Mishiraachechinaꞌo 25
25
Qesaari Aafooch Bi Mooyo Giddemmoyich Phawuloosi Echo
1Fisxoosiyoo Qesaariyi woraafooch bi giyiti keejje qemoyee gubb, aroochee tiyii Yerusaalem hammiye. 2Aroochaa qeeshee ukkireenaꞌonaa Ayihudee ukkireenaꞌona Phawuloosi toommooch taggoon yaaqqiyeete. 3Fisxoosich ishichiyeete: “Phawuloosin ceekkiiree hini Yerusaalem deebona noon gaachebe” iꞌi qolleheete. Ishichii boonoshi iti naboo, gommoochaa quyeꞌi wuxoyich boonoshi gabitoyichiye. 4Tunetaa Fisxoosi wochiꞌi, “Phawuloosi Qesaariya cuyee kexooch quyee beetone; tawoo kaate wotteree arooch hammemmo taane. 5Phawuloosi shuuneti xuꞌo bi beegaata, ittoshi daggoochee ikkikke moochi ariyechinaꞌo taanna tookki hamiree aroochaa taggebeete” iye.
6Boonoshi waan shimitte woyee aashire qemoyee beshaani aaboon koteꞌi, Qesaariya wottehe. Dechara bi nallee gabberooch koteꞌi, “Phawuloosin taach deebote” iye. 7Phawuloosiyoo ceegaa bi waan giddemmona Yerusaalemee waati Ayihudeenaꞌo biin giichiꞌi neexeheete; miixiyoon boonoshi hakkaani meeti magge taggoon yaaqqiyeete.
8Phawuloosiyoo “Ayihudee sheeroon tiishaano taane; yaafee kexon eeꞌiyaano taane; Qesaarinoo#25:8 Qesaari, Roomi taatoone. amoonolla xuꞌaano taane” iꞌi wochiye.
9Tunetaa Fisxoosi Ayihudeenaꞌon emirikkoyicha iꞌi, Phawuloosin “Yerusaalem hamiree hini mooyoyich ta aafoochaa taggoon qaawaa beetine?” iꞌi echehe.
10Phawuloosi wochiꞌi, “Nalleyoonaa xoobonoyich taach tato tuneti Qesaari nallee gabberee aafooch neexeto taane. Newoo gaawichaa ne arii beetoommon Ayihudeenaꞌon amoonolla xuꞌaano taane. 11Illa xuqqeto ta gaata woyee qitooch bechemmi mooyon ta shuuneto gaata, ‘Qitoochee wodibona’ getaache; tunebaani hini asheenaꞌo ta toommooch boonoshi yaaqqiibeeti taggoo kooto bi tunegaata, boonoshich beshiiꞌi taan imon koniyoona hakkaache. ‘Qesaari aafooch ta mooyo giddebe’ ito taane” iye.
12Arooba Fisxoosi bi mikkirechinaꞌona tookkii echeeꞌi tiyii, “ ‘Qesaari aafooch ta mooyo giddebe’ ne itoyich, illa Qesaar waan hammemmo neene” iye.
Taatoo Agripphina Tookkii Phawuloosi Mooyon Fisxoosi Yibbaato
13Giisheche aaboyee gubb taatoo Agripphi bi mechee Bariniiqina tookkii Fisxoosin diggiyoyich Qesaariya waahe. 14Arooch meeti areddoon boonoshi kotetaa, Fisxoosi Phawuloosichi mooyon taatoo Agripphich ishichiꞌi gettiye: “Filikisi cuchiiꞌi tiyii cuyee kexooch bi qajjiti uro hiniich beete. 15Yerusaalem ta beehooba qeeshee ukkireenaꞌonaa Ayihudeenaꞌochi geeneenaꞌona hini uroon taggeꞌi deebii, ‘Nooch nallibe’ iꞌi taan qolleheete.
16“Tawoo ‘Ikke taggeeti uro biin taggeto aafooch neexeꞌi, bi taggeeti taggoon waayeꞌi bi qellich bi taggeyaanoon, koninolla bi tunegaata, beshiiꞌi imo Roomechinaꞌo doyoo toonoone’ iyaꞌa getteho. 17Ebich biin taggetinaꞌo kiceeꞌi boonoshi waataa, yagaanoon dechara nallee gabberooch kotaꞌa, ‘Phawuloosin taach deebote’ iyoye. 18Taggechinaꞌo giddeꞌi neexeheete; tunebaani ‘Bi gondo ebine’ iꞌi ta aafooch boonoshi taggeti taggoo ta gabitoommon toonoone. 19Tunebaani boonoshi gajjiteeto, Yeerich goyinneechonaa Yesuusi getteebeeti qititi uroochononiye. Phawuloosiyoo ‘Hini qititi Yesuusi wochinnoon kashecho tunetone’ ii beetone. 20Ebiyoommi mooyinaꞌon aabichiree ariyoon ta hakkemmo gaata taach mawiye; ebich ‘Yerusaalem hamiree hini mooyon taggoon qaawaa beetine?’ iyaꞌa echeho. 21Tunetaa Phawuloosi Roomi taatoo nallimmi wottoon, ginechinaꞌo biin boonoshi quyemmoyich qaawiꞌi taan bi echetaa, ‘Qesaar waan ta daachiimmi wottoon cuyee kexooch quyebote’ iyaꞌa ta ginechinaꞌoyich gettoye” iye.
22Agripphi Fisxoosich “Are uroochi yibbaatoon waayoon qaawaabeeto taane” iye.
Fisxoosi “Yaach waayemmo neene” iye.
Taatoo Agripphinaa Bi Mecheenochi Aafooch Phawuloosi Giddo
23 Dechara taatoo Agripphinaa bi mechee Bariniiqina asheenaꞌona deenneeꞌi, ginee iraasheenaꞌonaa katemeexi ogoogeenaꞌona tookkii waa moochi waayoyich, asheenaꞌo kiceebeeti kexooch giyiyeete. Aroyee gubb Fisxoosi Phawuloosin wochiihe. 24Fisxoosi ishichiye: “Taatoo Agrippho, hini noonna tookkii beeti asheenaꞌote! Ayihudeenaꞌo bulli ‘Hini uro ebiyee damba kashoona beeyi bedaache’ iꞌi cookee bi toommooch ta nallemmoyich, Yerusaaleminaa hini xaaꞌoonoochaa taan boonoshi qolleti uro hini tunoon beeggiibeeto ittoshine. 25Tunetaa qitooch biin bechemmi xuꞌoon bi toommoochee amoonolla daneyaano taane. Biyoo ‘Roomi taatoo aafooch ta mooyo giddebe’ bi itoyich, arooch daachiiya kuxxoye. 26-27Tunetaa hini bi mooyochon taatoyich ta kooremmi, aricheti mooyo aalloone. Ikke cucheti uro bi taggeeti taggoo ikka gutta getaa haddaa kooreeti mooyo aalloon, taatoo waan cuchii daachiyoo taach tato shaahaache. Ebich manjii ittoshi echetoyee gubb, ta kooremmi mooyon ta danegaata iyaꞌa, ittoshi aafooch, ebiyeenoo taatoo Agrippho, ne aafooch, Phawuloosin deebeto taane” iye.
ទើបបានជ្រើសរើសហើយ៖
Mishiraachechinaꞌo 25: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 25
25
Qesaari Aafooch Bi Mooyo Giddemmoyich Phawuloosi Echo
1Fisxoosiyoo Qesaariyi woraafooch bi giyiti keejje qemoyee gubb, aroochee tiyii Yerusaalem hammiye. 2Aroochaa qeeshee ukkireenaꞌonaa Ayihudee ukkireenaꞌona Phawuloosi toommooch taggoon yaaqqiyeete. 3Fisxoosich ishichiyeete: “Phawuloosin ceekkiiree hini Yerusaalem deebona noon gaachebe” iꞌi qolleheete. Ishichii boonoshi iti naboo, gommoochaa quyeꞌi wuxoyich boonoshi gabitoyichiye. 4Tunetaa Fisxoosi wochiꞌi, “Phawuloosi Qesaariya cuyee kexooch quyee beetone; tawoo kaate wotteree arooch hammemmo taane. 5Phawuloosi shuuneti xuꞌo bi beegaata, ittoshi daggoochee ikkikke moochi ariyechinaꞌo taanna tookki hamiree aroochaa taggebeete” iye.
6Boonoshi waan shimitte woyee aashire qemoyee beshaani aaboon koteꞌi, Qesaariya wottehe. Dechara bi nallee gabberooch koteꞌi, “Phawuloosin taach deebote” iye. 7Phawuloosiyoo ceegaa bi waan giddemmona Yerusaalemee waati Ayihudeenaꞌo biin giichiꞌi neexeheete; miixiyoon boonoshi hakkaani meeti magge taggoon yaaqqiyeete.
8Phawuloosiyoo “Ayihudee sheeroon tiishaano taane; yaafee kexon eeꞌiyaano taane; Qesaarinoo#25:8 Qesaari, Roomi taatoone. amoonolla xuꞌaano taane” iꞌi wochiye.
9Tunetaa Fisxoosi Ayihudeenaꞌon emirikkoyicha iꞌi, Phawuloosin “Yerusaalem hamiree hini mooyoyich ta aafoochaa taggoon qaawaa beetine?” iꞌi echehe.
10Phawuloosi wochiꞌi, “Nalleyoonaa xoobonoyich taach tato tuneti Qesaari nallee gabberee aafooch neexeto taane. Newoo gaawichaa ne arii beetoommon Ayihudeenaꞌon amoonolla xuꞌaano taane. 11Illa xuqqeto ta gaata woyee qitooch bechemmi mooyon ta shuuneto gaata, ‘Qitoochee wodibona’ getaache; tunebaani hini asheenaꞌo ta toommooch boonoshi yaaqqiibeeti taggoo kooto bi tunegaata, boonoshich beshiiꞌi taan imon koniyoona hakkaache. ‘Qesaari aafooch ta mooyo giddebe’ ito taane” iye.
12Arooba Fisxoosi bi mikkirechinaꞌona tookkii echeeꞌi tiyii, “ ‘Qesaari aafooch ta mooyo giddebe’ ne itoyich, illa Qesaar waan hammemmo neene” iye.
Taatoo Agripphina Tookkii Phawuloosi Mooyon Fisxoosi Yibbaato
13Giisheche aaboyee gubb taatoo Agripphi bi mechee Bariniiqina tookkii Fisxoosin diggiyoyich Qesaariya waahe. 14Arooch meeti areddoon boonoshi kotetaa, Fisxoosi Phawuloosichi mooyon taatoo Agripphich ishichiꞌi gettiye: “Filikisi cuchiiꞌi tiyii cuyee kexooch bi qajjiti uro hiniich beete. 15Yerusaalem ta beehooba qeeshee ukkireenaꞌonaa Ayihudeenaꞌochi geeneenaꞌona hini uroon taggeꞌi deebii, ‘Nooch nallibe’ iꞌi taan qolleheete.
16“Tawoo ‘Ikke taggeeti uro biin taggeto aafooch neexeꞌi, bi taggeeti taggoon waayeꞌi bi qellich bi taggeyaanoon, koninolla bi tunegaata, beshiiꞌi imo Roomechinaꞌo doyoo toonoone’ iyaꞌa getteho. 17Ebich biin taggetinaꞌo kiceeꞌi boonoshi waataa, yagaanoon dechara nallee gabberooch kotaꞌa, ‘Phawuloosin taach deebote’ iyoye. 18Taggechinaꞌo giddeꞌi neexeheete; tunebaani ‘Bi gondo ebine’ iꞌi ta aafooch boonoshi taggeti taggoo ta gabitoommon toonoone. 19Tunebaani boonoshi gajjiteeto, Yeerich goyinneechonaa Yesuusi getteebeeti qititi uroochononiye. Phawuloosiyoo ‘Hini qititi Yesuusi wochinnoon kashecho tunetone’ ii beetone. 20Ebiyoommi mooyinaꞌon aabichiree ariyoon ta hakkemmo gaata taach mawiye; ebich ‘Yerusaalem hamiree hini mooyon taggoon qaawaa beetine?’ iyaꞌa echeho. 21Tunetaa Phawuloosi Roomi taatoo nallimmi wottoon, ginechinaꞌo biin boonoshi quyemmoyich qaawiꞌi taan bi echetaa, ‘Qesaar waan ta daachiimmi wottoon cuyee kexooch quyebote’ iyaꞌa ta ginechinaꞌoyich gettoye” iye.
22Agripphi Fisxoosich “Are uroochi yibbaatoon waayoon qaawaabeeto taane” iye.
Fisxoosi “Yaach waayemmo neene” iye.
Taatoo Agripphinaa Bi Mecheenochi Aafooch Phawuloosi Giddo
23 Dechara taatoo Agripphinaa bi mechee Bariniiqina asheenaꞌona deenneeꞌi, ginee iraasheenaꞌonaa katemeexi ogoogeenaꞌona tookkii waa moochi waayoyich, asheenaꞌo kiceebeeti kexooch giyiyeete. Aroyee gubb Fisxoosi Phawuloosin wochiihe. 24Fisxoosi ishichiye: “Taatoo Agrippho, hini noonna tookkii beeti asheenaꞌote! Ayihudeenaꞌo bulli ‘Hini uro ebiyee damba kashoona beeyi bedaache’ iꞌi cookee bi toommooch ta nallemmoyich, Yerusaaleminaa hini xaaꞌoonoochaa taan boonoshi qolleti uro hini tunoon beeggiibeeto ittoshine. 25Tunetaa qitooch biin bechemmi xuꞌoon bi toommoochee amoonolla daneyaano taane. Biyoo ‘Roomi taatoo aafooch ta mooyo giddebe’ bi itoyich, arooch daachiiya kuxxoye. 26-27Tunetaa hini bi mooyochon taatoyich ta kooremmi, aricheti mooyo aalloone. Ikke cucheti uro bi taggeeti taggoo ikka gutta getaa haddaa kooreeti mooyo aalloon, taatoo waan cuchii daachiyoo taach tato shaahaache. Ebich manjii ittoshi echetoyee gubb, ta kooremmi mooyon ta danegaata iyaꞌa, ittoshi aafooch, ebiyeenoo taatoo Agrippho, ne aafooch, Phawuloosin deebeto taane” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.