Mishiraachechinaꞌo 27
27
Phawuloosin Yechiꞌi Room Hamma Ginechinaꞌo Timo
1Xaaliyaanee showooch markaboona no hammemmoyich bi maaccetoyee gubb, Phawuloosinaa bare qoppeenaꞌonon Roomi taatoochi ginee naayinaꞌo daggooch beeti, Yuuliyoosi getteebeeti balle ginee iraashoo kishooch guudiiheete. 2Isiyee showee baharee gashooch beeti meeti katemooch hammiibeeti, Adramixisee markabooch giyaꞌa hamma tiyehon. Tasaloonqi katemoochee waati, Makidoonee showeexi asho Arsixirokoosi noonna tookkii hammiye.
3 Dechara Sidoon shaggehon. Aroochee Yuuliyoosi Phawuloosich ariqqeꞌi, Phawuloosi bi shunechinaꞌo waan hamiree shohoon bi danemmoyich daaggiye. 4Aroochee tiyaꞌa yongo no toommooch bi yongetoyich, Qoophiroosina degeebee no gommon yechehon. 5Kiliqinaa Fenfulee showee gaꞌoonooch beeti baharoon no kimmetoyee gubb, Liqiyee showooch beeti Muuri katemooch shaggehon. 6Balle ginee iraashoo aroochee Xaaliyaanee showooch hammiibeeti, Iskindiriyee markaboon daneꞌi, arooch no giyemmoyich tuniihe. 7Meeti areddoon nibbaabee hammehon; wodde iritoona Qiidoosi katemee ciinooch shaggehon; no beeti markabo aroona bi hamaachemmoyich yongo bajjiye. Ebich Qerixeesee showoona degeebee, Salimooni gaꞌoona beshaꞌa hammehon. 8Wodde iritoona gashi gashoona xepphaabee, Laasi katemooch katino tuneti, “Deꞌe Xaaꞌoo” getteebeeti, markabo kasheebeeti xaaꞌooch shaggehon.
9Gommona oogichaa no yagitoyich, coomee aabo beshehe. Aroobee agenoon markaboona shaꞌo shattiito bi tunetoyich, Phawuloosi asheenaꞌon ishichiꞌi ciicciye: 10“Hini asheenaꞌote, and no hammemmi eche gommooch wodde iritoo beeyemmo tunoon beeggaabeete; markaboonaa qiicee ciiroona baach tuneyaanoon, kashee aalloo beetone” iye. 11Tunebaani balle ginee iraashoo Phawuloosichi yibbaatoyee, markaboon gashee beetonaa markabee doononochi yibbaatoon gibenehe. 12Hini are xaaꞌoo yooyon beshiyoyich mashaamaani xaaꞌoo bi tunetoyich, beshe asheenaꞌo “Nooch bi hakkeegaata, aabi-giyaa dambi-waani qatonaa deshi-waani qatonochi ciinooch beeti Qerixeesee showooch beeti Foonki katemooch hamiree, aroochaa yooyon kichibone” iꞌi echeeheete.
Baharee Toommoochaa Giidechi Yongo Timo
13Kette yongo deshi-waanee yongetaa beeggiꞌi, shiichii boonoshi qaawito boonoshich kaameto bi shaahaa, ebina tiyii markaboon yeshi bi neechemmoyich, aacooch boonoshi duppiti xuuroon tiijjiꞌi boonoshi gommon yechiyeete. Qerixeesee showee gashi gashoona beshee hammiyeete. 14Tunetaa woddii boonoshi hamaan beetaa, aabi-kechaa dambi-waani qatoochee tiyiti giidechi yongo boonoshi toommooch kindiye. 15Yongo markaboon yulliitaa, yongoon hakkii besheꞌi hamon bi mawiitoyich, yongo daammitooch cikkii hammehon. 16Kawudi getteebeeti buure showoona degaa hammaabee, giishi markabeen kichaꞌa wodde iritoona ooge markabee toommooch minjoon hakkiyon. 17Damba kichiꞌi boonoshi cuchitoyee gubb, boonoshi beeti markabo kupphemmoyich woderoona manjiiꞌi wuttiyeete. Suritiisi getteebeeti qacee gutoona boonoshi qiciyaachemmoyich shattiꞌi, markabo yongoona xukkeree bi hammemmoyich tuniibeeti cariqqoon kindiiꞌi, markabo baach cikki bi hammemmoyich gawukkiyeete. 18Yongo daappiibee kuppheꞌi noon bi iritiitaa, dechara markabee toommooch minjeeti qiicoochee kichiꞌi aacooch duppiyeete. 19Keejje qemooba markabee qiicoon boonoshi kishoona kichii kichii duppiyeete. 20Meeti areddoon aabeenaa xojjenoonon beegaanoon, yongo daakkii daakkii bi hammitoyich, “Ebiyee damba wodemmo noone” immi gibeno no mulloochee wokkiye.
21Asheenaꞌo maayoon maataanoon meeti aaboon boonoshi kotetoyee gubb, Phawuloosi boonoshi daggooch tiyii neexeꞌi ishichiye: “Hini asheenaꞌote, ta geton waayeꞌi Qerixeesee showooch ittoshi yagito gaata, hinoommi gijjee aalloonaa iritoonon beegaachesho ittoshine. 22Andoo ‘Kupphebote’ iyoye; markaboani tiishemmo, ittoshi daggoochee ikkolla qitaachemmone. 23Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi, 24‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye. 25Ebich kupphebote; bi noonoochee kechito bullin ceechemmo bi tunoon Yeerin gibenehoye. 26Tunebaani andoo yongo markaboon xuꞌiree baharee daggeexi ikke buure showoona qiciyemmone” iye.
27Aaraa awudde qemoobee xum Adiriyee baharee daggooch yongo okk hach wochii noon bi yullii beetaa, markabechinaꞌo xumee gutte qellimooch showoo beetooch katinnito boonoshich shaahiye. 28Baharee ceenon boonoshi qellayiibeeti woderoon baharooch duppii kichii boonoshi hiretaa, shinne hiroo tunehe; giishechoon yagiꞌi guttinnoo duppiꞌi kichii boonoshi hiretaa shiche hiroo tunehe. 29No markabo baharee gaagemooch beeti xaqqoona bi qiciyaachemmoyich shattiꞌi, markabee gubbaa neexeꞌi, markaboon neechemmi awudde xuureenaꞌon baharee daggooch duppiyeete. Aroochee xumo haremmoyich corootiyeete. 30Markabechinaꞌo markabee daggoochee kindiree aalleya qaawiꞌi, aafaa yechii neechiibeeti xuureenaꞌon aacooch duppiibeeto shaahiibee, giishi markabeen oogoochi toommoochee baharooch boonoshi kindii beetaa 31Phawuloosi beeggiꞌi, balle ginee iraashoonaa ginee naayinaꞌonoyich ishichiye: “Hini asheenaꞌo markabee daggoochee boonoshi kindii hamigaata, ittoshi wodoon hakkaachemmo ittoshine” iye. 32Arooba ginee naayinaꞌo giishi markabee woderoon kuxxiꞌi gawukkiyeete.
33Showoo hara bedaa, Phawuloosi tiyii asheenaꞌo bullin “Maayoon mamote” iꞌi qollehe. Ishichiinoo iye: “Maayoon maataanoon gaxxaani kookkoona hanaach aaraa awudd qeyito ittoshine. 34Ittoshi qellee eexoochee ikkewolla aalleyaachemmine; ebich ittoshin qollehoye: Maayoon mamote; ittoshi kasho aroona degeebe” iye. 35Ebin bi gettitoyee gubb, koshon tiijjiꞌi boonoshi bulli aafooch Yeerin galleteꞌi tiichii maahe. 36Bulliyoo kuppheꞌi boonoshi qelloona wotta tiyii koshon tiijjii maaheete. 37Markaboona beeti no bulli gutte ballaa shabaa shiritte asho noone. 38Maaꞌi boonoshi michitoyee gubb, markabee toommooch beeti teepphoon kindii aachi toommooch duppiꞌi maggoon kettiiheete.
Markabo Tiisho
39Showoo haraa, showooch boonoshi katinon ariyaaneenaꞌone; tunebaani qacechi baharee gaagemooch beeti gamini aacon beeggiyeete; bi hakkeegaata, aroo waan markaboon gashoyich boonoshi gaboon kuxxiyeete. 40Markaboon yechii neechiibeeti xuureenaꞌon kuxxii duppiyeete. Markaboo gasheebeeti qellimoochaa dechiich beeti mixinaꞌo cucheeti woderoon biichiyeete. Markabo hammemmoyich tuniibeeti aaf beeti cariqqoon yongo xuqqemmoyich kichii kaqqiꞌi baharee gaagemooch keyoyich hammiyeete. 41Tunebaani markabo gutte bahareenaꞌo daneebeeti xaaꞌooch beeti qacee gutoona qiceeꞌi aafaa yechee shuuraache iye. Wotta giidechi aayo xuqqimmona gubbaa tiishehe.
42Arooba ginee naayinaꞌo qoppeenaꞌoochee ikkolla aacon waakkeree bi muricaachemmoyich, wuxiya echeeheete. 43Tunetaa balle ginee iraashoo Phawuloosin wodiiya bi qaawitoyich, boonoshi echeyoon gaakkiꞌi, “Waakkoon arii beetinaꞌote, shiichi baharooch capphi giyiree showoo beetooch keyote. 44Wotta echetinaꞌote, shaaqqeenaꞌonaa markabee tiisheenaꞌonon yebberee keyote” iꞌi gettiye. Ebiyoommi gommona bulli diggoona showoo beetooch shaggiyeete.
ទើបបានជ្រើសរើសហើយ៖
Mishiraachechinaꞌo 27: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 27
27
Phawuloosin Yechiꞌi Room Hamma Ginechinaꞌo Timo
1Xaaliyaanee showooch markaboona no hammemmoyich bi maaccetoyee gubb, Phawuloosinaa bare qoppeenaꞌonon Roomi taatoochi ginee naayinaꞌo daggooch beeti, Yuuliyoosi getteebeeti balle ginee iraashoo kishooch guudiiheete. 2Isiyee showee baharee gashooch beeti meeti katemooch hammiibeeti, Adramixisee markabooch giyaꞌa hamma tiyehon. Tasaloonqi katemoochee waati, Makidoonee showeexi asho Arsixirokoosi noonna tookkii hammiye.
3 Dechara Sidoon shaggehon. Aroochee Yuuliyoosi Phawuloosich ariqqeꞌi, Phawuloosi bi shunechinaꞌo waan hamiree shohoon bi danemmoyich daaggiye. 4Aroochee tiyaꞌa yongo no toommooch bi yongetoyich, Qoophiroosina degeebee no gommon yechehon. 5Kiliqinaa Fenfulee showee gaꞌoonooch beeti baharoon no kimmetoyee gubb, Liqiyee showooch beeti Muuri katemooch shaggehon. 6Balle ginee iraashoo aroochee Xaaliyaanee showooch hammiibeeti, Iskindiriyee markaboon daneꞌi, arooch no giyemmoyich tuniihe. 7Meeti areddoon nibbaabee hammehon; wodde iritoona Qiidoosi katemee ciinooch shaggehon; no beeti markabo aroona bi hamaachemmoyich yongo bajjiye. Ebich Qerixeesee showoona degeebee, Salimooni gaꞌoona beshaꞌa hammehon. 8Wodde iritoona gashi gashoona xepphaabee, Laasi katemooch katino tuneti, “Deꞌe Xaaꞌoo” getteebeeti, markabo kasheebeeti xaaꞌooch shaggehon.
9Gommona oogichaa no yagitoyich, coomee aabo beshehe. Aroobee agenoon markaboona shaꞌo shattiito bi tunetoyich, Phawuloosi asheenaꞌon ishichiꞌi ciicciye: 10“Hini asheenaꞌote, and no hammemmi eche gommooch wodde iritoo beeyemmo tunoon beeggaabeete; markaboonaa qiicee ciiroona baach tuneyaanoon, kashee aalloo beetone” iye. 11Tunebaani balle ginee iraashoo Phawuloosichi yibbaatoyee, markaboon gashee beetonaa markabee doononochi yibbaatoon gibenehe. 12Hini are xaaꞌoo yooyon beshiyoyich mashaamaani xaaꞌoo bi tunetoyich, beshe asheenaꞌo “Nooch bi hakkeegaata, aabi-giyaa dambi-waani qatonaa deshi-waani qatonochi ciinooch beeti Qerixeesee showooch beeti Foonki katemooch hamiree, aroochaa yooyon kichibone” iꞌi echeeheete.
Baharee Toommoochaa Giidechi Yongo Timo
13Kette yongo deshi-waanee yongetaa beeggiꞌi, shiichii boonoshi qaawito boonoshich kaameto bi shaahaa, ebina tiyii markaboon yeshi bi neechemmoyich, aacooch boonoshi duppiti xuuroon tiijjiꞌi boonoshi gommon yechiyeete. Qerixeesee showee gashi gashoona beshee hammiyeete. 14Tunetaa woddii boonoshi hamaan beetaa, aabi-kechaa dambi-waani qatoochee tiyiti giidechi yongo boonoshi toommooch kindiye. 15Yongo markaboon yulliitaa, yongoon hakkii besheꞌi hamon bi mawiitoyich, yongo daammitooch cikkii hammehon. 16Kawudi getteebeeti buure showoona degaa hammaabee, giishi markabeen kichaꞌa wodde iritoona ooge markabee toommooch minjoon hakkiyon. 17Damba kichiꞌi boonoshi cuchitoyee gubb, boonoshi beeti markabo kupphemmoyich woderoona manjiiꞌi wuttiyeete. Suritiisi getteebeeti qacee gutoona boonoshi qiciyaachemmoyich shattiꞌi, markabo yongoona xukkeree bi hammemmoyich tuniibeeti cariqqoon kindiiꞌi, markabo baach cikki bi hammemmoyich gawukkiyeete. 18Yongo daappiibee kuppheꞌi noon bi iritiitaa, dechara markabee toommooch minjeeti qiicoochee kichiꞌi aacooch duppiyeete. 19Keejje qemooba markabee qiicoon boonoshi kishoona kichii kichii duppiyeete. 20Meeti areddoon aabeenaa xojjenoonon beegaanoon, yongo daakkii daakkii bi hammitoyich, “Ebiyee damba wodemmo noone” immi gibeno no mulloochee wokkiye.
21Asheenaꞌo maayoon maataanoon meeti aaboon boonoshi kotetoyee gubb, Phawuloosi boonoshi daggooch tiyii neexeꞌi ishichiye: “Hini asheenaꞌote, ta geton waayeꞌi Qerixeesee showooch ittoshi yagito gaata, hinoommi gijjee aalloonaa iritoonon beegaachesho ittoshine. 22Andoo ‘Kupphebote’ iyoye; markaboani tiishemmo, ittoshi daggoochee ikkolla qitaachemmone. 23Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi, 24‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye. 25Ebich kupphebote; bi noonoochee kechito bullin ceechemmo bi tunoon Yeerin gibenehoye. 26Tunebaani andoo yongo markaboon xuꞌiree baharee daggeexi ikke buure showoona qiciyemmone” iye.
27Aaraa awudde qemoobee xum Adiriyee baharee daggooch yongo okk hach wochii noon bi yullii beetaa, markabechinaꞌo xumee gutte qellimooch showoo beetooch katinnito boonoshich shaahiye. 28Baharee ceenon boonoshi qellayiibeeti woderoon baharooch duppii kichii boonoshi hiretaa, shinne hiroo tunehe; giishechoon yagiꞌi guttinnoo duppiꞌi kichii boonoshi hiretaa shiche hiroo tunehe. 29No markabo baharee gaagemooch beeti xaqqoona bi qiciyaachemmoyich shattiꞌi, markabee gubbaa neexeꞌi, markaboon neechemmi awudde xuureenaꞌon baharee daggooch duppiyeete. Aroochee xumo haremmoyich corootiyeete. 30Markabechinaꞌo markabee daggoochee kindiree aalleya qaawiꞌi, aafaa yechii neechiibeeti xuureenaꞌon aacooch duppiibeeto shaahiibee, giishi markabeen oogoochi toommoochee baharooch boonoshi kindii beetaa 31Phawuloosi beeggiꞌi, balle ginee iraashoonaa ginee naayinaꞌonoyich ishichiye: “Hini asheenaꞌo markabee daggoochee boonoshi kindii hamigaata, ittoshi wodoon hakkaachemmo ittoshine” iye. 32Arooba ginee naayinaꞌo giishi markabee woderoon kuxxiꞌi gawukkiyeete.
33Showoo hara bedaa, Phawuloosi tiyii asheenaꞌo bullin “Maayoon mamote” iꞌi qollehe. Ishichiinoo iye: “Maayoon maataanoon gaxxaani kookkoona hanaach aaraa awudd qeyito ittoshine. 34Ittoshi qellee eexoochee ikkewolla aalleyaachemmine; ebich ittoshin qollehoye: Maayoon mamote; ittoshi kasho aroona degeebe” iye. 35Ebin bi gettitoyee gubb, koshon tiijjiꞌi boonoshi bulli aafooch Yeerin galleteꞌi tiichii maahe. 36Bulliyoo kuppheꞌi boonoshi qelloona wotta tiyii koshon tiijjii maaheete. 37Markaboona beeti no bulli gutte ballaa shabaa shiritte asho noone. 38Maaꞌi boonoshi michitoyee gubb, markabee toommooch beeti teepphoon kindii aachi toommooch duppiꞌi maggoon kettiiheete.
Markabo Tiisho
39Showoo haraa, showooch boonoshi katinon ariyaaneenaꞌone; tunebaani qacechi baharee gaagemooch beeti gamini aacon beeggiyeete; bi hakkeegaata, aroo waan markaboon gashoyich boonoshi gaboon kuxxiyeete. 40Markaboon yechii neechiibeeti xuureenaꞌon kuxxii duppiyeete. Markaboo gasheebeeti qellimoochaa dechiich beeti mixinaꞌo cucheeti woderoon biichiyeete. Markabo hammemmoyich tuniibeeti aaf beeti cariqqoon yongo xuqqemmoyich kichii kaqqiꞌi baharee gaagemooch keyoyich hammiyeete. 41Tunebaani markabo gutte bahareenaꞌo daneebeeti xaaꞌooch beeti qacee gutoona qiceeꞌi aafaa yechee shuuraache iye. Wotta giidechi aayo xuqqimmona gubbaa tiishehe.
42Arooba ginee naayinaꞌo qoppeenaꞌoochee ikkolla aacon waakkeree bi muricaachemmoyich, wuxiya echeeheete. 43Tunetaa balle ginee iraashoo Phawuloosin wodiiya bi qaawitoyich, boonoshi echeyoon gaakkiꞌi, “Waakkoon arii beetinaꞌote, shiichi baharooch capphi giyiree showoo beetooch keyote. 44Wotta echetinaꞌote, shaaqqeenaꞌonaa markabee tiisheenaꞌonon yebberee keyote” iꞌi gettiye. Ebiyoommi gommona bulli diggoona showoo beetooch shaggiyeete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.