2 Makabhewu 2
2
Jeremiya a ngu siha Tshatsha nya Tshangano ni sombo saye
1Gu lovidwe umo nya milowo nya wuprofeti wa Jeremiya, gupwani khuye a nga ruma sibotshwa gukhuye si dzege nilo, kha nga hi ngari gu ganelago. 2Gu lovidwe gambe gupwani muprofeti, avbo a nga va ninga libhuku nya nayo, a di va leletela gukhuye va si divaledwi khu milayo ya Pfhumu, ni gumba dzi diga va sengwa, khu gu wona sithombe nya ndralama ni parata ni simburiselo sakone. 3A di va laya ni gu va ninga sileletelo nya gukhuye va nga hambani ni nayo myonyoni gwawe. 4#Wona gambe: Dhet 24:1-6; Jer 3:36. Umo nya milowo ya yimweyo gu ngu ganedwa gambe gupwani muprofeti, khu giwoniso gya Nungungulu, a di gola gu bangaladzwa khu Ngasa nya Gidzumeledzwano ni Tshatsha, gikhati a vbohago gigomoni mule a nga gwelago Mosi, gasi guya wona thomba ya Nungungulu. 5Na vbohide gigomoni, Jeremiya a di tugula phago nya yikhongolo a nga ya vegago umo Ngasa, Tshatsha nya Tshangano ni giluvelo nya mafura nya gunungele, a hegisa a sega mwanya. 6Vambe nya vale va nga mu bangaladzago, va di bwelela hwane gasi gu vegedzela siwonegiso nya gunonedze ndzila, aholu va di tandrega. 7Avbo Jeremiya a dzi tidego, a di va kawuka a ganela, khuye: Wulanga wowu kha wu na tidwa kala Nungungulu a gu pwela wuhindzi vathu vaye a va tombanisa. 8Khavbo avbo, Pfhumu Nungungulu a na va tulela gu wona satshavbo. Gu na wonega wudhumo wa Nungungulu kha nga lipfhi nya guphume, kha nga lipfhi li nga wonegago ga Mosi ni ga Solomoni, gikhati a nga girago nombelo gasi gu hakha guagiswa nya wudhumo. 9Gu lovidwe gambe gupwani mufumeli yoyo nya guti a di ningela mhamba nya gubikele Nyumba ya Nungungulu guvbelani nya thumo. 10Ga gikhati gya gimwegyo kha nga olu Mosi, a nga lombelelago ga Pfhumu, wu gu tshiga nilo khu ndzadzini, wu vbisa dzinyama nya miphaso, kharato nuye Solomoni a di lombelela, gu tshiga nilo khu vbatshani wu ta tsagamisa miphaso nya guvbiswe. 11Mosi a di khuye: “Kha nga olu yi ngamba hodzwa mhamba nya guditshedze siwono, yi fanede gu tsagamiswa nilo.” 12#Wona gambe: 1 Dzipf 8:1-11; 2 Dzik 7:1-10. Solomoni nuye giride miphaso nya bikelo ndrani nya livbandre na mararu matshigu. 13Satshavbo sesi hi ngu si mana umo nya milowo nya Matimo ni umo nya Sialakanyiso sa matshiguni ya Nehemiya, kha nga a giridego wulanga nya guhengeledzele mabhuku, a gu tshanganisa dangamwedo yatshavbo ma ganelago khu vafumeli ni vaprofeti, ni sigiro sa Dhavhidhe ni malangalila ya vafumeli ma ganelago khu miningelo. 14Khu magirelo ya mamowo, Judha a di tshanganisa dangamwedo mabhuku yatshavbo ma nga bani ma phalalegide khu kotani nya dzinyimbi dzi nga manegago. Tshangano nya mabhuku yoyo yatshavbo womo mandzani gwathu. 15Khu guralo, mwa gu vbweta libhuku limwedo nya aya, nyi rumeleni muthu a ta dzega.
16Kha nga hi dongiselago gu gira miphaso nya guagise Nyumba ya Nungungulu, hi wonide nari gwadi gu mi lovelani nenu. A diri gwadi ngudzu nari gupwani enu nenu mwa gu girani mibuzo yeyi. 17Khu Nungungulu a vbanyisidego vathu vaye vatshavbo, khuye a ningidego vatshavbo thomba, mufumo, wuphasi nya mhamba ni guagisa, 18kha nga a nga tumbisago umo nya nayo. Nungungulu yoyu hi tumbago gwaye khu lisine kha na nga hwela gu hi pwela wusiwana ethu ni litigo latshavbo, a na hi ramba khu maphuvbo yatshavbo hi ta tshangana tigoni gu kategisidwego. Kholu uye a hi vbanyiside ga dzimhango nya dzikhongolo a gu agisa Wulanga wowu nya Miphaso.
Magana nya guhegule
(2 Makabhewu 2:19-32)
19Sigiro si manegidego matshiguni ya Judha Makabhewu ni vandriyaye, guagiswa nya nyumba nya gukatege ni gubikedwa nya giluvelo, 20kha nga gambe mayunga nya nyimbi va dwanidego ni Antiyoko ni mwanaye Ewupatori, 21ni siwoniso sa ndzadzini si nga wonegago gasi gu phasedzela vale va nga bani va dwana khu tshivba gasi gu emela Gijudha, va khadego vamune nya litigo latshavbo ambari va nga bani vari khu tengo nya wudugwanana ngudzu va phalalegiside makungo ya valala. 22Va di dzega Nyumba ya Nungungulu, yi nga bani yi pwala ndruma tigoni gwatshavbo, va wandra lidhoropa, va gu wusedza nyaluphye milayo yi nga bani yi gu tshipiswa, satshavbo sesi si giregide khu tshivba ya Pfhumu Nungungulu a nga va girela wuhindzi. 23Khiso esi hi embeledzedwago khu Jasamo wa Kirene a si lovidego umo nya livbandre mabhuku hi na ma humbiselago hi gira libhuku limwedo basi.
Gighelo ni magirelo
24Ha gu khedza talo nya mabhuku ni sigaradzo va si manago vale va pimisago gu dzi ningela ga thumo nya guhevbule milowo nya matimo, khu kotani nya tsalangano nya mahungu nya mangi ngudzu, 25hi na zama basi gu tsakisa avo va golago gu hevbula, ni gu vbevbugisela avo va vbwetago gu ma vegisa, ma alakanywa, ni gu phasedza vatshavbo.
26Gasi ethu hi dzegago thumo wowu nya gu ma humbisele, kha sa hi vbevbugela, aholu si hi garadzide hi lutuga ni gumba mana ligovbe. 27Kha nga muthu a dongiselago buzo, a gu dzi garadza, a gu dzi ningela ga mithumo nya gulemele khu gu dwanela gu tsakisa vale va rambidwego, kharato nethu hi dzumede thumo wowu gasi gu nengedzisa nya vangi. 28Hi na diga mulovi a hi sasamedzela gwadi satshavbo khu gulaphisela gakone, gasi ethu hi na zama gu mi embeledzela khu gu ma humbisela. 29Kha nga ulo thumoni nya guvbahe nyumba nya yiphya, muvbahi a dzi garadzago basi khu gu vbaha wurumba wakone nya nyumba, gasi vapendri khavo va dzi garadzago khu gu vegedzela satshavbo gasi gu yi mburisela, kharato nugo, gukhwatshi khidzo hi fanedego gu gira nethu. 30Mulovi nya matimo, fanede guetisela satshavbo, gu hevbula satshavbo ni gu khedzisela gwadi maphuvbo yatshavbo nya silo, 31gasi oyu a humbiselago, gu vbwetega a ganela khu magana nya madugwanana mihungo nya yikhongolo nya mahungu.
32Olu, na hi tadzide magana nya guhegule, hi na phela gu sasamedzela mahungu, kholu kha gu khali idzo gu tadza magana hi si gu sasamedzi matimo, khu hwane hi ta humbisela matimo.
ទើបបានជ្រើសរើសហើយ៖
2 Makabhewu 2: BGG2014
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.
2 Makabhewu 2
2
Jeremiya a ngu siha Tshatsha nya Tshangano ni sombo saye
1Gu lovidwe umo nya milowo nya wuprofeti wa Jeremiya, gupwani khuye a nga ruma sibotshwa gukhuye si dzege nilo, kha nga hi ngari gu ganelago. 2Gu lovidwe gambe gupwani muprofeti, avbo a nga va ninga libhuku nya nayo, a di va leletela gukhuye va si divaledwi khu milayo ya Pfhumu, ni gumba dzi diga va sengwa, khu gu wona sithombe nya ndralama ni parata ni simburiselo sakone. 3A di va laya ni gu va ninga sileletelo nya gukhuye va nga hambani ni nayo myonyoni gwawe. 4#Wona gambe: Dhet 24:1-6; Jer 3:36. Umo nya milowo ya yimweyo gu ngu ganedwa gambe gupwani muprofeti, khu giwoniso gya Nungungulu, a di gola gu bangaladzwa khu Ngasa nya Gidzumeledzwano ni Tshatsha, gikhati a vbohago gigomoni mule a nga gwelago Mosi, gasi guya wona thomba ya Nungungulu. 5Na vbohide gigomoni, Jeremiya a di tugula phago nya yikhongolo a nga ya vegago umo Ngasa, Tshatsha nya Tshangano ni giluvelo nya mafura nya gunungele, a hegisa a sega mwanya. 6Vambe nya vale va nga mu bangaladzago, va di bwelela hwane gasi gu vegedzela siwonegiso nya gunonedze ndzila, aholu va di tandrega. 7Avbo Jeremiya a dzi tidego, a di va kawuka a ganela, khuye: Wulanga wowu kha wu na tidwa kala Nungungulu a gu pwela wuhindzi vathu vaye a va tombanisa. 8Khavbo avbo, Pfhumu Nungungulu a na va tulela gu wona satshavbo. Gu na wonega wudhumo wa Nungungulu kha nga lipfhi nya guphume, kha nga lipfhi li nga wonegago ga Mosi ni ga Solomoni, gikhati a nga girago nombelo gasi gu hakha guagiswa nya wudhumo. 9Gu lovidwe gambe gupwani mufumeli yoyo nya guti a di ningela mhamba nya gubikele Nyumba ya Nungungulu guvbelani nya thumo. 10Ga gikhati gya gimwegyo kha nga olu Mosi, a nga lombelelago ga Pfhumu, wu gu tshiga nilo khu ndzadzini, wu vbisa dzinyama nya miphaso, kharato nuye Solomoni a di lombelela, gu tshiga nilo khu vbatshani wu ta tsagamisa miphaso nya guvbiswe. 11Mosi a di khuye: “Kha nga olu yi ngamba hodzwa mhamba nya guditshedze siwono, yi fanede gu tsagamiswa nilo.” 12#Wona gambe: 1 Dzipf 8:1-11; 2 Dzik 7:1-10. Solomoni nuye giride miphaso nya bikelo ndrani nya livbandre na mararu matshigu. 13Satshavbo sesi hi ngu si mana umo nya milowo nya Matimo ni umo nya Sialakanyiso sa matshiguni ya Nehemiya, kha nga a giridego wulanga nya guhengeledzele mabhuku, a gu tshanganisa dangamwedo yatshavbo ma ganelago khu vafumeli ni vaprofeti, ni sigiro sa Dhavhidhe ni malangalila ya vafumeli ma ganelago khu miningelo. 14Khu magirelo ya mamowo, Judha a di tshanganisa dangamwedo mabhuku yatshavbo ma nga bani ma phalalegide khu kotani nya dzinyimbi dzi nga manegago. Tshangano nya mabhuku yoyo yatshavbo womo mandzani gwathu. 15Khu guralo, mwa gu vbweta libhuku limwedo nya aya, nyi rumeleni muthu a ta dzega.
16Kha nga hi dongiselago gu gira miphaso nya guagise Nyumba ya Nungungulu, hi wonide nari gwadi gu mi lovelani nenu. A diri gwadi ngudzu nari gupwani enu nenu mwa gu girani mibuzo yeyi. 17Khu Nungungulu a vbanyisidego vathu vaye vatshavbo, khuye a ningidego vatshavbo thomba, mufumo, wuphasi nya mhamba ni guagisa, 18kha nga a nga tumbisago umo nya nayo. Nungungulu yoyu hi tumbago gwaye khu lisine kha na nga hwela gu hi pwela wusiwana ethu ni litigo latshavbo, a na hi ramba khu maphuvbo yatshavbo hi ta tshangana tigoni gu kategisidwego. Kholu uye a hi vbanyiside ga dzimhango nya dzikhongolo a gu agisa Wulanga wowu nya Miphaso.
Magana nya guhegule
(2 Makabhewu 2:19-32)
19Sigiro si manegidego matshiguni ya Judha Makabhewu ni vandriyaye, guagiswa nya nyumba nya gukatege ni gubikedwa nya giluvelo, 20kha nga gambe mayunga nya nyimbi va dwanidego ni Antiyoko ni mwanaye Ewupatori, 21ni siwoniso sa ndzadzini si nga wonegago gasi gu phasedzela vale va nga bani va dwana khu tshivba gasi gu emela Gijudha, va khadego vamune nya litigo latshavbo ambari va nga bani vari khu tengo nya wudugwanana ngudzu va phalalegiside makungo ya valala. 22Va di dzega Nyumba ya Nungungulu, yi nga bani yi pwala ndruma tigoni gwatshavbo, va wandra lidhoropa, va gu wusedza nyaluphye milayo yi nga bani yi gu tshipiswa, satshavbo sesi si giregide khu tshivba ya Pfhumu Nungungulu a nga va girela wuhindzi. 23Khiso esi hi embeledzedwago khu Jasamo wa Kirene a si lovidego umo nya livbandre mabhuku hi na ma humbiselago hi gira libhuku limwedo basi.
Gighelo ni magirelo
24Ha gu khedza talo nya mabhuku ni sigaradzo va si manago vale va pimisago gu dzi ningela ga thumo nya guhevbule milowo nya matimo, khu kotani nya tsalangano nya mahungu nya mangi ngudzu, 25hi na zama basi gu tsakisa avo va golago gu hevbula, ni gu vbevbugisela avo va vbwetago gu ma vegisa, ma alakanywa, ni gu phasedza vatshavbo.
26Gasi ethu hi dzegago thumo wowu nya gu ma humbisele, kha sa hi vbevbugela, aholu si hi garadzide hi lutuga ni gumba mana ligovbe. 27Kha nga muthu a dongiselago buzo, a gu dzi garadza, a gu dzi ningela ga mithumo nya gulemele khu gu dwanela gu tsakisa vale va rambidwego, kharato nethu hi dzumede thumo wowu gasi gu nengedzisa nya vangi. 28Hi na diga mulovi a hi sasamedzela gwadi satshavbo khu gulaphisela gakone, gasi ethu hi na zama gu mi embeledzela khu gu ma humbisela. 29Kha nga ulo thumoni nya guvbahe nyumba nya yiphya, muvbahi a dzi garadzago basi khu gu vbaha wurumba wakone nya nyumba, gasi vapendri khavo va dzi garadzago khu gu vegedzela satshavbo gasi gu yi mburisela, kharato nugo, gukhwatshi khidzo hi fanedego gu gira nethu. 30Mulovi nya matimo, fanede guetisela satshavbo, gu hevbula satshavbo ni gu khedzisela gwadi maphuvbo yatshavbo nya silo, 31gasi oyu a humbiselago, gu vbwetega a ganela khu magana nya madugwanana mihungo nya yikhongolo nya mahungu.
32Olu, na hi tadzide magana nya guhegule, hi na phela gu sasamedzela mahungu, kholu kha gu khali idzo gu tadza magana hi si gu sasamedzi matimo, khu hwane hi ta humbisela matimo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.