1 Makabhewu 12
12
Jonatane a ngu gira pwanano ni Roma ni Esparita
1Jonatane khu gu wona nya gukhuye gikhati nya gyadi gi vbohide, a di hatha madhota nya gukari a ma rumela Roma gasi guya tiyisa ni gu wusedza pwanano ni Varoma. 2A di va ninga gambe mambe malangalila nya idzosaye, gasi gu ma yisa ga vathu va Esparita ni mambe mayigo. 3Sirumwa si di vboha Roma, si gu kongoma wukhongolotunu nya huwo nya madhota, si ya, khiso: “Muphasi nya Khongolo nya mhamba Jonatane, gumogo ni vathu va Judheya va hi rumede avba gasi guta wusedza nanu pwanano ni gidzumeledzwano, kha nga idzo gu nga bani guromo khidzo khu gale vbakari gwathu.” 4Varoma va di va ninga malangalila va nga yela gu ma bikela ga vafumeli nya litigo ni litigo, gasi va kodza gu bwelela Judheya khu gurula.
51 Aya khu mahungu nya lidangalila la Jonatane ga vafumeli va Esparita, ma gukhayo: 6“Eni Jonatane, Muphasi nya Khongolo nya mhamba, gumogo ni huwo nya madhota nya litigo, ni vaphasi nya mhamba, ni litigo latshavbo la Judheya, nyi ngu mi losani enu vandruye va tigoni ga Esparita. Gurula!” 7Matshiguni ya hwane, Odiya, Muphasi nya Khongolo nya mhamba, hakhide lidangalila nya gulowe khu mufumeli wanu Arewu, li ganelago khu mahungu nya gupwani enu mu vandriyathu, kha nga hi hevbulago avbo nya lidangalila hi li patago ni eli.
8Odiya a di hakha gwadi girumwa khu wuzundzo, a gu dzumela gu hakha lidangalila li ganelago khu pwanano ni gidzumeledzwano. 9Ethu, ambari hi gu mwalo gigurumedzo nya guvbwete mipwanano yoyo; ambari hi si vbwetigo giphaso ga isoso, kholu hi ngu mana gitangadziso nya mabhuku nya guage hi gu nawo mandzani gwathu; 10ambari ulo, hi wonide nari gwadi gu wusedza pwanano nya wundruye ni wupari nanu, khu gukhethu hi nga hegisa khu gu khala valombo gwanu, kholu gu vbede matshigu nya gulaphe ngudzu gukhugela gikhati mu hi rumedego lidangalila lile. 11Kha hi garali khu gu mi alakanya, umo nya mibuzo yathu nya yikhongolo, ni mambe matshigu nya mibuzo hi ngu mi dundruga vbadzimhambatunu hi ningelago, ni milombeloni gwathu, kholu gwadi, gambe gu na ni fanelo gualakanya vandriyathu. 12Hi ngu nengela ngudzu khu wuzundzo wanu.
13Gasi ethu, ha gu vbanya musigaradzoni ni dzinyimbi nyambana tengo, hi giredwago khu vafumeli nya vaakelane. 14Ambari hi randredwego khu dzinyimbi dzatshavbo dzedzi, kha ha dzina gu khala rwalo nya gu mi lemedze, mwendro ni vambe hi gu na ni pwanano nya wuhengeli ni wundruye navo. 15Ha gu mana giphaso nya gute khu ndzadzini, khu igyo, hi dzi kodzide gu vbuluga ga valala vathu, va tshisidwego vbavbatshi. 16Hi hathide Numeniyo, mwamana wa Antiyoko, ni Antipatiro, mwamana wa Jasani, hi va rumela guya wusedza pwanano nya wuhengeli hi gu nawo khu gale ni Varoma. 17Hi va rumide gambe gubela khiyo gwanu, gasi guta mi losa ni gu mi ninga lidangalila leli lathu, gasi guta wusedza wundruye wathu. 18Hi ngu tumba ni gu virela gukhethu mu na hi hakhani gwadi khu matsenya.
19Aya khu mahungu nya lidangalila li nga lowago gale, li nga rumedwa ga Oniya:
20“Eni Arewu, mufumeli wa Vaesparita, nyi ngu losa uwe, Muphasi nya khongolo nya Mhamba. Gurula! 21Gu tugudwe, umo nya milowo nya gukari, mahungu ma ganelago khu vathu va Esparita ni Vajudha, gupwani vathu vovo va na ndruye ni ndruye, kholu situgulwana sa Abrahama. 22Olu hi matidego mahungu yaya, gwadi mu hi lovelani mu hi embela mwendro mu ngu vbanyani mugurulani. 23Ethu nethu hi na mi lovelani. Mitshambi ni sifuyo ni dzithomba dzanu khyathu, kharato gambe, esi sathu khyanu. Hi ngu mi rumelani mahungu yaya gasi mu khale na mu gu ma pima.”
Dhemetriyo a ngu padwa
24Matshiguni momo, Jonatane a dita tiviswa gupwani vathangeli nya dzinyimbi dza Dhemetriyo va vbohide ni mabutho nya nyimbi nya mangi ngudzu guvbindra aya nya guhegule, gasi guta mu dwanisa. 25Khu guralo, Jonatane a di khuga khu Jerusalema a hongola tigoni ga Hamati, gu va khinga, gasi gumba va ninga gikhati nya gubele tigoni gwaye. 26A di rumela vasoli wughoveloni ga valala, vasoli va di wuya ni mahungu nya gukhavo valala va di gu dzi dongisela gasi gu va dhumela ni vbakari nya wutshigu wowo. 27Gupfolani nya lidambo, Jonatane a di embela vathu vaye va virele na va pharide matshari yawe, na va dongide gasi guphela litunga ni wutshigu wowo. A di vega vawoneleli dzikhonani gwatshavbo nya lizumbo. 28Valala, na va dzitide gukhavo Jonatane ni masotshwa yaye va dzi dongisede gu dwana, ni wutshigu wowo va di tala khu hwanga ni rerema, va di thava, va rotha nilo bambe nya lizumbo. 29Jonatane ni vangana vaye va wu wone nilo na wu gu dzura lizumboni, aholu gima kha va nga tugula gukhavo ginani gi manegago, kala ni dzimindru gakone. 30A di va landra, aholu kha va mana kholu va di tshatugide tsongo wa Elewutero.
31Khavbo avbo, Jonatane, a di wugela Vaarabhiya, va ranwago pwani Vazabhadhewu, a di va dhumela, a va pala, a wandra dzithomba dzawe. 32Jonatane a di tombanisa nyaluphye masotshwa yaye dangamwedo, a gu hongola kala Dhamasiko, a tsemakanya gipandrengulu nya litigo lile latshavbo. 33Khu gikhati gyogyo, Simoni a di gimbila ni dzinyimbi dzaye kala aya vboha Asikaloni, vbafuvbi ni makhokhola nya vaakelane. Gukhugela yoyo a diya hongola dhoropani ga Dzope, a li wandra, 34Kholu a nga embedwago gupwani vavbahi vakone va di pimisa gu ningela likhokhola ga masotshwa ya Dhemetriyo. Khu kharato, a di vega vbale tsawa nya masotshwa gasi gu vhikela lidhoropa.
35Avbo a nga wuyago Jerusalema, Jonatane a dita ramba madhota nya litigo ata hunga navo gikungo nya guvbahe makhokhola Judheya, 36ni gu khusa mabhiyo nya gubhiye Jerusalema ni guvbaha libhiyo nya gulaphe ngudzu li kabanisago likhokhola ni lidhoropa, a gu li hambanisa gasi gu himbedzela vathu va guromo ndrani gaye guta renga mwendro gu rengisa gilo dhoropani. 37Gu di tshanganiswa vathu gasi guta vbahedza lidhoropa, kha nga gu nga bani gu thegide vbavbatshi gipandre nya libhiyo li nga bani li vbahidwe avbo nya tsongo khu phuvbo ga Khugadambo, va di li vbahedza va gu li ninga lina nya gupwani Kafenata. 38Simoni nuye a di vbaha Adhidha panini ga bambe ni yiphwa a li bhiya khu likhokhola, a gu vega malimba ni migonyo.
Jonatane a ngu modwa
39Ga matshigu yoyo, Trifoni a di gu dwanela gu khala mufumeli nya litigo la Aziya, ni gu ambala gihugu nya wufumu, ni gu songa mufumeli Antiyoko. 40Aholu a di thava gu himbedzedwa khu Jonatane ni gu dwaniswa khuye, khu kharato, a di zama gumola Jonatane a mu songa. Khavbo avbo, a di khuga a gu hongola Bheti-Kani. 41Jonatane nuye a di duga a mu khinga Bheti-Kani, nari ni libutho nya magumana magumi mazana (40.000) vama nya guhathedwe. 42Trifoni na wone nya gukhuye Jonatane a ngu hidzimela ni libutho nya likhongolo, a di khala hwanga gu mu dwanisa. 43A di mu hakha khu wuzundzo nya wukhongolo, a gu mu bikela ga vangana vaye vatshavbo, a di mu ninga sihiwa nya gutale, a embela masotshwa yaye khuye ma mu yingele kha nga idzo va yingelago khidzo uye mune. 44Khu gu hegisa a di embela Jonatane, khuye: “Khu ginani u na garadzago vathu vatshavbo vava, na guri mwalo litunga vbakari gwathu? 45Va rume va bwelela magaya gwawe, hatha vanganiyana vawe va gu bangaladza uta, hita hongola gumogo Pitolomayidha. Nyi naya gu ninga lidhoropa ni yatshavbo mambe makhokhola, masotshwa ni vatshavbo vathumegeli nya mufumo. Avbo nyi na gu vbedzago gu gira esi, eni nyi na bwelela nyi gu tshiya, kholu khiso nyi nga si telago.” 46Jonatane a di khodwa gwaye, a gira esi a nga embedwa khuye, a gu vbangana masotshwa yaye ma gu bwelela tigoni ga Judheya. 47A di tshala basi ni gipimo nya magumararu mazana (3.000) vama. Avbo nya magumararu mazana (3.000) a di rumela magumavili mazana (2.000) vama tigoni ga Galileya, a tshala basi ni likhumi mazana (1.000) vama va mu bangaladza.
48Avbo Jonatane a nga belago dhoropani ga Pitolomayidha, vathu va mule va di sega malimba va mu mola va mu songa khu matshari gumogo ni vatshavbo va nga bani va gu mu bangaladza. 49Trifoni, a di rumela vadwani nya nyimbi ni vakhileli nya dzikavalu tigoni ga Galileya ni panini nya gukhongolo gasi guya songetela vatshavbo vale va nga bweledzwago ni gu rumedwa khu Jonatane. 50Aholu, avo na va pwide mahungu nya gupwani Jonatane songidwe gumogo ni vatshavbo a nga bani a tshade navo va mu bangaladza, va di tiyiselana khu gyawe, va gu gimbila na va patane gwadi na va dongide gasi gu dwana. 51Vale va nga bani va gu va landra khu gu wona gukhavo va dzi dongisede gu dwana gasi gu dzi vhikela womi wawe, va di thendregedza va gu bwelela hwane. 52Khu magirelo yaya, masotshwa ya Jonatane ma di bwelela tigoni ga Judheya khu mawogo ni mawundru yawe. Va di lila Jonatane gumogo ni vabangaladzi vaye, va gu tala khu githawo nya gikhongolo. Israyeli a di gira gililo nya gikhongolo khu Jonatane. 53Khavbo avbo, mahundzu nya vaakelane ma di zama gu va tshanisa, na ma gu ganela khu gyawe khayo: “Olu avo va mwalo muthu nya gu va thangele ni gu va phasa. Khigyo egi gikhati nya gu va dhumele hi fela gu fuvisa malina yawe vbakari nya vathu.”
ទើបបានជ្រើសរើសហើយ៖
1 Makabhewu 12: BGG2014
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.
1 Makabhewu 12
12
Jonatane a ngu gira pwanano ni Roma ni Esparita
1Jonatane khu gu wona nya gukhuye gikhati nya gyadi gi vbohide, a di hatha madhota nya gukari a ma rumela Roma gasi guya tiyisa ni gu wusedza pwanano ni Varoma. 2A di va ninga gambe mambe malangalila nya idzosaye, gasi gu ma yisa ga vathu va Esparita ni mambe mayigo. 3Sirumwa si di vboha Roma, si gu kongoma wukhongolotunu nya huwo nya madhota, si ya, khiso: “Muphasi nya Khongolo nya mhamba Jonatane, gumogo ni vathu va Judheya va hi rumede avba gasi guta wusedza nanu pwanano ni gidzumeledzwano, kha nga idzo gu nga bani guromo khidzo khu gale vbakari gwathu.” 4Varoma va di va ninga malangalila va nga yela gu ma bikela ga vafumeli nya litigo ni litigo, gasi va kodza gu bwelela Judheya khu gurula.
51 Aya khu mahungu nya lidangalila la Jonatane ga vafumeli va Esparita, ma gukhayo: 6“Eni Jonatane, Muphasi nya Khongolo nya mhamba, gumogo ni huwo nya madhota nya litigo, ni vaphasi nya mhamba, ni litigo latshavbo la Judheya, nyi ngu mi losani enu vandruye va tigoni ga Esparita. Gurula!” 7Matshiguni ya hwane, Odiya, Muphasi nya Khongolo nya mhamba, hakhide lidangalila nya gulowe khu mufumeli wanu Arewu, li ganelago khu mahungu nya gupwani enu mu vandriyathu, kha nga hi hevbulago avbo nya lidangalila hi li patago ni eli.
8Odiya a di hakha gwadi girumwa khu wuzundzo, a gu dzumela gu hakha lidangalila li ganelago khu pwanano ni gidzumeledzwano. 9Ethu, ambari hi gu mwalo gigurumedzo nya guvbwete mipwanano yoyo; ambari hi si vbwetigo giphaso ga isoso, kholu hi ngu mana gitangadziso nya mabhuku nya guage hi gu nawo mandzani gwathu; 10ambari ulo, hi wonide nari gwadi gu wusedza pwanano nya wundruye ni wupari nanu, khu gukhethu hi nga hegisa khu gu khala valombo gwanu, kholu gu vbede matshigu nya gulaphe ngudzu gukhugela gikhati mu hi rumedego lidangalila lile. 11Kha hi garali khu gu mi alakanya, umo nya mibuzo yathu nya yikhongolo, ni mambe matshigu nya mibuzo hi ngu mi dundruga vbadzimhambatunu hi ningelago, ni milombeloni gwathu, kholu gwadi, gambe gu na ni fanelo gualakanya vandriyathu. 12Hi ngu nengela ngudzu khu wuzundzo wanu.
13Gasi ethu, ha gu vbanya musigaradzoni ni dzinyimbi nyambana tengo, hi giredwago khu vafumeli nya vaakelane. 14Ambari hi randredwego khu dzinyimbi dzatshavbo dzedzi, kha ha dzina gu khala rwalo nya gu mi lemedze, mwendro ni vambe hi gu na ni pwanano nya wuhengeli ni wundruye navo. 15Ha gu mana giphaso nya gute khu ndzadzini, khu igyo, hi dzi kodzide gu vbuluga ga valala vathu, va tshisidwego vbavbatshi. 16Hi hathide Numeniyo, mwamana wa Antiyoko, ni Antipatiro, mwamana wa Jasani, hi va rumela guya wusedza pwanano nya wuhengeli hi gu nawo khu gale ni Varoma. 17Hi va rumide gambe gubela khiyo gwanu, gasi guta mi losa ni gu mi ninga lidangalila leli lathu, gasi guta wusedza wundruye wathu. 18Hi ngu tumba ni gu virela gukhethu mu na hi hakhani gwadi khu matsenya.
19Aya khu mahungu nya lidangalila li nga lowago gale, li nga rumedwa ga Oniya:
20“Eni Arewu, mufumeli wa Vaesparita, nyi ngu losa uwe, Muphasi nya khongolo nya Mhamba. Gurula! 21Gu tugudwe, umo nya milowo nya gukari, mahungu ma ganelago khu vathu va Esparita ni Vajudha, gupwani vathu vovo va na ndruye ni ndruye, kholu situgulwana sa Abrahama. 22Olu hi matidego mahungu yaya, gwadi mu hi lovelani mu hi embela mwendro mu ngu vbanyani mugurulani. 23Ethu nethu hi na mi lovelani. Mitshambi ni sifuyo ni dzithomba dzanu khyathu, kharato gambe, esi sathu khyanu. Hi ngu mi rumelani mahungu yaya gasi mu khale na mu gu ma pima.”
Dhemetriyo a ngu padwa
24Matshiguni momo, Jonatane a dita tiviswa gupwani vathangeli nya dzinyimbi dza Dhemetriyo va vbohide ni mabutho nya nyimbi nya mangi ngudzu guvbindra aya nya guhegule, gasi guta mu dwanisa. 25Khu guralo, Jonatane a di khuga khu Jerusalema a hongola tigoni ga Hamati, gu va khinga, gasi gumba va ninga gikhati nya gubele tigoni gwaye. 26A di rumela vasoli wughoveloni ga valala, vasoli va di wuya ni mahungu nya gukhavo valala va di gu dzi dongisela gasi gu va dhumela ni vbakari nya wutshigu wowo. 27Gupfolani nya lidambo, Jonatane a di embela vathu vaye va virele na va pharide matshari yawe, na va dongide gasi guphela litunga ni wutshigu wowo. A di vega vawoneleli dzikhonani gwatshavbo nya lizumbo. 28Valala, na va dzitide gukhavo Jonatane ni masotshwa yaye va dzi dongisede gu dwana, ni wutshigu wowo va di tala khu hwanga ni rerema, va di thava, va rotha nilo bambe nya lizumbo. 29Jonatane ni vangana vaye va wu wone nilo na wu gu dzura lizumboni, aholu gima kha va nga tugula gukhavo ginani gi manegago, kala ni dzimindru gakone. 30A di va landra, aholu kha va mana kholu va di tshatugide tsongo wa Elewutero.
31Khavbo avbo, Jonatane, a di wugela Vaarabhiya, va ranwago pwani Vazabhadhewu, a di va dhumela, a va pala, a wandra dzithomba dzawe. 32Jonatane a di tombanisa nyaluphye masotshwa yaye dangamwedo, a gu hongola kala Dhamasiko, a tsemakanya gipandrengulu nya litigo lile latshavbo. 33Khu gikhati gyogyo, Simoni a di gimbila ni dzinyimbi dzaye kala aya vboha Asikaloni, vbafuvbi ni makhokhola nya vaakelane. Gukhugela yoyo a diya hongola dhoropani ga Dzope, a li wandra, 34Kholu a nga embedwago gupwani vavbahi vakone va di pimisa gu ningela likhokhola ga masotshwa ya Dhemetriyo. Khu kharato, a di vega vbale tsawa nya masotshwa gasi gu vhikela lidhoropa.
35Avbo a nga wuyago Jerusalema, Jonatane a dita ramba madhota nya litigo ata hunga navo gikungo nya guvbahe makhokhola Judheya, 36ni gu khusa mabhiyo nya gubhiye Jerusalema ni guvbaha libhiyo nya gulaphe ngudzu li kabanisago likhokhola ni lidhoropa, a gu li hambanisa gasi gu himbedzela vathu va guromo ndrani gaye guta renga mwendro gu rengisa gilo dhoropani. 37Gu di tshanganiswa vathu gasi guta vbahedza lidhoropa, kha nga gu nga bani gu thegide vbavbatshi gipandre nya libhiyo li nga bani li vbahidwe avbo nya tsongo khu phuvbo ga Khugadambo, va di li vbahedza va gu li ninga lina nya gupwani Kafenata. 38Simoni nuye a di vbaha Adhidha panini ga bambe ni yiphwa a li bhiya khu likhokhola, a gu vega malimba ni migonyo.
Jonatane a ngu modwa
39Ga matshigu yoyo, Trifoni a di gu dwanela gu khala mufumeli nya litigo la Aziya, ni gu ambala gihugu nya wufumu, ni gu songa mufumeli Antiyoko. 40Aholu a di thava gu himbedzedwa khu Jonatane ni gu dwaniswa khuye, khu kharato, a di zama gumola Jonatane a mu songa. Khavbo avbo, a di khuga a gu hongola Bheti-Kani. 41Jonatane nuye a di duga a mu khinga Bheti-Kani, nari ni libutho nya magumana magumi mazana (40.000) vama nya guhathedwe. 42Trifoni na wone nya gukhuye Jonatane a ngu hidzimela ni libutho nya likhongolo, a di khala hwanga gu mu dwanisa. 43A di mu hakha khu wuzundzo nya wukhongolo, a gu mu bikela ga vangana vaye vatshavbo, a di mu ninga sihiwa nya gutale, a embela masotshwa yaye khuye ma mu yingele kha nga idzo va yingelago khidzo uye mune. 44Khu gu hegisa a di embela Jonatane, khuye: “Khu ginani u na garadzago vathu vatshavbo vava, na guri mwalo litunga vbakari gwathu? 45Va rume va bwelela magaya gwawe, hatha vanganiyana vawe va gu bangaladza uta, hita hongola gumogo Pitolomayidha. Nyi naya gu ninga lidhoropa ni yatshavbo mambe makhokhola, masotshwa ni vatshavbo vathumegeli nya mufumo. Avbo nyi na gu vbedzago gu gira esi, eni nyi na bwelela nyi gu tshiya, kholu khiso nyi nga si telago.” 46Jonatane a di khodwa gwaye, a gira esi a nga embedwa khuye, a gu vbangana masotshwa yaye ma gu bwelela tigoni ga Judheya. 47A di tshala basi ni gipimo nya magumararu mazana (3.000) vama. Avbo nya magumararu mazana (3.000) a di rumela magumavili mazana (2.000) vama tigoni ga Galileya, a tshala basi ni likhumi mazana (1.000) vama va mu bangaladza.
48Avbo Jonatane a nga belago dhoropani ga Pitolomayidha, vathu va mule va di sega malimba va mu mola va mu songa khu matshari gumogo ni vatshavbo va nga bani va gu mu bangaladza. 49Trifoni, a di rumela vadwani nya nyimbi ni vakhileli nya dzikavalu tigoni ga Galileya ni panini nya gukhongolo gasi guya songetela vatshavbo vale va nga bweledzwago ni gu rumedwa khu Jonatane. 50Aholu, avo na va pwide mahungu nya gupwani Jonatane songidwe gumogo ni vatshavbo a nga bani a tshade navo va mu bangaladza, va di tiyiselana khu gyawe, va gu gimbila na va patane gwadi na va dongide gasi gu dwana. 51Vale va nga bani va gu va landra khu gu wona gukhavo va dzi dongisede gu dwana gasi gu dzi vhikela womi wawe, va di thendregedza va gu bwelela hwane. 52Khu magirelo yaya, masotshwa ya Jonatane ma di bwelela tigoni ga Judheya khu mawogo ni mawundru yawe. Va di lila Jonatane gumogo ni vabangaladzi vaye, va gu tala khu githawo nya gikhongolo. Israyeli a di gira gililo nya gikhongolo khu Jonatane. 53Khavbo avbo, mahundzu nya vaakelane ma di zama gu va tshanisa, na ma gu ganela khu gyawe khayo: “Olu avo va mwalo muthu nya gu va thangele ni gu va phasa. Khigyo egi gikhati nya gu va dhumele hi fela gu fuvisa malina yawe vbakari nya vathu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.