Mbete Rɔmri 9
9
1Ké mi ƴo mbew ke Ŋgermbay ra, mi ƴo ɓah ketina, mi kuŋ ɓay ya. Tempuki ké ƴo tem bi ƴo lu lakna ɓayu pi, law bi kara ƴo lu lakna ɓayu pi. 2-3Fe-se law mbaŋ law bi, gaŋlaw bi ɗɔ-ɗɔr ɓay buma Ŋgermbay ké mgba tul yi̧n bi ziɓri a woyri gun Izarayelri. Buma ké mgba tul sa̧w bi a fál haymun ra, buma-u ɓá ta tul bi. Su ɓay mí hu soh gel woyri.
4A woyri ku ɓa gun Izarayelri. Ŋgerzah hi̧ niri ku ɓa gun yeri, ke hi̧ niri riŋ ɗina ye, ke ŋga̧h ɓayri ziŋ niri, ke ɓaŋ mbete bolkusol ye kan ndɔk woyri, ke hi̧ ku gi ke fe hɔlna vbeh ɓa fe puhna dim ni keni, ke wah ɓayri ziŋ niri, 5zih woyri dim Ŋgerzah ɓa záh woyri, dara mí ké ɓil mi̧hri woyri, Ŋgermbay ti̧h ké ri. Tumbɔl hi̧ Ŋgerzah ɓay mgbɔkɔ ye, a ye ké-e ƴo tul feri riw sew ke sew.
Gelu munu.
6Kaŋaw ba, ɓay Ŋgerzah kew oh le ? Kew oh ya. Gun Izarayelri gbam ɓa gun Izarayel ya. 7Abaraham zih gun Izarayelri ra, gbam woyri ku ɓa mi̧hri ye ya. Ŋgerzah ba, ke wahɓay hi̧ Abaraham ɓahri se, sa̧w mi̧hri ké mi wahɓay hi̧ mu ra ɓa Isak#9.7 Ɓayay na ɓil Mbete Sa̧w fe 21.12., 8sɔk ɓahri, ta ɓa gunri kú-u mbuŋ ke fe laɓna a sa̧w tusiɓa mí ɓa gun Ŋgerzah ya. Le gunri ké sa̧w woyri ɓa wahɓay mí ku ko niri ɓa gun yeri 9kandɔk wahɓayu ɓah hi̧ Abaraham ɓahri, sew a ɓoru ke nam a kari-ay le, mi él gi. Wu̧y wo Sara ba, ɓay ƴo ke gun wo̧ronzuk#9.9 Ɓayay na ɓil Mbete Sa̧w fe 18.10,14 ke Mbete Galaɗri 4.21-31..
10Ta ɓa ɓay a a̧w kaŋto ya. Ɓay a ɓoru mí na-ay : Sew zih wahri Isak, wu̧y ye Rebeka ƴo ke ɓil sɔh ye. 11Ke fa̧h hore ya ɓáy. Ku ƴo ɓil mah woyri ɓáy, ku laɓ suki ya, ku laɓ kɔk fe ya, mí ɓay hi̧ kerɓay ké Ŋgerzah lek ɓay lu nzukri ɓa sa̧w ye ɓá si ke gelu gelu le, ke ɗi nzuk mbew. Ɗina-aw ta ɓa sa̧w fe laɓna nzuk ya, wara le sa̧w ɗina-aw ɓa a ye ké-e ɗi nzuk. 12Ke ɓah hi̧ Rebeka ɓahri se, gun pol ɓay laɓ pihna hi̧ toŋnafal#9.12 Ɓayay na ɓil Mbete Sa̧w fe 25.23. 13kandɔk kú-u vbeh lewsa̧ ɓahri, law bi te sa tul Zakoɓ poŋ Esaw#9.13 Ɓayay na ɓil Mbete Malachie 1.2-3..
14Kaŋaw ba, ɓay fe mí nah ɓah-u ɓáy le ? Ŋgerzah laɓ gelu ya le ? Ke laɓ gelu gaŋ. 15Lewsa̧ Moyiz ƴo vuh hi̧ Ŋgerzah ɓay fe laɓna gun Izarayelri sew kú-u laɓ yim nday hi̧ záh a ɓoru ra, Ŋgerzah ɓah hi̧ ni ɓahri, mi mgbá in ziŋ nzuk ké mi mgba in ziŋ ni. Mi kér seh nzuk ké mi ker seh ye#9.15 Ɓayay na ɓil Mbete Exode 33.19. Mah-u 32 ke 33 sɔk ɓay sew ké gun Izarayelri laɓ yim nday hi̧ kɔk záh.. 16Kaŋ dale ɗina Ŋgerzah ra ta ɓa ŋgerna mini yihna nzuk pirmatul ya. Le ɓa law in Ŋgerzah. 17Sew faroŋ mbay Eziɓte a lewsa̧, ke kpuh tul ziŋ Ŋgerzah#9.17 Ɓay tu ɓay law kpuhna faroŋ, mú ki̧ Mbete Exode 7.22., Ŋgerzah ɓah hi̧ ni ɓahri, sa̧wu mí, mi mbi mu ɓa mbay Eziɓte, ɓay sɔk keni huhrumun bi ké ta̧w wo, ɓay hi̧ riŋ bi ɓá mgbe ké tusiɓa gbam#9.17 Ɓayay na ɓil Mbete Exode 9.16. Mahɓay na mah-u 7 si ka̧h mah-u 15., mí ke el kpuh law faroŋ. 18Kaŋ dale nzuk ké-e yih mgba in ziŋ ni, ke mgba in ziŋ nzuku. Nzuk ké-e yih kpuh law ye, ke kpuh law nzuku.
19Dale mu ɓáhri : « Ɓay fe mí ɓay ƴo tul wah ɓáy lo ? A ge mí mah mba fe ké Ŋgerzah lek le wo ? » 20Mi ɓah hi̧ mu ɓahri, a wo nzuk pirmatul, mu ɓa fe mí mu fah Ŋgerzah le wo ? Iri ɓay ɓah hi̧ nzuk-mboh ni ɓahri, ɓay fe mí mu mboh mi kaŋay le wo#9.20 Ŋgerzah ɓah kaŋ ɓil Mbete Jérémie 18.1-6 ke Mbete Esaïe 29.16 ke 45.9 ke 64.7 sew ké gun Izarayelri kpuh tul ziŋ Ŋgerzah. ? 21Nzuk-mboh fe ɓa mbay tul pa̧y. Ke pa̧y mbew, ke kehr mboh iri ɓa fe gama. Ke kehr mboh iri nzuku a laɓ pihna a garu pi, ya le#9.21 Ɓayay na ɓil Mbete Esaïe 15.16 ke 29.16 ke Mbete Jérémie 18.6. ? 22-23Mí Ŋgerzah yih sɔk law fa̧hna ye, ke yih sɔk huhrumun ye, mí ke ik law kpu̧ru ké tul nzuk ké mah ya̧ haŋ fa̧hna ké-e lek ɓay vbar nzuku kandɔk iri, ɓay hi̧ nzuk a a̧yri ké mgba in ziŋ Ŋgerzah ɓá tu ahna riŋ ɗina ye kandɔk iri ké-e mboh ɓa fe gama kaŋ#9.22-23 Mú ki̧ Mbete Rɔmri 11.32 ɓay tu ɓahri, Ŋgerzah vba kpaŋ ɗoŋ suya nzukri ɓay ƴah ful ya̧ a haniri.. Kú tu ɓay riŋ ɗina-u ké ku̧ tul woyri. Ke lek mgba inu lewsa̧ kaŋ.
24Kandɔkaw mí ke ɗi na ɗi. Ke ɗi na ké sakra sa̧w bi ziɓri kaŋto ya. Wara le ke ɗi na ké sakra sa̧wnzuk a ɓoruri pi, 25kandɔk ké Ŋgerzah ɓah ké ɓil mbete Ozeh ɓahri,
Mi ɗí sa̧wnzuk a ɓoruri kú-u ɓa sa̧w bi ya ɓa sa̧w bi,
nzukri ké tu law sana bi ya, mi ɗí niri ɓa maŋlaw bi # 9.25 Ɓayay na ɓil Mbete Osée 2.1 ke 2.25. .
26Mí ɓay ziɓri ba,
ké gel kú-u kaɓ ri, ku ɓah ɓay tul woyri ɓahri,
kú-u ɓa sa̧wnzuk ye ya ra, ku el ɓa sa̧w ye wara.
Ku ɗí niri ɓa gun Ŋgerzah Ŋgɔhnzuk # 9.26 Ɓayay na ɓil Mbete Osée 2.1 laɓ sew ké ziɓri kaɓ puh mgbal ké tusiɓa Babiloŋ. Ɓay dimna záh a ɓoru mí Ŋgerzah ni̧h niri ké tusiɓa Kana..
27Mí Ezay le ke vuh mun ye ɓay tul gun Izarayelri : Ku ŋgi̧ kandɔk sikɔkre kara tɔru ndi̧ kaŋto mí ɓay toŋu#9.27 Ɓayay na ɓil Mbete Esaïe 10.22 ɓah ɓay sew ké gun Izarayelri ƴo tusiɓa Kana ɓáy, mí Ŋgerzah pih nzuk ŋgermuri ɓay dimna záh a ɓoru woyri., 28ɓayu ké Gaŋ tul feri riw ɓay laɓ bolkusol ye ɔh ké tusiɓa kandɔk ké-e lek gaŋ, 29kandɔk ké Ezay ɓah pol sa̧ ɓahri, gelke Gaŋ tul feri riw poŋ tɔr mi̧hri wah ya le, nah ná kandɔk nzukri ké Sɔdɔm, nah tí̧h eŋ nzukri ké Gɔmɔr#9.29 Ɓay tu ɓay nzukri ké Sɔdɔm ke nzukri ké Gɔmɔr le, í ki̧ Mbete Sa̧w fe 19..
30Kaŋ ba, ɓay fe mí nah ɓah-u ɓáy le ? Ɓay fe le sa̧wnzuk a ɓoruri ké ƴah ŋga̧h sal in ziŋ Ŋgerzah ɓa záh woyri ya, mí Ŋgerzah ba, ŋga̧h sal in ziŋ niri ɓa záh woyri dale, sa̧wu ɓa kanlaw tul Ŋgerzah ké ndɔk ye ɗɔr sal in ya. 31Gun Izarayelri ba, ku dih fal mbete bolkusol ké ŋga̧h niri lewsa̧ ziŋ Ŋgerzah, mí ku kew oh bolkusol ké-e ŋga̧h ziŋ niri ra. 32Ɓay fe mí ku kew le ? Ɓay fe le sa̧w ŋga̧h bolkusol ɓa kanlaw te sa tul Ŋgerzah ké ndɔk ye ɗɔr sal in ya, mí ku dih fal mbete bolkusol ra ker ɓahri se, ŋga̧hna-u ɓa sa̧w fe laɓna, mí kerɓay woyri hi̧ ku ɓe kasaw lihna#9.32 Ɓayay na Mbete Rɔmri 4.3. 33kandɔk kú-u vbeh ɓayu ɓil mbete Ŋgerzah lewsa̧ ɓahri, Í ko. Mi kan kasaw ké Siyoŋ gel fe puhna Ŋgerzah, ɓa kasaw-ɓe bɔk, ɓa mah kasaw lihna. Nzuk ké kan law sa tul kasaw ra le, su̧hru ta se ni ya#9.33 Ɓayay na Mbete Esaïe 8.14 ke 28.16. Sewu-aw, ziɓri ƴah ful ya̧ mun woyri ke ru̧na woyri. Ku ɓahri, ku lek ɓay ke hul, mí Ŋgerzah ɓahri, nzuk ké kan law tul ye mí ɓay ti̧h ɓa suki..
ទើបបានជ្រើសរើសហើយ៖
Mbete Rɔmri 9: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Rɔmri 9
9
1Ké mi ƴo mbew ke Ŋgermbay ra, mi ƴo ɓah ketina, mi kuŋ ɓay ya. Tempuki ké ƴo tem bi ƴo lu lakna ɓayu pi, law bi kara ƴo lu lakna ɓayu pi. 2-3Fe-se law mbaŋ law bi, gaŋlaw bi ɗɔ-ɗɔr ɓay buma Ŋgermbay ké mgba tul yi̧n bi ziɓri a woyri gun Izarayelri. Buma ké mgba tul sa̧w bi a fál haymun ra, buma-u ɓá ta tul bi. Su ɓay mí hu soh gel woyri.
4A woyri ku ɓa gun Izarayelri. Ŋgerzah hi̧ niri ku ɓa gun yeri, ke hi̧ niri riŋ ɗina ye, ke ŋga̧h ɓayri ziŋ niri, ke ɓaŋ mbete bolkusol ye kan ndɔk woyri, ke hi̧ ku gi ke fe hɔlna vbeh ɓa fe puhna dim ni keni, ke wah ɓayri ziŋ niri, 5zih woyri dim Ŋgerzah ɓa záh woyri, dara mí ké ɓil mi̧hri woyri, Ŋgermbay ti̧h ké ri. Tumbɔl hi̧ Ŋgerzah ɓay mgbɔkɔ ye, a ye ké-e ƴo tul feri riw sew ke sew.
Gelu munu.
6Kaŋaw ba, ɓay Ŋgerzah kew oh le ? Kew oh ya. Gun Izarayelri gbam ɓa gun Izarayel ya. 7Abaraham zih gun Izarayelri ra, gbam woyri ku ɓa mi̧hri ye ya. Ŋgerzah ba, ke wahɓay hi̧ Abaraham ɓahri se, sa̧w mi̧hri ké mi wahɓay hi̧ mu ra ɓa Isak#9.7 Ɓayay na ɓil Mbete Sa̧w fe 21.12., 8sɔk ɓahri, ta ɓa gunri kú-u mbuŋ ke fe laɓna a sa̧w tusiɓa mí ɓa gun Ŋgerzah ya. Le gunri ké sa̧w woyri ɓa wahɓay mí ku ko niri ɓa gun yeri 9kandɔk wahɓayu ɓah hi̧ Abaraham ɓahri, sew a ɓoru ke nam a kari-ay le, mi él gi. Wu̧y wo Sara ba, ɓay ƴo ke gun wo̧ronzuk#9.9 Ɓayay na ɓil Mbete Sa̧w fe 18.10,14 ke Mbete Galaɗri 4.21-31..
10Ta ɓa ɓay a a̧w kaŋto ya. Ɓay a ɓoru mí na-ay : Sew zih wahri Isak, wu̧y ye Rebeka ƴo ke ɓil sɔh ye. 11Ke fa̧h hore ya ɓáy. Ku ƴo ɓil mah woyri ɓáy, ku laɓ suki ya, ku laɓ kɔk fe ya, mí ɓay hi̧ kerɓay ké Ŋgerzah lek ɓay lu nzukri ɓa sa̧w ye ɓá si ke gelu gelu le, ke ɗi nzuk mbew. Ɗina-aw ta ɓa sa̧w fe laɓna nzuk ya, wara le sa̧w ɗina-aw ɓa a ye ké-e ɗi nzuk. 12Ke ɓah hi̧ Rebeka ɓahri se, gun pol ɓay laɓ pihna hi̧ toŋnafal#9.12 Ɓayay na ɓil Mbete Sa̧w fe 25.23. 13kandɔk kú-u vbeh lewsa̧ ɓahri, law bi te sa tul Zakoɓ poŋ Esaw#9.13 Ɓayay na ɓil Mbete Malachie 1.2-3..
14Kaŋaw ba, ɓay fe mí nah ɓah-u ɓáy le ? Ŋgerzah laɓ gelu ya le ? Ke laɓ gelu gaŋ. 15Lewsa̧ Moyiz ƴo vuh hi̧ Ŋgerzah ɓay fe laɓna gun Izarayelri sew kú-u laɓ yim nday hi̧ záh a ɓoru ra, Ŋgerzah ɓah hi̧ ni ɓahri, mi mgbá in ziŋ nzuk ké mi mgba in ziŋ ni. Mi kér seh nzuk ké mi ker seh ye#9.15 Ɓayay na ɓil Mbete Exode 33.19. Mah-u 32 ke 33 sɔk ɓay sew ké gun Izarayelri laɓ yim nday hi̧ kɔk záh.. 16Kaŋ dale ɗina Ŋgerzah ra ta ɓa ŋgerna mini yihna nzuk pirmatul ya. Le ɓa law in Ŋgerzah. 17Sew faroŋ mbay Eziɓte a lewsa̧, ke kpuh tul ziŋ Ŋgerzah#9.17 Ɓay tu ɓay law kpuhna faroŋ, mú ki̧ Mbete Exode 7.22., Ŋgerzah ɓah hi̧ ni ɓahri, sa̧wu mí, mi mbi mu ɓa mbay Eziɓte, ɓay sɔk keni huhrumun bi ké ta̧w wo, ɓay hi̧ riŋ bi ɓá mgbe ké tusiɓa gbam#9.17 Ɓayay na ɓil Mbete Exode 9.16. Mahɓay na mah-u 7 si ka̧h mah-u 15., mí ke el kpuh law faroŋ. 18Kaŋ dale nzuk ké-e yih mgba in ziŋ ni, ke mgba in ziŋ nzuku. Nzuk ké-e yih kpuh law ye, ke kpuh law nzuku.
19Dale mu ɓáhri : « Ɓay fe mí ɓay ƴo tul wah ɓáy lo ? A ge mí mah mba fe ké Ŋgerzah lek le wo ? » 20Mi ɓah hi̧ mu ɓahri, a wo nzuk pirmatul, mu ɓa fe mí mu fah Ŋgerzah le wo ? Iri ɓay ɓah hi̧ nzuk-mboh ni ɓahri, ɓay fe mí mu mboh mi kaŋay le wo#9.20 Ŋgerzah ɓah kaŋ ɓil Mbete Jérémie 18.1-6 ke Mbete Esaïe 29.16 ke 45.9 ke 64.7 sew ké gun Izarayelri kpuh tul ziŋ Ŋgerzah. ? 21Nzuk-mboh fe ɓa mbay tul pa̧y. Ke pa̧y mbew, ke kehr mboh iri ɓa fe gama. Ke kehr mboh iri nzuku a laɓ pihna a garu pi, ya le#9.21 Ɓayay na ɓil Mbete Esaïe 15.16 ke 29.16 ke Mbete Jérémie 18.6. ? 22-23Mí Ŋgerzah yih sɔk law fa̧hna ye, ke yih sɔk huhrumun ye, mí ke ik law kpu̧ru ké tul nzuk ké mah ya̧ haŋ fa̧hna ké-e lek ɓay vbar nzuku kandɔk iri, ɓay hi̧ nzuk a a̧yri ké mgba in ziŋ Ŋgerzah ɓá tu ahna riŋ ɗina ye kandɔk iri ké-e mboh ɓa fe gama kaŋ#9.22-23 Mú ki̧ Mbete Rɔmri 11.32 ɓay tu ɓahri, Ŋgerzah vba kpaŋ ɗoŋ suya nzukri ɓay ƴah ful ya̧ a haniri.. Kú tu ɓay riŋ ɗina-u ké ku̧ tul woyri. Ke lek mgba inu lewsa̧ kaŋ.
24Kandɔkaw mí ke ɗi na ɗi. Ke ɗi na ké sakra sa̧w bi ziɓri kaŋto ya. Wara le ke ɗi na ké sakra sa̧wnzuk a ɓoruri pi, 25kandɔk ké Ŋgerzah ɓah ké ɓil mbete Ozeh ɓahri,
Mi ɗí sa̧wnzuk a ɓoruri kú-u ɓa sa̧w bi ya ɓa sa̧w bi,
nzukri ké tu law sana bi ya, mi ɗí niri ɓa maŋlaw bi # 9.25 Ɓayay na ɓil Mbete Osée 2.1 ke 2.25. .
26Mí ɓay ziɓri ba,
ké gel kú-u kaɓ ri, ku ɓah ɓay tul woyri ɓahri,
kú-u ɓa sa̧wnzuk ye ya ra, ku el ɓa sa̧w ye wara.
Ku ɗí niri ɓa gun Ŋgerzah Ŋgɔhnzuk # 9.26 Ɓayay na ɓil Mbete Osée 2.1 laɓ sew ké ziɓri kaɓ puh mgbal ké tusiɓa Babiloŋ. Ɓay dimna záh a ɓoru mí Ŋgerzah ni̧h niri ké tusiɓa Kana..
27Mí Ezay le ke vuh mun ye ɓay tul gun Izarayelri : Ku ŋgi̧ kandɔk sikɔkre kara tɔru ndi̧ kaŋto mí ɓay toŋu#9.27 Ɓayay na ɓil Mbete Esaïe 10.22 ɓah ɓay sew ké gun Izarayelri ƴo tusiɓa Kana ɓáy, mí Ŋgerzah pih nzuk ŋgermuri ɓay dimna záh a ɓoru woyri., 28ɓayu ké Gaŋ tul feri riw ɓay laɓ bolkusol ye ɔh ké tusiɓa kandɔk ké-e lek gaŋ, 29kandɔk ké Ezay ɓah pol sa̧ ɓahri, gelke Gaŋ tul feri riw poŋ tɔr mi̧hri wah ya le, nah ná kandɔk nzukri ké Sɔdɔm, nah tí̧h eŋ nzukri ké Gɔmɔr#9.29 Ɓay tu ɓay nzukri ké Sɔdɔm ke nzukri ké Gɔmɔr le, í ki̧ Mbete Sa̧w fe 19..
30Kaŋ ba, ɓay fe mí nah ɓah-u ɓáy le ? Ɓay fe le sa̧wnzuk a ɓoruri ké ƴah ŋga̧h sal in ziŋ Ŋgerzah ɓa záh woyri ya, mí Ŋgerzah ba, ŋga̧h sal in ziŋ niri ɓa záh woyri dale, sa̧wu ɓa kanlaw tul Ŋgerzah ké ndɔk ye ɗɔr sal in ya. 31Gun Izarayelri ba, ku dih fal mbete bolkusol ké ŋga̧h niri lewsa̧ ziŋ Ŋgerzah, mí ku kew oh bolkusol ké-e ŋga̧h ziŋ niri ra. 32Ɓay fe mí ku kew le ? Ɓay fe le sa̧w ŋga̧h bolkusol ɓa kanlaw te sa tul Ŋgerzah ké ndɔk ye ɗɔr sal in ya, mí ku dih fal mbete bolkusol ra ker ɓahri se, ŋga̧hna-u ɓa sa̧w fe laɓna, mí kerɓay woyri hi̧ ku ɓe kasaw lihna#9.32 Ɓayay na Mbete Rɔmri 4.3. 33kandɔk kú-u vbeh ɓayu ɓil mbete Ŋgerzah lewsa̧ ɓahri, Í ko. Mi kan kasaw ké Siyoŋ gel fe puhna Ŋgerzah, ɓa kasaw-ɓe bɔk, ɓa mah kasaw lihna. Nzuk ké kan law sa tul kasaw ra le, su̧hru ta se ni ya#9.33 Ɓayay na Mbete Esaïe 8.14 ke 28.16. Sewu-aw, ziɓri ƴah ful ya̧ mun woyri ke ru̧na woyri. Ku ɓahri, ku lek ɓay ke hul, mí Ŋgerzah ɓahri, nzuk ké kan law tul ye mí ɓay ti̧h ɓa suki..
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.