Mishiraachechinaꞌo 18
18
Qorontoos Mishiraachee Qaaro Getteyoo
1Ebiyee gubb, Phawuloosi Ateeni katemoochee kechiꞌi Qorontoos hammiye. 2Aroochaa Faantoosee showooch shiijjeti Aqili getteebeeti ikke Ayhudoona danehe. Aroo, Qelawudoosi “Ayihudeenaꞌo bulli Roomee keyeete” bi itoyich, giisheche aaboyee aaf bi mechee Phirisqilina tookkii Xaaliyaanee showoochee waahe. Phawuloosi are asheenaꞌo waan hammiye. 3Biyoo boonoshichoommon duukkaanoon kochii beetone; ebich boonoshina tookkii koteꞌi duukkaanoon kochiibee beehe. 4Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.
5Sillaasinaa Ximootiyoosina Makidoonee showoochee boonoshi waahooba, Phawuloosi kashee wottiyaanoon, Yesuusi aroo Kiristoosi bi tunoon Ayihudeenaꞌoyich miixee beehe. 6Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.
7Aroochee Ayihudeenaꞌo kiceebeeti kexoochee kechiꞌi, Titiyoos Yusxoosi getteebeeti, Yeerich qeyiibeeti uroo kexooch giyiye; bi kexoo Ayihudeenaꞌo kiceebeeti kechi gaꞌoochiye. 8Ayihudeenaꞌo kiceebeeti kechi ukkiroo Qerisiphoosi bi kechi asho bullina tookkii bi mulloon Doono Yesuusi toommooch tooꞌiihe. Wotta meeti Qorontoosi asheenaꞌo Phawuloosi gettiton waayee, boonoshi mulloon Yesuusi toommooch tooꞌiiꞌi aacona afaalleeheete.
9-10Aree hillooch Doono xum Phawuloosich yaaꞌoona bekkeꞌi ishichiye: “Shattaahine! Ta neenna tookkaa beeto taane; cikki qajjaahine. Hini asheenaꞌoyich gete. Wotta hini katemooch taacho tuneti meeti asheenaꞌo beetoyich, ne toommooch tiyiree gondoon shuunemmo koniyoona aalloone” iye. 11Ebich Phawuloosi boonoshi daggooch Yeerichi qaaroon dojjiibee natonaa qatonon kotehe.
12Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete. 13Giddiiꞌi, “Hini uro ‘Ayihudee sheeroon qayiichi bare gommona Yeerich maddebote’ iꞌi asheenaꞌon dawushii beetone” iyeete.
14Aroochee Phawuloosi yibbaateya tiyiyee, iraashoo Gaaliyoosi tiyiꞌi Ayihudeenaꞌoyich ishichiye: “Hini Ayihudeenaꞌote, hini uro xuꞌoon woyee hukkoon bi shuuneto gaata, ittoshi yibbaatoon waayo taach shaahone. 15Yibbaateechon, shigeechonaa ittoshi sheereechonon ittoshi gajjiteyemmo gaata, ittoshi qelloona ciichibote. Ta hini mooyooch giyiree nallaache” iye. 16Ishichiꞌi bi nallee gabberee aafoochee boonoshin yookkii kichiye. 17Ebiyee gubb, asheenaꞌo bulli Ayihudeenaꞌo kiceebeeti kechi ukkiroo Sostenoosi gettee beeton nallee gabberee aafoochaa yechii yexxiyeete. Ebi mooyinaꞌon iraashoo Gaaliyoosi cir mooyooch haddaanoone.
Sooriyee Showooch Beeti Antsooka Phawuloosi Hamo
18Ebiyee gubb, Phawuloosi Qorontoos meeti aaboon kotehe; aroochee kittinnee maneenaꞌon diggiiꞌi Phirisqilinaa Aqilina tookkii Sooriyee showooch markaboona hammiye. Yeerich bi mookketoyich, bi hamoyee shiichiꞌi Kenkiriyi katemoochaa bi qelloon cakkehe.#Had. 6:18 19Hammiibee Efesoon shaggiꞌi, Phirisqilinaa Aqilinon arooch geddiichii, bi ikkeeto Ayihudeenaꞌo kiceebeeti kexooch giyiꞌi, boonoshina tookkii gajjiteehe. 20Boonoshiyoo “Afaafinaayi nibberee hambe” iꞌi boonoshi qolletaa qajjiye. 21Tunebaani “Yeeri getigaata, wotteree woyemmo taane” iꞌi diggiichii, markaboona Efesoonee tiyii hammiye. 22Qesaariya shaggiꞌi tiyii Yerusaalem hammiꞌi, arooch beeti kittinnee guuphon bi diggiitoyee gubb, Sooriyee showooch beeti Antsooka hammiye.
23Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.
Efesooninaa Qorontoosinooch Mishiraachee Qaaroon Aphiloosi Geto
24Arooba Iskindiri katemooch shiijjeti, Aphiloosi getteebeeti ikke Ayihudo Efesoon hammiye. Biyoo yibbaatoyich kuppho, Yaafe Macaafoonoo xiishii ariiti uroone. 25Ebi uro Doono Yesuusichi gommon doyiti uroone; biyoo qeeci mulloona kaachiꞌi, Yesuusichon asheenaꞌoyich gettiibee dojjii beehe. Tunebaani bi ariibeeto Yowannisi aacona afaalleechon baachiye. 26Biyoo aafoon kuppheꞌi Ayihudeenaꞌo kiceebeeti kexooch giyiꞌi gettiye. Ishin Phirisqilinaa Aqilina waayeꞌi, boonoshi kexooch daammii Yeerichi gommon aafichoyee beshoon kaachiree bi ariyemmoyich tuniiheete.
27Are Aphiloosi Akaayee showooch hamma bi gabaa, kittinnee maneenaꞌo bulli hambe iꞌi kupphiiheete. Biin boonoshi iibbiyemmoyich, kittinneenaꞌoyich wochoon kooriꞌi daachiiheete. Arooch shaggiꞌi tiyii, Yeer waanee boonoshi daneti wojjoona Yesuusi toommooch mulloon tooꞌiiꞌi arooch beetinaꞌon oogichii gaachehe. 28Boonoshin bi gaacheto, Yesuusi aroo Kiristoosi bi tunoon Yaafe Macaafoochee manjiibee, asheenaꞌo aafooch Ayihudeenaꞌon xoobiyoonane.
ទើបបានជ្រើសរើសហើយ៖
Mishiraachechinaꞌo 18: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 18
18
Qorontoos Mishiraachee Qaaro Getteyoo
1Ebiyee gubb, Phawuloosi Ateeni katemoochee kechiꞌi Qorontoos hammiye. 2Aroochaa Faantoosee showooch shiijjeti Aqili getteebeeti ikke Ayhudoona danehe. Aroo, Qelawudoosi “Ayihudeenaꞌo bulli Roomee keyeete” bi itoyich, giisheche aaboyee aaf bi mechee Phirisqilina tookkii Xaaliyaanee showoochee waahe. Phawuloosi are asheenaꞌo waan hammiye. 3Biyoo boonoshichoommon duukkaanoon kochii beetone; ebich boonoshina tookkii koteꞌi duukkaanoon kochiibee beehe. 4Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.
5Sillaasinaa Ximootiyoosina Makidoonee showoochee boonoshi waahooba, Phawuloosi kashee wottiyaanoon, Yesuusi aroo Kiristoosi bi tunoon Ayihudeenaꞌoyich miixee beehe. 6Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.
7Aroochee Ayihudeenaꞌo kiceebeeti kexoochee kechiꞌi, Titiyoos Yusxoosi getteebeeti, Yeerich qeyiibeeti uroo kexooch giyiye; bi kexoo Ayihudeenaꞌo kiceebeeti kechi gaꞌoochiye. 8Ayihudeenaꞌo kiceebeeti kechi ukkiroo Qerisiphoosi bi kechi asho bullina tookkii bi mulloon Doono Yesuusi toommooch tooꞌiihe. Wotta meeti Qorontoosi asheenaꞌo Phawuloosi gettiton waayee, boonoshi mulloon Yesuusi toommooch tooꞌiiꞌi aacona afaalleeheete.
9-10Aree hillooch Doono xum Phawuloosich yaaꞌoona bekkeꞌi ishichiye: “Shattaahine! Ta neenna tookkaa beeto taane; cikki qajjaahine. Hini asheenaꞌoyich gete. Wotta hini katemooch taacho tuneti meeti asheenaꞌo beetoyich, ne toommooch tiyiree gondoon shuunemmo koniyoona aalloone” iye. 11Ebich Phawuloosi boonoshi daggooch Yeerichi qaaroon dojjiibee natonaa qatonon kotehe.
12Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete. 13Giddiiꞌi, “Hini uro ‘Ayihudee sheeroon qayiichi bare gommona Yeerich maddebote’ iꞌi asheenaꞌon dawushii beetone” iyeete.
14Aroochee Phawuloosi yibbaateya tiyiyee, iraashoo Gaaliyoosi tiyiꞌi Ayihudeenaꞌoyich ishichiye: “Hini Ayihudeenaꞌote, hini uro xuꞌoon woyee hukkoon bi shuuneto gaata, ittoshi yibbaatoon waayo taach shaahone. 15Yibbaateechon, shigeechonaa ittoshi sheereechonon ittoshi gajjiteyemmo gaata, ittoshi qelloona ciichibote. Ta hini mooyooch giyiree nallaache” iye. 16Ishichiꞌi bi nallee gabberee aafoochee boonoshin yookkii kichiye. 17Ebiyee gubb, asheenaꞌo bulli Ayihudeenaꞌo kiceebeeti kechi ukkiroo Sostenoosi gettee beeton nallee gabberee aafoochaa yechii yexxiyeete. Ebi mooyinaꞌon iraashoo Gaaliyoosi cir mooyooch haddaanoone.
Sooriyee Showooch Beeti Antsooka Phawuloosi Hamo
18Ebiyee gubb, Phawuloosi Qorontoos meeti aaboon kotehe; aroochee kittinnee maneenaꞌon diggiiꞌi Phirisqilinaa Aqilina tookkii Sooriyee showooch markaboona hammiye. Yeerich bi mookketoyich, bi hamoyee shiichiꞌi Kenkiriyi katemoochaa bi qelloon cakkehe.#Had. 6:18 19Hammiibee Efesoon shaggiꞌi, Phirisqilinaa Aqilinon arooch geddiichii, bi ikkeeto Ayihudeenaꞌo kiceebeeti kexooch giyiꞌi, boonoshina tookkii gajjiteehe. 20Boonoshiyoo “Afaafinaayi nibberee hambe” iꞌi boonoshi qolletaa qajjiye. 21Tunebaani “Yeeri getigaata, wotteree woyemmo taane” iꞌi diggiichii, markaboona Efesoonee tiyii hammiye. 22Qesaariya shaggiꞌi tiyii Yerusaalem hammiꞌi, arooch beeti kittinnee guuphon bi diggiitoyee gubb, Sooriyee showooch beeti Antsooka hammiye.
23Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.
Efesooninaa Qorontoosinooch Mishiraachee Qaaroon Aphiloosi Geto
24Arooba Iskindiri katemooch shiijjeti, Aphiloosi getteebeeti ikke Ayihudo Efesoon hammiye. Biyoo yibbaatoyich kuppho, Yaafe Macaafoonoo xiishii ariiti uroone. 25Ebi uro Doono Yesuusichi gommon doyiti uroone; biyoo qeeci mulloona kaachiꞌi, Yesuusichon asheenaꞌoyich gettiibee dojjii beehe. Tunebaani bi ariibeeto Yowannisi aacona afaalleechon baachiye. 26Biyoo aafoon kuppheꞌi Ayihudeenaꞌo kiceebeeti kexooch giyiꞌi gettiye. Ishin Phirisqilinaa Aqilina waayeꞌi, boonoshi kexooch daammii Yeerichi gommon aafichoyee beshoon kaachiree bi ariyemmoyich tuniiheete.
27Are Aphiloosi Akaayee showooch hamma bi gabaa, kittinnee maneenaꞌo bulli hambe iꞌi kupphiiheete. Biin boonoshi iibbiyemmoyich, kittinneenaꞌoyich wochoon kooriꞌi daachiiheete. Arooch shaggiꞌi tiyii, Yeer waanee boonoshi daneti wojjoona Yesuusi toommooch mulloon tooꞌiiꞌi arooch beetinaꞌon oogichii gaachehe. 28Boonoshin bi gaacheto, Yesuusi aroo Kiristoosi bi tunoon Yaafe Macaafoochee manjiibee, asheenaꞌo aafooch Ayihudeenaꞌon xoobiyoonane.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.