Mbete Fe laɓna Tempuki 12
12
Nzukbaa Ŋgermbayri yih ɓay gbu̧h ɓay Ŋgerzah
1Ke sewu Barnabas ke Sɔl ƴo Antiyos, mí mbay Eroɗ Agripa ƴo zɔklɔ sa̧w nzuk Ŋgermbay a haniri ké Zurusalem, ke mgba niri laɓ niri koseh. 2Ke hi̧ ku i Zak yi̧n Za̧h ke mahwu̧y#12.2 Í mgba gel ki̧na-ay tuh ke gel ki̧na Mbete Marki 10.39 ɓay tu ɓahri, Zezu sɔk ɓay hul Zak pol da.. 3-4Ke ko hul Zak ra rih law ziɓri bale, ke pih bolkusol ɓay kú si mgba Piyer pi. Kandɔkaw, ku mgba ni ke ɓil namri ké toŋndɔk seɗe kú-u laɓ ti̧hmbih-su̧ peŋ dan is (Pâque). Ke kehr sozeri ɓa gel niŋ ɓá kɔr ni. Gel kaɓna mbew le, sozeri niŋ niŋ. Eroɗ lek ɓay kuŋ salɓay tul Piyer ké pol daɓa nzukri fal ti̧hmbih-i guy buma ra.
5Piyer ƴo ɓil vul mgbal bale, sa̧w nzuk Ŋgermbayri ba, ƴo goŋ Ŋgerzah ɓay tul ye kpatara dan ɔkna. 6Eroɗ lek ɓay ten ni fal nam a ɔh tɔr ti̧hmbih ɓay kuŋ salɓay tul ye. Ke suŋu-aw gaŋ mí Piyer na-nam ké sakra sozeri seɗe. Ku ŋga̧h ni ke sal lari seɗe. Soze-kɔr mgbalri ƴo nzak vul ké Piyer na ri kȩk pi. 7Dale Ŋgerzah Gaŋ tul feri riw pih tem nzak pihna ye ti̧h por. Gel teh gberere ké ɓil vul ra. Tem nzak pihna ra vba̧ gari Piyer tom ni. Ke ɓahri : « Piyer, ur síɓa ɓa gah-u. »
Bale sal lari ra ga̧y wɔsɔk ke ndɔk ye ku̧ siɓa. 8Tem nzak pihna el ɓah hi̧ ni ɓáy ɓahri : « Mú ŋga̧h si̧h wo. Mú ndoh sabɔk wo. Mú dih fal bi-ay. »
9-10Piyer dih fal ye ti̧h ke ɓil vul mgbal. Ku kal gel ƴona sozeri ké kɔr nzak vul mgbal Piyer, ku kal gel ƴona sozeri a ɓoru. Ku ka̧h nzakful ila a mboh-u ké sɔɓ ma fál ka̧w puh. Tuhru nzakfulu, ku laɓ ke lari, mí nzakfulu mgbur ke mun ye. Ku ti̧h. Ku ƴo si sina ké ful a hani. Piyer ko fe ké tem nzak pihna ƴo laɓu ɓa ketina ya. Ke ko ɓa lɔlɔ kaŋ. Mí tem nzak pihna ra zi rik rik poŋ ni. 11Bale Piyer tu mun ye wara. Ke ɓahri : « Aŋay, mi tu ɓa teh-u da. Gaŋ tul feri riw pih tem nzak pihna ye gi ya̧ mi ke ɓil kosehri ké Eroɗ ke yi̧n bi ziɓri lek ɓay laɓ ziŋ mi. »
12Piyer tu fe ké kal da, ke tɔr ma puh Mari mah Za̧h ké riŋ ye a ɓoru ɓa Marki. Daɓa nzukri mbu̧h ké ri ƴo goŋ Ŋgerzah. 13Piyer vba̧ tuhru polkɔkɔ bale, Rode gun kaɓna a wu̧yu ti̧h si ɓay ko ɓa a ge le ? 14Ke lah kusol Piyer, mí law ye rih ni keɗ keɗ. Ke mgbur ful ya dih, ke el ke ɗukna si ɓil vul sɔk nzukri ɓahri, Piyer ƴo kala ké polkɔkɔ. 15Ku ɓah hi̧ ni ɓahri : « Mu ɓa kɔkɔ. »
Ke ƴo tul ɓay ye ɓahri : « Ɓa a ye gaŋ. »
Ku ɓahri : « Mí le, záh ye munu. »
16Mí a ye Piyer ba, ke toŋ vba̧ tuhru polkɔkɔ. Ku gi mgbur ful ra bale, ku ko ɓa a ye gaŋ, na niri ɓa fe saŋ. 17Ke ɔr ndɔk hi̧ niri ɓay kú kaɓ ɗeŋ. Ke ndazi ani mí Gaŋ tul feri riw ten ni ke vul mgbal. Ke el ɓahri : « Í si wuri sɔk ɓayay hi̧ Zak#12.17 Zak a a̧y ɓa yi̧n Zezu. Í ki̧ Mbete Galaɗri 1.19. ke tɔr yi̧n wah ɓil Ŋgermbayri. » Mí ke tɔr ma gel a ɓoru.
18Tipele teh bale, kerɓay mbaŋ law sozeri. Ku ɓahri : « A fe mí kal dara mí Piyer zi keni le ? »
19Eroɗ hi̧ ku nzah ni ya̧h ya̧h ké gelri riw. Ku ziŋ ni ya dih, mí ke fakla ɓayu ké ta̧w sozeri ké kɔr ni bale, ke kuŋ salɓay ɓa kpuh-u hi̧ sukna-u ɗer ku̧ tul woyri.
Bol falu, Eroɗ tɔr ke Zude si kaɓ Sezareh nam mah fe. 20Ke sewu-aw, law Eroɗ fa̧h tuh tuh ké tul nzuk Tir ke nzuk Sidoŋri. Bale a woyri-aw, ku mbu̧h nzak mbew lek ɓay gi ta̧w ye. Ku si ziŋ nzuk-lek gel nam mbay, riŋ ye Baltus, dara mí ku kal si ta̧w mbay. Ku si vbi law vohna ké ta̧w mbay ɓayu ké tusiɓa ye, mí ku ƴo yeh fe su̧na ké ri. 21Nam ké Eroɗ wah ra ka̧h. Ke ndoh mah gar mbay ye ké ndu̧y ver ver. Ke kaɓ fe kaɓna mbay, ke ɓah ɓay hi̧ niri ké pol nzukri. 22Nzukri ba, ƴo ɓah ɓay gɔrɔm gɔrɔm ɓahri : « Kusol záh munu. Kusol nzuk pirmatul ta-a. » 23Sa gelaw mí tem nzak pihna Gaŋ tul feri riw vba̧ ni. Kay ti ni, ke hu ɓayu ké-e sa tu riŋ ɗina Ŋgerzah ya, ke yih ɓay nzukri ɓá dim ni kandɔk Ŋgerzah. 24Mí ɓay Ŋgerzah ba, seh ya̧ gel ma pol pol.
Tempuki sɔk sa̧w nzuk Ŋgermbayri ké Antiyos, ku pih Barnabas ke Sɔl
25Barnabas ke Sɔl ba, ƴo Zurusalem. Ku ɔh pihna-so nzuk sehri ké Zurusalem. Mí ku el ma Antiyos. Ku maŋ Za̧h ké riŋ ye a ɓoru ɓa Marki si ziŋ niri pi.
ទើបបានជ្រើសរើសហើយ៖
Mbete Fe laɓna Tempuki 12: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Fe laɓna Tempuki 12
12
Nzukbaa Ŋgermbayri yih ɓay gbu̧h ɓay Ŋgerzah
1Ke sewu Barnabas ke Sɔl ƴo Antiyos, mí mbay Eroɗ Agripa ƴo zɔklɔ sa̧w nzuk Ŋgermbay a haniri ké Zurusalem, ke mgba niri laɓ niri koseh. 2Ke hi̧ ku i Zak yi̧n Za̧h ke mahwu̧y#12.2 Í mgba gel ki̧na-ay tuh ke gel ki̧na Mbete Marki 10.39 ɓay tu ɓahri, Zezu sɔk ɓay hul Zak pol da.. 3-4Ke ko hul Zak ra rih law ziɓri bale, ke pih bolkusol ɓay kú si mgba Piyer pi. Kandɔkaw, ku mgba ni ke ɓil namri ké toŋndɔk seɗe kú-u laɓ ti̧hmbih-su̧ peŋ dan is (Pâque). Ke kehr sozeri ɓa gel niŋ ɓá kɔr ni. Gel kaɓna mbew le, sozeri niŋ niŋ. Eroɗ lek ɓay kuŋ salɓay tul Piyer ké pol daɓa nzukri fal ti̧hmbih-i guy buma ra.
5Piyer ƴo ɓil vul mgbal bale, sa̧w nzuk Ŋgermbayri ba, ƴo goŋ Ŋgerzah ɓay tul ye kpatara dan ɔkna. 6Eroɗ lek ɓay ten ni fal nam a ɔh tɔr ti̧hmbih ɓay kuŋ salɓay tul ye. Ke suŋu-aw gaŋ mí Piyer na-nam ké sakra sozeri seɗe. Ku ŋga̧h ni ke sal lari seɗe. Soze-kɔr mgbalri ƴo nzak vul ké Piyer na ri kȩk pi. 7Dale Ŋgerzah Gaŋ tul feri riw pih tem nzak pihna ye ti̧h por. Gel teh gberere ké ɓil vul ra. Tem nzak pihna ra vba̧ gari Piyer tom ni. Ke ɓahri : « Piyer, ur síɓa ɓa gah-u. »
Bale sal lari ra ga̧y wɔsɔk ke ndɔk ye ku̧ siɓa. 8Tem nzak pihna el ɓah hi̧ ni ɓáy ɓahri : « Mú ŋga̧h si̧h wo. Mú ndoh sabɔk wo. Mú dih fal bi-ay. »
9-10Piyer dih fal ye ti̧h ke ɓil vul mgbal. Ku kal gel ƴona sozeri ké kɔr nzak vul mgbal Piyer, ku kal gel ƴona sozeri a ɓoru. Ku ka̧h nzakful ila a mboh-u ké sɔɓ ma fál ka̧w puh. Tuhru nzakfulu, ku laɓ ke lari, mí nzakfulu mgbur ke mun ye. Ku ti̧h. Ku ƴo si sina ké ful a hani. Piyer ko fe ké tem nzak pihna ƴo laɓu ɓa ketina ya. Ke ko ɓa lɔlɔ kaŋ. Mí tem nzak pihna ra zi rik rik poŋ ni. 11Bale Piyer tu mun ye wara. Ke ɓahri : « Aŋay, mi tu ɓa teh-u da. Gaŋ tul feri riw pih tem nzak pihna ye gi ya̧ mi ke ɓil kosehri ké Eroɗ ke yi̧n bi ziɓri lek ɓay laɓ ziŋ mi. »
12Piyer tu fe ké kal da, ke tɔr ma puh Mari mah Za̧h ké riŋ ye a ɓoru ɓa Marki. Daɓa nzukri mbu̧h ké ri ƴo goŋ Ŋgerzah. 13Piyer vba̧ tuhru polkɔkɔ bale, Rode gun kaɓna a wu̧yu ti̧h si ɓay ko ɓa a ge le ? 14Ke lah kusol Piyer, mí law ye rih ni keɗ keɗ. Ke mgbur ful ya dih, ke el ke ɗukna si ɓil vul sɔk nzukri ɓahri, Piyer ƴo kala ké polkɔkɔ. 15Ku ɓah hi̧ ni ɓahri : « Mu ɓa kɔkɔ. »
Ke ƴo tul ɓay ye ɓahri : « Ɓa a ye gaŋ. »
Ku ɓahri : « Mí le, záh ye munu. »
16Mí a ye Piyer ba, ke toŋ vba̧ tuhru polkɔkɔ. Ku gi mgbur ful ra bale, ku ko ɓa a ye gaŋ, na niri ɓa fe saŋ. 17Ke ɔr ndɔk hi̧ niri ɓay kú kaɓ ɗeŋ. Ke ndazi ani mí Gaŋ tul feri riw ten ni ke vul mgbal. Ke el ɓahri : « Í si wuri sɔk ɓayay hi̧ Zak#12.17 Zak a a̧y ɓa yi̧n Zezu. Í ki̧ Mbete Galaɗri 1.19. ke tɔr yi̧n wah ɓil Ŋgermbayri. » Mí ke tɔr ma gel a ɓoru.
18Tipele teh bale, kerɓay mbaŋ law sozeri. Ku ɓahri : « A fe mí kal dara mí Piyer zi keni le ? »
19Eroɗ hi̧ ku nzah ni ya̧h ya̧h ké gelri riw. Ku ziŋ ni ya dih, mí ke fakla ɓayu ké ta̧w sozeri ké kɔr ni bale, ke kuŋ salɓay ɓa kpuh-u hi̧ sukna-u ɗer ku̧ tul woyri.
Bol falu, Eroɗ tɔr ke Zude si kaɓ Sezareh nam mah fe. 20Ke sewu-aw, law Eroɗ fa̧h tuh tuh ké tul nzuk Tir ke nzuk Sidoŋri. Bale a woyri-aw, ku mbu̧h nzak mbew lek ɓay gi ta̧w ye. Ku si ziŋ nzuk-lek gel nam mbay, riŋ ye Baltus, dara mí ku kal si ta̧w mbay. Ku si vbi law vohna ké ta̧w mbay ɓayu ké tusiɓa ye, mí ku ƴo yeh fe su̧na ké ri. 21Nam ké Eroɗ wah ra ka̧h. Ke ndoh mah gar mbay ye ké ndu̧y ver ver. Ke kaɓ fe kaɓna mbay, ke ɓah ɓay hi̧ niri ké pol nzukri. 22Nzukri ba, ƴo ɓah ɓay gɔrɔm gɔrɔm ɓahri : « Kusol záh munu. Kusol nzuk pirmatul ta-a. » 23Sa gelaw mí tem nzak pihna Gaŋ tul feri riw vba̧ ni. Kay ti ni, ke hu ɓayu ké-e sa tu riŋ ɗina Ŋgerzah ya, ke yih ɓay nzukri ɓá dim ni kandɔk Ŋgerzah. 24Mí ɓay Ŋgerzah ba, seh ya̧ gel ma pol pol.
Tempuki sɔk sa̧w nzuk Ŋgermbayri ké Antiyos, ku pih Barnabas ke Sɔl
25Barnabas ke Sɔl ba, ƴo Zurusalem. Ku ɔh pihna-so nzuk sehri ké Zurusalem. Mí ku el ma Antiyos. Ku maŋ Za̧h ké riŋ ye a ɓoru ɓa Marki si ziŋ niri pi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.