidego, va wu diga wulangani nya gusihale nya gu mwalo uye a nga bani a guti avbo wu nga bani wu romo. 20Gu vbindride myaga nya gulaphe, gikhati Nungungulu a dzinidego, Nehemiya a nga rumedwago khu mufumeli wa Perisiya, a di ruma situgulwana sa vaphasi nya mhamba guya dzega nilo va nga wu sihago, aholu, gukhedza khu esi va nga hi embelago, kha va ya mana nilo, aholu va di ya mana mati nya gutiye. 21Nehemiya a di va ruma gu rega mati va mu resela. Na va dongisede sirengo nya miphaso, Nehemiya a di embela vaphasi nya mhamba va theledzela mati dzikhuni ni sirengo si nga bani si vegidwe. 22Va di gira kharato, hwane nya gikhatinyana, lidambo li nga bani li tshiredzidwe guhegulani, li di phela gu khondra. Khavbo avbo, gu di khondriswa nilo nya wukhongolo ngudzu wu nga liwugisa vatshavbo va nga wu wonago. 23Na yi gu tsagama miphaso, vaphasi nya mhamba va di lombelela, gumogo ni vatshavbo. Jonatane a di thuledzela dzindzimo, vathu vatshavbo ni Nehemiya nuye, va di pata malito yawe ga eli laye. 24Nombelo a nga girago khowu:
“Pfhumu Nungungulu, muvangi nya silo satshavbo,
u thavisegago ni tshivba nya gululame nya wuhindzi,
a gu uwe basi Pfhumu uwe basi u gu wadi,
25khuwe basi nya wuhindzi,
khuwe basi nya lisine,
nya tshivba yatshavbo nya gupindruge,
uwe u vbulugisidego Israyeli guvivbani gwatshavbo,
u hathidego vakokwe vathu u va agisa,
26hakha phaso nya mhamba yeyi,
u giredwago khu vathu vatshavbo va na Israyeli;
sayisa thomba yago u yi agisa.
27Tshanganisa vandriyathu va phalalegidego,
bweledzela gutshulega ga vale va khadego dzikhumbi dza va nya mayigo,
thendregedza maho yago ga vale va nyenywago ni guvengwa,
gasi mayigo ma dziti gukhayo uwe khuwe Nungungulu wathu.
28Tsayisa avo va hi tshanisago va hi hembululago
khu gu dzi gugumugisa gwawe.
29Dzumela vathu vago va ta tsitsa mikhamba
wulangani gwago nya guage.”
30Gikhati gyogyo vaphasi nya mhamba va di gu embelela dzindzimo. 31Avbo yi nga tsagamago miphaso, Nehemiya a di ruma gu mitegedzedwa vbatshani nya siwindri mati ma nga bani ma tshade. 32Na va giride kharato, gu di dzura nilo aholu wu di tshimega, gasi nilo wu nga bani wu khuga khu vbagiluvelotunu, wu di simama gudzura. 33Mahungu nya gigiro gyogyo ma di phalalegiswa. Va di ya embela mufumeli wa Perisiya gukhavo wulanga wule va nga sihago nilo nya guage vaphasi nya mhamba vale va nga vbagedwago kha nga dzikhumbi, gu di ya manega mati. Khavbo nya mati yoyo, Nehemiya ni vangana vaye va di khondrisa nilo wu nga agisa miningelo. 34Avbo mufumeli a li tidego lisine nya silo soso, a di ruma gubhiywa wulanga wule, a gu vega kha nga wulanga wu agidego. 35Mufumeli a di hakha dzisagwati nya dzingi, a dzi kavedzela avo a nga gola gu va tsakisa. 36Vangana va Nehemiya va di rana mati yoyo, khavo: “Nefitari,” gutshamuselago gupwani gu agiswa, aholu vathu nya vangi va di khavo: “Nefita.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.