OGOKORA KW’ABATOMWA 25
25
Okogambigwa gwa Paulo ase obosio bwa Festo
1Bono Festo gasoire ase obogambi bwaye, nyuma y’amatuko atato agatiira gochia Yerusalemu korwa Kaisaria. 2Abakuani abanene na abanene b’Abayahudi bakamomanyia amang’ana igoro ya Paulo. Bagasorora Festo, 3na bakamosaba abanchere, arue ogochika ng’a Paulo arentwe Yerusalemu, konya barobeirie komoboera na komoitera nchera. 4Festo akairaneria ng’a Paulo narendire aria Kaisaria; ere omonyene nigo arengereretie kogenda aroro bwango. 5Agakwana, “Baria bare nokobua ase egati yaino, tiga batirimboke amo nainche, onye ring’ana rire riibe ase omonto oria, bamosoere.”
6Ekero abeire amo nabarabwo tari kobua amatuko atano na atato gose ikomi, agatirimboka gochia Kaisaria; ne rituko ria kabere agaikaransa ase ekerogo kiaye gi’ekegambero, agachika Paulo arentwe. 7Ekero Paulo achire, Abayahudi abarwete Yerusalemu bagatenena, bakamoetanana, bakarenta amasoero amange amarito igoro yaye, ayabatanyare koorokia oboene ng’a mboronge are. 8Paulo agekengera iga, “Inche timocheti ring’ana igoro ase amachiko ’Abayahudi, gose ase Hekalu, nonya nase Kaisari.”
9Korende Festo akarigia gwekora omuya ase Abayahudi, akaboria Paulo, “Norigetie kogenda Yerusalemu ogamberigwe aroro ase obosio bwane?”
10Korende Paulo agateba, “Inche nigo nteneine aiga bosio bw’ekegambero gia Kaisari, ase ngwenerete kogamberigwa; timochereti Abayahudi ring’ana buna aye omanyete buya. 11Onye namochire, gose nakorire ring’ana ringwenerete ogokwa, tinyangeti ogokwa, korende onye tari ekeene ring’ana eri bansoeire, onde tari oranyare kombeka ase amaboko abo. Nindigetie ekina kiane keirwe ase Kaisari.”
12Erio Festo agachia gokoora gokwana nabanto b’ekegambero, akairaneria, “Norigetie ekina kiao keirwe ase Kaisari, nabo oragende ase Kaisari.”
Agripa na Bereniki
13Amatuko atai make gaetire, Agripa omoruoti na Bereniki bagaika Kaisaria gokwania Festo. 14Na ekero baikaransire aroro amatuko amange, Festo agatebia omoruoti amang’ana igoro ya Paulo, agateba, “Nare aa omonto oyomo omosibwa, otigetwe na Feliki. 15Ekero narenge Yerusalemu, abakuani abanene na abagaaka b’Abayahudi bagantebia amang’ana igoro yaye, bakarigia agambigwe. 16Nkabairaneria ng’a tari engencho y’Abarumi korua omonto onde bwensi aitwe ritang’ani omonto oria omosoerwa atararorana nabamosoeri baye obosio ase obosio, na koegwa ribaga gwekengera ase ogosoerwa kwaye. 17Ase igo ekero basangererekanete aiga, tintebaneti, korende rituko ria kabere ngaikaransa ase ekerogo kiane gi’ekegambero, ngachika omonto oyo arentwe. 18Na baria abamosoeri ekero batenenete, tibamosoera ase ing’ana riibe, buna nakagete, 19korende iga barenge namaborio gete, okoamererania igoro asare ase edini yabo abanyene, na ase amang’ana igoro y’omonto oyomo, Yeso, oyoikire gokwa, korende oyo Paulo akona‐goteba ng’a moyo are. 20Inche ngasinywa komanya buna nkorigia ekeene ki’amang’ana aya, nkamoboria gose narigetie kogenda Yerusalemu agamberigwe aroro ase amang’ana aya. 21Korende ekero Paulo arigia ng’a arendwe goika agamberigwe ase Omoruoti omonene, ngachika arendwe goika inyare komoira ase Kaisari.”
22Agripa agatebia Festo, “Nainche omonyene nindigetie koigwa omonto oyio.” Akabora, “Noche omoigwe ankio.”
23Rituko ria kabere Agripa agacha amo na Bereniki ase obonene obonge, bagasoa ase ekegambero amo nabatang’ani b’abarwani elifu na abanto abanene b’omochie. Festo akarua ogochika ng’a Paulo arentwe ime. 24Festo agateba, “Omoruoti Agripa, na inwe mwensi abamore aa amo naintwe, mwarorire omonto oyo! Ase engencho yaye omoganda bwonsi bw’Abayahudi aaria Yerusalemu na aiga mbamboria mbakonye, bagaaka eriogi ng’a temogwenereti abe moyo. 25Korende ngachia korora ng’a takoreti gento ekebe kegwenerete aitwe; na ere omonyene karigetie agamberigwe ase Omoruoti omonene, nkarengereria komotoma asare. 26Na inche tindi ne ring’ana ri’ekeene nkorikera omonene one igoro asare. Ase ayio namorentire aiga ase obosio bwaino, kobua mono ase obosio bwao, aye omoruoti Agripa, erinde gotwakoorire komoboria, inyore ring’ana nkorika. 27Naki narorire ng’a nering’ana ritari boronge koira omosibwa otatiga koorokia amasoerwa aria asoeire.”
ទើបបានជ្រើសរើសហើយ៖
OGOKORA KW’ABATOMWA 25: EKEGUSIIBBLE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020
OGOKORA KW’ABATOMWA 25
25
Okogambigwa gwa Paulo ase obosio bwa Festo
1Bono Festo gasoire ase obogambi bwaye, nyuma y’amatuko atato agatiira gochia Yerusalemu korwa Kaisaria. 2Abakuani abanene na abanene b’Abayahudi bakamomanyia amang’ana igoro ya Paulo. Bagasorora Festo, 3na bakamosaba abanchere, arue ogochika ng’a Paulo arentwe Yerusalemu, konya barobeirie komoboera na komoitera nchera. 4Festo akairaneria ng’a Paulo narendire aria Kaisaria; ere omonyene nigo arengereretie kogenda aroro bwango. 5Agakwana, “Baria bare nokobua ase egati yaino, tiga batirimboke amo nainche, onye ring’ana rire riibe ase omonto oria, bamosoere.”
6Ekero abeire amo nabarabwo tari kobua amatuko atano na atato gose ikomi, agatirimboka gochia Kaisaria; ne rituko ria kabere agaikaransa ase ekerogo kiaye gi’ekegambero, agachika Paulo arentwe. 7Ekero Paulo achire, Abayahudi abarwete Yerusalemu bagatenena, bakamoetanana, bakarenta amasoero amange amarito igoro yaye, ayabatanyare koorokia oboene ng’a mboronge are. 8Paulo agekengera iga, “Inche timocheti ring’ana igoro ase amachiko ’Abayahudi, gose ase Hekalu, nonya nase Kaisari.”
9Korende Festo akarigia gwekora omuya ase Abayahudi, akaboria Paulo, “Norigetie kogenda Yerusalemu ogamberigwe aroro ase obosio bwane?”
10Korende Paulo agateba, “Inche nigo nteneine aiga bosio bw’ekegambero gia Kaisari, ase ngwenerete kogamberigwa; timochereti Abayahudi ring’ana buna aye omanyete buya. 11Onye namochire, gose nakorire ring’ana ringwenerete ogokwa, tinyangeti ogokwa, korende onye tari ekeene ring’ana eri bansoeire, onde tari oranyare kombeka ase amaboko abo. Nindigetie ekina kiane keirwe ase Kaisari.”
12Erio Festo agachia gokoora gokwana nabanto b’ekegambero, akairaneria, “Norigetie ekina kiao keirwe ase Kaisari, nabo oragende ase Kaisari.”
Agripa na Bereniki
13Amatuko atai make gaetire, Agripa omoruoti na Bereniki bagaika Kaisaria gokwania Festo. 14Na ekero baikaransire aroro amatuko amange, Festo agatebia omoruoti amang’ana igoro ya Paulo, agateba, “Nare aa omonto oyomo omosibwa, otigetwe na Feliki. 15Ekero narenge Yerusalemu, abakuani abanene na abagaaka b’Abayahudi bagantebia amang’ana igoro yaye, bakarigia agambigwe. 16Nkabairaneria ng’a tari engencho y’Abarumi korua omonto onde bwensi aitwe ritang’ani omonto oria omosoerwa atararorana nabamosoeri baye obosio ase obosio, na koegwa ribaga gwekengera ase ogosoerwa kwaye. 17Ase igo ekero basangererekanete aiga, tintebaneti, korende rituko ria kabere ngaikaransa ase ekerogo kiane gi’ekegambero, ngachika omonto oyo arentwe. 18Na baria abamosoeri ekero batenenete, tibamosoera ase ing’ana riibe, buna nakagete, 19korende iga barenge namaborio gete, okoamererania igoro asare ase edini yabo abanyene, na ase amang’ana igoro y’omonto oyomo, Yeso, oyoikire gokwa, korende oyo Paulo akona‐goteba ng’a moyo are. 20Inche ngasinywa komanya buna nkorigia ekeene ki’amang’ana aya, nkamoboria gose narigetie kogenda Yerusalemu agamberigwe aroro ase amang’ana aya. 21Korende ekero Paulo arigia ng’a arendwe goika agamberigwe ase Omoruoti omonene, ngachika arendwe goika inyare komoira ase Kaisari.”
22Agripa agatebia Festo, “Nainche omonyene nindigetie koigwa omonto oyio.” Akabora, “Noche omoigwe ankio.”
23Rituko ria kabere Agripa agacha amo na Bereniki ase obonene obonge, bagasoa ase ekegambero amo nabatang’ani b’abarwani elifu na abanto abanene b’omochie. Festo akarua ogochika ng’a Paulo arentwe ime. 24Festo agateba, “Omoruoti Agripa, na inwe mwensi abamore aa amo naintwe, mwarorire omonto oyo! Ase engencho yaye omoganda bwonsi bw’Abayahudi aaria Yerusalemu na aiga mbamboria mbakonye, bagaaka eriogi ng’a temogwenereti abe moyo. 25Korende ngachia korora ng’a takoreti gento ekebe kegwenerete aitwe; na ere omonyene karigetie agamberigwe ase Omoruoti omonene, nkarengereria komotoma asare. 26Na inche tindi ne ring’ana ri’ekeene nkorikera omonene one igoro asare. Ase ayio namorentire aiga ase obosio bwaino, kobua mono ase obosio bwao, aye omoruoti Agripa, erinde gotwakoorire komoboria, inyore ring’ana nkorika. 27Naki narorire ng’a nering’ana ritari boronge koira omosibwa otatiga koorokia amasoerwa aria asoeire.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020