Mishiraachechinaꞌo 24
24
Phawuloosin Ayihudeenaꞌo Taggo
1Uuche qemoyee gubb, qeeshee guudo Hanaani ikkikke geeneenaꞌonaa ikke Xerixeloosi getteebeeti moochi ariyechona tookkii Yerusaalemee Qesaariya hammiye; iraashoo Filikisi aafooch giddeꞌi, Phawuloosin taggeheete. 2Phawuloosi ceegaa bi giddetoyee gubb, Xerixeloosi ishichiꞌi taggoon yaaqqiye: “Iraashoo Filikiso, ne kishoona wodde iiwittino nooch danetone; ne ariyoona ne qeejjaabeeti asho bulli deꞌe mooyona diccitone. 3Bulli aaboon bulli xaaꞌooch no beeggaa beetonaa no danaa beetona oogichaa emirito noone; ebich neen galletehone. 4Tunetaa yibbaatoon meechaanoon qaminoona neech no gettemmon ne deꞌittinoona ne ellemmoyich neen qollehoye.
5“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone. 6Yaafee kexon wotta eeꞌiyoyich bi qiiccee beetaa yechehone. [No sheeree doyoona nalloyich qaawiyone; 7tunebaani hume ginee iraashoo Lusiyoosi waaꞌi, giidoona no kishoochee boggii daammiye. 8Biin taggetinaꞌo ne waan giddemmoyich gettiye.] Andoo hini no taggeti mooyo bulli iberoo tunoon biin echaa waayo hakkihine” iye.
9Ayihudeenaꞌo wotta “Hini mooyo iberoone” iꞌi ceechiyeete.
10Iraashoo Filikisi kishee malletoona Phawuloosin yibbaatebe iꞌi bi bekkiitaa, Phawuloosi ishichiye: “Meeti yemeenoochee tiijjaꞌa hini showee ashoyich nallecho ne tunoon ta arii beetoyich, oogichaa emiraabee and ta qellich taggoye. 11Yeerich goyinneya Yerusaalem ta hammeto, hanaach aaraa gutte qemoyee beshee bi qayon xiishoo hakkihine. 12Hini asheenaꞌo yaafee kechi daggoochaa koninolla tookkaa gajjitee ta beetaa woyee Ayihudeenaꞌo kiceebeeti kexoochaa woyee katemee daggoochaa asheenaꞌon hukkoo shuuniiya kicaa ta beetaa daneyaaneenaꞌone. 13And taan boonoshi taggeebeeti taggoon miixiyoon hakkaacheete. 14Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane. 15Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane. 16Ebich Yeerinaa asheenaꞌonochi aafooch bulli aaboon ittibateyaani mulloona beemoyich qiiccaabeeto taane.
17“Yerusaalemee kechaꞌa meeti nato beshetoyee gubb, ta asheenaꞌoyich tunemmi degee gijjoon imonaa Yeerich ichemmi deejjoon giddiyoonoyich Yerusaalem wottaꞌa hammoye. 18Xallaꞌa tiyaa yaafee kexooch giyaꞌa, ebin ta tuniyaa beetaa shaggiyeetani, asheenaꞌon kicaano taane; boonoshi dullemmoyich tuniyaano taane. 19Tunebaani ta toommooch bare taggoo bi beegaata, ikkikke Ayihudeenaꞌo Isiyee showoochee waa ne aafooch neexeꞌi taanna tagg bedeenaꞌone. 20Woyee Ayihudee nallechinaꞌo aafooch ta neexehooba, ta aalliiti mooyon boonoshi daneto gaata hiniich beeti asheenaꞌo geteete. 21Iberoon boonoshi aafooch neexaa ta qaaroon oogichaꞌa, ‘Hanaach ittoshi aafooch ta giddeto, “Qititinaꞌo tiyemminaꞌone” iyaꞌa ta gibenetoyichiye’ iyoye.#Mish. 23:6 Ebiyee damba bare mooyon getaano taane” iye.
22Filikisi Doono Yesuusichi gommon gaawichii ariibeeti uroone; biyoo “Hume ginee iraashoo Lusiyoosi waahooba, ittoshi mooyon ciichemmo taane” iꞌi Ayihudeenaꞌon daachiihe.
23Ebiyee gubb, Filikisi balle ginee iraashoon “Phawuloosin quyebee ciinoon bi toommooch meechiyaahine. Bi xibeenaꞌo waanee waammi asho koniyoona shohoon bi giijjemmoyich daaggiballi, bajjaahine” iꞌi gettiye.
Gutte Naton Phawuloosi Cucheyoo
24Giisheche aaboyee gubb iraashoo Filikisi bi mechee Ayihudechee Durisilina tookkii waahe; Phawuloosin ceekkiiꞌi, Kiristoos Yesuusi toommooch mullee tooꞌiyoo geto ama geto gaata bi gettii beeton bi noonoochee waayehe. 25Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye. 26Arooba Filikisi “Phawuloosi taach xuccoon immemmone” iꞌi gibenehe; ebich meeti areddoon Phawuloosin ceekkiibee, biinna tookkii yibbaatee beehe.
27Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.
ទើបបានជ្រើសរើសហើយ៖
Mishiraachechinaꞌo 24: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 24
24
Phawuloosin Ayihudeenaꞌo Taggo
1Uuche qemoyee gubb, qeeshee guudo Hanaani ikkikke geeneenaꞌonaa ikke Xerixeloosi getteebeeti moochi ariyechona tookkii Yerusaalemee Qesaariya hammiye; iraashoo Filikisi aafooch giddeꞌi, Phawuloosin taggeheete. 2Phawuloosi ceegaa bi giddetoyee gubb, Xerixeloosi ishichiꞌi taggoon yaaqqiye: “Iraashoo Filikiso, ne kishoona wodde iiwittino nooch danetone; ne ariyoona ne qeejjaabeeti asho bulli deꞌe mooyona diccitone. 3Bulli aaboon bulli xaaꞌooch no beeggaa beetonaa no danaa beetona oogichaa emirito noone; ebich neen galletehone. 4Tunetaa yibbaatoon meechaanoon qaminoona neech no gettemmon ne deꞌittinoona ne ellemmoyich neen qollehoye.
5“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone. 6Yaafee kexon wotta eeꞌiyoyich bi qiiccee beetaa yechehone. [No sheeree doyoona nalloyich qaawiyone; 7tunebaani hume ginee iraashoo Lusiyoosi waaꞌi, giidoona no kishoochee boggii daammiye. 8Biin taggetinaꞌo ne waan giddemmoyich gettiye.] Andoo hini no taggeti mooyo bulli iberoo tunoon biin echaa waayo hakkihine” iye.
9Ayihudeenaꞌo wotta “Hini mooyo iberoone” iꞌi ceechiyeete.
10Iraashoo Filikisi kishee malletoona Phawuloosin yibbaatebe iꞌi bi bekkiitaa, Phawuloosi ishichiye: “Meeti yemeenoochee tiijjaꞌa hini showee ashoyich nallecho ne tunoon ta arii beetoyich, oogichaa emiraabee and ta qellich taggoye. 11Yeerich goyinneya Yerusaalem ta hammeto, hanaach aaraa gutte qemoyee beshee bi qayon xiishoo hakkihine. 12Hini asheenaꞌo yaafee kechi daggoochaa koninolla tookkaa gajjitee ta beetaa woyee Ayihudeenaꞌo kiceebeeti kexoochaa woyee katemee daggoochaa asheenaꞌon hukkoo shuuniiya kicaa ta beetaa daneyaaneenaꞌone. 13And taan boonoshi taggeebeeti taggoon miixiyoon hakkaacheete. 14Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane. 15Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane. 16Ebich Yeerinaa asheenaꞌonochi aafooch bulli aaboon ittibateyaani mulloona beemoyich qiiccaabeeto taane.
17“Yerusaalemee kechaꞌa meeti nato beshetoyee gubb, ta asheenaꞌoyich tunemmi degee gijjoon imonaa Yeerich ichemmi deejjoon giddiyoonoyich Yerusaalem wottaꞌa hammoye. 18Xallaꞌa tiyaa yaafee kexooch giyaꞌa, ebin ta tuniyaa beetaa shaggiyeetani, asheenaꞌon kicaano taane; boonoshi dullemmoyich tuniyaano taane. 19Tunebaani ta toommooch bare taggoo bi beegaata, ikkikke Ayihudeenaꞌo Isiyee showoochee waa ne aafooch neexeꞌi taanna tagg bedeenaꞌone. 20Woyee Ayihudee nallechinaꞌo aafooch ta neexehooba, ta aalliiti mooyon boonoshi daneto gaata hiniich beeti asheenaꞌo geteete. 21Iberoon boonoshi aafooch neexaa ta qaaroon oogichaꞌa, ‘Hanaach ittoshi aafooch ta giddeto, “Qititinaꞌo tiyemminaꞌone” iyaꞌa ta gibenetoyichiye’ iyoye.#Mish. 23:6 Ebiyee damba bare mooyon getaano taane” iye.
22Filikisi Doono Yesuusichi gommon gaawichii ariibeeti uroone; biyoo “Hume ginee iraashoo Lusiyoosi waahooba, ittoshi mooyon ciichemmo taane” iꞌi Ayihudeenaꞌon daachiihe.
23Ebiyee gubb, Filikisi balle ginee iraashoon “Phawuloosin quyebee ciinoon bi toommooch meechiyaahine. Bi xibeenaꞌo waanee waammi asho koniyoona shohoon bi giijjemmoyich daaggiballi, bajjaahine” iꞌi gettiye.
Gutte Naton Phawuloosi Cucheyoo
24Giisheche aaboyee gubb iraashoo Filikisi bi mechee Ayihudechee Durisilina tookkii waahe; Phawuloosin ceekkiiꞌi, Kiristoos Yesuusi toommooch mullee tooꞌiyoo geto ama geto gaata bi gettii beeton bi noonoochee waayehe. 25Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye. 26Arooba Filikisi “Phawuloosi taach xuccoon immemmone” iꞌi gibenehe; ebich meeti areddoon Phawuloosin ceekkiibee, biinna tookkii yibbaatee beehe.
27Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.