Maatiyoosi 17
17
Keejje Bi Dabbeenaꞌo Aafoochaa Yesuusi Shaddeyoo
(Maariqoosi 9:2-13; Luqaasi 9:28-36)
1Shiritte qemoyee gubb Yesuusi Pheexiroosin, Yaaqobinaa bi manoo Yowannisinon baach yechiꞌi genje guudi toommooch kechiye. 2Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye. 3Arooba Muusinaa Eliyaasina xalla bekkeꞌi Yesuusina tookkii boonoshi yibbaatee beetaa, keejje bi dabbeenaꞌo beeggiyeete.
4Pheexiroosi tiyiꞌi Yesuusin, “Ta Doonocho, hiniich beemo nooch gaawiye. Ne shunigaata, hiniich keejje bashoon, ikkoon neech, ikkoonoo Muusich, ikkoonoo Eliyaasich bashibone” iye.
5Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.
6Ishin waayeti keejje bi dabbeenaꞌo oogichiꞌi boonoshi keqqitoyich, baroona showooch guufeheete. 7Tunetaa Yesuusi boonoshi waan giddee shuurikkiꞌi, “Tibote, shattaahote” iye. 8Boonoshiyoo damba kaamee ciinniꞌi, Yesuusi ikkeetoyee damba koninolla beegaaneenaꞌone.
9Ebiyee gubb, Yesuusinaa keejje bi dabbeenaꞌona guudi toommoochee boonoshi kindii beetaa, Yesuusi “Ashi Bushoo qitoochee tiyimmi wottoon, ittoshi beeggiton konichona gettaahote” iꞌi gettiye.
10Aroochee bi dabbeenaꞌo wochiꞌi Yesuusin “Ishigaata, Muusichi Sheeree dojjechinaꞌo ‘Shiichi woyemmo Eliyaasine’ iꞌi amoyichiye boonoshi gettiibeeto?” iꞌi echeheete.
11Yesuusiyoo wochiꞌi boonoshich ishichiye: “Iberoone, Eliyaasi shiichiree woyemmone; aroo bulli mooyon tachemmone.#Milik. 4:5-6 12Tunetaa ta ittoshich gettoye: Eliyaasi ebiyee aaf waatone. Bi waataa, boonoshi qaawito bullin bi toommooch shuuneheetani bi konigaata ariyaaneenaꞌone. Ebiyee wotta Ashi Bushoo boonoshi kishoochee xuuxoon beegg bedditone” iye. 13Arooba Yesuusi gettito, Aacona Afaallechi Yowannisin bi tuno bi dabbeenaꞌo mullooch giyiye.
Maachi Biiyoona Yecheti Bushoon Yesuusi Wodiyoo
(Maariqoosi 9:14-29; Luqaasi 9:37-43)
14Ebiyee gubb, Yesuusinaa keejje bi dabbeenaꞌona dofee asheenaꞌo beetooch shaggiyeete; ikke uroo Yesuus waan giddee goyinneꞌi 15ishichiye: “Doonocho, ta bushoyich ariqqebe. Maachi biiyo biin oogeton xuuxiitone. Meeti wottoon qaaqqooch, aacoochoo dichii beetone. 16Ne dabbeenaꞌo waan ta deebaa, wodiyoon mawiitinaꞌone” iye.
17Yesuusi wochiꞌi boonoshich ishichiye: “Hini, Yeeri toommooch mulloon tooꞌiyaani xumme shiijjereenaꞌote! Aati wottoon ittoshina tookki beeyehote? Amee wottoon ittoshin haaꞌiyehote? Eke ta waan bushoon deebote” iye. 18Yesuusi yinnoon noggehe. Yinnoo bushoo toommoochee tiyihe; bushoo bekkech wodiye.
19Aree hillooch bi dabbeenaꞌo boonoshi ikkeeto Yesuus waan giddeꞌi, “No amoyichiye yoohon no mawiito?” iꞌi echeheete.
20Yesuusi boonoshich wochiꞌi ishichiye: “Yeeri toommooch mulloon tooꞌiyoo ittoshi qajjitoyichiye. Iberoon ittoshich gettoye: Ittoshi mulloon giishecheenolla Yeeri toommooch ittoshi tooꞌii gaata, hini geppoon ‘Hiniichee tiyiree okk ebiich beshebe’ ittoshi getigaata, beshemmone; ittoshin mawemmi mooyo amolla aalloone. 21[Coomii corootaanoon, ebiyoommi yinnoon yooho cir hakkeyaache]” iye.
Bi Qitemmon Wochinnoon Yesuusi Geto
(Maariqoosi 9:30-32; Luqaasi 9:43-45)
22Galiilee showooch bi dabbeenaꞌo kiceetoyee gubb, Yesuusi boonoshich ishichiye: “Ashi Bushoon ashi kishooch beshiiree imma ii beetinaꞌone. 23Boonoshiyoo biin wuxemminaꞌone; biyoo keejje qemooba qitoochee tiyemmone” iye. Hini mooyona bi dabbeenaꞌo oogichiꞌi ayiniyeete.
Yeerichi Yaafee Kexooch Giyiibeeti Gijjoon Qoco
24Yesuusinaa bi dabbeenaꞌona Qifirinaahi katemooch boonoshi shaggitoyee gubb, yaafee kechi gibiroon deqqiibeeti asheenaꞌo Pheexiroos waan giddeꞌi, “Ittoshi dojjecho yaafee kechi gibiroon qocaachehe?” iꞌi echeheete.
25Pheexiroosiyoo wochiꞌi, “Qoccemmone” iye.
Pheexiroosi kexooch giyimmona Yesuusi shiichiꞌi, “Simoono, neech amoon shaahii beete? Hini showee taateenaꞌo qaraxoonaa gibiroonon koni waaneeniye boonoshi deqqiibeeto? Boonoshi bushiisheenaꞌo waaneeniyee woyee baree waati asheenaꞌo waaneeniye?” iꞌi echehe.
26Pheexiroosi “Baree waati asheenaꞌo waaneeniye” iꞌi wochiye.
Yesuusi “Ishigaata, kechi bushiisheenaꞌo qoco boonoshich qaawiyaache. 27Tunebaani boonoshich xugo no tuneyaachemmoyich, baharooch hamiree haashoon yeshe qamaaxiroon baharooch dufe; shiichii ne yecheti haashee kookkoon ne gaxxigaata, gijjoon danemmo neene; aroon daamiree neennaa taannochi gibiroon qoce” iye.
ទើបបានជ្រើសរើសហើយ៖
Maatiyoosi 17: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maatiyoosi 17
17
Keejje Bi Dabbeenaꞌo Aafoochaa Yesuusi Shaddeyoo
(Maariqoosi 9:2-13; Luqaasi 9:28-36)
1Shiritte qemoyee gubb Yesuusi Pheexiroosin, Yaaqobinaa bi manoo Yowannisinon baach yechiꞌi genje guudi toommooch kechiye. 2Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye. 3Arooba Muusinaa Eliyaasina xalla bekkeꞌi Yesuusina tookkii boonoshi yibbaatee beetaa, keejje bi dabbeenaꞌo beeggiyeete.
4Pheexiroosi tiyiꞌi Yesuusin, “Ta Doonocho, hiniich beemo nooch gaawiye. Ne shunigaata, hiniich keejje bashoon, ikkoon neech, ikkoonoo Muusich, ikkoonoo Eliyaasich bashibone” iye.
5Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.
6Ishin waayeti keejje bi dabbeenaꞌo oogichiꞌi boonoshi keqqitoyich, baroona showooch guufeheete. 7Tunetaa Yesuusi boonoshi waan giddee shuurikkiꞌi, “Tibote, shattaahote” iye. 8Boonoshiyoo damba kaamee ciinniꞌi, Yesuusi ikkeetoyee damba koninolla beegaaneenaꞌone.
9Ebiyee gubb, Yesuusinaa keejje bi dabbeenaꞌona guudi toommoochee boonoshi kindii beetaa, Yesuusi “Ashi Bushoo qitoochee tiyimmi wottoon, ittoshi beeggiton konichona gettaahote” iꞌi gettiye.
10Aroochee bi dabbeenaꞌo wochiꞌi Yesuusin “Ishigaata, Muusichi Sheeree dojjechinaꞌo ‘Shiichi woyemmo Eliyaasine’ iꞌi amoyichiye boonoshi gettiibeeto?” iꞌi echeheete.
11Yesuusiyoo wochiꞌi boonoshich ishichiye: “Iberoone, Eliyaasi shiichiree woyemmone; aroo bulli mooyon tachemmone.#Milik. 4:5-6 12Tunetaa ta ittoshich gettoye: Eliyaasi ebiyee aaf waatone. Bi waataa, boonoshi qaawito bullin bi toommooch shuuneheetani bi konigaata ariyaaneenaꞌone. Ebiyee wotta Ashi Bushoo boonoshi kishoochee xuuxoon beegg bedditone” iye. 13Arooba Yesuusi gettito, Aacona Afaallechi Yowannisin bi tuno bi dabbeenaꞌo mullooch giyiye.
Maachi Biiyoona Yecheti Bushoon Yesuusi Wodiyoo
(Maariqoosi 9:14-29; Luqaasi 9:37-43)
14Ebiyee gubb, Yesuusinaa keejje bi dabbeenaꞌona dofee asheenaꞌo beetooch shaggiyeete; ikke uroo Yesuus waan giddee goyinneꞌi 15ishichiye: “Doonocho, ta bushoyich ariqqebe. Maachi biiyo biin oogeton xuuxiitone. Meeti wottoon qaaqqooch, aacoochoo dichii beetone. 16Ne dabbeenaꞌo waan ta deebaa, wodiyoon mawiitinaꞌone” iye.
17Yesuusi wochiꞌi boonoshich ishichiye: “Hini, Yeeri toommooch mulloon tooꞌiyaani xumme shiijjereenaꞌote! Aati wottoon ittoshina tookki beeyehote? Amee wottoon ittoshin haaꞌiyehote? Eke ta waan bushoon deebote” iye. 18Yesuusi yinnoon noggehe. Yinnoo bushoo toommoochee tiyihe; bushoo bekkech wodiye.
19Aree hillooch bi dabbeenaꞌo boonoshi ikkeeto Yesuus waan giddeꞌi, “No amoyichiye yoohon no mawiito?” iꞌi echeheete.
20Yesuusi boonoshich wochiꞌi ishichiye: “Yeeri toommooch mulloon tooꞌiyoo ittoshi qajjitoyichiye. Iberoon ittoshich gettoye: Ittoshi mulloon giishecheenolla Yeeri toommooch ittoshi tooꞌii gaata, hini geppoon ‘Hiniichee tiyiree okk ebiich beshebe’ ittoshi getigaata, beshemmone; ittoshin mawemmi mooyo amolla aalloone. 21[Coomii corootaanoon, ebiyoommi yinnoon yooho cir hakkeyaache]” iye.
Bi Qitemmon Wochinnoon Yesuusi Geto
(Maariqoosi 9:30-32; Luqaasi 9:43-45)
22Galiilee showooch bi dabbeenaꞌo kiceetoyee gubb, Yesuusi boonoshich ishichiye: “Ashi Bushoon ashi kishooch beshiiree imma ii beetinaꞌone. 23Boonoshiyoo biin wuxemminaꞌone; biyoo keejje qemooba qitoochee tiyemmone” iye. Hini mooyona bi dabbeenaꞌo oogichiꞌi ayiniyeete.
Yeerichi Yaafee Kexooch Giyiibeeti Gijjoon Qoco
24Yesuusinaa bi dabbeenaꞌona Qifirinaahi katemooch boonoshi shaggitoyee gubb, yaafee kechi gibiroon deqqiibeeti asheenaꞌo Pheexiroos waan giddeꞌi, “Ittoshi dojjecho yaafee kechi gibiroon qocaachehe?” iꞌi echeheete.
25Pheexiroosiyoo wochiꞌi, “Qoccemmone” iye.
Pheexiroosi kexooch giyimmona Yesuusi shiichiꞌi, “Simoono, neech amoon shaahii beete? Hini showee taateenaꞌo qaraxoonaa gibiroonon koni waaneeniye boonoshi deqqiibeeto? Boonoshi bushiisheenaꞌo waaneeniyee woyee baree waati asheenaꞌo waaneeniye?” iꞌi echehe.
26Pheexiroosi “Baree waati asheenaꞌo waaneeniye” iꞌi wochiye.
Yesuusi “Ishigaata, kechi bushiisheenaꞌo qoco boonoshich qaawiyaache. 27Tunebaani boonoshich xugo no tuneyaachemmoyich, baharooch hamiree haashoon yeshe qamaaxiroon baharooch dufe; shiichii ne yecheti haashee kookkoon ne gaxxigaata, gijjoon danemmo neene; aroon daamiree neennaa taannochi gibiroon qoce” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.