ZABUR 46
46
ALLAH araq bareng ite dait nulung ite
1Umaq pemimpin kor. Zabur kaum Korah. Menurut lagu Alamot.
2Allah nike perlindungan dait kekuatante;
Ie tetep siep dait mampu nulung léq waktu susah.
3Make ite ndéq takut, timaq gumi inggur,
dait gunung-gunung ketelep léq dasar segare;
4timaq segare ngamuk dait umbak beléq,
dait bukit-bukit ngijik siq amukanne.
5Araq élékan kokoq saq nyenengang Kote Allah,
taoq Allah Saq Maheagung meneng.
6Allah meneng léq derike, make kote nike nénten gen musnah;
Allah gen nulung ie léq waktu tiwoq jelo.
7Allah begerudug, make gumi lebur anyong;
bangse-bangse biur lantur, kerajaan-kerajaan runtuh.
8 ALLAH Saq Mahekuase araq bareng ite,
Allah Yakub ngelindungin ite.
9Silaq, serioq napi saq tepiaq siq ALLAH;
tetu-tetu ajaip karye-Ne léq gumi!
10Ie engkahang perang léq seantéro dunie,
busur dait tumbak Ie ancurang,
Ie sedut keréte-keréte perang kadu api.
11Manik-Ne, “Engkah perang;
adéq pade nenaoq, Tiang niki Allah,
Tiang agung léq antare bangse-bangse,
agung léq seantéro gumi.”
12 ALLAH Saq Mahekuase araq bareng ite,
Allah Yakub ngelindungin ite.
ទើបបានជ្រើសរើសហើយ៖
ZABUR 46: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល