Maatiyoosi 18
18
Bulliyee Besho Konigaata Yesuusi Geto
(Maariqoosi 9:33-37; Luqaasi 9:46-48)
1Arooba bi dabbeenaꞌo Yesuus waan giddeꞌi, “Shimaajji taatittineechaa bulliyee besho koni tunehe?” iꞌi echeheete.
2Arooba Yesuusi ikke giisheche bushoon ceeggiꞌi boonoshi daggooch neechiye. 3Boonoshichoo ishichiye: “Iberoon ittoshich gettoye, wotto ittoshi qayigaata, gishiishi bushiishoommonoo tuno ittoshi qayigaata, shimaajji taatittineech cir giyaachemmo ittoshine. 4Illa hini giisheche bushoochoommon bi qelloon giishiibeeto shimaajji taatittineechaa bulliyee beshoone. 5Ebiyoommi gishiishi bushiisheenaꞌoochee ikkoon taacha iꞌi shunniibeeto koniyoona taan shunnii beetone” iye.
Ashich Xugo Tuneechon Yesuusi Geto
(Maariqoosi 9:42-48; Luqaasi 17:1-2)
6“Wotta boonoshi mulloon ta toommooch tooꞌiiti hini gishiisheenaꞌoochee ikkoyich xugo tunemmo koniyoona, ooge yiikke xaqqoon bi qettooch tifaa baharee gejjooch giyii manjeyoo biich gaawiye. 7Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo! 8Illa ne kishoo woyee ne baatoo axaaxoo ne shuunemmoyich naboo bi tunegaata, kuxiree dufe. Gutte kishoona woyee gutte baatoona beebee, bulli yemeenoon tahaani shiweree qaaqqooch ne duppeyoyee, baata kuxo woyee kisha duroo tuneechii kashee kexooch giyiꞌi beemo neech gaawiye. 9Wotta ne aafo axaaxoo ne shuunemmoyich naboo bi tunegaata, kichiree dufe. Gutte aafoona beebee shiweree qaaqqooch ne duppeyoyee ikke aafoona beebee kashee kexooch giyiꞌi beemo neech gaawiye” iye.
Aalleti Bagee Shaahiyoo
(Luqaasi 15:3-7)
10“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.
11“[Ashi Bushoo waato, aalleton wodiyoyichiye.]
12“Eke ittoshich amoon shaahii beete? Ikke uroyich balle bago beegaata, aree daggoochee ikke bago aallegaata, echeti yixenaa yiixiyeenaꞌon geppooch dufiichi are aalleton qaawooch hamaachehe? 13Iberoon ittoshich gettoye: Bi danegaata, aalleyaani yixenaa yiixiyeenaꞌoyee aalleꞌi daneti bagoyich oogichi emiremmone. 14Ebiyoommon hini gishiisheenaꞌoochee ikkolla bi aallemmoyich shimaayooch beeti ittoshi Nihoochi#18:14 Ikkikke wonnee Yaafe Macaafooch “ta Nihooch” getteetone. daaggoo toonoone” iye.
Xuꞌechi Manoon Ittibato
15“Ne manoo neen bi xuꞌigaata, hamiree bi ikkeeton neennaa biinna guttoo tuneree, ‘Ebi ne shuuneti shuunoo gaawiye?’ getiree ittibatebe. Ne getaa bi waayegaata, ne hajjee manoon tuniyemmo neene. 16Tunebaani waayoo bi qayigaata, mooyo gutte woyee keejje miixoona bi manjii beetoyich, ikke woyee gutte bare asheenaꞌon yeshiree bi waan hambe. 17Boonoshi getaa waayo bi qayigaata, kittinnee guuphoyich gete. Wotta kittinnee guupho getaa waayo bi qayigaata, Aagetoonaa gabiyee guudoonon tuniiree ciine.
18“Iberoon ittoshich gettoye: Showoochaa ittoshi cuchiti mooyo shimaayoochaanoo cucheeto tunemmone; showoochaa ittoshi biichiti mooyo shimaayoochaanoo biicheto tunemmone” iye.
Yeerin Qollo
19“Wotta ittoshich gettoye: Hini showee toommoochaa ittoshi daggoochee guttoo, amee mooyonona ikke mulloona tuneꞌi boonoshi qollegaata, shimaayooch beeti ta Nihoo boonoshi qolleto bullin boonoshich tuniyemmone. 20Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.
Xuqqiti Manoon Maaroo
21Arooba Pheexiroosi Yesuus waan giddeꞌi, “Ta Doonocho, ta manoo taan bi xuꞌigaata, ambiche wottooniye biin ta maaremmo? Shabaatte wottoon maaribote?” iye.
22Yesuusiyoo wochiꞌi ishichiye: “Shabe wottee shabaattoonalli, ‘Shabaatte wottoon baach maaribe’ getaache” iye.
23“Illa shimaajji taatittine ebiyoommine: Ikke taatoo bi guuninaꞌon bi gijjeechon echeya qaawiye. 24Shiichiꞌi bi echemmona, aashire hume makilitoon#18:24 Ikke makilito shaashaa awudde kiilo giraamee xure birewa bedoone. eretteti ikke uroon bi waan deebiyeete. 25Are uro bi maati gijjoon qocon bi mawiitaa, bi qelloona bi, bi mechee, bi bushiishoonaa biich beeto bullina kecheree hini hiishoo qochemmoyich taatoo gettiye.
26“Ebich are uro taatoochi baatooch dihiꞌi, ‘Ta doonocho, haaꞌiibe; bullin qoccemmo taane’ iꞌi qollehe. 27Taatoo are uroyich oogichii ariqqeꞌi gawukkiye; bi eretteti gijjoonoo maarii qajjiye.
28“Tunebaani are uro kechii hammiibee, bi waanee balle diinaaroon#18:28 Ikke diinaaro shuunechochi ikke heeyi shuunee gatiyoone. eretteti ikke bi nuuchoona daneꞌi, ‘Ta hiishoon qoce’ iꞌi bi qettoona yechiye.
29“Ebich bi nuuchoo bi baatooch dihiꞌi, ‘Haaꞌiibe, bullin qoccemmo taane’ iꞌi qollehe.
30“Tunebaani aroo ariqqeyaanoone; bi hiishoon bi qoccimmi wottoon cuyee kexooch cuchiihe. 31Taatochi bare guuninaꞌo bi shuuneton beeggiꞌi oogichii ayiniyeete; hammiꞌi tuneti mooyo bullin taatoyich gettiyeete.
32“Ebiyee gubb, taatoo are uroon ceekkiiꞌi ishichiye: ‘Hini gonde guunocho! Taan ne qolletoyich, ne eretteti gijjoo bullin neech qajjaa maaraachote? 33Neech maarii ta qayoommon, ne nuuchoo tuneti are uroyich qayo neech qaawiyaache?’ iye. 34Ebich taatoo ippeꞌi bi eretteti gijjoo bullin bi qoccimmi wottoon are uroon sheeremminaꞌoyich beshiiꞌi immiye.
35“Illa ittoshi ikkikkoo bi manoon bi mulloochee tiijjiꞌi bi maaroo qayigaata, shimaayeexi ta Nihoo ebiyoommon bi toommooch tuniyemmone” iye.
ទើបបានជ្រើសរើសហើយ៖
Maatiyoosi 18: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maatiyoosi 18
18
Bulliyee Besho Konigaata Yesuusi Geto
(Maariqoosi 9:33-37; Luqaasi 9:46-48)
1Arooba bi dabbeenaꞌo Yesuus waan giddeꞌi, “Shimaajji taatittineechaa bulliyee besho koni tunehe?” iꞌi echeheete.
2Arooba Yesuusi ikke giisheche bushoon ceeggiꞌi boonoshi daggooch neechiye. 3Boonoshichoo ishichiye: “Iberoon ittoshich gettoye, wotto ittoshi qayigaata, gishiishi bushiishoommonoo tuno ittoshi qayigaata, shimaajji taatittineech cir giyaachemmo ittoshine. 4Illa hini giisheche bushoochoommon bi qelloon giishiibeeto shimaajji taatittineechaa bulliyee beshoone. 5Ebiyoommi gishiishi bushiisheenaꞌoochee ikkoon taacha iꞌi shunniibeeto koniyoona taan shunnii beetone” iye.
Ashich Xugo Tuneechon Yesuusi Geto
(Maariqoosi 9:42-48; Luqaasi 17:1-2)
6“Wotta boonoshi mulloon ta toommooch tooꞌiiti hini gishiisheenaꞌoochee ikkoyich xugo tunemmo koniyoona, ooge yiikke xaqqoon bi qettooch tifaa baharee gejjooch giyii manjeyoo biich gaawiye. 7Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo! 8Illa ne kishoo woyee ne baatoo axaaxoo ne shuunemmoyich naboo bi tunegaata, kuxiree dufe. Gutte kishoona woyee gutte baatoona beebee, bulli yemeenoon tahaani shiweree qaaqqooch ne duppeyoyee, baata kuxo woyee kisha duroo tuneechii kashee kexooch giyiꞌi beemo neech gaawiye. 9Wotta ne aafo axaaxoo ne shuunemmoyich naboo bi tunegaata, kichiree dufe. Gutte aafoona beebee shiweree qaaqqooch ne duppeyoyee ikke aafoona beebee kashee kexooch giyiꞌi beemo neech gaawiye” iye.
Aalleti Bagee Shaahiyoo
(Luqaasi 15:3-7)
10“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.
11“[Ashi Bushoo waato, aalleton wodiyoyichiye.]
12“Eke ittoshich amoon shaahii beete? Ikke uroyich balle bago beegaata, aree daggoochee ikke bago aallegaata, echeti yixenaa yiixiyeenaꞌon geppooch dufiichi are aalleton qaawooch hamaachehe? 13Iberoon ittoshich gettoye: Bi danegaata, aalleyaani yixenaa yiixiyeenaꞌoyee aalleꞌi daneti bagoyich oogichi emiremmone. 14Ebiyoommon hini gishiisheenaꞌoochee ikkolla bi aallemmoyich shimaayooch beeti ittoshi Nihoochi#18:14 Ikkikke wonnee Yaafe Macaafooch “ta Nihooch” getteetone. daaggoo toonoone” iye.
Xuꞌechi Manoon Ittibato
15“Ne manoo neen bi xuꞌigaata, hamiree bi ikkeeton neennaa biinna guttoo tuneree, ‘Ebi ne shuuneti shuunoo gaawiye?’ getiree ittibatebe. Ne getaa bi waayegaata, ne hajjee manoon tuniyemmo neene. 16Tunebaani waayoo bi qayigaata, mooyo gutte woyee keejje miixoona bi manjii beetoyich, ikke woyee gutte bare asheenaꞌon yeshiree bi waan hambe. 17Boonoshi getaa waayo bi qayigaata, kittinnee guuphoyich gete. Wotta kittinnee guupho getaa waayo bi qayigaata, Aagetoonaa gabiyee guudoonon tuniiree ciine.
18“Iberoon ittoshich gettoye: Showoochaa ittoshi cuchiti mooyo shimaayoochaanoo cucheeto tunemmone; showoochaa ittoshi biichiti mooyo shimaayoochaanoo biicheto tunemmone” iye.
Yeerin Qollo
19“Wotta ittoshich gettoye: Hini showee toommoochaa ittoshi daggoochee guttoo, amee mooyonona ikke mulloona tuneꞌi boonoshi qollegaata, shimaayooch beeti ta Nihoo boonoshi qolleto bullin boonoshich tuniyemmone. 20Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.
Xuqqiti Manoon Maaroo
21Arooba Pheexiroosi Yesuus waan giddeꞌi, “Ta Doonocho, ta manoo taan bi xuꞌigaata, ambiche wottooniye biin ta maaremmo? Shabaatte wottoon maaribote?” iye.
22Yesuusiyoo wochiꞌi ishichiye: “Shabe wottee shabaattoonalli, ‘Shabaatte wottoon baach maaribe’ getaache” iye.
23“Illa shimaajji taatittine ebiyoommine: Ikke taatoo bi guuninaꞌon bi gijjeechon echeya qaawiye. 24Shiichiꞌi bi echemmona, aashire hume makilitoon#18:24 Ikke makilito shaashaa awudde kiilo giraamee xure birewa bedoone. eretteti ikke uroon bi waan deebiyeete. 25Are uro bi maati gijjoon qocon bi mawiitaa, bi qelloona bi, bi mechee, bi bushiishoonaa biich beeto bullina kecheree hini hiishoo qochemmoyich taatoo gettiye.
26“Ebich are uro taatoochi baatooch dihiꞌi, ‘Ta doonocho, haaꞌiibe; bullin qoccemmo taane’ iꞌi qollehe. 27Taatoo are uroyich oogichii ariqqeꞌi gawukkiye; bi eretteti gijjoonoo maarii qajjiye.
28“Tunebaani are uro kechii hammiibee, bi waanee balle diinaaroon#18:28 Ikke diinaaro shuunechochi ikke heeyi shuunee gatiyoone. eretteti ikke bi nuuchoona daneꞌi, ‘Ta hiishoon qoce’ iꞌi bi qettoona yechiye.
29“Ebich bi nuuchoo bi baatooch dihiꞌi, ‘Haaꞌiibe, bullin qoccemmo taane’ iꞌi qollehe.
30“Tunebaani aroo ariqqeyaanoone; bi hiishoon bi qoccimmi wottoon cuyee kexooch cuchiihe. 31Taatochi bare guuninaꞌo bi shuuneton beeggiꞌi oogichii ayiniyeete; hammiꞌi tuneti mooyo bullin taatoyich gettiyeete.
32“Ebiyee gubb, taatoo are uroon ceekkiiꞌi ishichiye: ‘Hini gonde guunocho! Taan ne qolletoyich, ne eretteti gijjoo bullin neech qajjaa maaraachote? 33Neech maarii ta qayoommon, ne nuuchoo tuneti are uroyich qayo neech qaawiyaache?’ iye. 34Ebich taatoo ippeꞌi bi eretteti gijjoo bullin bi qoccimmi wottoon are uroon sheeremminaꞌoyich beshiiꞌi immiye.
35“Illa ittoshi ikkikkoo bi manoon bi mulloochee tiijjiꞌi bi maaroo qayigaata, shimaayeexi ta Nihoo ebiyoommon bi toommooch tuniyemmone” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.