Mishiraachechinaꞌo 17
17
Tasaloonqa Mishiraachee Qaaroo Getteyoo
1Phawuloosinaa Sillaasina Amfipoolisi katemoonaa Apilooni katemoonon besheꞌi, Tasaloonqa hammiyeete; aroochoo Ayihudeenaꞌo kiceebeeti kexo beehe. 2Phawuloosi bare Ayihudeenaꞌo kiceebeeti kexooch bi gimoommon, andoo hini Ayihudeenaꞌo kiceeti kexooch giyiye. Keejje shabaatta bedoon shambetoon boonoshina tookkii Yaafe Macaafoochee malleteebee asheenaꞌoyich gettiye. 3Macaafooch kooreeton kichii gettiibee, “Kiristoosi xuuxee beegonaa qitoochee timona biich qaawiihe” iibee boonoshich manjiihe. “Ta ittoshich gettaabeeti Yesuusi aroo Kiristoosine” ii beehe. 4Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.
5Tunetaa Ayihudeenaꞌo qanaatoona tiyiꞌi, shuuna biisheenaꞌon gabiyoochee daneꞌi, meeti asheenaꞌon boonoshi hillooch kiciꞌi, katemoon shuurikkiyeete. Phawuloosinaa Sillaasinon asheenaꞌo waan kichoyich qaawiꞌi, Yaasoonichi shaaqqoon tiichii giyiyeete. 6Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone; 7Yaasooniyoo boonoshin bi kexooch giijjitone; eboshi bulli ‘Yesuusi getteebeeti bare taatoo beetone’ iibee Qesaarichi sheeroon tiichii beetinaꞌone” iꞌi gettiyeete. 8Ebich hini are asheenaꞌonaa katemee ukkireenaꞌona hini mooyon waayeꞌi keqqiyeete. 9Boonoshiyoo Yaasooninaa bare kittinnee maneenaꞌona waanee gijjoon yechiichii gawukkiyeete.
Beeriya Mishiraachee Qaaro Getteyoo
10Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete. 11Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete. 12Ebich boonoshi waanee meetinaꞌo boonoshi mulloon Yesuusi toommooch tooꞌiiheete; wotta Giriikeenaꞌo daggoochee aricheti meeti genneenaꞌonaa anaaminaꞌona boonoshi mulloon Yesuusi toommooch tooꞌiiheete.
13Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete. 14Ebich arooba bekkech kittinnee maneenaꞌo Phawuloosin baharee gashooch beddaahaa daachiiheete; tunetaa Sillaasinaa Ximootiyoosina Beeriya echeheete. 15Phawuloosin deennitinaꞌo Ateeni katemooch beddaahaa shakkiiheete. Boonoshi shakkiitoyee gubb, “Sillaasinaa Ximootiyoosina kaateree ta waan wobeete” iꞌi Phawuloosi boonoshina wochehe.
Ateena Mishiraachee Qaaro Getteyoo
16Phawuloosi are Ateeni katemooch koteꞌi Sillaasinaa Ximootiyoosinon quyeebee, are katemooch asho goyinneebeeti shahalloo meeton beeggiꞌi, oogichii ayinii yiijjiye. 17Ebich Ayihudeenaꞌo kiceebeeti kexoochaa Ayihudeenaꞌonaa Yeerich qeyiibeeti bare asheenaꞌona tookkii, wotta bulli aaboon gabiyoochaa bi danemmi asheenaꞌona tookkii yibbaatee beehe. 18Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete. 19Arooba Arifaagoosi getteebeeti xaaꞌooch kiceeti asheenaꞌo waan biin ataalliꞌi daammiyeete. Arooch boonoshi shaggitoyee gubb, “Hini ne gettaabeeti andire doyoo amo gaata waayoyich qaawaabeeto noone. 20Ne gettaabeeti mooyo nooch andiro bi tunetoyich, kaachiree ne gettemmoyich qaawaabeeto noone” iꞌi echeheete. 21Ebin boonoshi echeti naboo Ateeni katemeexi asheenaꞌo bullinaa iibbittinoona waaꞌi arooch beeti bare asheenaꞌona andire mooyon yibbaateebee, waayeebeenoo boonoshi heechii beetoyichiye.
22Arooba Phawuloosi Arifaagoos kiceeti asheenaꞌo daggooch tiyii neexeꞌi ishichiye: “Ateeni asheenaꞌote, ittoshi meeti nuggisheenaꞌoyich oogichiꞌi ittoshi maddoon beeggeto taane. 23Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.
24“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache. 25Wotta aroo kashoon, hiinnoonaa bulli mooyonon asheenaꞌo bullich immiibeeto bi tunetoyich, biich shappito aalloone; ashi dego biich qaawiyaache.#1 Taat. 8:27; Isi. 42:5; Mish. 7:48 26Showee toommo bulliich boonoshi beeyemmoyich, aagetee asheenaꞌo bullin ikke ashoochee halliye. Wotta boonoshin hallaan beebee, boonoshi kashee yemeenoonaa boonoshi beeyemmi xaaꞌoonon shiichiꞌi daarehe. 27Ebin bi tuniito, asheenaꞌo shafebee Yeerin qaawiree boonoshi danemmoyichiye. Tunetaa Yeeri no bulli waanee woho toonoone. 28‘Biinna kashecho tunaꞌa shuuraabeeto noone; beemonoo beeto noone’ getteetone. Wotta ittoshi daggooch beeti tochee ariyechinaꞌo daggoochee ikkikkeenaꞌo ‘No wotta bi bushiishoo noone’ iꞌi boonoshi gettiti mooyo iberoone.
29“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone. 30Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone. 31Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.
32Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete. 33Ebiyee gubb, Phawuloosi boonoshi daggoochee kechiꞌi hammiye. 34Tunetaa ikkikke asheenaꞌo Phawuloosina tookkii ikkotteꞌi, boonoshi mulloon Yesuusi toommooch tooꞌiiheete. Eboshi daggooch Arifaagoos kiceeti Giriikee nallechinaꞌoochee ikkoo tuneti Diyonasiyoosi getteebeeti uro, wotta Demaariisi getteebeeti ikke ureenaa bareenaꞌona beetinaꞌone.
ទើបបានជ្រើសរើសហើយ៖
Mishiraachechinaꞌo 17: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 17
17
Tasaloonqa Mishiraachee Qaaroo Getteyoo
1Phawuloosinaa Sillaasina Amfipoolisi katemoonaa Apilooni katemoonon besheꞌi, Tasaloonqa hammiyeete; aroochoo Ayihudeenaꞌo kiceebeeti kexo beehe. 2Phawuloosi bare Ayihudeenaꞌo kiceebeeti kexooch bi gimoommon, andoo hini Ayihudeenaꞌo kiceeti kexooch giyiye. Keejje shabaatta bedoon shambetoon boonoshina tookkii Yaafe Macaafoochee malleteebee asheenaꞌoyich gettiye. 3Macaafooch kooreeton kichii gettiibee, “Kiristoosi xuuxee beegonaa qitoochee timona biich qaawiihe” iibee boonoshich manjiihe. “Ta ittoshich gettaabeeti Yesuusi aroo Kiristoosine” ii beehe. 4Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.
5Tunetaa Ayihudeenaꞌo qanaatoona tiyiꞌi, shuuna biisheenaꞌon gabiyoochee daneꞌi, meeti asheenaꞌon boonoshi hillooch kiciꞌi, katemoon shuurikkiyeete. Phawuloosinaa Sillaasinon asheenaꞌo waan kichoyich qaawiꞌi, Yaasoonichi shaaqqoon tiichii giyiyeete. 6Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone; 7Yaasooniyoo boonoshin bi kexooch giijjitone; eboshi bulli ‘Yesuusi getteebeeti bare taatoo beetone’ iibee Qesaarichi sheeroon tiichii beetinaꞌone” iꞌi gettiyeete. 8Ebich hini are asheenaꞌonaa katemee ukkireenaꞌona hini mooyon waayeꞌi keqqiyeete. 9Boonoshiyoo Yaasooninaa bare kittinnee maneenaꞌona waanee gijjoon yechiichii gawukkiyeete.
Beeriya Mishiraachee Qaaro Getteyoo
10Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete. 11Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete. 12Ebich boonoshi waanee meetinaꞌo boonoshi mulloon Yesuusi toommooch tooꞌiiheete; wotta Giriikeenaꞌo daggoochee aricheti meeti genneenaꞌonaa anaaminaꞌona boonoshi mulloon Yesuusi toommooch tooꞌiiheete.
13Tunetaa Tasaloonqa beeti Ayihudeenaꞌo Phawuloosi Beeriya hammiꞌi Yeerichi qaaree geton ariiꞌi, are katemooch wotta hammiꞌi dofee asheenaꞌon shuurikkiyeete. 14Ebich arooba bekkech kittinnee maneenaꞌo Phawuloosin baharee gashooch beddaahaa daachiiheete; tunetaa Sillaasinaa Ximootiyoosina Beeriya echeheete. 15Phawuloosin deennitinaꞌo Ateeni katemooch beddaahaa shakkiiheete. Boonoshi shakkiitoyee gubb, “Sillaasinaa Ximootiyoosina kaateree ta waan wobeete” iꞌi Phawuloosi boonoshina wochehe.
Ateena Mishiraachee Qaaro Getteyoo
16Phawuloosi are Ateeni katemooch koteꞌi Sillaasinaa Ximootiyoosinon quyeebee, are katemooch asho goyinneebeeti shahalloo meeton beeggiꞌi, oogichii ayinii yiijjiye. 17Ebich Ayihudeenaꞌo kiceebeeti kexoochaa Ayihudeenaꞌonaa Yeerich qeyiibeeti bare asheenaꞌona tookkii, wotta bulli aaboon gabiyoochaa bi danemmi asheenaꞌona tookkii yibbaatee beehe. 18Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete. 19Arooba Arifaagoosi getteebeeti xaaꞌooch kiceeti asheenaꞌo waan biin ataalliꞌi daammiyeete. Arooch boonoshi shaggitoyee gubb, “Hini ne gettaabeeti andire doyoo amo gaata waayoyich qaawaabeeto noone. 20Ne gettaabeeti mooyo nooch andiro bi tunetoyich, kaachiree ne gettemmoyich qaawaabeeto noone” iꞌi echeheete. 21Ebin boonoshi echeti naboo Ateeni katemeexi asheenaꞌo bullinaa iibbittinoona waaꞌi arooch beeti bare asheenaꞌona andire mooyon yibbaateebee, waayeebeenoo boonoshi heechii beetoyichiye.
22Arooba Phawuloosi Arifaagoos kiceeti asheenaꞌo daggooch tiyii neexeꞌi ishichiye: “Ateeni asheenaꞌote, ittoshi meeti nuggisheenaꞌoyich oogichiꞌi ittoshi maddoon beeggeto taane. 23Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.
24“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache. 25Wotta aroo kashoon, hiinnoonaa bulli mooyonon asheenaꞌo bullich immiibeeto bi tunetoyich, biich shappito aalloone; ashi dego biich qaawiyaache.#1 Taat. 8:27; Isi. 42:5; Mish. 7:48 26Showee toommo bulliich boonoshi beeyemmoyich, aagetee asheenaꞌo bullin ikke ashoochee halliye. Wotta boonoshin hallaan beebee, boonoshi kashee yemeenoonaa boonoshi beeyemmi xaaꞌoonon shiichiꞌi daarehe. 27Ebin bi tuniito, asheenaꞌo shafebee Yeerin qaawiree boonoshi danemmoyichiye. Tunetaa Yeeri no bulli waanee woho toonoone. 28‘Biinna kashecho tunaꞌa shuuraabeeto noone; beemonoo beeto noone’ getteetone. Wotta ittoshi daggooch beeti tochee ariyechinaꞌo daggoochee ikkikkeenaꞌo ‘No wotta bi bushiishoo noone’ iꞌi boonoshi gettiti mooyo iberoone.
29“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone. 30Illa Yeeri besheti tuushee yemeenoon haddaanoon qajjitone; tunetaa and boonoshi kexi kexooch beeti asheenaꞌo bullin ‘Ittoshi gonde gommoochee ta waan wottebote’ iꞌi gettitone. 31Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.
32Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete. 33Ebiyee gubb, Phawuloosi boonoshi daggoochee kechiꞌi hammiye. 34Tunetaa ikkikke asheenaꞌo Phawuloosina tookkii ikkotteꞌi, boonoshi mulloon Yesuusi toommooch tooꞌiiheete. Eboshi daggooch Arifaagoos kiceeti Giriikee nallechinaꞌoochee ikkoo tuneti Diyonasiyoosi getteebeeti uro, wotta Demaariisi getteebeeti ikke ureenaa bareenaꞌona beetinaꞌone.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.