ABARUMI 4
4
Ibrahimu nigo are ekiorokererio
1Inki rende toratebe? Ibrahimu sokoro yaito bw’ororeria inki anyorete? 2Ekiagera onye Ibrahimu oetwe oboronge ase engencho y’ogokora kwaye, nare neki agwetogeria, korende tari ase obosio bwa Nyasae. 3Ninki amariko agoteba? “Ibrahimu nigo amwegenete Nyasae, na ase engencho eyio akabarwa koba omonyene oboronge.” 4Korende ase omonto oyogokora emeremo, eng’eria yaye teri kobarwa buna nobuya, korende nigo ekoba ogoakanwa ase emeremo yaye. 5Ase omonto otari gosemeria ogokora kw’emeremo yaye, korende nigo egenete ere oria okoa abanyabibe oboronge, okwegena kwaye omonto oyio kwamobarire ng’a nare noboronge. 6Naboigo Daudi agoteba, ng’a nasesenirie omonto oria ere Nyasae abarire koba noboronge atari nogokora kw’amachiko,
7“Mbasesenirie abaabeirwe ebibe biabo,
abwo ebibe biabo biatubirwe.
8Nasesenirie omonto oria Omonene atabarereti ebibe biaye.”
9Inee! Ogosesenigwa oko nigo kore ase abwo barogete, gose nase abwo batarogeti boigo? Nigo togoteba, ng’a Ibrahimu ase okwegena kwaye akabarerwa ng’a nare noboronge. 10Indi abareretwe ayio? Nekero konya arokire gose nekero konya atararoka? Tari ekero konya arokire, korende nekero konya atararoka. 11Ere nigo anyorete ekiorokererio eke gi’okwaroka buna ekemanyererio ki’oboronge bw’okwegena arenge naborobwo rigoro atararoka, anyare koba ise o bonsi abegenete, nonya tibarogeti, erinde babarerwe oboronge. 12Naboigo akaba ise bw’abarogete, tari ng’a barogete rioka, korende boigo abagotunyana chimbaratero chi’okwegena kwaye sokoro yaito Ibrahimu, oko arenge nakorokwo ekero konya atararoka.
Eira ekoenekigwa ase okwegena
13Naki eira eria Ibrahimu aetwe amo noroiboro rwaye ng’a naire omwando bw’ense, tiyarwete ase amachiko korende ase oboronge obwo anyorete ase okwegena. 14Naki onye baria b’amachiko mbarabwo abanyamwando, rirorio okwegena kwabeire okwa bosa, na eira yabeire teri gento. 15Ekiagera ogochika nakwo gokorenta endamwamu; na aase ogochika gotari, komocha tikoiyo.
16Ase engencho eyio eira eye nigo yanyoretwe ase okwegena, ebe ase enchera y’amabera, erinde enyare koba eng’ikeranu ase oroiboro rwaye rwonsi, tari ase baria b’amachiko boka korende nase baria bare nokwegena buna okwa Ibrahimu. Ere nere tata oito intwe twensi, 17buna erikire ng’a, “Nakobekire obe ise bw’ebisaku ebinge”. Eira eye nigo yaikeranire ase obosio bwa Nyasae, ere oyo Ibrahimu egenete, Nyasae oyokobokia abakure, naende aatora ebinto bitaiyo buna mbireo. 18Ere akeegena ase ogosemeria ase ayatanyare gosemerigwa, erinde abe ise bw’ebisaku ebinge, buna atebetigwe, “Naboigo oroiboro rwao rorabe.” 19Tabete omworo ase okwegena, ekero aroche ng’a omobere oye obeire ang’e nogokwa, ekiagera konya okoorire emiaka koreng’ana rigana erimo, na enda ya Sara egombaete; 20gose tabete na tang’u‐tang’u chinde ase eira eria ya Nyasae ase ogotegena, korende nigo abegetwe chinguru ase okwegena kwaye, akamotogia Nyasae. 21Akamanya boronge ng’a Nyasae nanyare gokora aria arierete eira. 22Ase ayio ase okwegena kwaye “akabarerwa ng’a nare noboronge.” 23Korende amang’ana aya “akabarerwa ng’a nare noboronge” tarigetwe ase engencho yaye bweka, 24korende nase engencho yaito boigo. Nonya nintwe ntoche kobarerwa boigo, intwe abatwamwegenire ere oyomobogetie Yeso, Omonene oito, korwwa ase abakure, 25oyoruetwe ase ogokwa ase engencho y’ebibe biaito, na akabokigwa ekiagera otorenteire oboronge.
ទើបបានជ្រើសរើសហើយ៖
ABARUMI 4: EKEGUSIIBBLE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 4
4
Ibrahimu nigo are ekiorokererio
1Inki rende toratebe? Ibrahimu sokoro yaito bw’ororeria inki anyorete? 2Ekiagera onye Ibrahimu oetwe oboronge ase engencho y’ogokora kwaye, nare neki agwetogeria, korende tari ase obosio bwa Nyasae. 3Ninki amariko agoteba? “Ibrahimu nigo amwegenete Nyasae, na ase engencho eyio akabarwa koba omonyene oboronge.” 4Korende ase omonto oyogokora emeremo, eng’eria yaye teri kobarwa buna nobuya, korende nigo ekoba ogoakanwa ase emeremo yaye. 5Ase omonto otari gosemeria ogokora kw’emeremo yaye, korende nigo egenete ere oria okoa abanyabibe oboronge, okwegena kwaye omonto oyio kwamobarire ng’a nare noboronge. 6Naboigo Daudi agoteba, ng’a nasesenirie omonto oria ere Nyasae abarire koba noboronge atari nogokora kw’amachiko,
7“Mbasesenirie abaabeirwe ebibe biabo,
abwo ebibe biabo biatubirwe.
8Nasesenirie omonto oria Omonene atabarereti ebibe biaye.”
9Inee! Ogosesenigwa oko nigo kore ase abwo barogete, gose nase abwo batarogeti boigo? Nigo togoteba, ng’a Ibrahimu ase okwegena kwaye akabarerwa ng’a nare noboronge. 10Indi abareretwe ayio? Nekero konya arokire gose nekero konya atararoka? Tari ekero konya arokire, korende nekero konya atararoka. 11Ere nigo anyorete ekiorokererio eke gi’okwaroka buna ekemanyererio ki’oboronge bw’okwegena arenge naborobwo rigoro atararoka, anyare koba ise o bonsi abegenete, nonya tibarogeti, erinde babarerwe oboronge. 12Naboigo akaba ise bw’abarogete, tari ng’a barogete rioka, korende boigo abagotunyana chimbaratero chi’okwegena kwaye sokoro yaito Ibrahimu, oko arenge nakorokwo ekero konya atararoka.
Eira ekoenekigwa ase okwegena
13Naki eira eria Ibrahimu aetwe amo noroiboro rwaye ng’a naire omwando bw’ense, tiyarwete ase amachiko korende ase oboronge obwo anyorete ase okwegena. 14Naki onye baria b’amachiko mbarabwo abanyamwando, rirorio okwegena kwabeire okwa bosa, na eira yabeire teri gento. 15Ekiagera ogochika nakwo gokorenta endamwamu; na aase ogochika gotari, komocha tikoiyo.
16Ase engencho eyio eira eye nigo yanyoretwe ase okwegena, ebe ase enchera y’amabera, erinde enyare koba eng’ikeranu ase oroiboro rwaye rwonsi, tari ase baria b’amachiko boka korende nase baria bare nokwegena buna okwa Ibrahimu. Ere nere tata oito intwe twensi, 17buna erikire ng’a, “Nakobekire obe ise bw’ebisaku ebinge”. Eira eye nigo yaikeranire ase obosio bwa Nyasae, ere oyo Ibrahimu egenete, Nyasae oyokobokia abakure, naende aatora ebinto bitaiyo buna mbireo. 18Ere akeegena ase ogosemeria ase ayatanyare gosemerigwa, erinde abe ise bw’ebisaku ebinge, buna atebetigwe, “Naboigo oroiboro rwao rorabe.” 19Tabete omworo ase okwegena, ekero aroche ng’a omobere oye obeire ang’e nogokwa, ekiagera konya okoorire emiaka koreng’ana rigana erimo, na enda ya Sara egombaete; 20gose tabete na tang’u‐tang’u chinde ase eira eria ya Nyasae ase ogotegena, korende nigo abegetwe chinguru ase okwegena kwaye, akamotogia Nyasae. 21Akamanya boronge ng’a Nyasae nanyare gokora aria arierete eira. 22Ase ayio ase okwegena kwaye “akabarerwa ng’a nare noboronge.” 23Korende amang’ana aya “akabarerwa ng’a nare noboronge” tarigetwe ase engencho yaye bweka, 24korende nase engencho yaito boigo. Nonya nintwe ntoche kobarerwa boigo, intwe abatwamwegenire ere oyomobogetie Yeso, Omonene oito, korwwa ase abakure, 25oyoruetwe ase ogokwa ase engencho y’ebibe biaito, na akabokigwa ekiagera otorenteire oboronge.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020