AEMAWIRISAS 19
19
Paulus Efesus acacapiomef
1Barewen. Apolos e Korintus cowocemapmepaw, e Paulus e wun dawon opok capinmi akorfisefen. Ar masirin, e kota Efesus aneyemefen. Erasan ar Tuhan mamkawi ow biamnuk aemamtewefen. 2Aram atakam, e ow, aotawefen. “Car Yesus asicimfokom ara, car e Roh Kudus emetewetfokomnew?” Inim aeefen. E ow masirin, “Opok. Dar Roh Kudus atakam jen baji opok cowok.” Inim aefesen. 3Paulus masirin, “Ow bwi car abwimfan, e ucim bwi babwimaram?” Inim aeefen. E ow masirin, “E bwi babwim, e Yohanes amememtamef bwi babwim cowok ara.” Inim aefesen. 4E Paulus masirin, “Yohanes, e dosa bak apayemfes ow bwi abwimefen. Aram atakam e ow aotawefen. ‘Car e do fa asep aenawcow ipic mamsicimey. Er Yesus ara.’ E Yohanes inim atakam aotawef.” Paulus inim aeefen. 5E ow inim atakam jen ajifes masirin, wun ow Yesus juwas ajiemfes, wunam ar e ow bwi abwimfesen. 6Paulusam ban e ow dam ton atatiwef, wunam Roh Kudus e ow jak aman afiwaptotorefen. E ow masirin, kawey samatin, samatin atakam jukpiri atawtotorfesen. Ar Allah atakam aotawfesen. 7E inimas aemfes ow, dua belas ajiwarnew arawen.
8Barewen. Pir mamincop ajiwar, Paulus sembahyang cem afiwa aeefen. Ar jak fak epcom atakam e ow aotawa aeefen. Aram atakam aamtawa aeefen. Ar e ow e Allah Pemerintah atakam basicim, ajomtampora aeefen. 9E wun ow nat, jen fak aememfesen. Ar e atakam aopowfesen. Aram Tuhan Bokotpu cemew atakam aotawfesen. Paulus inimas aporef masirin, ar e ow bakan ajiosefen. Ar e Yesus mamkawi owam atewefen. Ar masirin, join fafayawiri, Tiranus sekolah cem aman, atakam amememtamawirien. 10Ar inimas tahun jamnuk aemawirien. Inimas ara, e Asia capinmi aemapfes Yahudi ow takasam, Yunani ow takasam, Tuhan atakam jen ajifesen. 11Bare, Allah fakas, Paulus atetamefen. Inimas aramat ipic junum bweas awutnakut aemefen. 12Ow e Paulus dam akoromfes sapu tanganam, pakaianam, dam owpu atowocenfesen. E dam ow masirin, ajaworsitfesen. E datam e ow jak aman afisfesen.
Skewa atiperes atakam
13E wun Yahudi ow, ow jak aman dat bafimisim, asanin asanin acowojarfesen. E ow masirin, e dat bafimisim, Tuhan Yesus juwas ajitewfesen. Aram atakam e dat aotawfesen. “Dor e Paulus acacapiomamar ipic juwas Yesus ajuwas ajitewmin. Inimas dor jirmec or ajirimamin.” Inim aetotorfesen. 14Allah atakam mamtaw tugas ipic juwas Skewa arawen. Ar Yahudi ipic arawen. E atiperes tujuh ajiwar inimas aetotorfesen. 15Inimas aefes masirin, e dat e ow atep ajitefen. “Yesus nomsom. Paulusam nomsom. Car ara nat, cam?” Inim aeefen. 16E dat jak aman aemapef ipic masirin, e ow aemefen. Inimas ar e ow akumimosomefen. Aram e ow ajurusumefen. Inimas ara, e ow e cem asarimfisfesen. Ar dam fiam, dam doso epcomam, arawen. 17E kota Efesus aemapfes Yahudi ow takasam, Yunani ow takasam, inim atakam jen ajifesen. Aram takas omar aefesen. Bare, Tuhan Yesus juwas an afufuosefen. 18E Yesus asicimfes ow arkeam aenawfesen. Aram e aemawirisas, atakam afafasimfesen. Aram e aemawirisas, umuton aporomfesen. 19E jini pok aemawiris ow arke, e jini pok atakam buku takas aaramsisimapomfes, wunam e ow bipu jis afamfesen. Aram e buku harga jumlah aefesen. E harga uang perak lima puluh ribu ajiwar arawen. 20Inimas ara, e asanin asanin ow, e Tuhan atakam jen ajifesen. Bare, e Tuhan atakam ji aefes ow, kayimin akakayiemfesen.
Efesus ow jokmen aememfes
21Inimas aemkurumfes, Paulus e Makedonia capinmiam, e Akaya capinmiam, bakorfis, wunam Yerusalem bajir, atakam asakamtiwefen. “Dor erasan ajisoscey, doram Roma bapor.” Inim aeefen. 22Aram akerja akac bwem ipic jamnuk juwas Timotiusam, Erastusam, Makedonia capinmi atiwirimefen. Aramat ipic masirin, Asia capinmi aoemapefen.
23E jofay ara, ow Tuhan Bokotpu atakam, jisuwan ajifesen. 24Perak pok bakenem ipic cowok juwas Demetrius, e ēco juwas Artemis cem pas arke akenemawirien. Bare, e perak pok bakenem ow inim kerjaas, uang awutut atewetawirisen. 25E Demetrius, e perak kerja owam, e wun inim cimin kerja owam, aaramsisimapomef, wunam atakam aotawefen. “Awamcokom owa. Dar e kerja aemamom ara, bare uang awutut ateweta aemom. Caram inimas camsom ara. 26E Paulus nat, e Efesus ow arkeam, e Asia capinmi ow arkeam, atakam ajomtamama. Aram e ow arke bin afirimama. ‘E asmat akenemapomcemes pok, bare, allah opok,’ inim aema. Car inimas manmok atiwmokom. Inim atakamam jen ajimokom. 27Ow e dakerjaas, atakam pwicak atawcemes openow. Wunam ow e allah cowoc awut juwas Artemis acem, mami cem ara, inim atakam atawcemes openow. A Asia capinmi ow takasam, a samatin samatin takasam, a akatnakut allah cowoc asicimames. Ow nat, e cowoc ajumnemcemes openow.” Demetrius inim aeefen.
28E ow inim atakam jen ajifes, aram jak amopnakut aememfesen. Aram atakam afafakaytawa aefesen. “E Artemis, awamcom Efesus ow daras ara. Ar allah awutnakut ara.” Inim aea aefesen. 29E kota asanin asanin jisuwan ajifesen. E ow, e Paulus akac ajarfes Makedonia capinmi ipic jamnuk juwas Gayusam, Aristarkusam, ban akimomfes, wunam e kota ow ajarewsiapcemes asan asarimtowomosfesen. 30Paulusam e ow arke bipu atakam botaw aemefen. E Yesus mamkawi ow nat, aramat ipic akekemfesen. 31Bare, e wun Asia capinmi pemerintah ow, Paulus ajowow arawen. Aram atakam Paulus atewenamfesen. “Or e kota ow barewsi asan bafiw arapok.” Inim aefesen. 32Bare, e ajarewsiemfes ow, jisuwan awut ajifesen. Ar e ajarewsiemfesas amsom opoken. Inimas wun ow arop atakam afakaytawfesen. Wun ow masirin, arop atakam afakaytawfesen. 33E Yahudi owam, jipic juwas Aleksander, e ow arke bipu amerotasimemfesen. Inimas e wun ow e aramat ipic e jisuwam amsom inim arawen. E Aleksander masirin, e ow jokon bajiap, ban awawarimefen. Aram e ow atep bajit aemefen. 34E ow nat, e Aleksander, Yahudi ipic aporfesen. Inimas jam jamnuk ajiwar e ow takas atakam akac afafakaytawa aefesen. “E Artemis, awamcom Efesus ow daras ara. Ar allah awutnakut ara.” Inim aea aefesen.
35Bare, kota juru tulis, e ow arke, jokon ajimapomef, wunam atakam aotawefen. “Awamcokom Efesus owa. Efesus e awutnakut Artemis asembahyang cem asan ara. Aram e onam op aewjuneyef ēco asan ara. Ow takas inimas amsom. 36Inim atakam, bare atakamnak ara. Ow inim atakam, ‘suw atakam’ bwemji asan opok. Inimas ara, caram jokona. Caram jokmen arapok. 37Car awamces ow atowotnaworokom. E ow nat, sembahyang cem pok osom ow opok. Aram e darallah cowoc cemew atakam opok. 38Inimas ara, e Demetriusam, e perak pok bakenemapom owam, awamces ow salah apormesnew, aram atakam pemerintah baotawces. E salah boworpor ow ajarewsiapcemes. Gubernuram awap. Ow e salah atakam, erasan baamtawces. 39Ca nat, wun atakam epen, a kota atakam mamsakam ow e atakam jen bajices. 40-41E wow jisuwan awut aemamom ara, bare pemerintah, ‘Car salah aemorokom,’ inim atakam aotawcemarow openow. Daram atakam fwe opokut. Inimas dar atep bwemjit asan opok. Caram bare, cema.” E juru tulis inim atakam aotawefen.
ទើបបានជ្រើសរើសហើយ៖
AEMAWIRISAS 19: LAICNS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
LAI 1985
AEMAWIRISAS 19
19
Paulus Efesus acacapiomef
1Barewen. Apolos e Korintus cowocemapmepaw, e Paulus e wun dawon opok capinmi akorfisefen. Ar masirin, e kota Efesus aneyemefen. Erasan ar Tuhan mamkawi ow biamnuk aemamtewefen. 2Aram atakam, e ow, aotawefen. “Car Yesus asicimfokom ara, car e Roh Kudus emetewetfokomnew?” Inim aeefen. E ow masirin, “Opok. Dar Roh Kudus atakam jen baji opok cowok.” Inim aefesen. 3Paulus masirin, “Ow bwi car abwimfan, e ucim bwi babwimaram?” Inim aeefen. E ow masirin, “E bwi babwim, e Yohanes amememtamef bwi babwim cowok ara.” Inim aefesen. 4E Paulus masirin, “Yohanes, e dosa bak apayemfes ow bwi abwimefen. Aram atakam e ow aotawefen. ‘Car e do fa asep aenawcow ipic mamsicimey. Er Yesus ara.’ E Yohanes inim atakam aotawef.” Paulus inim aeefen. 5E ow inim atakam jen ajifes masirin, wun ow Yesus juwas ajiemfes, wunam ar e ow bwi abwimfesen. 6Paulusam ban e ow dam ton atatiwef, wunam Roh Kudus e ow jak aman afiwaptotorefen. E ow masirin, kawey samatin, samatin atakam jukpiri atawtotorfesen. Ar Allah atakam aotawfesen. 7E inimas aemfes ow, dua belas ajiwarnew arawen.
8Barewen. Pir mamincop ajiwar, Paulus sembahyang cem afiwa aeefen. Ar jak fak epcom atakam e ow aotawa aeefen. Aram atakam aamtawa aeefen. Ar e ow e Allah Pemerintah atakam basicim, ajomtampora aeefen. 9E wun ow nat, jen fak aememfesen. Ar e atakam aopowfesen. Aram Tuhan Bokotpu cemew atakam aotawfesen. Paulus inimas aporef masirin, ar e ow bakan ajiosefen. Ar e Yesus mamkawi owam atewefen. Ar masirin, join fafayawiri, Tiranus sekolah cem aman, atakam amememtamawirien. 10Ar inimas tahun jamnuk aemawirien. Inimas ara, e Asia capinmi aemapfes Yahudi ow takasam, Yunani ow takasam, Tuhan atakam jen ajifesen. 11Bare, Allah fakas, Paulus atetamefen. Inimas aramat ipic junum bweas awutnakut aemefen. 12Ow e Paulus dam akoromfes sapu tanganam, pakaianam, dam owpu atowocenfesen. E dam ow masirin, ajaworsitfesen. E datam e ow jak aman afisfesen.
Skewa atiperes atakam
13E wun Yahudi ow, ow jak aman dat bafimisim, asanin asanin acowojarfesen. E ow masirin, e dat bafimisim, Tuhan Yesus juwas ajitewfesen. Aram atakam e dat aotawfesen. “Dor e Paulus acacapiomamar ipic juwas Yesus ajuwas ajitewmin. Inimas dor jirmec or ajirimamin.” Inim aetotorfesen. 14Allah atakam mamtaw tugas ipic juwas Skewa arawen. Ar Yahudi ipic arawen. E atiperes tujuh ajiwar inimas aetotorfesen. 15Inimas aefes masirin, e dat e ow atep ajitefen. “Yesus nomsom. Paulusam nomsom. Car ara nat, cam?” Inim aeefen. 16E dat jak aman aemapef ipic masirin, e ow aemefen. Inimas ar e ow akumimosomefen. Aram e ow ajurusumefen. Inimas ara, e ow e cem asarimfisfesen. Ar dam fiam, dam doso epcomam, arawen. 17E kota Efesus aemapfes Yahudi ow takasam, Yunani ow takasam, inim atakam jen ajifesen. Aram takas omar aefesen. Bare, Tuhan Yesus juwas an afufuosefen. 18E Yesus asicimfes ow arkeam aenawfesen. Aram e aemawirisas, atakam afafasimfesen. Aram e aemawirisas, umuton aporomfesen. 19E jini pok aemawiris ow arke, e jini pok atakam buku takas aaramsisimapomfes, wunam e ow bipu jis afamfesen. Aram e buku harga jumlah aefesen. E harga uang perak lima puluh ribu ajiwar arawen. 20Inimas ara, e asanin asanin ow, e Tuhan atakam jen ajifesen. Bare, e Tuhan atakam ji aefes ow, kayimin akakayiemfesen.
Efesus ow jokmen aememfes
21Inimas aemkurumfes, Paulus e Makedonia capinmiam, e Akaya capinmiam, bakorfis, wunam Yerusalem bajir, atakam asakamtiwefen. “Dor erasan ajisoscey, doram Roma bapor.” Inim aeefen. 22Aram akerja akac bwem ipic jamnuk juwas Timotiusam, Erastusam, Makedonia capinmi atiwirimefen. Aramat ipic masirin, Asia capinmi aoemapefen.
23E jofay ara, ow Tuhan Bokotpu atakam, jisuwan ajifesen. 24Perak pok bakenem ipic cowok juwas Demetrius, e ēco juwas Artemis cem pas arke akenemawirien. Bare, e perak pok bakenem ow inim kerjaas, uang awutut atewetawirisen. 25E Demetrius, e perak kerja owam, e wun inim cimin kerja owam, aaramsisimapomef, wunam atakam aotawefen. “Awamcokom owa. Dar e kerja aemamom ara, bare uang awutut ateweta aemom. Caram inimas camsom ara. 26E Paulus nat, e Efesus ow arkeam, e Asia capinmi ow arkeam, atakam ajomtamama. Aram e ow arke bin afirimama. ‘E asmat akenemapomcemes pok, bare, allah opok,’ inim aema. Car inimas manmok atiwmokom. Inim atakamam jen ajimokom. 27Ow e dakerjaas, atakam pwicak atawcemes openow. Wunam ow e allah cowoc awut juwas Artemis acem, mami cem ara, inim atakam atawcemes openow. A Asia capinmi ow takasam, a samatin samatin takasam, a akatnakut allah cowoc asicimames. Ow nat, e cowoc ajumnemcemes openow.” Demetrius inim aeefen.
28E ow inim atakam jen ajifes, aram jak amopnakut aememfesen. Aram atakam afafakaytawa aefesen. “E Artemis, awamcom Efesus ow daras ara. Ar allah awutnakut ara.” Inim aea aefesen. 29E kota asanin asanin jisuwan ajifesen. E ow, e Paulus akac ajarfes Makedonia capinmi ipic jamnuk juwas Gayusam, Aristarkusam, ban akimomfes, wunam e kota ow ajarewsiapcemes asan asarimtowomosfesen. 30Paulusam e ow arke bipu atakam botaw aemefen. E Yesus mamkawi ow nat, aramat ipic akekemfesen. 31Bare, e wun Asia capinmi pemerintah ow, Paulus ajowow arawen. Aram atakam Paulus atewenamfesen. “Or e kota ow barewsi asan bafiw arapok.” Inim aefesen. 32Bare, e ajarewsiemfes ow, jisuwan awut ajifesen. Ar e ajarewsiemfesas amsom opoken. Inimas wun ow arop atakam afakaytawfesen. Wun ow masirin, arop atakam afakaytawfesen. 33E Yahudi owam, jipic juwas Aleksander, e ow arke bipu amerotasimemfesen. Inimas e wun ow e aramat ipic e jisuwam amsom inim arawen. E Aleksander masirin, e ow jokon bajiap, ban awawarimefen. Aram e ow atep bajit aemefen. 34E ow nat, e Aleksander, Yahudi ipic aporfesen. Inimas jam jamnuk ajiwar e ow takas atakam akac afafakaytawa aefesen. “E Artemis, awamcom Efesus ow daras ara. Ar allah awutnakut ara.” Inim aea aefesen.
35Bare, kota juru tulis, e ow arke, jokon ajimapomef, wunam atakam aotawefen. “Awamcokom Efesus owa. Efesus e awutnakut Artemis asembahyang cem asan ara. Aram e onam op aewjuneyef ēco asan ara. Ow takas inimas amsom. 36Inim atakam, bare atakamnak ara. Ow inim atakam, ‘suw atakam’ bwemji asan opok. Inimas ara, caram jokona. Caram jokmen arapok. 37Car awamces ow atowotnaworokom. E ow nat, sembahyang cem pok osom ow opok. Aram e darallah cowoc cemew atakam opok. 38Inimas ara, e Demetriusam, e perak pok bakenemapom owam, awamces ow salah apormesnew, aram atakam pemerintah baotawces. E salah boworpor ow ajarewsiapcemes. Gubernuram awap. Ow e salah atakam, erasan baamtawces. 39Ca nat, wun atakam epen, a kota atakam mamsakam ow e atakam jen bajices. 40-41E wow jisuwan awut aemamom ara, bare pemerintah, ‘Car salah aemorokom,’ inim atakam aotawcemarow openow. Daram atakam fwe opokut. Inimas dar atep bwemjit asan opok. Caram bare, cema.” E juru tulis inim atakam aotawefen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
LAI 1985