Mishiraachechinaꞌo 28
28
Maalitee Showoochaa Tuneti Mooyo
1Showooch diggoona no shaggetoyee gubb no shaggeti buure showee shigo Maaliti bi getteyoon ariihon. 2Arooch beeti asheenaꞌo oogichii noon gaacheheete; arooba amiyo dihaa aqqoo noon yechitoyich, qaaqqoon shookkiꞌi no bullin iibbiiheete. 3Phawuloosi kakkoon tuucciꞌi qaaqqooch bi duppimmona, qaaqqee gaamoona xekeree kechaꞌa bi kishooch wutireehan. 4Arooch beeti asheenaꞌo hini bi kishooch wutireeti xekereen beeggiꞌi, boonoshinaa boonoshina “Hini uro iberoon ashoon wuxitone; baharoocheenolla diggoona bi kechitaa, nallechi nuggishoo bi kashoon maaraanoone” iyeete. 5Tunetaa Phawuloosi xekereen bi kishoochee qaaqqooch tebbehe; bi toommooch shaggiti mooyo amolla aalloone. 6Hini are asheenaꞌo “Nafemmone, woyee diqq dihi qitemmone” iꞌi ciinnii beeheete. Tunebaani ciinnii boonoshi beetaa, bi achooch amolla shaggi qayon beeggiꞌi boonoshi gaboon shaddii, “Hini uro nuggishoone” iyeete.
7Aree gaꞌooch are buure showee iraashoo Foofiloosi gettee beetochi showoo beehe. Aroo noon iibbiiꞌi emiroona keejj qeejjiye. 8Arooba Foofiloosi nihoo achee gaamee biiyoonaa maacee yexi biiyoona biiyeꞌi qeenooch qeyii beehe. Phawuloosi bi waan giyiꞌi corootiye; bi kishoon uroochi toommooch kotiiꞌi wodiihe. 9Aroochee are buure showooch beeti bare biiyechinaꞌo waaꞌi wodiyeete. 10Boonoshiyoo oogichii noon oogiiheete; aroochee tiya no qannimmona, gommoochaa nooch qaawiimmi mooyo bullin deebii nooch immiyeete.
Maalitee Showoochee Room Beddaahaa Phawuloosi Hamo
11Keejje agenoon Maalitee showooch no kotetoyee gubb, are buure showooch yooyo beshemmi wottoon neexeꞌi yagiti Iskindiriyee markaboona hammehon; bi toommoochoo Kastoorinaa Folookisi getteebeeti qaappe nuggisheenaꞌochi malletoo beetone. 12Surakuusi katemooch shaggaꞌa keejje qemon arooch kotehon. 13Aroochee markaboona hammaꞌa Regiyooni katemooch shaggehon. Arooch ikke qemon qeyaꞌa tiyaa deshi-waanee yongo yongetoyich, guttinnee qemooba Fotiloosi katemooch shaggehon. 14Aroochaa kittinneenaꞌona tookkaa danehon. Boonoshiyoo “Shabaatte qemi wottoon no waan kotebote” iꞌi noon qolleheete. Aroochee wotta Room hammehon. 15Are Roomi kittinneenaꞌo no womon waayeꞌi Apiyoosi Gabiyoonaa Keejje Iibbee Kexo getteebeeti xaaꞌoonooch beddaahaa noonna daneya waaheete. Phawuloosi boonoshin ciinniꞌi tiyii Yeerin galletehe; bi mulloo kupphehe.
Ginechinaꞌona Quyeebee Mishiraachee Qaaroon Phawuloosi Geto
16Room no giyetoyee gubb, Roomi ukkireenaꞌo Phawuloosi bi shunniti kexooch biin quyeebeeti ginee naayona tookki bi qell bi beeyemmoyich daaggiyeete.
17Keejje qemoyee gubb, Phawuloosi Room beeti Ayihudee ogoogeenaꞌon bi waan ceekkiihe. Boonoshi waa kiceetaa, ishichiye: “Ta maneenaꞌote! Ta, Ayihudeenaꞌonaa no qaabbechinaꞌo sheeroonochi toommooch ta gondeti gondo aalloone; tunetaa Yerusaalemee cuchiꞌi Roomechinaꞌo kishooch beshiiꞌi taan immiyeete. 18Boonoshiyoo taan echeꞌi qitooch taan bechimmi mooyon ta toommoochee boonoshi muccetoyich, taan biicha qaawiyeete; 19tunebaani Ayihudeenaꞌo tuneyaache iꞌi taggemmona, ta mooyon Qesaari aafooch giddiyoon qaawiyoani, ta aagetee ashoon ta taggemmi mooyo taach beeꞌi toonoone. 20And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.
21Boonoshiyoo “Yihudee showoochee ne naboyich kooreeti koorichoo nooch shagaanoone. Wotta hiniich waabeeti Ayihudeenaꞌo waanee ne gondoon boonoshi yibbaatetaa waayeyaano noone; gettitoo aalloone. 22Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.
23Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe. 24Qatinaꞌo bi gettiton iberiiheete; qatinaꞌoo iberiyaaneenaꞌone. 25Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:
26‘Hini asheenaꞌo waan hamiree,
“Waayoon waayeebeeto ittoshine; shalligaano ittoshine;
ciinonoo ciinniibeeto ittoshine; beegaano ittoshine” gete.
27Boonoshi aafoona boonoshi ciinaachemmoyich,
boonoshi waamona boonoshi waayeyaachemmoyich,
boonoshi mulloona boonoshi shalligaachemmoyich,
ta waan boonoshi wottetaa boonoshin ta wodiyaachemmoyich,
hini asheenaꞌo mullo muumetone;
boonoshi waamon uppitinaꞌone;
boonoshi aafoonoo shininniitinaꞌone’#Isi. 6:9-10 iꞌi gettiye.
28“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye. 29[Phawuloosi bi ishichimmona Ayihudeenaꞌo boonoshinaa boonoshina hayeebee kechii hammiyeete.]
30Phawuloosi bi kiraayiti kexooch gutte naton kotehe; bi waan waa beetinaꞌo bullin iibbii beehe. 31Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.
ទើបបានជ្រើសរើសហើយ៖
Mishiraachechinaꞌo 28: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 28
28
Maalitee Showoochaa Tuneti Mooyo
1Showooch diggoona no shaggetoyee gubb no shaggeti buure showee shigo Maaliti bi getteyoon ariihon. 2Arooch beeti asheenaꞌo oogichii noon gaacheheete; arooba amiyo dihaa aqqoo noon yechitoyich, qaaqqoon shookkiꞌi no bullin iibbiiheete. 3Phawuloosi kakkoon tuucciꞌi qaaqqooch bi duppimmona, qaaqqee gaamoona xekeree kechaꞌa bi kishooch wutireehan. 4Arooch beeti asheenaꞌo hini bi kishooch wutireeti xekereen beeggiꞌi, boonoshinaa boonoshina “Hini uro iberoon ashoon wuxitone; baharoocheenolla diggoona bi kechitaa, nallechi nuggishoo bi kashoon maaraanoone” iyeete. 5Tunetaa Phawuloosi xekereen bi kishoochee qaaqqooch tebbehe; bi toommooch shaggiti mooyo amolla aalloone. 6Hini are asheenaꞌo “Nafemmone, woyee diqq dihi qitemmone” iꞌi ciinnii beeheete. Tunebaani ciinnii boonoshi beetaa, bi achooch amolla shaggi qayon beeggiꞌi boonoshi gaboon shaddii, “Hini uro nuggishoone” iyeete.
7Aree gaꞌooch are buure showee iraashoo Foofiloosi gettee beetochi showoo beehe. Aroo noon iibbiiꞌi emiroona keejj qeejjiye. 8Arooba Foofiloosi nihoo achee gaamee biiyoonaa maacee yexi biiyoona biiyeꞌi qeenooch qeyii beehe. Phawuloosi bi waan giyiꞌi corootiye; bi kishoon uroochi toommooch kotiiꞌi wodiihe. 9Aroochee are buure showooch beeti bare biiyechinaꞌo waaꞌi wodiyeete. 10Boonoshiyoo oogichii noon oogiiheete; aroochee tiya no qannimmona, gommoochaa nooch qaawiimmi mooyo bullin deebii nooch immiyeete.
Maalitee Showoochee Room Beddaahaa Phawuloosi Hamo
11Keejje agenoon Maalitee showooch no kotetoyee gubb, are buure showooch yooyo beshemmi wottoon neexeꞌi yagiti Iskindiriyee markaboona hammehon; bi toommoochoo Kastoorinaa Folookisi getteebeeti qaappe nuggisheenaꞌochi malletoo beetone. 12Surakuusi katemooch shaggaꞌa keejje qemon arooch kotehon. 13Aroochee markaboona hammaꞌa Regiyooni katemooch shaggehon. Arooch ikke qemon qeyaꞌa tiyaa deshi-waanee yongo yongetoyich, guttinnee qemooba Fotiloosi katemooch shaggehon. 14Aroochaa kittinneenaꞌona tookkaa danehon. Boonoshiyoo “Shabaatte qemi wottoon no waan kotebote” iꞌi noon qolleheete. Aroochee wotta Room hammehon. 15Are Roomi kittinneenaꞌo no womon waayeꞌi Apiyoosi Gabiyoonaa Keejje Iibbee Kexo getteebeeti xaaꞌoonooch beddaahaa noonna daneya waaheete. Phawuloosi boonoshin ciinniꞌi tiyii Yeerin galletehe; bi mulloo kupphehe.
Ginechinaꞌona Quyeebee Mishiraachee Qaaroon Phawuloosi Geto
16Room no giyetoyee gubb, Roomi ukkireenaꞌo Phawuloosi bi shunniti kexooch biin quyeebeeti ginee naayona tookki bi qell bi beeyemmoyich daaggiyeete.
17Keejje qemoyee gubb, Phawuloosi Room beeti Ayihudee ogoogeenaꞌon bi waan ceekkiihe. Boonoshi waa kiceetaa, ishichiye: “Ta maneenaꞌote! Ta, Ayihudeenaꞌonaa no qaabbechinaꞌo sheeroonochi toommooch ta gondeti gondo aalloone; tunetaa Yerusaalemee cuchiꞌi Roomechinaꞌo kishooch beshiiꞌi taan immiyeete. 18Boonoshiyoo taan echeꞌi qitooch taan bechimmi mooyon ta toommoochee boonoshi muccetoyich, taan biicha qaawiyeete; 19tunebaani Ayihudeenaꞌo tuneyaache iꞌi taggemmona, ta mooyon Qesaari aafooch giddiyoon qaawiyoani, ta aagetee ashoon ta taggemmi mooyo taach beeꞌi toonoone. 20And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.
21Boonoshiyoo “Yihudee showoochee ne naboyich kooreeti koorichoo nooch shagaanoone. Wotta hiniich waabeeti Ayihudeenaꞌo waanee ne gondoon boonoshi yibbaatetaa waayeyaano noone; gettitoo aalloone. 22Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.
23Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe. 24Qatinaꞌo bi gettiton iberiiheete; qatinaꞌoo iberiyaaneenaꞌone. 25Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:
26‘Hini asheenaꞌo waan hamiree,
“Waayoon waayeebeeto ittoshine; shalligaano ittoshine;
ciinonoo ciinniibeeto ittoshine; beegaano ittoshine” gete.
27Boonoshi aafoona boonoshi ciinaachemmoyich,
boonoshi waamona boonoshi waayeyaachemmoyich,
boonoshi mulloona boonoshi shalligaachemmoyich,
ta waan boonoshi wottetaa boonoshin ta wodiyaachemmoyich,
hini asheenaꞌo mullo muumetone;
boonoshi waamon uppitinaꞌone;
boonoshi aafoonoo shininniitinaꞌone’#Isi. 6:9-10 iꞌi gettiye.
28“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye. 29[Phawuloosi bi ishichimmona Ayihudeenaꞌo boonoshinaa boonoshina hayeebee kechii hammiyeete.]
30Phawuloosi bi kiraayiti kexooch gutte naton kotehe; bi waan waa beetinaꞌo bullin iibbii beehe. 31Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.