ZABUR 51
51
Do'e nunas ampun
1Umaq pemimpin kor. Zabur saq tekarang siq Daud 2#2Sam. 12:1-15 sesampun ie teperinget siq Nabi Natan lantaran bezinah kance Batsyeba.
3Periakang kaji ya Allah, séngaq Deside tetep ngasihin kaji,
apus dose kaji lantaran belas kasih Deside saq beléq.
4Persiq selapuq kejahatan kaji;
persiq kaji léman dose kaji.
5Séngaq kaji ngaku kesalaqan-kesalaqan kaji,
dose kaji tetep kaji inget-inget.
6 #
Rm. 3:4
Léq Deside, léq Deside doang kaji bedose,
dait kaji laksaneang napi saq Deside anggep jahat.
Make sepatutne Deside ngukum kaji,
adil keputusan Deside.
7Setetune, kaji jahat léman kaji teanakang,
dait bedose léman kaji tepetianang.
8Deside nuntut ketulusan até;
penoqin batin kaji siq hikmat Deside.
9Suciang kaji, make kaji gen bersi;
bisoq kaji, make kaji gen putéqan tebanding kapas.
10Menengang kaji dengah kabar sukecite,
adéq até saq Deside remukang niki besurak malik.
11Sampunang sereminang dose-dose kaji,
dait apus selapuq kesalaqan kaji.
12Piaq até kaji murni, ya Allah,
jariang batin kaji baru siq semanget saq tabah.
13Sampunang netéh kaji léman arepan Deside,
dait sampunang bait Roh Deside saq suci léman kaji.
14Piaq kaji seneng malik lantaran keselametan léman Deside,
icanin kaji até saq réde jari taat léq Deside.
15Make kaji gen ngajahang préntah Deside tipaq dengan bedose,
adéq ie pade tulak ojok Deside.
16Luputang kaji léman maut, ya Allah, Allah penyelamet kaji,
make siq cemoh gen kaji beriteang keadilan Deside.
17Ya Junjungan kaji Saq Mulie, tulung kaji ngeraos,
make kaji gen memuji-muji Deside.
18Deside nénten suke léq kurban sembeléhan;
lamun kaji ngaturang kurban tunuqan,
Deside nénten suke léq hal nike.
19Kurban bagi Allah nike até saq lebur anyong,
até saq remuk dait betobat nénten Deside tolaq.
20Ya Allah, nyatayang kesolahan Deside tipaq Sion,
sesuai kance kerédean Deside,
silaq penganjeng malik tembok-tembok Yerusalem.
21Make Deside gen suke nerimaq kurban saq patut,
kurban tunuqan dait kurban saq kotong selapuqne
sampi mame saq tekurbanang léq atas méje taoq kurban Deside.
ទើបបានជ្រើសរើសហើយ៖
ZABUR 51: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល