OGOKORA KW’ABATOMWA 26
26
Paulo ogokwana ase obosio bw’Agripa
(Ogok 22:6–16; 26:12–18)
1Agripa agatebia Paulo, “Nore ne ribaga gokwana amang’ana ao.” Erio Paulo akarambora okoboko kwaye, agekengera,
2“Omoruoti Agripa, nerorire omonyene ng’a ninde negesio, ekiagera ninyekengere ase obosio bwao rero, ase amang’ana aria onsi nasoerwa n’Abayahudi. 3Nabo ekiagera aye kwamanyire mono chingencho chionsi na amaborio onsi Abayahudi bare naro, nagosabire ontegerere ase oboremereria.
4“Abayahudi bonsi mbamanyete obogima bwane korwa obosae bwane buna bwarenge korwa omochakano, ase egesaku kiane na ase Yerusalemu. 5Mbamanyete korwa ase ekero egetambe, na onye barigetie, banyare koorokia buna narenge oyomo bw’ekeombe keria gi’okobetererigwa bokong’u kobwata engencho yaito y’okomoiroka Nyasae, nakio ekeombe ki’Abafarisai. 6Na bono ninteneine aiga ngambigwe ase engencho y’ogosemeria kw’eira eria chisokoro chiaito chiaetwe na Nyasae, 7eira eyio eyio ebisaku biaito ikomi na bibere biasemeretie koyeikera, kobiragenderere komosasima Nyasae obotuko na omobaso. Aye omoruoti! Ase engencho y’ogosemeria okwo nasoeirwe n’Abayahudi. 8Nase ki motari gwancha nga Nyasae nkobabokia are abakure?
9“Ekeene inche omonyene naroche ng’a nengwenerete gokora amang’ana amange mamincha y’erieta ria Yeso o Nazareti. 10Ngakora aya aria Yerusalemu: Ngasiba abachenu abange ase echela, ekero naeirwe okobua nabakuani abanene; tari ayio oka, korende kobagoitwa, nigo narenge gwancha abe bo asebare. 11Nkabasusura ebiro ebinge ase chisinagogi chionsi, naende mbabetereria korama, nkababwaterwa endamwamu enene mono, nkabatunya na kobachanda goika emechie y’ense engeni.
12“Nabo ase emeremo eyio nigo narenge kogenda Damesiki, nigo naetwe okobua na amachiko korwa ase abakuani abanene. 13Aye omoruoti, ekero kia mobaso gati, kande enchera kogenda, nkarora amasase akorwa igoro abuete okobara kw’erioba, akambarera chinsemo chionsi amo nabaria barenge amo nainche. 14Tokagwa inse twensi, nkaigwa eriogi rigontebia ase omonwa bw’Ekeibirania: Saulo, Saulo, nase ki gwanchandire? Naakong’u asore goaka ensonga y’esimisi chintacho. 15Na inche nkabora: Naye ng’o Omonene? Omonene agantebia: Ninche Yeso, oyogwachandire aye. 16Korende imoka, otenene namagoro ao, ekiagera nakoorokeire ase engencho eye: nkobeke obe omokori na kirori bw’amang’ana aya kwarora, na amang’ana ayio ndeorokerie asore. 17Ningotoorie korwa ase abanto bao, na korwa ase abanto b’Ebisaku, ase abwo ndagotome. 18Nigo oraramokie amaiso abo baonchoke korwa ase omosunte, bache ase omobaso, batige okobua gwa Saitani na baonchokere Nyasae, banyore okwaberwa kw’ebibe biabo, na omwando ase egati yabo abachenirwe ase okonyegena.
19“Aye omoruoti Agripa! Ase ayio tinare kwanga koigwera okorora koria kwarwete igoro, 20korende ritang’ani nigo naranderetie baria ba Damesiki, na Yerusalemu, na ase ense ya Boyahudi, na abanto b’Ebisaku, baonchoke, baonchokere Nyasae bakore ogokora kobwataine okoonchoka kwabo. 21Naki ase engencho eyio Abayahudi bakambwatera ime ase Hekalu, bagateema kong’ita. 22Goika rero iga nanyorire ogokonyeka gokorwa ase Nyasae. Ase igo ninteneine na koba kirori ase abake na abanene. Tindi gokwana amang’ana ande otatiga aria ababani na Musa bakwanete ng’a nabe, 23buna Kristo agwenerete achandwe, naende ase okoba omotang’ani ase okobokigwa kw’abakure, nararie amang’ana ’omobaso ase abanto baye, na ase abanto b’Ebisaku.”
24Agachia gwekengera iga, Festo agakwana neriogi rinene, “Paulo, nebarimo ore! Ogosoma kwao okonge kwaonchoire obong’aini bwao.”
25Korende Paulo agakwana, “Omosike Festo, tindi ebarimo, korende nigo ngokwana amang’ana ’ekeene na ay’obong’aini kegima. 26Naki omoruoti namanyete engencho y’amang’ana aya, naende ninyare gokwana nere ntari nokoiroka, ekiagera namanyire mono ng’a ring’ana tiriri nonya nerimo ase ayio otamanyeti, ekiagera erio tiriakoregete bobisi. 27Omoruoti Agripa, Inee, mbwegenete ababani? Namanyire ng’a nobegenete.”
28Agripa agatebia Paulo, “Ase amang’ana amake norigetie gonkora imbe Omokristo.”
29Paulo akamoiraneria, “Nasabire Nyasae ng’a ase amang’ana amake, gose amange, tari aye bweka, korende naba bonsi abantegererete rero, babe buna inche otatiga ase ebinyuri ebi.”
30Erio omoruoti, na gavuna, na Bereniki, na baria baikaransete amo nabarabwo bagatenena, 31bakagenda are ake, bagatebania, bakabora, “Omonto oyo takoreti ring’ana rigwenerete ogokwa gose ogosibwa.” 32Agripa agatebia Festo, “Omonto oyo nanga nasiborwa onye atarigia ekina kiaye keirwe ase Kaisari.”
ទើបបានជ្រើសរើសហើយ៖
OGOKORA KW’ABATOMWA 26: EKEGUSIIBBLE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020
OGOKORA KW’ABATOMWA 26
26
Paulo ogokwana ase obosio bw’Agripa
(Ogok 22:6–16; 26:12–18)
1Agripa agatebia Paulo, “Nore ne ribaga gokwana amang’ana ao.” Erio Paulo akarambora okoboko kwaye, agekengera,
2“Omoruoti Agripa, nerorire omonyene ng’a ninde negesio, ekiagera ninyekengere ase obosio bwao rero, ase amang’ana aria onsi nasoerwa n’Abayahudi. 3Nabo ekiagera aye kwamanyire mono chingencho chionsi na amaborio onsi Abayahudi bare naro, nagosabire ontegerere ase oboremereria.
4“Abayahudi bonsi mbamanyete obogima bwane korwa obosae bwane buna bwarenge korwa omochakano, ase egesaku kiane na ase Yerusalemu. 5Mbamanyete korwa ase ekero egetambe, na onye barigetie, banyare koorokia buna narenge oyomo bw’ekeombe keria gi’okobetererigwa bokong’u kobwata engencho yaito y’okomoiroka Nyasae, nakio ekeombe ki’Abafarisai. 6Na bono ninteneine aiga ngambigwe ase engencho y’ogosemeria kw’eira eria chisokoro chiaito chiaetwe na Nyasae, 7eira eyio eyio ebisaku biaito ikomi na bibere biasemeretie koyeikera, kobiragenderere komosasima Nyasae obotuko na omobaso. Aye omoruoti! Ase engencho y’ogosemeria okwo nasoeirwe n’Abayahudi. 8Nase ki motari gwancha nga Nyasae nkobabokia are abakure?
9“Ekeene inche omonyene naroche ng’a nengwenerete gokora amang’ana amange mamincha y’erieta ria Yeso o Nazareti. 10Ngakora aya aria Yerusalemu: Ngasiba abachenu abange ase echela, ekero naeirwe okobua nabakuani abanene; tari ayio oka, korende kobagoitwa, nigo narenge gwancha abe bo asebare. 11Nkabasusura ebiro ebinge ase chisinagogi chionsi, naende mbabetereria korama, nkababwaterwa endamwamu enene mono, nkabatunya na kobachanda goika emechie y’ense engeni.
12“Nabo ase emeremo eyio nigo narenge kogenda Damesiki, nigo naetwe okobua na amachiko korwa ase abakuani abanene. 13Aye omoruoti, ekero kia mobaso gati, kande enchera kogenda, nkarora amasase akorwa igoro abuete okobara kw’erioba, akambarera chinsemo chionsi amo nabaria barenge amo nainche. 14Tokagwa inse twensi, nkaigwa eriogi rigontebia ase omonwa bw’Ekeibirania: Saulo, Saulo, nase ki gwanchandire? Naakong’u asore goaka ensonga y’esimisi chintacho. 15Na inche nkabora: Naye ng’o Omonene? Omonene agantebia: Ninche Yeso, oyogwachandire aye. 16Korende imoka, otenene namagoro ao, ekiagera nakoorokeire ase engencho eye: nkobeke obe omokori na kirori bw’amang’ana aya kwarora, na amang’ana ayio ndeorokerie asore. 17Ningotoorie korwa ase abanto bao, na korwa ase abanto b’Ebisaku, ase abwo ndagotome. 18Nigo oraramokie amaiso abo baonchoke korwa ase omosunte, bache ase omobaso, batige okobua gwa Saitani na baonchokere Nyasae, banyore okwaberwa kw’ebibe biabo, na omwando ase egati yabo abachenirwe ase okonyegena.
19“Aye omoruoti Agripa! Ase ayio tinare kwanga koigwera okorora koria kwarwete igoro, 20korende ritang’ani nigo naranderetie baria ba Damesiki, na Yerusalemu, na ase ense ya Boyahudi, na abanto b’Ebisaku, baonchoke, baonchokere Nyasae bakore ogokora kobwataine okoonchoka kwabo. 21Naki ase engencho eyio Abayahudi bakambwatera ime ase Hekalu, bagateema kong’ita. 22Goika rero iga nanyorire ogokonyeka gokorwa ase Nyasae. Ase igo ninteneine na koba kirori ase abake na abanene. Tindi gokwana amang’ana ande otatiga aria ababani na Musa bakwanete ng’a nabe, 23buna Kristo agwenerete achandwe, naende ase okoba omotang’ani ase okobokigwa kw’abakure, nararie amang’ana ’omobaso ase abanto baye, na ase abanto b’Ebisaku.”
24Agachia gwekengera iga, Festo agakwana neriogi rinene, “Paulo, nebarimo ore! Ogosoma kwao okonge kwaonchoire obong’aini bwao.”
25Korende Paulo agakwana, “Omosike Festo, tindi ebarimo, korende nigo ngokwana amang’ana ’ekeene na ay’obong’aini kegima. 26Naki omoruoti namanyete engencho y’amang’ana aya, naende ninyare gokwana nere ntari nokoiroka, ekiagera namanyire mono ng’a ring’ana tiriri nonya nerimo ase ayio otamanyeti, ekiagera erio tiriakoregete bobisi. 27Omoruoti Agripa, Inee, mbwegenete ababani? Namanyire ng’a nobegenete.”
28Agripa agatebia Paulo, “Ase amang’ana amake norigetie gonkora imbe Omokristo.”
29Paulo akamoiraneria, “Nasabire Nyasae ng’a ase amang’ana amake, gose amange, tari aye bweka, korende naba bonsi abantegererete rero, babe buna inche otatiga ase ebinyuri ebi.”
30Erio omoruoti, na gavuna, na Bereniki, na baria baikaransete amo nabarabwo bagatenena, 31bakagenda are ake, bagatebania, bakabora, “Omonto oyo takoreti ring’ana rigwenerete ogokwa gose ogosibwa.” 32Agripa agatebia Festo, “Omonto oyo nanga nasiborwa onye atarigia ekina kiaye keirwe ase Kaisari.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020