1 Makabhewu 13
13
IV. MITHUMO YA SIMONI MUPHASI NYA KHONGOLO NYA MHAMBA NI MUTHANGELI WA VAJUDHA
(Makabhewu 13—16)
Simoni a ngu tshikedza Jonatane
1Simoni a di tiviswa gupwani Trifoni a di bani na gu dongisela masotshwa nya mangi ngudzu gasi guta tigoni ga Judheya a ta sasela. 2Na wone gukhuye vathu va di gu ndrendremela khu hwanga, a di hongola Jerusalema, aya tshanganisa vathu. 3Gasi gu va tiyisela, a di ganela a va embela, khuye: “Enu mu ngu pimani gwadi esi eni ni vandriyangu ni ndranga yatshavbo ya babe wangu,#13:3 Ndranga yatshavbo ya babe wangu: Umo nya tumbunugo nya Vajudha, muthu ni muthu a gu lumba sighava siraru nya wulongo, a gu esi: Lifumbu (kha nga Vatonga, Vathwa, mwendro Vatshangana), lihundzu, ni ndranga ya va na mani. Ndranga ya babe wangu guthudwa wulongo nya vathu va dugelago ga linyumba nya gukari, vandruye, ni situgulwana sa nyapandre wamoyo, gudiga nya vanyamayi va dzegidwego kholu avovo va di bela gilongoni ga vama vawe. “Ndranga ya babe wangu” ya gu bhanya vathu vatshavbo, vama ni vanyamayi, dzikhumbi ni vathumegeli gumogo ni mapango yawe, ambari ni Valevhi va vbanyago mwendro va lumbago ndranga ya na mani. hi giridego khu gufela gu sayisa milayo ni Wulanga nya Guage, mu ngu ma pimani gwadi mayunga ni sigaradzo hi si manidego. 4Khigyo givangelo gi giridego gu vandriyangu va songwa vatshavbo khu gufela ndranga ya Israyeli, olu nyi tshadego nyonga. 5Nungungulu a na nyi vbulugise olu ga mapimo nya guvbwete gu vbanyisa womi wangu, gikhati gegi nala a hi tshanisago khu tshivba, kholu eni kha nyiri wadi guvbindra vandriyangu. 6Khu guralo, nyi na vhikela vathu vangu, ni Wulanga nya Guage, ni vagadzi vanu ni sanana sanu, kholu mayigo yatshavbo ma tshanganide khu livengo, ma hunga gikungo nya guta hi mbembisa.”
7Na va pwide magana yaya, vathu va di dzura myonyoni gwawe; 8vatshavbo va di khusa lito va hakha, khavo: “Uwe khuwe muthangeli wathu u tshikedzago vandriyago Judha ni Jonatane. 9Khala uwe muthangeli nya litunga lathu, ni sevbini u na hi rumago uwe, ethu hi na gira.” 10Khavbo avbo, Simoni a di ramba vama vatshavbo nya tshivba va dzi kodzago gu phara matshari va dwana litunga, a gu vbiredzisela gu vbedzisa guvbaha mabhiyo ya Jerusalema, ni makhokhola ma randrelago lidhoropa. 11Hwane nya ugo, a di rumela Jonatane, mwamana wa Abhisalamo ni libutho nya nyimbi, a hongola aya dhumela lidhoropa la Dzope. Jonatane a di ya tutumisa vavbanyi a khala uye dhoropani.
Simoni a ngu tutumisa Trifoni tigoni ga Judheya
12Gikhati gyogyo, Trifoni a di khuga khu Pitolomayidha ni talo nya masotshwa gasi guta bela tigoni ga Judha. A dita gumogo ni Jonatane a nga mu girago gibotshwa gyaye. 13Gasi Simoni a di ya zumba tigoni ga Adhidha, na gu wona lipani mbeli. 14Trifoni a di ya embedwa gupwani Simoni tshikedzide ndriyaye Jonatane kha nga muthangeli nya litigo, gambe a ngu dzi dongisela guya mu dwanisa. Khavbo avbo, Trifoni a di vbiredzela gu rumela vathu ga Simoni guya mu embela, khavo: 15“Hi mode ndriyago khu kotani nya mangava a gu nawo nya dzitsapawu dza kwamani nya mufumo, khavbo nya thumo a nga bani a wu gimbidzisa. 16Hi rumele lizana dzitaleta gumogo ni sanana saye sivili gasi si ta khala githembiso nya gukhethu kha na nga hi wugela gikhati hi na mu tshulago, hi na mu diga a hongola.”
17Simoni a di tugula gukhuye magana yaya khya malipha, aholu a di ya vbweta tengo yoyo nya dzitsapawu ni sanana, gasi a si wugedwi khu vathu, va nga hadza gu ganela, khavo: 18“A di bomba gu rumela dzitsapawu ni sanana, gukala va songa Jonatane.”
19A di rumela dzitsapawu ni sanana, aholu Trifoni kha nga tshula Jonatane. 20A di bela ndzilani khu guvbiredza, aya bela Judheya gasi gu li sasela, a di li dzuwuluga a gu bela khu ndzila ya Adhora. Aholu, Simoni ni masotshwa yaye a di va landrisela ni evbini va yago gikhati gyatshavbo. 21Khu gwawe, vathu va khokholani ga Akira va di rumela myango ga Trifoni guya mu embela gukhavo a vbiredze guta gwawe khu giwulani gasi gu va resela guhodza. 22Trifoni a di dongisela vakhileli nya dzikavalu gasi gu duga ni wutshigu wowo, aholu kha nga dzi kodza gu hongola Gileyadhi khu kotani nya girame gi nga thega khu tshivba ngudzu ni wutshigu. 23Gikhati a vbohidego vbafuvbi ni Bhasikama, a di songa Jonatane a mu dzinga kamwe wulanga wowo. 24Khavbo avbo, a di bwelela a gu hongola tigoni gwawe.
Lithowo la Jonatane tigoni ga Modhini
25Simoni a di ruma guya dzega marambo ya ndriyaye Jonatane ma ta dzingwa Modhini, dhoropani ga vavelegi vaye. 26Israyeli watshavbo a di mu lila khu gililo nya gikhongolo ngudzu va gu vega matshigu nya mangi nya gililo. 27Vbatshani nya marowo ya babe waye ni vandriyaye, Simoni a di vbaha nyumba nya yikhongolo khu siwindri nya gumburisedwe eno ni eno. 28A di khusa avbo livbandre na sivili siwindri, a gu si sasamedzela gimwegyo ni gimwegyo mbeli ga gikwawe, gya babe waye, ni mayi waye ni vandriyaye nya vama; 29a di si mburisela a gu si randrela khu madingo nya gulaphe, a vegedzela sifungo nya gialakhanyiso vbatshani nya lidingo ni lidingo, ni mataro ma khandridwego khu vbatshani gakone, nya makhongolo ma nga dzi kodzago gu wonwa khu vatshavbo va nga bani va gu vbindra khu phwani khu dzingalava. 30Lithowo leli nya likhongolo nya giwindri a li vbahidego dhoropani ga Modhini, li ngu simama kala na muhuno.
Pwanano wa Simoni ni Dhemetriyo
31Trifoni a nga bani a gu thumela mufumeli nya lidzaha, Antiyoko khu monyo nya guvivbe, a di ruma gu mu songa, 32a tshala a fuma uye wulanga waye. A di ambala uye gihugu nya wufumu wa Aziya. Giride guvivba nya gukhongolo ngudzu ga vathu va tigoni.
33Simoni a di wusedza makhokhola ya Judheya, a ma tiyisa khu dzilangwe nya tshivba dzi khusegidego, ni mabhiyo nya makhongolo ni malimba nya sikete, a tadza makhokhola khu sisangala nya guhodza. 34A di rumela myango ga mufumeli Dhemetriyo guya mu lomba gutsetseledwa mangava yatshavbo ni gu tshipisa mikhupo ya tigoni, kholu Trifoni a nga belago a gu phanga silo satshavbo. 35Mufumeli Dhemetriyo, a di mu lovela lidangalila leli, khuye:
36“Eni mufumeli Dhemetriyo, nyi ngu lovela Simoni, Muphasi nya Khongolo nya mhamba, eno pari ya mufumeli, ga madhota ni ga vathu vatshavbo va Judheya. Gurula! 37Hi hakhide hari nya ndralama ni litamo lakone mu hi rumedego, gambe hi dzi emisede gu gira nanu pwanano nya rulo nya gutiye, ni gu lovela vagimbidzisi nya mufumo gasi va mi tshipiselani mikhupo. 38Satshavbo iso hi hungidego nya sadi nya guphasedzele enu, si tiyisidwe, ni makhokhola mu vbahidego gambe, ma na khale yanu. 39Hi ngu mi tsetselelani guvivba gwatshavbo mu giridego kala litshigu la muhuno. Hi ngu diga dzifanelo dzathu dzatshavbo nya wufumeli mu yelago gu hi girela, ya gu bani yi nga guromo gambe yimbe mikhupo Jerusalema mu yelago gu livba, gukhugela olu mu nga livbini gambe. 40Khu guhegisa, va gu bani varomo vbakari gwanu vathu va gu ni maningano nya gu dzi lovedzise tsawani nya vawoneleli, va na lovedwe, gurula gu na fume vbakari gwathu.”
41A diri mwaga nya lizana ni livbandre na mavili magumi (170), gikhati Israyeli a tshudego kanga nya gufumedwe khu va nya mayigo. 42Vathu va di phela gulovetela umo nya malangalila sigiro ni mipwanano ni satshavbo nya mufumo, khavo: “Mwaga nya guhegule wa Simoni, muphasi nya khongolo nya mhamba, mugimbidzisi nya dzinyimbi ni muthangeli wa Vajudha.”
Simoni a ngu wandra lidhoropa la Gezeri
43Khu gikhati gegi, Simoni a di duga aya ghova mbeli nya lidhoropa la Gezeri, a li randrela. A di vbaha sithathi nya guvegedzele avbo vanyaghungele nya nyimbi, vbafuvbi ni lidhoropa, a gu dhumela langwe mweyo a yi pala, a yi wandra. 44Masotshwa ma nga bani mari umo nya langwe, ma di bela dhoropani ma swayega, ma ya wusa pfilupfilu nya yikhongolo ngudzu, 45avbo nya gu vathu va dhoropani ni vagadzi vawe ni sanana sawe va di lita vbatshani nya libhiyo, va gu pferulela guambala, va khusa lito va lomba ga Simoni gukhavo a va ninge gurula, 46va ganela, khavo: “U nga hi phari gukhedza khu guvivba gwathu, aholu gupima khu wuhindzi wago.” 47Simoni a di va tsetselela, a si simamisi gu dwana litunga; aholu a di va tutumisa vatshavbo dhoropani, a gu rumela gu agiswa dzinyumba dzatshavbo dzi nga bani dziri ni vanungungulu nya malipha, a vbedza a bela dhoropani vbakari nya dzindzimo ni sizimba nya gurungudze. 48Na agiside lidhoropa latshavbo, a di bedza umo vathu va tumbegidego nayoni, a gu li tiyisa a gu dzi vbahela umo nyumba yaye.
49Vale va nga bani va gundrela likhokhola la Jerusalema va di si mani guduga mwendro gubela, guta renga mwendro gu rengisa, va di manega na vari gutshanisekani ngudzu khu ndzala, nya vangi vawe va difa. 50Va di womba huwa va yi vbohisa ga Simoni gasi a va ninge gurula. Simoni a di va ninga gurula. Aholu a di va bhobha vatshavbo mulikhokholani, a gu agisa gunyenyeza gwatshavbo nya likhokhola.
51Va bede wulanga wule khu litshigu nya magumavili na mararu, nya ngima nya wuvili, nya mwaga nya lizana ni livbandre na mavili magumi ni moyo (171), na va pharide migindru mandzani, va embelela dzindzimo, ni sizimba nya sitendre ni mihwambi ni sikhitshi ni dzindzimo nya mikulungwane nya gurungudze, kholu a di padwe nala nya khongolo ngudzu wa Israyeli. 52A di laya gambe gukhuye litshigu leli li alakanywe khu mwaga ni mwaga khu gunengela nya gukhongolo. A di tiyisa gigomo yi vbahidwego umo nyumba nya yikhongolo ya Nungungulu, a di vbanya avbo ni valongo vaye khu bambe nya likhokhola. 53Khu guhegisa, Simoni na wone gukhuye mwanaye, Johane, khade ndrena nya nyimbi a di mu vega gu khala muthangeli nya masotshwa yatshavbo, na gukhugela dhoropani ga Gezeri.
ទើបបានជ្រើសរើសហើយ៖
1 Makabhewu 13: BGG2014
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.
1 Makabhewu 13
13
IV. MITHUMO YA SIMONI MUPHASI NYA KHONGOLO NYA MHAMBA NI MUTHANGELI WA VAJUDHA
(Makabhewu 13—16)
Simoni a ngu tshikedza Jonatane
1Simoni a di tiviswa gupwani Trifoni a di bani na gu dongisela masotshwa nya mangi ngudzu gasi guta tigoni ga Judheya a ta sasela. 2Na wone gukhuye vathu va di gu ndrendremela khu hwanga, a di hongola Jerusalema, aya tshanganisa vathu. 3Gasi gu va tiyisela, a di ganela a va embela, khuye: “Enu mu ngu pimani gwadi esi eni ni vandriyangu ni ndranga yatshavbo ya babe wangu,#13:3 Ndranga yatshavbo ya babe wangu: Umo nya tumbunugo nya Vajudha, muthu ni muthu a gu lumba sighava siraru nya wulongo, a gu esi: Lifumbu (kha nga Vatonga, Vathwa, mwendro Vatshangana), lihundzu, ni ndranga ya va na mani. Ndranga ya babe wangu guthudwa wulongo nya vathu va dugelago ga linyumba nya gukari, vandruye, ni situgulwana sa nyapandre wamoyo, gudiga nya vanyamayi va dzegidwego kholu avovo va di bela gilongoni ga vama vawe. “Ndranga ya babe wangu” ya gu bhanya vathu vatshavbo, vama ni vanyamayi, dzikhumbi ni vathumegeli gumogo ni mapango yawe, ambari ni Valevhi va vbanyago mwendro va lumbago ndranga ya na mani. hi giridego khu gufela gu sayisa milayo ni Wulanga nya Guage, mu ngu ma pimani gwadi mayunga ni sigaradzo hi si manidego. 4Khigyo givangelo gi giridego gu vandriyangu va songwa vatshavbo khu gufela ndranga ya Israyeli, olu nyi tshadego nyonga. 5Nungungulu a na nyi vbulugise olu ga mapimo nya guvbwete gu vbanyisa womi wangu, gikhati gegi nala a hi tshanisago khu tshivba, kholu eni kha nyiri wadi guvbindra vandriyangu. 6Khu guralo, nyi na vhikela vathu vangu, ni Wulanga nya Guage, ni vagadzi vanu ni sanana sanu, kholu mayigo yatshavbo ma tshanganide khu livengo, ma hunga gikungo nya guta hi mbembisa.”
7Na va pwide magana yaya, vathu va di dzura myonyoni gwawe; 8vatshavbo va di khusa lito va hakha, khavo: “Uwe khuwe muthangeli wathu u tshikedzago vandriyago Judha ni Jonatane. 9Khala uwe muthangeli nya litunga lathu, ni sevbini u na hi rumago uwe, ethu hi na gira.” 10Khavbo avbo, Simoni a di ramba vama vatshavbo nya tshivba va dzi kodzago gu phara matshari va dwana litunga, a gu vbiredzisela gu vbedzisa guvbaha mabhiyo ya Jerusalema, ni makhokhola ma randrelago lidhoropa. 11Hwane nya ugo, a di rumela Jonatane, mwamana wa Abhisalamo ni libutho nya nyimbi, a hongola aya dhumela lidhoropa la Dzope. Jonatane a di ya tutumisa vavbanyi a khala uye dhoropani.
Simoni a ngu tutumisa Trifoni tigoni ga Judheya
12Gikhati gyogyo, Trifoni a di khuga khu Pitolomayidha ni talo nya masotshwa gasi guta bela tigoni ga Judha. A dita gumogo ni Jonatane a nga mu girago gibotshwa gyaye. 13Gasi Simoni a di ya zumba tigoni ga Adhidha, na gu wona lipani mbeli. 14Trifoni a di ya embedwa gupwani Simoni tshikedzide ndriyaye Jonatane kha nga muthangeli nya litigo, gambe a ngu dzi dongisela guya mu dwanisa. Khavbo avbo, Trifoni a di vbiredzela gu rumela vathu ga Simoni guya mu embela, khavo: 15“Hi mode ndriyago khu kotani nya mangava a gu nawo nya dzitsapawu dza kwamani nya mufumo, khavbo nya thumo a nga bani a wu gimbidzisa. 16Hi rumele lizana dzitaleta gumogo ni sanana saye sivili gasi si ta khala githembiso nya gukhethu kha na nga hi wugela gikhati hi na mu tshulago, hi na mu diga a hongola.”
17Simoni a di tugula gukhuye magana yaya khya malipha, aholu a di ya vbweta tengo yoyo nya dzitsapawu ni sanana, gasi a si wugedwi khu vathu, va nga hadza gu ganela, khavo: 18“A di bomba gu rumela dzitsapawu ni sanana, gukala va songa Jonatane.”
19A di rumela dzitsapawu ni sanana, aholu Trifoni kha nga tshula Jonatane. 20A di bela ndzilani khu guvbiredza, aya bela Judheya gasi gu li sasela, a di li dzuwuluga a gu bela khu ndzila ya Adhora. Aholu, Simoni ni masotshwa yaye a di va landrisela ni evbini va yago gikhati gyatshavbo. 21Khu gwawe, vathu va khokholani ga Akira va di rumela myango ga Trifoni guya mu embela gukhavo a vbiredze guta gwawe khu giwulani gasi gu va resela guhodza. 22Trifoni a di dongisela vakhileli nya dzikavalu gasi gu duga ni wutshigu wowo, aholu kha nga dzi kodza gu hongola Gileyadhi khu kotani nya girame gi nga thega khu tshivba ngudzu ni wutshigu. 23Gikhati a vbohidego vbafuvbi ni Bhasikama, a di songa Jonatane a mu dzinga kamwe wulanga wowo. 24Khavbo avbo, a di bwelela a gu hongola tigoni gwawe.
Lithowo la Jonatane tigoni ga Modhini
25Simoni a di ruma guya dzega marambo ya ndriyaye Jonatane ma ta dzingwa Modhini, dhoropani ga vavelegi vaye. 26Israyeli watshavbo a di mu lila khu gililo nya gikhongolo ngudzu va gu vega matshigu nya mangi nya gililo. 27Vbatshani nya marowo ya babe waye ni vandriyaye, Simoni a di vbaha nyumba nya yikhongolo khu siwindri nya gumburisedwe eno ni eno. 28A di khusa avbo livbandre na sivili siwindri, a gu si sasamedzela gimwegyo ni gimwegyo mbeli ga gikwawe, gya babe waye, ni mayi waye ni vandriyaye nya vama; 29a di si mburisela a gu si randrela khu madingo nya gulaphe, a vegedzela sifungo nya gialakhanyiso vbatshani nya lidingo ni lidingo, ni mataro ma khandridwego khu vbatshani gakone, nya makhongolo ma nga dzi kodzago gu wonwa khu vatshavbo va nga bani va gu vbindra khu phwani khu dzingalava. 30Lithowo leli nya likhongolo nya giwindri a li vbahidego dhoropani ga Modhini, li ngu simama kala na muhuno.
Pwanano wa Simoni ni Dhemetriyo
31Trifoni a nga bani a gu thumela mufumeli nya lidzaha, Antiyoko khu monyo nya guvivbe, a di ruma gu mu songa, 32a tshala a fuma uye wulanga waye. A di ambala uye gihugu nya wufumu wa Aziya. Giride guvivba nya gukhongolo ngudzu ga vathu va tigoni.
33Simoni a di wusedza makhokhola ya Judheya, a ma tiyisa khu dzilangwe nya tshivba dzi khusegidego, ni mabhiyo nya makhongolo ni malimba nya sikete, a tadza makhokhola khu sisangala nya guhodza. 34A di rumela myango ga mufumeli Dhemetriyo guya mu lomba gutsetseledwa mangava yatshavbo ni gu tshipisa mikhupo ya tigoni, kholu Trifoni a nga belago a gu phanga silo satshavbo. 35Mufumeli Dhemetriyo, a di mu lovela lidangalila leli, khuye:
36“Eni mufumeli Dhemetriyo, nyi ngu lovela Simoni, Muphasi nya Khongolo nya mhamba, eno pari ya mufumeli, ga madhota ni ga vathu vatshavbo va Judheya. Gurula! 37Hi hakhide hari nya ndralama ni litamo lakone mu hi rumedego, gambe hi dzi emisede gu gira nanu pwanano nya rulo nya gutiye, ni gu lovela vagimbidzisi nya mufumo gasi va mi tshipiselani mikhupo. 38Satshavbo iso hi hungidego nya sadi nya guphasedzele enu, si tiyisidwe, ni makhokhola mu vbahidego gambe, ma na khale yanu. 39Hi ngu mi tsetselelani guvivba gwatshavbo mu giridego kala litshigu la muhuno. Hi ngu diga dzifanelo dzathu dzatshavbo nya wufumeli mu yelago gu hi girela, ya gu bani yi nga guromo gambe yimbe mikhupo Jerusalema mu yelago gu livba, gukhugela olu mu nga livbini gambe. 40Khu guhegisa, va gu bani varomo vbakari gwanu vathu va gu ni maningano nya gu dzi lovedzise tsawani nya vawoneleli, va na lovedwe, gurula gu na fume vbakari gwathu.”
41A diri mwaga nya lizana ni livbandre na mavili magumi (170), gikhati Israyeli a tshudego kanga nya gufumedwe khu va nya mayigo. 42Vathu va di phela gulovetela umo nya malangalila sigiro ni mipwanano ni satshavbo nya mufumo, khavo: “Mwaga nya guhegule wa Simoni, muphasi nya khongolo nya mhamba, mugimbidzisi nya dzinyimbi ni muthangeli wa Vajudha.”
Simoni a ngu wandra lidhoropa la Gezeri
43Khu gikhati gegi, Simoni a di duga aya ghova mbeli nya lidhoropa la Gezeri, a li randrela. A di vbaha sithathi nya guvegedzele avbo vanyaghungele nya nyimbi, vbafuvbi ni lidhoropa, a gu dhumela langwe mweyo a yi pala, a yi wandra. 44Masotshwa ma nga bani mari umo nya langwe, ma di bela dhoropani ma swayega, ma ya wusa pfilupfilu nya yikhongolo ngudzu, 45avbo nya gu vathu va dhoropani ni vagadzi vawe ni sanana sawe va di lita vbatshani nya libhiyo, va gu pferulela guambala, va khusa lito va lomba ga Simoni gukhavo a va ninge gurula, 46va ganela, khavo: “U nga hi phari gukhedza khu guvivba gwathu, aholu gupima khu wuhindzi wago.” 47Simoni a di va tsetselela, a si simamisi gu dwana litunga; aholu a di va tutumisa vatshavbo dhoropani, a gu rumela gu agiswa dzinyumba dzatshavbo dzi nga bani dziri ni vanungungulu nya malipha, a vbedza a bela dhoropani vbakari nya dzindzimo ni sizimba nya gurungudze. 48Na agiside lidhoropa latshavbo, a di bedza umo vathu va tumbegidego nayoni, a gu li tiyisa a gu dzi vbahela umo nyumba yaye.
49Vale va nga bani va gundrela likhokhola la Jerusalema va di si mani guduga mwendro gubela, guta renga mwendro gu rengisa, va di manega na vari gutshanisekani ngudzu khu ndzala, nya vangi vawe va difa. 50Va di womba huwa va yi vbohisa ga Simoni gasi a va ninge gurula. Simoni a di va ninga gurula. Aholu a di va bhobha vatshavbo mulikhokholani, a gu agisa gunyenyeza gwatshavbo nya likhokhola.
51Va bede wulanga wule khu litshigu nya magumavili na mararu, nya ngima nya wuvili, nya mwaga nya lizana ni livbandre na mavili magumi ni moyo (171), na va pharide migindru mandzani, va embelela dzindzimo, ni sizimba nya sitendre ni mihwambi ni sikhitshi ni dzindzimo nya mikulungwane nya gurungudze, kholu a di padwe nala nya khongolo ngudzu wa Israyeli. 52A di laya gambe gukhuye litshigu leli li alakanywe khu mwaga ni mwaga khu gunengela nya gukhongolo. A di tiyisa gigomo yi vbahidwego umo nyumba nya yikhongolo ya Nungungulu, a di vbanya avbo ni valongo vaye khu bambe nya likhokhola. 53Khu guhegisa, Simoni na wone gukhuye mwanaye, Johane, khade ndrena nya nyimbi a di mu vega gu khala muthangeli nya masotshwa yatshavbo, na gukhugela dhoropani ga Gezeri.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.