IINDUMISO 95
95
Ingoma yokubonga
1Yizani sombelele *uNdikhoyo,
simculele sigcobile umkhuseli nomsindisi wethu!
2Masiye kuye sinombulelo,
simombelele iingoma zokubonga.
3Kaloku uNdikhoyo nguThixo onamandla,
ngukumkani omkhulu *kwizithixo zonke.
4Lisesandleni sakhe ihlabathi liphela;
iinzulu neencopho zilawulwa nguye.
5Ulawula ulwandle kuba walwenza;
nomhlaba wawudala ngezandla zakhe.
6Yizani siqubude simnqule,
siguqe phambi koNdikhoyo umdali wethu,
7kuba yena nguThixo wethu.
Thina singumhlambi awalusayo,
iigusha ezondliwa nguye.
Namhla liveni ilizwi lakhe elithi:
8“Musan' ukuba neenkani, njengookhokho benu eMeribha,
njengemihla yaseMasa entlango,
9apho bandilingayo,
naxa babezibona izinto endandibenzela zona.
10Iminyaka emashumi mane bandikruqula,
ndada ndathi: ‘Hay' ukungeva kwabo;
abayithobeli imiyalelo yam.’
11Ngoko ke ndafunga ngomsindo, ndathi:
‘Abasoze bangene ekuphumleni kwam.’ ”
ទើបបានជ្រើសរើសហើយ៖
IINDUMISO 95: XHO96
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Bible Society of South Africa 1996. Used with permission. All rights reserved.