AEMAWIRISAS 18
18
Paulus Korintus aemapef
1Barewen. Eras aemkurumfes, Paulus kota Atena ewjisosef, wunam kota Korintus ajaremefen. 2Erasan ara, ar Yahudi ipic juwas Akwila bi aporefen. E ipic Pontus capinmi ajisamesefen. Jepen ara masirin, Klaudius, e Yahudi ow takas, e kota Roma bafis, jirmec ajirimefen. Inimas ara, Akwila aremcin Italia capinmi ewenawfesen. Arem juwas Priskila arawen, Paulusam jaki e ow cem ajitefen. 3Akerjaas cowkon aporef, inimas ar e ow cem aemapefen. Aram kerja cowkon aemfesen. Ar picin cem bakenemapom ow arawen. 4E Jo Ses Ban Join, Ses Ban Join, Paulus e sembahyang cem aman, atakam aotawawirien. Ar Yahudi owam, Yunani owam, Yesus basicim atakam aotawporawirien.
5E Silasin Timotius, Makedonia capinmi ewenawfesen. Aenawfes ara, Paulus e Yesus atakam acacapiomawiri cowok arawen. “Yesus, e Allah Aeremtewef Ipic ara.” Inim atemen e Yahudi ow aatamawirien. 6E ow nat, e atakam aopowfesen. Aram cemew atakam aotawfesen. Inimas ara masirin, Paulus e apakaian apapacimef, wunam atakam faknakut aotawefen. “Car neraka afiwapcokom, caram carma. Bare, dor atakam car emcaotawey. Bare, dor wow e Yahudi opok owpu ajisosmin.” Inim aeefen. 7Aramat ipic masirin, erasan ewjisosef, wunam Allah basicim ipic juwas Titus Yustus acem afiwapefen. E cemam, e sembahyang cemam, jipamnuk aotomamtiwfesen. 8E sembahyang cem kepala ipic juwas Krispusam, acem owam, Tuhan asicimfesen. Korintus ow arkeam e atakam jen ajifes, wunam Tuhan asicimfesen. Ar Tuhan asicimfes masirin, ow e ow bwi abwimfesen.
9Barewen. Iram ara, Paulus pok cowok desen aporefen. Tuhanam atakam Paulus aotawefen. “Or omar arapok Atakam mamotawey. Jokon bajiem arapok. 10Doram or akac aemamin. Ow or bwememsokom asan opok. A kota ow arke, bare, dras apormin ara.” Tuhan inim aeefen. 11Bare Paulus erasan pir delapan belas ajiwar aemapawirien. Aram Allah atakam e ow amememtamawirien.
12E nat, Akaya capinmi gubernur ipic juwas Galio aememef, e Yahudi ow, Paulus botpem awarimsitfes cowok arawen. Aram Paulus e boworpor asan atowomiwfesen. 13Aram atakam aotawfesen. “E ipic, ow Allah basicim, arop atakam jipu ajomtamama. E atakam nat, e Musa Jirmec atakam jipu opok.” Inim aefesen. 14E Paulusam atakam bataw aemef. E nat, e Galio, atakam e Yahudi ow, bap aotawefen. “E ipic salah aemefnew, jokmenas aemefnew, bare dor caratakam jen baji araman. 15E nat, e atakam aamtawmokomas, pok juwas atakam aamtawmokom. Ow juwasam atakam aamtawmokom. Caragama jirmecam atakam aamtawmokom. Inimas ara, dor eras, atakam basakamtiw pwicak.” Inim aeefen. 16Aramat ipic masirin, e ow e boworpor asan aotewerisimefen. 17E ow takas masirin, e sembahyang cem kepala ipic juwas Sostenes ban akimomfes, wunam ar aramat ipic, e boworpor asan, omop aaffesen. E Galio nat, inimas bapor opok cimin aemapefen.
Paulus Antiokia aofasief
18Barewen. Paulus e Korintus isi arke aoemapefen. Ar masirin, atakam e Yesus mamkawi ow aotawefen. “Do bare. Do baysos.” Inim aeefen. Aramat ipic masirin, Siria capinmi bajir anajuwefen. E Priskilaam, e Akwilaam, akac anajuwfesen. Bap ara, Paulus kota Kengkrea aememef aram atayi Allah aeefen. Inimas ar kus fin wakan aakefen. 19Bare, e ow kota Efesus asetayfesen. (Asep jofay, Paulus e Priskilaam, e Akwilaam, erasan bakan ajiosefen.) Asetayfes ara masirin, Paulus sembahyang cem afiwefen. Aram e Yahudi ow atakam aamtawfesen. 20E owam e Paulus, erasan jirow pwiciri boemap, janim aanimfesen. Paulus nat, pwicaken. 21Aramat ipic masirin, “Do bare. Do baysos. Allah akat aporcow, dor car aofasiomcimin.” Inim aeefen. Bare, aramat ipic Efesus ewnajuwefen. 22Ar masirin, kota Kaisarea asetayefen. Asetayef masirin, asowkuefen. Ar e Yesus basicim barewsi ow, selamat atakam aotawef, wunam kota Antiokia ajisosefen. 23Ar erasan isi arke aemapef, wunam aojisosefen. A Galatia capinmiam, Frigia capinmiam, acowojarefen. Erasan ara, ar jak fak e Yesus mamkawi ow takas aemtamefen.
Apolos, Efesusam, Korintusam, acacapiomef
24Barewen. Yahudi ipic juwas Apolos kota Efesus ajinawefen. Ar kota Aleksandria ajisamesef ipic arawen. Aram atakam cescuw ipic arawen. Aram, e Alkitab atakam amsom takasut arawen. 25Bap ara, ow e ipic Tuhan bokotpu atakam emcamememtamfesen. Aramat ipicam, e Yesus atakam, fak aotawefen. E atakamam tarowat aotawefen. E nat, aramat ipic, Yohanes abwi babwimas cowok amsom arawen. 26Aramat ipic, e sembahyang cem aman atakam jak faknakut aotawefen. E Priskilain Akwila nat, aramat ipic aratakam jen ajifes, ar e ipic e acem atowomiwfes, wunam Allah bokotpu, atakam, aramat ipic aotawkurumfesen. 27Bare, e Apolos, Akaya capinmi bajir, atakam atawefen. E Yesus mamkawi ow masirin, “Bare. Akaya capinmi ajirey.” Inim aefesen. Aram e Akaya capinmi Yesus mamkawi ow, e Apolos acem batowomiw, surat aetamfesen. Bap ara, Allah, asan akat, e wun Akaya ow atetamefen. Inimas bapam ara, e ow Yesus asicimfesen. Bare, Apolos e Akaya asetayef ara, ar e ow Yesus mamkawi fak aemtamefen. 28Aramat ipicam, e Alkitab atakam umuton aotawkurumefen. “Yesus, e Allah Aeremtewef Ipic ara.” Inim aeefen. Inimas ar e Yahudi ow, e ow arke bipu, atakam amatinkumimosomefen.
ទើបបានជ្រើសរើសហើយ៖
AEMAWIRISAS 18: LAICNS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
LAI 1985
AEMAWIRISAS 18
18
Paulus Korintus aemapef
1Barewen. Eras aemkurumfes, Paulus kota Atena ewjisosef, wunam kota Korintus ajaremefen. 2Erasan ara, ar Yahudi ipic juwas Akwila bi aporefen. E ipic Pontus capinmi ajisamesefen. Jepen ara masirin, Klaudius, e Yahudi ow takas, e kota Roma bafis, jirmec ajirimefen. Inimas ara, Akwila aremcin Italia capinmi ewenawfesen. Arem juwas Priskila arawen, Paulusam jaki e ow cem ajitefen. 3Akerjaas cowkon aporef, inimas ar e ow cem aemapefen. Aram kerja cowkon aemfesen. Ar picin cem bakenemapom ow arawen. 4E Jo Ses Ban Join, Ses Ban Join, Paulus e sembahyang cem aman, atakam aotawawirien. Ar Yahudi owam, Yunani owam, Yesus basicim atakam aotawporawirien.
5E Silasin Timotius, Makedonia capinmi ewenawfesen. Aenawfes ara, Paulus e Yesus atakam acacapiomawiri cowok arawen. “Yesus, e Allah Aeremtewef Ipic ara.” Inim atemen e Yahudi ow aatamawirien. 6E ow nat, e atakam aopowfesen. Aram cemew atakam aotawfesen. Inimas ara masirin, Paulus e apakaian apapacimef, wunam atakam faknakut aotawefen. “Car neraka afiwapcokom, caram carma. Bare, dor atakam car emcaotawey. Bare, dor wow e Yahudi opok owpu ajisosmin.” Inim aeefen. 7Aramat ipic masirin, erasan ewjisosef, wunam Allah basicim ipic juwas Titus Yustus acem afiwapefen. E cemam, e sembahyang cemam, jipamnuk aotomamtiwfesen. 8E sembahyang cem kepala ipic juwas Krispusam, acem owam, Tuhan asicimfesen. Korintus ow arkeam e atakam jen ajifes, wunam Tuhan asicimfesen. Ar Tuhan asicimfes masirin, ow e ow bwi abwimfesen.
9Barewen. Iram ara, Paulus pok cowok desen aporefen. Tuhanam atakam Paulus aotawefen. “Or omar arapok Atakam mamotawey. Jokon bajiem arapok. 10Doram or akac aemamin. Ow or bwememsokom asan opok. A kota ow arke, bare, dras apormin ara.” Tuhan inim aeefen. 11Bare Paulus erasan pir delapan belas ajiwar aemapawirien. Aram Allah atakam e ow amememtamawirien.
12E nat, Akaya capinmi gubernur ipic juwas Galio aememef, e Yahudi ow, Paulus botpem awarimsitfes cowok arawen. Aram Paulus e boworpor asan atowomiwfesen. 13Aram atakam aotawfesen. “E ipic, ow Allah basicim, arop atakam jipu ajomtamama. E atakam nat, e Musa Jirmec atakam jipu opok.” Inim aefesen. 14E Paulusam atakam bataw aemef. E nat, e Galio, atakam e Yahudi ow, bap aotawefen. “E ipic salah aemefnew, jokmenas aemefnew, bare dor caratakam jen baji araman. 15E nat, e atakam aamtawmokomas, pok juwas atakam aamtawmokom. Ow juwasam atakam aamtawmokom. Caragama jirmecam atakam aamtawmokom. Inimas ara, dor eras, atakam basakamtiw pwicak.” Inim aeefen. 16Aramat ipic masirin, e ow e boworpor asan aotewerisimefen. 17E ow takas masirin, e sembahyang cem kepala ipic juwas Sostenes ban akimomfes, wunam ar aramat ipic, e boworpor asan, omop aaffesen. E Galio nat, inimas bapor opok cimin aemapefen.
Paulus Antiokia aofasief
18Barewen. Paulus e Korintus isi arke aoemapefen. Ar masirin, atakam e Yesus mamkawi ow aotawefen. “Do bare. Do baysos.” Inim aeefen. Aramat ipic masirin, Siria capinmi bajir anajuwefen. E Priskilaam, e Akwilaam, akac anajuwfesen. Bap ara, Paulus kota Kengkrea aememef aram atayi Allah aeefen. Inimas ar kus fin wakan aakefen. 19Bare, e ow kota Efesus asetayfesen. (Asep jofay, Paulus e Priskilaam, e Akwilaam, erasan bakan ajiosefen.) Asetayfes ara masirin, Paulus sembahyang cem afiwefen. Aram e Yahudi ow atakam aamtawfesen. 20E owam e Paulus, erasan jirow pwiciri boemap, janim aanimfesen. Paulus nat, pwicaken. 21Aramat ipic masirin, “Do bare. Do baysos. Allah akat aporcow, dor car aofasiomcimin.” Inim aeefen. Bare, aramat ipic Efesus ewnajuwefen. 22Ar masirin, kota Kaisarea asetayefen. Asetayef masirin, asowkuefen. Ar e Yesus basicim barewsi ow, selamat atakam aotawef, wunam kota Antiokia ajisosefen. 23Ar erasan isi arke aemapef, wunam aojisosefen. A Galatia capinmiam, Frigia capinmiam, acowojarefen. Erasan ara, ar jak fak e Yesus mamkawi ow takas aemtamefen.
Apolos, Efesusam, Korintusam, acacapiomef
24Barewen. Yahudi ipic juwas Apolos kota Efesus ajinawefen. Ar kota Aleksandria ajisamesef ipic arawen. Aram atakam cescuw ipic arawen. Aram, e Alkitab atakam amsom takasut arawen. 25Bap ara, ow e ipic Tuhan bokotpu atakam emcamememtamfesen. Aramat ipicam, e Yesus atakam, fak aotawefen. E atakamam tarowat aotawefen. E nat, aramat ipic, Yohanes abwi babwimas cowok amsom arawen. 26Aramat ipic, e sembahyang cem aman atakam jak faknakut aotawefen. E Priskilain Akwila nat, aramat ipic aratakam jen ajifes, ar e ipic e acem atowomiwfes, wunam Allah bokotpu, atakam, aramat ipic aotawkurumfesen. 27Bare, e Apolos, Akaya capinmi bajir, atakam atawefen. E Yesus mamkawi ow masirin, “Bare. Akaya capinmi ajirey.” Inim aefesen. Aram e Akaya capinmi Yesus mamkawi ow, e Apolos acem batowomiw, surat aetamfesen. Bap ara, Allah, asan akat, e wun Akaya ow atetamefen. Inimas bapam ara, e ow Yesus asicimfesen. Bare, Apolos e Akaya asetayef ara, ar e ow Yesus mamkawi fak aemtamefen. 28Aramat ipicam, e Alkitab atakam umuton aotawkurumefen. “Yesus, e Allah Aeremtewef Ipic ara.” Inim aeefen. Inimas ar e Yahudi ow, e ow arke bipu, atakam amatinkumimosomefen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
LAI 1985