ABARUMI 3
3
Amaborio amasisekanu akoiranerigwa
1Gaki rende, Omoyahudi inki abuete abande? Na okwaroka inki kogwenerete? 2Nkogwenerete mono ase kera enchera. Ritang’ani, Abayahudi mbegenetwe konyora ring’ana ria Nyasae. 3Inki rende onye abande tibari abegenwa? Inee! Ogotegenwa kwabo nakonyare gokora obwegenwa bwa Nyasae bobe bosa? 4Yaya, taibo! Goika Nyasae amanyekane ng’a nomonyene ekeene, nonya nkera omonto ore omorimo, buna erikire,
“Erinde omanyekane ng’a mboronge ore ase amang’ana ao, na obue ekero ogosoa ase ekina.”
5Korende kerabe ng’a obobe bwaito bokoorokia oboronge bwa Nyasae, inki toratebe rende? Nyasae noyotari omoronge ekero akorenta endamwamu? (Nakwanire buna mwanyabanto). 6Yaya, taibo! Onye nabo, naki rende Nyasae aranyare kogambia ense? 7Korende onye oboene obonge bwa Nyasae bwamentekire ase obonene bwaye ase engencho y’oborimo bwane, nase ki inche nonya mbono nkona‐kogambigwa buna omonyene ebibe? 8Naki rende totagokora obobe, erinde obuya boche? Buna abande bagoteba ase ogotoitania. Okogambigwa kwabo nigo kore boronge.
Okogwa kwa mwanyabanto
9Ninki rende? Intwe Abayahudi nabaya tore kobua abande? Yaya, nonya ng’ake! Naki twasoeire Abayahudi amo n’Abagiriki ng’a bonsi nigo bare inse y’okobua kw’ebibe; 10buna erikire ng’a,
“Onde tari omonyene oboronge, nonya noyomo;
11onde tari okomanya,
onde tari okorigia Nyasae.
12Bonsi bachiire bogeka, bonsi babeire bosa;
onde tari oyogokora amaya, nonya noyomo.
13Emioyo yabo noboina bwasie,
ase emenwa yabo nigo bagokwana obong’ainereria,
obosongo bwe ching’iti nigo bore ase ebikoba bi’emenwa yabo.
14Emenwa yabo yaichoirwe nokoragereria na obororo,
15amagoro abo nigo are amaango ase ogoitera amanyinga,
16obosareku na emechando nigo bire ase chinchera chiabo.
17Enchera y’omorembe tibayemanyeti.
18Okomoiroka Nyasae tikori ase amaiso abo.”
19Twamanyire ng’a amang’ana onsi agokwanwa namachiko nigo agokwanwa ase baria bare inse y’amachiko, erinde kera omonwa osiekwe, na ense yonsi ebekweinse ase ekina kia Nyasae. 20Naki ase ogokora kw’amachiko onde tari ase mwanyabanto oranyare konyora oboronge ase obosio bwa Nyasae, ekiagera amachiko naro akorenta okomanya ebibe.
Okonyora oboronge ase okomwegena Kristo
21Korende bono oboronge bwa Nyasae bwaorokigwe machiko ataiyo, obwaberetwe kirori namachiko na ababani, 22engencho yaye oboronge bokorwa ase Nyasae obo bogocha ase enchera y’okomwegena Yeso Kristo ase bonsi abegenete. Naki gwatananekana tikori, 23ekiagera bonsi bakorire ebibe, na baremeirwe nobonene bwa Nyasae; 24baeirwe oboronge buna ekeegwa ase obuya bwaye, ase enchera y’okoboorigwa kore ime ase Kristo Yeso. 25Ere Nyasae omobekire koba ekeng’wanso gi’okobwatania ase amanyinga aye, erinde tomonyore ase enchera y’okwegena. Igo Nyasae aorokirie oboronge bwaye, ekiagera ase okoremereria kwaye atigete ebibe biria biatang’anete. 26Ekero ekeiga oorokirie ng’a ere nomonyene oboronge, naende nere okomoa oboronge oyo okomwegena Yeso.
27Ng’ai rende ogwetogia gwaito kore? Gwasiekeirwe isiko. Ase ogochika ki? Ase ogochika kw’ogokora? Yaya, korende ase ogochika gw’okwegena. 28Naboigo, tokobara ng’a omonto nigo akoegwa oboronge ase okwegena kore ao nogokora kw’amachiko. 29Gose Nyasae nigo are Nyasae bw’Abayahudi boka? Tari Nyasae bw’Ebisaku boigo? Ee, Nyasae bw’Ebisaku boigo. 30Naki Nyasae noyomo, oranyare koa baria barogete oboronge ase okwegena, na abwo batarogeti ase enchera y’okwegena. 31Inee! Ntwaonchoire amachiko abe bosa ase okwegena okwo? Yaya, taibo! Nigo togwanchera amachiko.
ទើបបានជ្រើសរើសហើយ៖
ABARUMI 3: EKEGUSIIBBLE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 3
3
Amaborio amasisekanu akoiranerigwa
1Gaki rende, Omoyahudi inki abuete abande? Na okwaroka inki kogwenerete? 2Nkogwenerete mono ase kera enchera. Ritang’ani, Abayahudi mbegenetwe konyora ring’ana ria Nyasae. 3Inki rende onye abande tibari abegenwa? Inee! Ogotegenwa kwabo nakonyare gokora obwegenwa bwa Nyasae bobe bosa? 4Yaya, taibo! Goika Nyasae amanyekane ng’a nomonyene ekeene, nonya nkera omonto ore omorimo, buna erikire,
“Erinde omanyekane ng’a mboronge ore ase amang’ana ao, na obue ekero ogosoa ase ekina.”
5Korende kerabe ng’a obobe bwaito bokoorokia oboronge bwa Nyasae, inki toratebe rende? Nyasae noyotari omoronge ekero akorenta endamwamu? (Nakwanire buna mwanyabanto). 6Yaya, taibo! Onye nabo, naki rende Nyasae aranyare kogambia ense? 7Korende onye oboene obonge bwa Nyasae bwamentekire ase obonene bwaye ase engencho y’oborimo bwane, nase ki inche nonya mbono nkona‐kogambigwa buna omonyene ebibe? 8Naki rende totagokora obobe, erinde obuya boche? Buna abande bagoteba ase ogotoitania. Okogambigwa kwabo nigo kore boronge.
Okogwa kwa mwanyabanto
9Ninki rende? Intwe Abayahudi nabaya tore kobua abande? Yaya, nonya ng’ake! Naki twasoeire Abayahudi amo n’Abagiriki ng’a bonsi nigo bare inse y’okobua kw’ebibe; 10buna erikire ng’a,
“Onde tari omonyene oboronge, nonya noyomo;
11onde tari okomanya,
onde tari okorigia Nyasae.
12Bonsi bachiire bogeka, bonsi babeire bosa;
onde tari oyogokora amaya, nonya noyomo.
13Emioyo yabo noboina bwasie,
ase emenwa yabo nigo bagokwana obong’ainereria,
obosongo bwe ching’iti nigo bore ase ebikoba bi’emenwa yabo.
14Emenwa yabo yaichoirwe nokoragereria na obororo,
15amagoro abo nigo are amaango ase ogoitera amanyinga,
16obosareku na emechando nigo bire ase chinchera chiabo.
17Enchera y’omorembe tibayemanyeti.
18Okomoiroka Nyasae tikori ase amaiso abo.”
19Twamanyire ng’a amang’ana onsi agokwanwa namachiko nigo agokwanwa ase baria bare inse y’amachiko, erinde kera omonwa osiekwe, na ense yonsi ebekweinse ase ekina kia Nyasae. 20Naki ase ogokora kw’amachiko onde tari ase mwanyabanto oranyare konyora oboronge ase obosio bwa Nyasae, ekiagera amachiko naro akorenta okomanya ebibe.
Okonyora oboronge ase okomwegena Kristo
21Korende bono oboronge bwa Nyasae bwaorokigwe machiko ataiyo, obwaberetwe kirori namachiko na ababani, 22engencho yaye oboronge bokorwa ase Nyasae obo bogocha ase enchera y’okomwegena Yeso Kristo ase bonsi abegenete. Naki gwatananekana tikori, 23ekiagera bonsi bakorire ebibe, na baremeirwe nobonene bwa Nyasae; 24baeirwe oboronge buna ekeegwa ase obuya bwaye, ase enchera y’okoboorigwa kore ime ase Kristo Yeso. 25Ere Nyasae omobekire koba ekeng’wanso gi’okobwatania ase amanyinga aye, erinde tomonyore ase enchera y’okwegena. Igo Nyasae aorokirie oboronge bwaye, ekiagera ase okoremereria kwaye atigete ebibe biria biatang’anete. 26Ekero ekeiga oorokirie ng’a ere nomonyene oboronge, naende nere okomoa oboronge oyo okomwegena Yeso.
27Ng’ai rende ogwetogia gwaito kore? Gwasiekeirwe isiko. Ase ogochika ki? Ase ogochika kw’ogokora? Yaya, korende ase ogochika gw’okwegena. 28Naboigo, tokobara ng’a omonto nigo akoegwa oboronge ase okwegena kore ao nogokora kw’amachiko. 29Gose Nyasae nigo are Nyasae bw’Abayahudi boka? Tari Nyasae bw’Ebisaku boigo? Ee, Nyasae bw’Ebisaku boigo. 30Naki Nyasae noyomo, oranyare koa baria barogete oboronge ase okwegena, na abwo batarogeti ase enchera y’okwegena. 31Inee! Ntwaonchoire amachiko abe bosa ase okwegena okwo? Yaya, taibo! Nigo togwanchera amachiko.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020