योहान ओलखात
ओलखात
ज्यी योहानान हाजाली खुबेर ने पुस्तेक नोवाला नेम ने चार हाजाली खुबेर ने पुस्तेक माय रेन एक हे, जो यीशु मसीन जीवणान वर्णन किरेह। मत्ती, मरकुस, लुका एने योहान ज्या चार पुस्तेकाह हाजाली खुबेर केतेह। मसी यीशुन जेल्मान 90 सालान पासाण ज्यी हाजाली खुबेर प्रेरित योहान लिखेल ईतो। ज्या पुस्तेक माय लिखेल नाह सोतो काय ज्यो पुस्तेक योहान लिखेल हे। तीबी लेखणेन तरीको 1, 2, 3 योहानान पोत्रा लिखेल ता हेऱ्यो मेल खाते, योहान इफिसीयो हेयरा माय रेन ज्या पुस्तेकाह लिख्यो एय।
योहान ज्या पुस्तेकान उद्देश साप साप किथे काय यीशु मसी जीवताला बोगवानान बिटोख हे 20:31 ओहलो बुरहो केरनेन मोदेक किरेह। ता पोर बुरहो केरने से आपु तान नावा माय जीवाय जीव सेकतेह, ज्यो पुस्तेक यहुदि एने बिगेर यहुदि वाचणारान केरता लेखाय जायेल हे। योहानान हाजाली खुबेर बाकी तीन हाजाली खुबेर माय रेन थोड्युक वातु आलेग हेत्यु; एने यीशु किरेल चोमेत्कारा पोर तो द्यान लागाड़ेल हे, एने तान किस्सान बाराम जुलूम काय लिखेल नाह सुतो। यीशु मसीन बपतीस्मा एने उजाड़ी माय पारेख, न्युन गेत जुलूम खास गेटनान बाराम कियेल नाह सोतो।
रूपरेखा
1. योहान हाजाली खुबेर ने सुरवात केरने। 1:1-18
2. पासाण तो ता थोड़ाक चोमेत्कार ने बाराम लिखेह जो यीशु किरेल। 1:19–12:50
3. तो यीशुन थोड़ीक गेटनान वर्णन किरेह जो ताह मोती हेऱ्यो ली जाथे। 13:1–20:31
4. योहान एक विस अद्याय माय निवरावेह जा माय यीशु मुरेल माय रेन जिवीन माणहान ओंगाण आवीह एने आखरी माय पुस्तेक लेखणेन उद्देश केणे। 21
ទើបបានជ្រើសរើសហើយ៖
योहान ओलखात: NTNii2020
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020