Roomi 11
11
Israꞌeeleenaꞌoyich Yeeri Ariqqo
1Illa “Yeeri bi asheenaꞌon shixxii qajjitone?” iyo. Ciroona qayaanoone! Ta wotta Israꞌeelee asho, Abrahamichi yaroo, Biiniyaami yoodeexo taane.#Filip. 3:5 2Yeeri shiichiꞌi bi kaacciti bi asheenaꞌon shixxii qayaanoone. Yaafe Macaafooch keemechi Eliyaasicho kooreeton ariyaachote? Yeer waan corootiibee ishichiꞌi Israꞌeeleenaꞌon taggetone: 3“Ta Doonocho, ne keemechinaꞌon wuxitinaꞌone; neech deejjoo giddeebeeti xaaꞌoonoo happitinaꞌone; boonoshi daggoochee ta ikkeeto baachiye echeto; ta kasheenoo kichiya qaawii beetinaꞌone” iye.#1 Taat. 19:10,14 4Tunebaani Yeeri ama iiniye bi wochito? “Baꞌaaloyich goyinneyaani shabaatte hume asheenaꞌon taach echiito taane” iye.#1 Taat. 19:18 5Ebiyoommon and hini yemeenooch wotta Yeerichi wojjoona kaacheti giishecheenaꞌo beetinaꞌone. 6Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.
7Aroochee amo tunehe? Israꞌeeleenaꞌo boonoshi qaawiti mooyon daneyaaneenaꞌone; tunebaani kaachetinaꞌo daneheete; echetinaꞌochi mullo muumehe. 8Ebiyoo,
“Hanaach beddaahaa boonoshi aafo ciinaachemmoyich,
boonoshi waamoo waayeyaachemmoyich,
boonoshi mulloonaa boonoshi gaboonon Yeeri kaappitone”#Yibba. 29:4; Isi. 29:10
getaa bi kooreetoommoniye. 9Daawitiyoo ishichiꞌi kooritone:
“Boonoshi maayi madoo boonoshich shaachoonaa olloonon tunebe;
boonoshich xugo tunebe;
boonoshi shuunetoommo boonoshi toommooch shuuneebe;
10boonoshi ciinaachemmoyich boonoshi aafoo manderebe;
boonoshi shimetoo bulli aaboon goobebe”#Shod. 69:22-23 itone.
11Illa “Israꞌeeleenaꞌo tepheeꞌi ciroona dihitinaꞌone, getone?” iyoye. Toonoone! Tunebaani qanaatoona boonoshi miccemmoyich boonoshi xuꞌee naboona Aageteenaꞌoyich wodoo tunetone. 12Israꞌeeleenaꞌochi xuꞌo alemoyich wojjoon, boonoshi dihoo Aageteenaꞌoyich wojjoon daniyemmo bi tunegaata, wotta Israꞌeeleenaꞌo bulli Yeer waan boonoshi wotto am shaahoon ebiyee beshe wojjoon tunehe?
Wodee Gommon Aageteenaꞌo Dano
13Andoo Aageteenaꞌo tuneti ittoshich ishichiyo: Aageteenaꞌoyich mishiraachecho ta tunoon beshaa beshe maddoon tuniiꞌa ciinnoye. 14Ebin ta tuniyaabeeto, ta yareenaꞌo tuneti Israꞌeeleenaꞌo qanaatetaa, boonoshi daggoochee ikkikkeenaꞌon ta wodiyemmoyichiye. 15Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone! 16Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.
17Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene. 18Ebich xooꞌeti ateenaꞌo toommooch geeciyaahine; ne geecemmi naboo aalloone. Neen shaaggii yechiꞌi beeto xepphoani, xepphoon shaaggaa yechaabeeto ne toono neene.
19Illa “Boonoshi xaaꞌooch ta kereyemmoyich becheeti zayitee michi ateenaꞌo xooꞌeteete” gettemmo neene. 20Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine. 21Yeeri shiichiꞌi beeti ateenaꞌoyich ariqqeyaano bi tunegaata, neechoo wotta ariqqeyaachemmone.
22Illa Yeerichi maacee manjoonaa ariqqoonon ciine. Bi maacee manjoo dihitinaꞌo toommoochiye; tunebaani ebi Yeerichi ariqqoona manjaꞌa ne beegaata, bi ariqqo neechiye; ebi tuno qayigaata, Yeeri neen wotta xooꞌi bajjemmone. 23Are Ayihudeenaꞌo wotta mulloon Yeeri toommooch tooꞌiyaache getoochee boonoshi wottegaata, Yeeri wochiree boonoshin zayitee michi atee daggooch giijjemmone; ebiyoo Yeeri wochinnoon giijjoon hakkemmo bi tunetoyichiye. 24Yeeri neen kubbooch beeti zayitee mixoochee kuxxii deebiꞌi, neen shaahaani magi bechee zayitee michi daggooch geddiꞌi bi xaaqqitoyee, are magi bechoochee xooꞌeti ateenaꞌon aafi boonoshi xaaꞌooch giijjiꞌi xaaqqoo beshoon biich ketteyaachehe?
Asho Bullich Yeeri Ariqqo
25Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone. 26Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon:
“Wodiyecho Tsiyoonee keyiree,
Yaaqobichi yareenaꞌo daggoochee axaaxittinoon wokkiyemmone.
27Yeeriyoo ‘Boonoshi axaaxoon ta wokkiihooba,
boonoshina tookki ta giyemmi wogo ebine’ itone.”#Isi. 59:20-21; Erim. 31:33-34
28Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone. 29Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache. 30Aageteenaꞌo tuneti ittoshi ebiyee aaf Yeerich deꞌa getaano ittoshine; tunebaani and Israꞌeeleenaꞌo Yeerich deꞌa boonoshi geto qajjitoyich, ittoshi maaroon danehote. 31Illa ittoshi maaroon danetoommi gommona boonoshiyoo maaroon danemmoyich, eboshi wotta and Yeerich deꞌa getaaneenaꞌo tunetinaꞌone. 32Yeeri asho bullin bi maaremmoyich, biich “Deꞌa getaache” getona cuchetinaꞌo boonoshi tunemmoyich boonoshi bullin tuniihe.
Yeerin Galleto
33Yeerichi wojjee gaanno, shalligoonaa ariyoona am shaahoon woddete!
Tuniiya bi maacciti mooyon koniyoona maqqiꞌi ariyoon hakkaache;
bi gommonoo qaawii danoon hakkemmo aalloone.
34 Yaafe Macaafooch ishichaa bi kooreetoommon,
“Doono Yeerichi gaboon ariito, konine?
Biin boyeto, konine?”#Isi. 40:13
35“Biich Yeeri qoccemmoyich
Yeerich erettiito, konine?”#Iyoob. 41:11
36Bulli mooyo halleeto bi waanee, biinna, biichiye.
Biichoo bulli yemeenoon oogee yiiroo tunebe! Ameena.
ទើបបានជ្រើសរើសហើយ៖
Roomi 11: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Roomi 11
11
Israꞌeeleenaꞌoyich Yeeri Ariqqo
1Illa “Yeeri bi asheenaꞌon shixxii qajjitone?” iyo. Ciroona qayaanoone! Ta wotta Israꞌeelee asho, Abrahamichi yaroo, Biiniyaami yoodeexo taane.#Filip. 3:5 2Yeeri shiichiꞌi bi kaacciti bi asheenaꞌon shixxii qayaanoone. Yaafe Macaafooch keemechi Eliyaasicho kooreeton ariyaachote? Yeer waan corootiibee ishichiꞌi Israꞌeeleenaꞌon taggetone: 3“Ta Doonocho, ne keemechinaꞌon wuxitinaꞌone; neech deejjoo giddeebeeti xaaꞌoonoo happitinaꞌone; boonoshi daggoochee ta ikkeeto baachiye echeto; ta kasheenoo kichiya qaawii beetinaꞌone” iye.#1 Taat. 19:10,14 4Tunebaani Yeeri ama iiniye bi wochito? “Baꞌaaloyich goyinneyaani shabaatte hume asheenaꞌon taach echiito taane” iye.#1 Taat. 19:18 5Ebiyoommon and hini yemeenooch wotta Yeerichi wojjoona kaacheti giishecheenaꞌo beetinaꞌone. 6Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.
7Aroochee amo tunehe? Israꞌeeleenaꞌo boonoshi qaawiti mooyon daneyaaneenaꞌone; tunebaani kaachetinaꞌo daneheete; echetinaꞌochi mullo muumehe. 8Ebiyoo,
“Hanaach beddaahaa boonoshi aafo ciinaachemmoyich,
boonoshi waamoo waayeyaachemmoyich,
boonoshi mulloonaa boonoshi gaboonon Yeeri kaappitone”#Yibba. 29:4; Isi. 29:10
getaa bi kooreetoommoniye. 9Daawitiyoo ishichiꞌi kooritone:
“Boonoshi maayi madoo boonoshich shaachoonaa olloonon tunebe;
boonoshich xugo tunebe;
boonoshi shuunetoommo boonoshi toommooch shuuneebe;
10boonoshi ciinaachemmoyich boonoshi aafoo manderebe;
boonoshi shimetoo bulli aaboon goobebe”#Shod. 69:22-23 itone.
11Illa “Israꞌeeleenaꞌo tepheeꞌi ciroona dihitinaꞌone, getone?” iyoye. Toonoone! Tunebaani qanaatoona boonoshi miccemmoyich boonoshi xuꞌee naboona Aageteenaꞌoyich wodoo tunetone. 12Israꞌeeleenaꞌochi xuꞌo alemoyich wojjoon, boonoshi dihoo Aageteenaꞌoyich wojjoon daniyemmo bi tunegaata, wotta Israꞌeeleenaꞌo bulli Yeer waan boonoshi wotto am shaahoon ebiyee beshe wojjoon tunehe?
Wodee Gommon Aageteenaꞌo Dano
13Andoo Aageteenaꞌo tuneti ittoshich ishichiyo: Aageteenaꞌoyich mishiraachecho ta tunoon beshaa beshe maddoon tuniiꞌa ciinnoye. 14Ebin ta tuniyaabeeto, ta yareenaꞌo tuneti Israꞌeeleenaꞌo qanaatetaa, boonoshi daggoochee ikkikkeenaꞌon ta wodiyemmoyichiye. 15Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone! 16Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.
17Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene. 18Ebich xooꞌeti ateenaꞌo toommooch geeciyaahine; ne geecemmi naboo aalloone. Neen shaaggii yechiꞌi beeto xepphoani, xepphoon shaaggaa yechaabeeto ne toono neene.
19Illa “Boonoshi xaaꞌooch ta kereyemmoyich becheeti zayitee michi ateenaꞌo xooꞌeteete” gettemmo neene. 20Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine. 21Yeeri shiichiꞌi beeti ateenaꞌoyich ariqqeyaano bi tunegaata, neechoo wotta ariqqeyaachemmone.
22Illa Yeerichi maacee manjoonaa ariqqoonon ciine. Bi maacee manjoo dihitinaꞌo toommoochiye; tunebaani ebi Yeerichi ariqqoona manjaꞌa ne beegaata, bi ariqqo neechiye; ebi tuno qayigaata, Yeeri neen wotta xooꞌi bajjemmone. 23Are Ayihudeenaꞌo wotta mulloon Yeeri toommooch tooꞌiyaache getoochee boonoshi wottegaata, Yeeri wochiree boonoshin zayitee michi atee daggooch giijjemmone; ebiyoo Yeeri wochinnoon giijjoon hakkemmo bi tunetoyichiye. 24Yeeri neen kubbooch beeti zayitee mixoochee kuxxii deebiꞌi, neen shaahaani magi bechee zayitee michi daggooch geddiꞌi bi xaaqqitoyee, are magi bechoochee xooꞌeti ateenaꞌon aafi boonoshi xaaꞌooch giijjiꞌi xaaqqoo beshoon biich ketteyaachehe?
Asho Bullich Yeeri Ariqqo
25Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone. 26Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon:
“Wodiyecho Tsiyoonee keyiree,
Yaaqobichi yareenaꞌo daggoochee axaaxittinoon wokkiyemmone.
27Yeeriyoo ‘Boonoshi axaaxoon ta wokkiihooba,
boonoshina tookki ta giyemmi wogo ebine’ itone.”#Isi. 59:20-21; Erim. 31:33-34
28Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone. 29Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache. 30Aageteenaꞌo tuneti ittoshi ebiyee aaf Yeerich deꞌa getaano ittoshine; tunebaani and Israꞌeeleenaꞌo Yeerich deꞌa boonoshi geto qajjitoyich, ittoshi maaroon danehote. 31Illa ittoshi maaroon danetoommi gommona boonoshiyoo maaroon danemmoyich, eboshi wotta and Yeerich deꞌa getaaneenaꞌo tunetinaꞌone. 32Yeeri asho bullin bi maaremmoyich, biich “Deꞌa getaache” getona cuchetinaꞌo boonoshi tunemmoyich boonoshi bullin tuniihe.
Yeerin Galleto
33Yeerichi wojjee gaanno, shalligoonaa ariyoona am shaahoon woddete!
Tuniiya bi maacciti mooyon koniyoona maqqiꞌi ariyoon hakkaache;
bi gommonoo qaawii danoon hakkemmo aalloone.
34 Yaafe Macaafooch ishichaa bi kooreetoommon,
“Doono Yeerichi gaboon ariito, konine?
Biin boyeto, konine?”#Isi. 40:13
35“Biich Yeeri qoccemmoyich
Yeerich erettiito, konine?”#Iyoob. 41:11
36Bulli mooyo halleeto bi waanee, biinna, biichiye.
Biichoo bulli yemeenoon oogee yiiroo tunebe! Ameena.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.