Mishiraachechinaꞌo 10
10
Pheexiroos Waan Wochoon Qorineloosi Daachiyoo
1Arooba Qesaariyi katemooch Qorineloosi getteebeeti ikke uro beehe. Biyoo Xaaliyaanee ginee naayinaꞌochi guuphi daggooch balle ginee iraashoone. 2Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone. 3Ikke areddoon yiixiye saati bedooch Yeerichi maraakoo “Qorinelooso!” iibee bi waan bi giyii beetaa, yaaꞌoon xallayii beeggiye.
4Biyoo keqqoona manjiiꞌi ciinniibee, “Ta doonocho, amoone?” iye.
Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone. 5Andoo Yooppha ashoon wocheree, Pheexiroosi getteebeeti Simoonin ne waan ceege. 6Biyoo baharee gashooch beeti, gooqqee quccechi Simooni kexooch iibbittinoona koteꞌi beetone” iye.
7Maraakoo ishin gettiꞌi bi hammiti hillooch, Qorineloosi bi wochee bushiisheenaꞌo daggoochee gutteenaꞌon, bi hajjee ginee naayinaꞌo daggoochee Yeerich qeyiibeeti ikkoon ceeggiꞌi, 8bulli mooyon bi gettitoyee gubb, Yooppha wochee daachiihe.
Yaaꞌoon Pheexiroosi Beego
9Bi yaachich are wocheeti asheenaꞌo hammiibee, are Yooppha boonoshi shagg beddimmona, Pheexiroosi corootiya shiritte saati bedooch kechi toommeexi kexooch kechiye. 10Aroochaa biin shaaciitaa, maayoon maaya qaawiye. Biich maayo qannii beetaa, diqq yaaꞌoon beeggiye. 11Are yaaꞌoona shimaayoo qecheetaa, oogeti naxaloon shaahiibeeti mooyona awudde caappoona yecheeti qiico showooch kindiye. 12Are qiicee daggooch awudde baatechi kechi gijjoo, kubbi cooxo, yuummereenaꞌonaa shimaajji kafeenaꞌona beetinaꞌone. 13Areegaata “Pheexirooso, tiyi eboshin guuriree mame” ii beeti qaaroon waayehe.
14Pheexiroosi wochiꞌi, “Ta Doonocho, tuneyaache! Yaafoo tuneyaanoonaa ashoon eeꞌii beetonon cir maa ariyaano taane” iye.
15Wotta guttinnoon “Yeeri yaafiton ‘Yaafoo tuneyaanoone’ gettaaye” ii beeti qaaroon waayehe.
16Pheexiroosi ishin keejjaa bi waayetoyee gubb, bekkech are qiico geecheeꞌi shimaayooch wottee kechiye.
17Pheexiroosi bi beeggiti yaaꞌoon “Ebi amoone?” iibee bi mulloona kichii kindii bi beetaa, bekkech Qorineloosi wocheti asheenaꞌo gooqqee quccechi Simooni kexon echeebee daneꞌi kellooch shaggiyeete; 18kexooch ceeggiꞌi, “Pheexiroosi getteebeeti Simooni qeyiibeeto, hiniichiye?” iꞌi echeheete.
19Areegaata Pheexiroosi koteꞌi bi beeggiti yaaꞌoon gabii bi beetaa, Yaafe Ayaano “Ebiyoche, keejje asheenaꞌo neen qaawii beeteete. 20Tiyiree kindibe; boonoshin wocheto ta tunetoyich, ne mulloon guttiyaanoon boonoshina tookki hambe” iye.
21Aroochee Pheexiroosi tiyii asheenaꞌo waan kindiꞌi, “Ittoshi qaawiibeeti uro taane. Ittoshi waato, amoyichiye?” iye.
22Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete. 23Pheexiroosiyoo boonoshin kexooch ataallii giijjiꞌi qeejjiye.
Qorineloosi Kexooch Pheexiroosi Hamo
Bi yaachich Pheexiroosi tiyiꞌi boonoshina tookkii hammiye; wotta Yooppha beeti maneenaꞌo daggoochee ikkikkeenaꞌo biinna tookkii hammiyeete. 24Bi yaachich Qesaariya shaggiyeete. Arooch Qorineloosi bi xibeenaꞌonaa katine bi shunachinaꞌonon ceeggii ikkooch kiciꞌi, Pheexiroosinaa wocheeti asheenaꞌonochi womon quyee beehe. 25Pheexiroosi shaggiꞌi kexooch bi giyimmona, Qorineloosi biinna daneꞌi tiyii bi baatooch dihiꞌi goyinnehe. 26Tunebaani Pheexiroosi Qorineloosin tibe ii yechii tiijjiꞌi, “Tawoo neenoommi asho taane” iye.
27Tookkii yibbaateebee kechi maac giyiꞌi, meeti asheenaꞌo kiceeꞌi beetinaꞌon danehe. 28Biyoo boonoshich ishichiye: “Ayihudeenaꞌo Aageteenaꞌona tookkii ikkotto woyee boonoshi kexooch gimo Muusichi Sheeree shaaddoo tunoon ariibeeto ittoshine. Tunebaani asho koninolla ‘Yaafoo tuneyaanoone; eeꞌoone’ ta getaachemmoyich Yeeri taach shiichiꞌi bekkiitone. 29Ebich ittoshi wochoyich ta mulloon guttiyaanoon, ittoshi waan waato taane. Andoo amoyich taan ittoshi ceeggiito gaata ittoshin echehoye” iye.
30Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi, 31‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone. 32Ebich Yooppha ashoon wocheree, Pheexiroosi getteebeeti Simoonin ne waan ceege. Bi beeto, baharee gashooch beeti, gooqqee quccechi Simooni kexooch iibbittino koteꞌiniye’ iye. 33Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.
Qorineloosi Kexoochaa Mishiraachee Qaaroon Pheexiroosi Geto
34Aree hillooch Pheexiroosi yibbaateya tiyiꞌi, “Iberoone; Yeeri ashoon beshaa shappiiꞌi heppee bi qayon ta mulloona ariito taane; 35aagetoo bulliichee koniyoona bi tunetaa, biich hajjee beetonaa tatoon shuuneebeeto bullinon hoxeyaachemmone. 36Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone. 37Yowannisi ‘Aacona afaalleebote’ iibee aacona bi afaallitoyee gubb, Galiilee showoochee tiijjiꞌi, Yihudee showoo bulliich tuneti mooyon ariibeeto ittoshine. 38Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.
39“Ayihudee showoonaa Yerusaaleminooch bi shuuneto bullin aafoona no beeggeton and miixaabeeto noone. Boonoshiyoo Yesuusin mixooch yooddiꞌi wuxiyeete; 40tunetaa biin Yeeri keejje qemooba qitoochee tiijjiꞌi bekkiihe. 41Bi bekkiito, boonoshi beeggiton boonoshi miixemmoyich shiichiꞌi bi kaaccitinaꞌoyichalli, asheenaꞌo bullich toonoone. Ebi shiichiꞌi bi kaacciti miixoo tuneti no, Yesuusi qitoochee bi tiyitoyee gubb, biinna tookkaa maa ucheto noone. 42‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone. 43Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.
Aageteenaꞌo Toommooch Yaafe Ayaano Kindoo
44Pheexiroosi yibbaatee toommooch bi beetaa, bi yibbaatoon elleebeeti asheenaꞌo bulli toommooch Yaafe Ayaano kindiye. 45Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete. 46Ebiyoo andire noonoona yibbaateebee Yeerin boonoshi oogii beetaa, boonoshi waayetoyichiye.
Arooba Pheexiroosi tiyiꞌi hini are Ayihudeenaꞌoyich, 47“Hini asheenaꞌo toommooch wotta noochoommon Yaafe Ayaano kinditone; illa aacona boonoshi afaalleyaachemmoyich, konine boonoshin bayon hakkemmo?” iye. 48Ebich Pheexiroosi Aageteenaꞌoyich “Tiyiree Yesuus Kiristoosichi shigoona aacona afaalleebote” iye. Ebiyee gubb, hini are asheenaꞌo Pheexiroosin “No waan giisheche aaboon kotebe” iꞌi qolleheete.
ទើបបានជ្រើសរើសហើយ៖
Mishiraachechinaꞌo 10: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 10
10
Pheexiroos Waan Wochoon Qorineloosi Daachiyoo
1Arooba Qesaariyi katemooch Qorineloosi getteebeeti ikke uro beehe. Biyoo Xaaliyaanee ginee naayinaꞌochi guuphi daggooch balle ginee iraashoone. 2Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone. 3Ikke areddoon yiixiye saati bedooch Yeerichi maraakoo “Qorinelooso!” iibee bi waan bi giyii beetaa, yaaꞌoon xallayii beeggiye.
4Biyoo keqqoona manjiiꞌi ciinniibee, “Ta doonocho, amoone?” iye.
Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone. 5Andoo Yooppha ashoon wocheree, Pheexiroosi getteebeeti Simoonin ne waan ceege. 6Biyoo baharee gashooch beeti, gooqqee quccechi Simooni kexooch iibbittinoona koteꞌi beetone” iye.
7Maraakoo ishin gettiꞌi bi hammiti hillooch, Qorineloosi bi wochee bushiisheenaꞌo daggoochee gutteenaꞌon, bi hajjee ginee naayinaꞌo daggoochee Yeerich qeyiibeeti ikkoon ceeggiꞌi, 8bulli mooyon bi gettitoyee gubb, Yooppha wochee daachiihe.
Yaaꞌoon Pheexiroosi Beego
9Bi yaachich are wocheeti asheenaꞌo hammiibee, are Yooppha boonoshi shagg beddimmona, Pheexiroosi corootiya shiritte saati bedooch kechi toommeexi kexooch kechiye. 10Aroochaa biin shaaciitaa, maayoon maaya qaawiye. Biich maayo qannii beetaa, diqq yaaꞌoon beeggiye. 11Are yaaꞌoona shimaayoo qecheetaa, oogeti naxaloon shaahiibeeti mooyona awudde caappoona yecheeti qiico showooch kindiye. 12Are qiicee daggooch awudde baatechi kechi gijjoo, kubbi cooxo, yuummereenaꞌonaa shimaajji kafeenaꞌona beetinaꞌone. 13Areegaata “Pheexirooso, tiyi eboshin guuriree mame” ii beeti qaaroon waayehe.
14Pheexiroosi wochiꞌi, “Ta Doonocho, tuneyaache! Yaafoo tuneyaanoonaa ashoon eeꞌii beetonon cir maa ariyaano taane” iye.
15Wotta guttinnoon “Yeeri yaafiton ‘Yaafoo tuneyaanoone’ gettaaye” ii beeti qaaroon waayehe.
16Pheexiroosi ishin keejjaa bi waayetoyee gubb, bekkech are qiico geecheeꞌi shimaayooch wottee kechiye.
17Pheexiroosi bi beeggiti yaaꞌoon “Ebi amoone?” iibee bi mulloona kichii kindii bi beetaa, bekkech Qorineloosi wocheti asheenaꞌo gooqqee quccechi Simooni kexon echeebee daneꞌi kellooch shaggiyeete; 18kexooch ceeggiꞌi, “Pheexiroosi getteebeeti Simooni qeyiibeeto, hiniichiye?” iꞌi echeheete.
19Areegaata Pheexiroosi koteꞌi bi beeggiti yaaꞌoon gabii bi beetaa, Yaafe Ayaano “Ebiyoche, keejje asheenaꞌo neen qaawii beeteete. 20Tiyiree kindibe; boonoshin wocheto ta tunetoyich, ne mulloon guttiyaanoon boonoshina tookki hambe” iye.
21Aroochee Pheexiroosi tiyii asheenaꞌo waan kindiꞌi, “Ittoshi qaawiibeeti uro taane. Ittoshi waato, amoyichiye?” iye.
22Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete. 23Pheexiroosiyoo boonoshin kexooch ataallii giijjiꞌi qeejjiye.
Qorineloosi Kexooch Pheexiroosi Hamo
Bi yaachich Pheexiroosi tiyiꞌi boonoshina tookkii hammiye; wotta Yooppha beeti maneenaꞌo daggoochee ikkikkeenaꞌo biinna tookkii hammiyeete. 24Bi yaachich Qesaariya shaggiyeete. Arooch Qorineloosi bi xibeenaꞌonaa katine bi shunachinaꞌonon ceeggii ikkooch kiciꞌi, Pheexiroosinaa wocheeti asheenaꞌonochi womon quyee beehe. 25Pheexiroosi shaggiꞌi kexooch bi giyimmona, Qorineloosi biinna daneꞌi tiyii bi baatooch dihiꞌi goyinnehe. 26Tunebaani Pheexiroosi Qorineloosin tibe ii yechii tiijjiꞌi, “Tawoo neenoommi asho taane” iye.
27Tookkii yibbaateebee kechi maac giyiꞌi, meeti asheenaꞌo kiceeꞌi beetinaꞌon danehe. 28Biyoo boonoshich ishichiye: “Ayihudeenaꞌo Aageteenaꞌona tookkii ikkotto woyee boonoshi kexooch gimo Muusichi Sheeree shaaddoo tunoon ariibeeto ittoshine. Tunebaani asho koninolla ‘Yaafoo tuneyaanoone; eeꞌoone’ ta getaachemmoyich Yeeri taach shiichiꞌi bekkiitone. 29Ebich ittoshi wochoyich ta mulloon guttiyaanoon, ittoshi waan waato taane. Andoo amoyich taan ittoshi ceeggiito gaata ittoshin echehoye” iye.
30Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi, 31‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone. 32Ebich Yooppha ashoon wocheree, Pheexiroosi getteebeeti Simoonin ne waan ceege. Bi beeto, baharee gashooch beeti, gooqqee quccechi Simooni kexooch iibbittino koteꞌiniye’ iye. 33Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.
Qorineloosi Kexoochaa Mishiraachee Qaaroon Pheexiroosi Geto
34Aree hillooch Pheexiroosi yibbaateya tiyiꞌi, “Iberoone; Yeeri ashoon beshaa shappiiꞌi heppee bi qayon ta mulloona ariito taane; 35aagetoo bulliichee koniyoona bi tunetaa, biich hajjee beetonaa tatoon shuuneebeeto bullinon hoxeyaachemmone. 36Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone. 37Yowannisi ‘Aacona afaalleebote’ iibee aacona bi afaallitoyee gubb, Galiilee showoochee tiijjiꞌi, Yihudee showoo bulliich tuneti mooyon ariibeeto ittoshine. 38Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.
39“Ayihudee showoonaa Yerusaaleminooch bi shuuneto bullin aafoona no beeggeton and miixaabeeto noone. Boonoshiyoo Yesuusin mixooch yooddiꞌi wuxiyeete; 40tunetaa biin Yeeri keejje qemooba qitoochee tiijjiꞌi bekkiihe. 41Bi bekkiito, boonoshi beeggiton boonoshi miixemmoyich shiichiꞌi bi kaaccitinaꞌoyichalli, asheenaꞌo bullich toonoone. Ebi shiichiꞌi bi kaacciti miixoo tuneti no, Yesuusi qitoochee bi tiyitoyee gubb, biinna tookkaa maa ucheto noone. 42‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone. 43Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.
Aageteenaꞌo Toommooch Yaafe Ayaano Kindoo
44Pheexiroosi yibbaatee toommooch bi beetaa, bi yibbaatoon elleebeeti asheenaꞌo bulli toommooch Yaafe Ayaano kindiye. 45Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete. 46Ebiyoo andire noonoona yibbaateebee Yeerin boonoshi oogii beetaa, boonoshi waayetoyichiye.
Arooba Pheexiroosi tiyiꞌi hini are Ayihudeenaꞌoyich, 47“Hini asheenaꞌo toommooch wotta noochoommon Yaafe Ayaano kinditone; illa aacona boonoshi afaalleyaachemmoyich, konine boonoshin bayon hakkemmo?” iye. 48Ebich Pheexiroosi Aageteenaꞌoyich “Tiyiree Yesuus Kiristoosichi shigoona aacona afaalleebote” iye. Ebiyee gubb, hini are asheenaꞌo Pheexiroosin “No waan giisheche aaboon kotebe” iꞌi qolleheete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.