Roomi 10
10
1Ta maneenaꞌote! Ta yaroo tuneti Israꞌeelee macceenaꞌo wodoon boonoshi danemmoyich oogeton qaataabeeto taane; corootaanoo beeto taane. 2Shalligiꞌi qanaateyaacheetani, Yeerich boonoshi qanaatoon ta boonoshich miixoo taane. 3Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone. 4Boonoshi mulloon bi toommooch tooꞌii beetinaꞌo bulli cadiqemmoyich Kiristoosi sheeree tacone.
Asho Koniyoona Wodoon Hakkemmo Tuno
5Sheeree gommoona daneebeeti cadiqeechon Muusi ishichiꞌi kooritone: “Sheeroo gettii beeton ceechiibeeti asho ebi sheeroona kashoon danemmone”#Lew. 18:5 itone. 6Tunebaani Yeeri toommooch mullee tooꞌiyoona daneebeeti cadiqeechon Yaafe Macaafo ishichiye: “Ne mulloona ‘Koni shimaayooch kechehe?’ gettaahine” iye; ebiyoo Kiristoosin kindiiyane; 7“woyee ne mulloona ‘Ciiraalli hoonooch koni kindehe?’ gettaahine” iye; ebiyoo Kiristoosin qitoochee tiijjiyane. 8Tunebaani Yaafe Macaafo ama ite? “Yeerichi qaaro neyee wokkito toonoone; halla ne noonoonaa ne mulloonoochiye” itone. Ebiyoo no gettaabeeti, Yeeri toommooch mullee tooꞌiyee qaaroone.#Yibba. 30:12-14 9-10Asho bi mulloon Yesuus Kiristoosi toommooch tooꞌiiꞌi cadiqiye; bi noonoonoo miixeꞌi wodiye. Ebich “Yesuusi Doonone” iyaꞌa ne noonoona ne miixee gaata, Yeeri qitoochee biin bi tiijjoonoo ne mulloona ne iberiigaata, wodemmo neene. 11Yaafe Macaafo “Bi toommooch mulloon tooꞌiimmo koniyoona yeelleyaachemmone”#Isi. 28:16 itone. 12Ayihudoonaa Aagetoonochi daggooch barbarittino aalloone; ikke Doono bullichi Doonone. Corootoonoo biin qollee beetinaꞌo bullich beshaa beshiiꞌi immii beetone. 13Ebiyoo “Doono Yeerichi shigoon ceeggiibeeto bulli wodemmone”#Yoꞌeel. 2:32 bi getteetoyichiye.
14Illa bi toommooch mulloon tooꞌiyaaneenaꞌo aabichiree ceeggeheete? Biichon getaa waayeyaanoon aabichiree boonoshi mulloon bi toommooch tooꞌiyeheete? Gettecho aalloon aabichiree waayeheete? 15Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone”#Isi. 52:7 getaa bi kooreetoommoniye.
16Tunebaani bulliyoo mishiraachee qaaroyich deꞌa getaaneenaꞌone. Keemechi Isiyaasi, “Doono Yeero, no miixeton koni iberiite?”#Isi. 53:1 itone. 17Illa Kiristoosi toommooch mullee tooꞌiyoo daneebeeto, Kiristoosichon getaa waayoonane.
18Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon,
“Wocheyechinaꞌochi qaaro, alemo bullich waayeehe;
boonoshi gettiti qaaro, showee tuggooch beddaahaa shaggiye.”#Shod. 19:4
19Daakkaꞌa wotta, “Israꞌeeleenaꞌo ariyaaneenaꞌone?” iyo. Muusi shiichiꞌi,
“Yeeri ‘Hoxeeti aageteenaꞌona
ittoshin qanaatiyemmo taane;
shalligaani aageteenaꞌonoo
ittoshin ippiyemmo taane’ itone”#Yibba. 32:21 iye.
20Keemechi Isiyaasi aafoon kuppheꞌi,
“Yeeri ‘Taan qaawaaneenaꞌoyich danehoye;
taachon echeyaaneenaꞌoyich bekkehoye’ itone”#Isi. 65:1 iye.
21Tunebaani Israꞌeeleenaꞌochon,
“Yeeri ‘Maaddoochee xum beddaahaa
taach deꞌa getaani hukkechi asheenaꞌoyich
ta kishoon yaggiyoye’ itone”#Isi. 65:2 iye.
ទើបបានជ្រើសរើសហើយ៖
Roomi 10: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Roomi 10
10
1Ta maneenaꞌote! Ta yaroo tuneti Israꞌeelee macceenaꞌo wodoon boonoshi danemmoyich oogeton qaataabeeto taane; corootaanoo beeto taane. 2Shalligiꞌi qanaateyaacheetani, Yeerich boonoshi qanaatoon ta boonoshich miixoo taane. 3Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone. 4Boonoshi mulloon bi toommooch tooꞌii beetinaꞌo bulli cadiqemmoyich Kiristoosi sheeree tacone.
Asho Koniyoona Wodoon Hakkemmo Tuno
5Sheeree gommoona daneebeeti cadiqeechon Muusi ishichiꞌi kooritone: “Sheeroo gettii beeton ceechiibeeti asho ebi sheeroona kashoon danemmone”#Lew. 18:5 itone. 6Tunebaani Yeeri toommooch mullee tooꞌiyoona daneebeeti cadiqeechon Yaafe Macaafo ishichiye: “Ne mulloona ‘Koni shimaayooch kechehe?’ gettaahine” iye; ebiyoo Kiristoosin kindiiyane; 7“woyee ne mulloona ‘Ciiraalli hoonooch koni kindehe?’ gettaahine” iye; ebiyoo Kiristoosin qitoochee tiijjiyane. 8Tunebaani Yaafe Macaafo ama ite? “Yeerichi qaaro neyee wokkito toonoone; halla ne noonoonaa ne mulloonoochiye” itone. Ebiyoo no gettaabeeti, Yeeri toommooch mullee tooꞌiyee qaaroone.#Yibba. 30:12-14 9-10Asho bi mulloon Yesuus Kiristoosi toommooch tooꞌiiꞌi cadiqiye; bi noonoonoo miixeꞌi wodiye. Ebich “Yesuusi Doonone” iyaꞌa ne noonoona ne miixee gaata, Yeeri qitoochee biin bi tiijjoonoo ne mulloona ne iberiigaata, wodemmo neene. 11Yaafe Macaafo “Bi toommooch mulloon tooꞌiimmo koniyoona yeelleyaachemmone”#Isi. 28:16 itone. 12Ayihudoonaa Aagetoonochi daggooch barbarittino aalloone; ikke Doono bullichi Doonone. Corootoonoo biin qollee beetinaꞌo bullich beshaa beshiiꞌi immii beetone. 13Ebiyoo “Doono Yeerichi shigoon ceeggiibeeto bulli wodemmone”#Yoꞌeel. 2:32 bi getteetoyichiye.
14Illa bi toommooch mulloon tooꞌiyaaneenaꞌo aabichiree ceeggeheete? Biichon getaa waayeyaanoon aabichiree boonoshi mulloon bi toommooch tooꞌiyeheete? Gettecho aalloon aabichiree waayeheete? 15Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone”#Isi. 52:7 getaa bi kooreetoommoniye.
16Tunebaani bulliyoo mishiraachee qaaroyich deꞌa getaaneenaꞌone. Keemechi Isiyaasi, “Doono Yeero, no miixeton koni iberiite?”#Isi. 53:1 itone. 17Illa Kiristoosi toommooch mullee tooꞌiyoo daneebeeto, Kiristoosichon getaa waayoonane.
18Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon,
“Wocheyechinaꞌochi qaaro, alemo bullich waayeehe;
boonoshi gettiti qaaro, showee tuggooch beddaahaa shaggiye.”#Shod. 19:4
19Daakkaꞌa wotta, “Israꞌeeleenaꞌo ariyaaneenaꞌone?” iyo. Muusi shiichiꞌi,
“Yeeri ‘Hoxeeti aageteenaꞌona
ittoshin qanaatiyemmo taane;
shalligaani aageteenaꞌonoo
ittoshin ippiyemmo taane’ itone”#Yibba. 32:21 iye.
20Keemechi Isiyaasi aafoon kuppheꞌi,
“Yeeri ‘Taan qaawaaneenaꞌoyich danehoye;
taachon echeyaaneenaꞌoyich bekkehoye’ itone”#Isi. 65:1 iye.
21Tunebaani Israꞌeeleenaꞌochon,
“Yeeri ‘Maaddoochee xum beddaahaa
taach deꞌa getaani hukkechi asheenaꞌoyich
ta kishoon yaggiyoye’ itone”#Isi. 65:2 iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.