इफिस वळख
वळख
ख्रिस्तना जन्मना ६० वरिस पहिले इफिसकरास पत्र हाई कलस्सैकरसले पत्र लिखं तवयच लिखाई गयं. प्रेषित हाई वळख देस की, तोच हाई पत्रना लेखक शे. १:१ कलस्सैकरसले पत्रना मायक हाई पत्रमा वयक्तीक शुभेच्छा दखास नही तरी बी जास्त करीसन विद्वान लोकसनं हाई म्हणनं शे की, पौलनीच हाई पत्र लिखेल व्हई. प्रांतना अलग अलग मंडळीसमा हाई पत्र फिराईसन वाचानं अस लेखन ईचार व्हई. जवय त्यानी हाई पत्र लिखं तवय पौल सांगस की, तो कैदखानामा व्हता. ३:१ ४:१, ६:२० जवय तिखीकस इफिस आठली मंडळीले भेटाले इफिसले जाई राहिंता तवय पौलनी हाई पत्र त्याना हाते धाडं. ६:२१-२२
इफिस हाई भलतच मोठं शहर व्हतं. त्या येळले आशिया मायनर प्रांतनी ती राजधानी व्हती. शहरमा अर्तमीन नावनी ग्रीक देवनी मोठं मंदीर व्हतं. ज्यानामुये शहरले भलतीच प्रसिध्दी भेटनीप्रेषित १९:२३-३१ प्रषित आठे इफिस मंडळीनी सुरवात जोरदार व्हयनी पण नंतर ती कमजोर अशी दखासप्रकटीकरण २:१-७.
देवनी आपला लोसकले निवडीसन ख्रिस्त येशुमा कसं त्यासनी पापसपाईन मुक्ती दिधी हाई पौल पत्रना पहिला भागमा स्पष्ट करस. तो कसं मंडळीनी तुलना त्या शरिरसंगे करस की, ज्यानं मस्तक ख्रिस्त शे अनी त्या इमारतना करस ज्याना कोपराना दगड ख्रिस्त शे. पत्रना दुसरा भागमा पौल ख्रिस्ती जिवन कसं जगाले पाहिजे यानाबद्दल बोध करस.
रूपरेषा
१. पौल स्वतःनी वळख दिसन इफिसकरसले शुभेच्छा देस. १:१-२
२. नंतर पौल मंडळीना ख्रिस्तसंगे नातं कसं ऱ्हावाले पाहिजे हाई स्पष्ट करस १:३; ३:२१
३. नंतर पौल ख्रिस्ती जिवन कसं जगानं यानी वाट दखाडस. ४:१; ६:२०
४. पौल शेवटला शब्द लिखीसन पत्रना शेवट करस. ६:२१-२४
ទើបបានជ្រើសរើសហើយ៖
इफिस वळख: Aii25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Ahirani Bible © The Word for the World International and Ahirani Christi Iswari Mandli, Sakri, Dhule, Maharashtra 2025