Mbete Rɔmri 10
10
1I ɓa yi̧n bi ɓil Ŋgermbay, mí kerɓay tul sa̧w bi gun Izarayelri na sa law bi. Mi ƴo vuh hi̧ Ŋgerzah ɓay ké hi̧ niri, kú ti̧h ɓil salɓay hul. 2Mi mah lu lakna ɓay woyri ɓahri, ku ri̧h si̧w ɓay tul Ŋgerzah gaŋ, mí ku ri̧h si̧wu dan tu sa̧wu. 3Sal in ké Ŋgerzah ŋga̧h ziŋ ziih Abaraham ra, guh law woyri ya. Ku ƴo leh ŋgerna woyri ke mun kaŋ. Ku sa hi̧ Ŋgerzah ɓá na ɓa mbay tul sal in ké-e ŋga̧h ziŋ ziihri ra ya. Ku ƴah ful ɓay na ɓa mbay tul sal inu, 4ɓayu ké bolkusol Ŋgerzah bal tul ɓayu ɓahri, Ŋgermbay ɓa mahsa̧w bolkusolu mí hi̧ Ŋgerzah ŋga̧h sal in ziŋ nzukri gbam ɓa záh woyri, a woyri kú-u kan law tul Ŋgermbay. 5Moyiz vbeh ɓay mahsa̧w bolkusol ké hi̧ Ŋgerzah ŋga̧h sal in ziŋ nzuk ɓa záh ye ra ɓahri se, nzuk ké ƴo tul ɓayu ɔh le, ke ƴo ke ɔkna ɓay tul bolkusolaw#10.5 Ɓayay na ɓil Mbete Lévitique 18.5. Ŋgerzah sɔk gun Izarayelri ɓahri se, ko-ko kú mbi fe laɓna sa̧wnzukri ké ɗoŋ niri-aw. Ku ƴo tul ɓay ye le, ku káɓ ɓa suki.. 6Kaŋ le sa̧w ŋgá̧h sal in ziŋ Ŋgerzah ra ɓa kanlaw tul ye ké ndɔk ye ɗɔr sal inu ya, mí sal inu ɓah kandɔkay :
Ko-ko mú vbi law wo ɓahri # 10.6 Pɔl mbi ɓayu ɓil Mbete Deutéronome 8.17 ke 9.4. Ɓay ké Pɔl mbi ra, ke ɓah ɔh ya mí ɔh tɔr ɓayu mí na-ay : Ko-ko mú ker ké ɓil law wo ɓahri, huhrumun bi ke ŋgerna bi mí ziŋ fe-ay.,
a ge mí ɓay hil si nunmbam gi ke Ŋgermbay le # 10.6 Mahɓayu ta ɓa gel kaɓna wo fal hul ya. Le Pɔl mbi ɓayu ɓil Mbete Deutéronome 30.11-14 ké sew Moyiz. Ɗerna-aw ra ɓa mbuŋna Ŋgermbay Zezu. Fal hul ye ke ti̧h ke puh záh. Sɔk ɓahri, pihna Ŋgermbay ɓay ya̧ nzukri laɓ ɔ-ɔh. Aŋay toŋ kan law tulu wara kaŋto. ?
Ɓayu mgba tul ɗerna Ŋgermbay gi tusiɓa-ay.
7 Ko-ko mú vbi law wo ɓahri,
A ge mí ɓay ɗer si puh záhri ɓay ya̧ ɓay Ŋgerzah # 10.7 Ɓayay si mbew ke gun ɓay 10.6 síɓa-ay. ?
Ɓayu mgba tul ti̧hna Ŋgermbay ké sakra záhri. 8Mí bolkusol ɓah ani le ? Ke ɓahri, ɓayu ƴo ɗih ya ké ta̧w wo, na nzak wo, na law wo pi#10.8 Ɓayay si mbew ke gun ɓay 10.6 síɓa-ay.. Ɓayu mí ɓa ɓay law ké te sa tul sal in Ŋgerzah ké nah ka-kah-u ke riŋ Ŋgermbay 9ɓahri se, nzak wo ɓah ketina ké na ɓil law wo ɓahri, Gaŋ tul feri riw mí ɓa Zezu, law wo te tul ye pi, mí mu ɓahri se, Ŋgerzah ten ni ké sakra záhri ke pa̧ymun a foyu dale, mu ƴó ziŋ Ŋgerzah ɓa suki. 10Gelke law nzuk kan tul sal in Ŋgerzah le, Ŋgerzah ŋga̧h sal in ziŋ nzuku ɓa záh ye. Nzak nzuk ba, ɓah ketina ra le, ke ƴo ziŋ Ŋgerzah ɓa suki. 11Mbete Ŋgerzah ɓahri se, law nzuk ké te sa tul ye le, su̧hru ta se nzuku ya#10.11 Ɓayay na ɓil Mbete Esaïe 28.16 ke Mbete Rɔmri 9.33.. 12Ɓa ra ziɓ mini sa̧wnzuk a ɓoru kara, gbam mah hani, ɓayu ké Gaŋ tul feri riw mbew, ke ƴo laɓ suki si wɔrɔk ziŋ nzukri gbam ké ɗi ni ɓa záh woyri. 13Kandɔkaw mí nzuk a suŋ suŋ ké ɗi Gaŋ tul feri riw le, nzuku ɓay ƴo ziŋ ni ɓa suki#10.13 Ɓayay na ɓil Mbete Joël 3.5. Piyer mbi ɓah ké ɓil Mbete Fe laɓna Tempuki 2.21..
14Mí-aw ba, ani mí ku ɓay ɗi ni a ye kú-u kan law tul ye ya ɓáy le ? Ani mí ku ɓay kan law tul ye dan lah ɓay ké si tul ye le ? Nzuk-ka-kah ɓayu ta-a le, ku lah ani le ? 15Mí nzuk pih niri ya ba, ku ka-kah-u hi̧ nzukri ani le ? Kandɔk kú-u vbeh lewsa̧ ɓil mbete Ŋgerzah ɓahri, nzak pihna a suki ka̧h nzukri, gina gun nzak pihna-u ndɔh mbamba#10.15 Ɓayay na ɓil Mbete Esaïe 52.7.. 16Nzak pihna-u ka̧h niri kara ta ɓa gbam woyri mí ku ya̧ ɓaysuki hul Ŋgermbay ya kandɔk Ezay ɓah lewsa̧ : Gaŋ tul feri riw, a ge mí kan law tul nzak pihna ké nah ka-kah-u ra le#10.16 Ɓayay na ɓil Mbete Esaïe 53.1. Ɓayay ƴo sɔk ɓay koseh ké gun-laɓ pihna Ŋgerzah ko. ? 17Kaŋ dale sa̧w kanlaw ra ur ke nzak pihna ké nzukri lah, mí nzak pihna-u ra, ɓa ɓay Ŋgermbay. 18Mi vbi ɓahri, nzak pihna ɓaysuki ra ka̧h ta̧w woyri ya le ? Nzak pihna-u ka̧h niri ka̧h gaŋ kandɔk ku-u vbeh ɓayu lewsa̧ ɓahri :
Kusol woyri mgbe ɓeleŋ ɓeleŋ ɔh tusiɓa gbam.
Nzak pihna woyri ya̧ gel ya̧h ya̧h ka̧h gbu̧h tusiɓa # 10.18 Ɓayay na ɓil Mbete Siŋ (Psaumes) 19.5..
19Mí a a̧w ba, mi vbi ɓahri, nzak pihna ɓay Ŋgermbay ka̧h gun Izarayelri ya ley ? Lewsa̧ kara ɓay hi̧ niri kú lah ɓay ye, Ŋgerzah hi̧ Moyiz ɓahri se, mi páhra wuri ɓay laɓ sere ɓay sa̧wnzukri ké na kpo̧k, mi sɔ́krɔ wuri ɓay laɓ haŋ fa̧hna ɓay tul sa̧wnzuk a kɔkuri#10.19 Ɓayay na ɓil Mbete Deutéronome 32.21. . 20Kandɔkaw mí Ezay ŋgu̧h lɔkɔkɔ, ke ɓahri,
Sa̧wnzukri ké tu ƴah mi ya, ku ziŋ mi.
Mi ti̧h nun sa̧wnzukri ké tu vbi ɓay bi ya.
21Mí ɓay tul gun Izarayelri ba, ke ɓahri, nam ke nam mi ƴo ndar ndɔk bi ɗi keni sa̧wnzuk bi gun Izarayelri. Ku u̧m nun woyri, ku ma̧y ɓay ɓahna bi.
ទើបបានជ្រើសរើសហើយ៖
Mbete Rɔmri 10: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Rɔmri 10
10
1I ɓa yi̧n bi ɓil Ŋgermbay, mí kerɓay tul sa̧w bi gun Izarayelri na sa law bi. Mi ƴo vuh hi̧ Ŋgerzah ɓay ké hi̧ niri, kú ti̧h ɓil salɓay hul. 2Mi mah lu lakna ɓay woyri ɓahri, ku ri̧h si̧w ɓay tul Ŋgerzah gaŋ, mí ku ri̧h si̧wu dan tu sa̧wu. 3Sal in ké Ŋgerzah ŋga̧h ziŋ ziih Abaraham ra, guh law woyri ya. Ku ƴo leh ŋgerna woyri ke mun kaŋ. Ku sa hi̧ Ŋgerzah ɓá na ɓa mbay tul sal in ké-e ŋga̧h ziŋ ziihri ra ya. Ku ƴah ful ɓay na ɓa mbay tul sal inu, 4ɓayu ké bolkusol Ŋgerzah bal tul ɓayu ɓahri, Ŋgermbay ɓa mahsa̧w bolkusolu mí hi̧ Ŋgerzah ŋga̧h sal in ziŋ nzukri gbam ɓa záh woyri, a woyri kú-u kan law tul Ŋgermbay. 5Moyiz vbeh ɓay mahsa̧w bolkusol ké hi̧ Ŋgerzah ŋga̧h sal in ziŋ nzuk ɓa záh ye ra ɓahri se, nzuk ké ƴo tul ɓayu ɔh le, ke ƴo ke ɔkna ɓay tul bolkusolaw#10.5 Ɓayay na ɓil Mbete Lévitique 18.5. Ŋgerzah sɔk gun Izarayelri ɓahri se, ko-ko kú mbi fe laɓna sa̧wnzukri ké ɗoŋ niri-aw. Ku ƴo tul ɓay ye le, ku káɓ ɓa suki.. 6Kaŋ le sa̧w ŋgá̧h sal in ziŋ Ŋgerzah ra ɓa kanlaw tul ye ké ndɔk ye ɗɔr sal inu ya, mí sal inu ɓah kandɔkay :
Ko-ko mú vbi law wo ɓahri # 10.6 Pɔl mbi ɓayu ɓil Mbete Deutéronome 8.17 ke 9.4. Ɓay ké Pɔl mbi ra, ke ɓah ɔh ya mí ɔh tɔr ɓayu mí na-ay : Ko-ko mú ker ké ɓil law wo ɓahri, huhrumun bi ke ŋgerna bi mí ziŋ fe-ay.,
a ge mí ɓay hil si nunmbam gi ke Ŋgermbay le # 10.6 Mahɓayu ta ɓa gel kaɓna wo fal hul ya. Le Pɔl mbi ɓayu ɓil Mbete Deutéronome 30.11-14 ké sew Moyiz. Ɗerna-aw ra ɓa mbuŋna Ŋgermbay Zezu. Fal hul ye ke ti̧h ke puh záh. Sɔk ɓahri, pihna Ŋgermbay ɓay ya̧ nzukri laɓ ɔ-ɔh. Aŋay toŋ kan law tulu wara kaŋto. ?
Ɓayu mgba tul ɗerna Ŋgermbay gi tusiɓa-ay.
7 Ko-ko mú vbi law wo ɓahri,
A ge mí ɓay ɗer si puh záhri ɓay ya̧ ɓay Ŋgerzah # 10.7 Ɓayay si mbew ke gun ɓay 10.6 síɓa-ay. ?
Ɓayu mgba tul ti̧hna Ŋgermbay ké sakra záhri. 8Mí bolkusol ɓah ani le ? Ke ɓahri, ɓayu ƴo ɗih ya ké ta̧w wo, na nzak wo, na law wo pi#10.8 Ɓayay si mbew ke gun ɓay 10.6 síɓa-ay.. Ɓayu mí ɓa ɓay law ké te sa tul sal in Ŋgerzah ké nah ka-kah-u ke riŋ Ŋgermbay 9ɓahri se, nzak wo ɓah ketina ké na ɓil law wo ɓahri, Gaŋ tul feri riw mí ɓa Zezu, law wo te tul ye pi, mí mu ɓahri se, Ŋgerzah ten ni ké sakra záhri ke pa̧ymun a foyu dale, mu ƴó ziŋ Ŋgerzah ɓa suki. 10Gelke law nzuk kan tul sal in Ŋgerzah le, Ŋgerzah ŋga̧h sal in ziŋ nzuku ɓa záh ye. Nzak nzuk ba, ɓah ketina ra le, ke ƴo ziŋ Ŋgerzah ɓa suki. 11Mbete Ŋgerzah ɓahri se, law nzuk ké te sa tul ye le, su̧hru ta se nzuku ya#10.11 Ɓayay na ɓil Mbete Esaïe 28.16 ke Mbete Rɔmri 9.33.. 12Ɓa ra ziɓ mini sa̧wnzuk a ɓoru kara, gbam mah hani, ɓayu ké Gaŋ tul feri riw mbew, ke ƴo laɓ suki si wɔrɔk ziŋ nzukri gbam ké ɗi ni ɓa záh woyri. 13Kandɔkaw mí nzuk a suŋ suŋ ké ɗi Gaŋ tul feri riw le, nzuku ɓay ƴo ziŋ ni ɓa suki#10.13 Ɓayay na ɓil Mbete Joël 3.5. Piyer mbi ɓah ké ɓil Mbete Fe laɓna Tempuki 2.21..
14Mí-aw ba, ani mí ku ɓay ɗi ni a ye kú-u kan law tul ye ya ɓáy le ? Ani mí ku ɓay kan law tul ye dan lah ɓay ké si tul ye le ? Nzuk-ka-kah ɓayu ta-a le, ku lah ani le ? 15Mí nzuk pih niri ya ba, ku ka-kah-u hi̧ nzukri ani le ? Kandɔk kú-u vbeh lewsa̧ ɓil mbete Ŋgerzah ɓahri, nzak pihna a suki ka̧h nzukri, gina gun nzak pihna-u ndɔh mbamba#10.15 Ɓayay na ɓil Mbete Esaïe 52.7.. 16Nzak pihna-u ka̧h niri kara ta ɓa gbam woyri mí ku ya̧ ɓaysuki hul Ŋgermbay ya kandɔk Ezay ɓah lewsa̧ : Gaŋ tul feri riw, a ge mí kan law tul nzak pihna ké nah ka-kah-u ra le#10.16 Ɓayay na ɓil Mbete Esaïe 53.1. Ɓayay ƴo sɔk ɓay koseh ké gun-laɓ pihna Ŋgerzah ko. ? 17Kaŋ dale sa̧w kanlaw ra ur ke nzak pihna ké nzukri lah, mí nzak pihna-u ra, ɓa ɓay Ŋgermbay. 18Mi vbi ɓahri, nzak pihna ɓaysuki ra ka̧h ta̧w woyri ya le ? Nzak pihna-u ka̧h niri ka̧h gaŋ kandɔk ku-u vbeh ɓayu lewsa̧ ɓahri :
Kusol woyri mgbe ɓeleŋ ɓeleŋ ɔh tusiɓa gbam.
Nzak pihna woyri ya̧ gel ya̧h ya̧h ka̧h gbu̧h tusiɓa # 10.18 Ɓayay na ɓil Mbete Siŋ (Psaumes) 19.5..
19Mí a a̧w ba, mi vbi ɓahri, nzak pihna ɓay Ŋgermbay ka̧h gun Izarayelri ya ley ? Lewsa̧ kara ɓay hi̧ niri kú lah ɓay ye, Ŋgerzah hi̧ Moyiz ɓahri se, mi páhra wuri ɓay laɓ sere ɓay sa̧wnzukri ké na kpo̧k, mi sɔ́krɔ wuri ɓay laɓ haŋ fa̧hna ɓay tul sa̧wnzuk a kɔkuri#10.19 Ɓayay na ɓil Mbete Deutéronome 32.21. . 20Kandɔkaw mí Ezay ŋgu̧h lɔkɔkɔ, ke ɓahri,
Sa̧wnzukri ké tu ƴah mi ya, ku ziŋ mi.
Mi ti̧h nun sa̧wnzukri ké tu vbi ɓay bi ya.
21Mí ɓay tul gun Izarayelri ba, ke ɓahri, nam ke nam mi ƴo ndar ndɔk bi ɗi keni sa̧wnzuk bi gun Izarayelri. Ku u̧m nun woyri, ku ma̧y ɓay ɓahna bi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.