Mishiraachechinaꞌo 11
11
Yeeri Tuniiti Mooyon Pheexiroosi Geto
1Arooba mishiraachechinaꞌonaa Yihudee showooch beeti maneenaꞌona Aageteenaꞌo Yeerichi qaaroyich boonoshi deꞌa geton waayeheete. 2Pheexiroosi Yerusaalem hammimmona, boonoshi mulloon Yesuusi toommooch tooꞌiiti Ayihudeenaꞌo 3Pheexiroosin “Aageteenaꞌo kexooch aabichaꞌa giyenne? Maayoon boonoshina tookkaa aabichaꞌa maanne?” iyeete.
4Pheexiroosi Yeeri tuniiti mooyon xepphoochee tiijjiꞌi yaaroona ishichiꞌi gettiye: 5“Ta, Yoopphaa corootaabee yaaꞌoon beeggehoye. Are yaaꞌoona oogeti naxaloommi qiico awudde caappoona yecheꞌi, shimaayoochee kindii ta waan waahe. 6Aroon manjii ciinnaꞌa, awudde baatechi kechi gijjoo, kubbi cooxo, yuummereenaꞌonaa shimaajji kafeenaꞌonon beeggeho. 7Aroochee ‘Pheexirooso, tiyi eboshin guuriree mame’ ii beeti qaaroon waayeho.
8“Tawoo ‘Ta Doonocho, tuneyaache! Yaafoo tuneyaanoonaa ashoon eeꞌii beetonon cir maa ariyaano taane’ iyo.
9“Guttinnoon ‘Yeeri yaafiton “Yaafoo tuneyaanoone” gettaaye’ ii beeti qaaro shimaayoochee wochiye. 10Ebiyoo keejje wottoon tunehe. Ebiyee gubb, bulli geecheeꞌi shimaayooch wottee kechiye.
11“Areegaata bekkech keejje asheenaꞌo Qesaariyee ta waan wocheeꞌi, waa ta beeti kechi kellooch neexeheete. 12Yaafe Ayaano taach ‘Ne mulloon guttiyaanoon boonoshina tookki hambe’ iꞌi gettiye. Hini shiritte maneenaꞌo wotta Yoopphee taanna tookkii waaheete; shaggaꞌa uroochi kexooch giyehone. 13Biyoo ‘Maraakoo ta kexooch giyii neexetaa beeggoye; are maraakoo “Yooppha ashoon wocheree Pheexiroosi getteebeeti Simoonin ne waan ceege. 14Biyoo neennaa ne kechi asheenaꞌona wodemmi gommon gettemmone” iꞌi bi getaa waayehoye’ iꞌi nooch gettiye.
15“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye. 16Arooba Doono Yesuusi gettiti qaaro ta mullooch tipphimiye; aroo ‘Yowannisi aacona asheenaꞌon afaallitone; tunebaani ittoshi Yaafe Ayaanoona afaalleyemmo ittoshine’#Mish. 1:5 iꞌi bi gettitone. 17Illa Doono Yeeri no mulloon Yesuus Kiristoosi toommooch tooꞌiiti nooch bi immitoommon are wojjoon boonoshich wotta bi imigaata, Yeerin ‘Aakkiya boonoshich immenne?’ getoyich ta koni taane?” iye.
18Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.
Antsooka Beeti Kittinnee Guupho
19Isxifanoosi qitiyooba, tiyiti duꞌoona shaceti Yesuusichi asheenaꞌo Finqa, Qoophiroosinaa Antsookinooch beddaahaa hammiyeete; boonoshiyoo Yeerichi qaaroon Ayihudeenaꞌo ikkeetinaꞌoyichani bare asho konichona getaaneenaꞌone.#Mish. 8:1-4 20Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete. 21Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.
22Ebiyee gubb, Yerusaalem beeti kittinnee guupho hini woroon waayeꞌi, Barnabaasin Antsooka daachiihe. 23Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye. 24Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.
25Ebiyee gubb, Barnabaasi Sawulin qaawiya, Xerisees hammiye; 26qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.
27Aroobee yemeenooch keemechinaꞌo Yerusaalemee Antsooka hammiyeete. 28Areenaꞌo daggoochee ikke Agaaboosi getteebeeti uro tiyiꞌi, “Alemo bulliich giidechi shaacoo giya ii beetone” iꞌi Yaafe Ayaano biich shalligichaa gettiye. Ebi keemo Qelawudoosi yemeenooba ceenniye. 29Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete. 30Gijjoon kiciꞌi, “Barnabaasinaa Sawulina kishoona kittinnee guuphi geeneenaꞌoyich shage” iꞌi daachiiheete.
ទើបបានជ្រើសរើសហើយ៖
Mishiraachechinaꞌo 11: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 11
11
Yeeri Tuniiti Mooyon Pheexiroosi Geto
1Arooba mishiraachechinaꞌonaa Yihudee showooch beeti maneenaꞌona Aageteenaꞌo Yeerichi qaaroyich boonoshi deꞌa geton waayeheete. 2Pheexiroosi Yerusaalem hammimmona, boonoshi mulloon Yesuusi toommooch tooꞌiiti Ayihudeenaꞌo 3Pheexiroosin “Aageteenaꞌo kexooch aabichaꞌa giyenne? Maayoon boonoshina tookkaa aabichaꞌa maanne?” iyeete.
4Pheexiroosi Yeeri tuniiti mooyon xepphoochee tiijjiꞌi yaaroona ishichiꞌi gettiye: 5“Ta, Yoopphaa corootaabee yaaꞌoon beeggehoye. Are yaaꞌoona oogeti naxaloommi qiico awudde caappoona yecheꞌi, shimaayoochee kindii ta waan waahe. 6Aroon manjii ciinnaꞌa, awudde baatechi kechi gijjoo, kubbi cooxo, yuummereenaꞌonaa shimaajji kafeenaꞌonon beeggeho. 7Aroochee ‘Pheexirooso, tiyi eboshin guuriree mame’ ii beeti qaaroon waayeho.
8“Tawoo ‘Ta Doonocho, tuneyaache! Yaafoo tuneyaanoonaa ashoon eeꞌii beetonon cir maa ariyaano taane’ iyo.
9“Guttinnoon ‘Yeeri yaafiton “Yaafoo tuneyaanoone” gettaaye’ ii beeti qaaro shimaayoochee wochiye. 10Ebiyoo keejje wottoon tunehe. Ebiyee gubb, bulli geecheeꞌi shimaayooch wottee kechiye.
11“Areegaata bekkech keejje asheenaꞌo Qesaariyee ta waan wocheeꞌi, waa ta beeti kechi kellooch neexeheete. 12Yaafe Ayaano taach ‘Ne mulloon guttiyaanoon boonoshina tookki hambe’ iꞌi gettiye. Hini shiritte maneenaꞌo wotta Yoopphee taanna tookkii waaheete; shaggaꞌa uroochi kexooch giyehone. 13Biyoo ‘Maraakoo ta kexooch giyii neexetaa beeggoye; are maraakoo “Yooppha ashoon wocheree Pheexiroosi getteebeeti Simoonin ne waan ceege. 14Biyoo neennaa ne kechi asheenaꞌona wodemmi gommon gettemmone” iꞌi bi getaa waayehoye’ iꞌi nooch gettiye.
15“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye. 16Arooba Doono Yesuusi gettiti qaaro ta mullooch tipphimiye; aroo ‘Yowannisi aacona asheenaꞌon afaallitone; tunebaani ittoshi Yaafe Ayaanoona afaalleyemmo ittoshine’#Mish. 1:5 iꞌi bi gettitone. 17Illa Doono Yeeri no mulloon Yesuus Kiristoosi toommooch tooꞌiiti nooch bi immitoommon are wojjoon boonoshich wotta bi imigaata, Yeerin ‘Aakkiya boonoshich immenne?’ getoyich ta koni taane?” iye.
18Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.
Antsooka Beeti Kittinnee Guupho
19Isxifanoosi qitiyooba, tiyiti duꞌoona shaceti Yesuusichi asheenaꞌo Finqa, Qoophiroosinaa Antsookinooch beddaahaa hammiyeete; boonoshiyoo Yeerichi qaaroon Ayihudeenaꞌo ikkeetinaꞌoyichani bare asho konichona getaaneenaꞌone.#Mish. 8:1-4 20Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete. 21Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.
22Ebiyee gubb, Yerusaalem beeti kittinnee guupho hini woroon waayeꞌi, Barnabaasin Antsooka daachiihe. 23Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye. 24Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.
25Ebiyee gubb, Barnabaasi Sawulin qaawiya, Xerisees hammiye; 26qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.
27Aroobee yemeenooch keemechinaꞌo Yerusaalemee Antsooka hammiyeete. 28Areenaꞌo daggoochee ikke Agaaboosi getteebeeti uro tiyiꞌi, “Alemo bulliich giidechi shaacoo giya ii beetone” iꞌi Yaafe Ayaano biich shalligichaa gettiye. Ebi keemo Qelawudoosi yemeenooba ceenniye. 29Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete. 30Gijjoon kiciꞌi, “Barnabaasinaa Sawulina kishoona kittinnee guuphi geeneenaꞌoyich shage” iꞌi daachiiheete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.