Mbete Fe laɓna Tempuki 11
11
1Gun nzak pihna Ŋgermbayri ke nzuk yi̧n ɓil Ŋgermbay a ɓoruri ké tusiɓa Zude lah ɓahri#11.1 Tusiɓa Zude ɓa puh ziɓri. Kandɔkaw nzuk Ŋgermbay gelayri ɓa nzukri ké sa̧w woyri ɓa ziɓ., sa̧wnzuk a ɓoruri kara mgba ɓay Ŋgerzah ma law woyri. 2-3Gelke Piyer el si ka̧h Zurusalem le, ziɓri ké kan law tul Ŋgermbay ra lah ɓahri, Piyer kaɓ ziŋ sa̧w nzuk a ɓoru, mí ku laɓ ɓay ziŋ ni ɓahri : « Mu rih kerpuh nzuk a ɓoru ké kuŋ ndi̧w kandɔk ké Ŋgerzah sɔk na ra ya, mú-u su̧ fe ziŋ niri-aw. »
4Wara mí, Piyer ndazi ɓay feri ké kal ke bamu bamu hi̧ niri. 5Ke ɓahri : « Mi kaɓ Zope ƴo goŋ Ŋgerzah, mí Ŋgerzah hi̧ mi, mi ko fe ke lɔlɔ. Mi ko gar ɓa ah-u borol ké ku mgba ti̧w garu niŋ ɗer ke nunmbam gi ka̧h ta̧w bi. 6Mi ko gel ka̧ah, hekre ɓilu. Mí mi ko fe hɔlnari ke nay kpahri, hay sa̧y kuhru ke selhaŋri ke gundoyri pi. 7Bale mi lah kusol nzuk ɓah hi̧ mi ɓahri : “Piyer, ur síɓa. Mú i, mú su̧.” 8Mí-i ɓahri : “Mbay, kaŋ ya. Bɔk mbew bi gel-su̧ hay ké mah nun Ŋgerzah ya, hay a kala ké bolkusol Ŋgerzah gboh su̧-u pi.” 9Mí kusol ra el ɓah a bɔk seɗe-u hi̧ mi ɓahri : “Fe ké Ŋgerzah ko mah nun ye ra, mú ko ɓa fe a kala ya.” 10-11Fe-u laɓ kaŋ kaŋ bɔk say bale, ku kɔklɔ gar ra el keni ma nunmbam ba, nzukri say ka̧h kerpuh ké nah kaɓ ri. Nzuk Sezareh a hani mí pih niri ma ta̧w bi. 12Mí Tempuki sɔk mi ɓahri, kerɓay sa̧w bi ɓá zɔklɔ mi ya. Mí tɔr ziŋ niri. Nzuk yi̧n ɓil Ŋgermbayri ké tɔtɔklɔ-ay si ziŋ mi pi. Riw wah, nah mbu̧h hani ké kerpuh nzuk-ɗi mi. 13Nzuk puh-u sɔk na ani mí ke ko tem nzak pihna Ŋgerzah rih kerpuh ye sɔk ni ɓahri, ké pih nzukri si Zope ɓay ɗi mi Simu ké riŋ bi a ɓoru ɓa Piyer. 14Mi ka̧h le, mi sɔ́k niri ɓay ké ɓay ya̧ niri hi̧ kú ti̧h ɓa sa̧w nzuk Ŋgermbayri, a ye ke nzuk ɓil kerpuh yeri. 15Mi ka̧h bale, mi mbi ɓay ƴo ɓah-u, mí Tempuki ké ɗer ku̧ tul wah ke titilu da̧y ra, ɗer ku̧ tul woyri kaŋ pi. 16Bale mi ker ɓay si tul ɓay ɓahna Gaŋ tul feri riw ké-e ɓahri : “Za̧h soh nzukri batem a mbih, mí batem a Tempuki le, i ɓay ti̧h ɓilu.” 17Kaŋaw ba, Ŋgerzah hi̧ sa̧wnzuk a ɓoruri Tempuki kandɔk ké-e hi̧ na a wah ziɓri ké nah kan law tul Ŋgermbay Zezu Gaŋ tul feri riw ra wa, a bi ba, mi ɓa ge mí-i mah gboh Ŋgerzah le ? »
18Nzukri ké laɓ ɓay ziŋ Piyer ra lah ɓayaw kaŋ, mí law woyri voh. Ku ɓahri : « Mí le, sa̧wnzuk a ɓoruri kara Ŋgerzah hi̧ niri mahful gi ta̧w ye ɓay ziŋ ɔkna ye. » Bale ku dim Ŋgerzah ɓayu.
Sa̧wnzuk a ɓoruri lah ɓay Ŋgermbay ké ta̧w ziɓri ké kan law tul Ŋgermbay
19Ur ke seh ké ziɓ a sa ɓay Ŋgermbay yari i Eten ra#11.19 Ɓay seh ké ziɓ a sa ɓay Ŋgermbay yari i Eten na ɓil Mbete Fe laɓna Tempuki 7., ziɓri ké kan law tul Ŋgermbay gbakra hani kparki kparki ɓay koseh ké ziŋ niri. Ziɓ a haniri ɗuk si ka̧h tusiɓa Fonizi, ziɓ a ɓoruri si tusiɓa Siper, ziɓ a ɓoruri ɓáy si Antiyos. Ku si ta̧w sa̧wnzuk a ɓoruri ya, sa ɓa ziɓri kaŋto mí ku sɔk niri ɓay lak mbay Ŋgerzah ɓahri, Zezu ɓa Ŋgermbay. 20Mí ziɓ a haniri ké kan law tul Ŋgermbay, tusiɓa woyri ɓa Siper ke Siren. Ku si ka̧h Antiyos, mí ku sɔk sa̧wnzuk a ɓoruri ɓaysuki lák mbay Zezu Gaŋ tul feri riw. 21Mí Gaŋ tul feri riw hi̧ pihna woyri ti̧h suk bale, daɓa nzuk a ɓoruri ɓa ŋgi̧-u poŋ sa̧w záh woyri el kan law tul Gaŋ tul feri riw. 22Sa̧w nzuk Ŋgermbayri ké Zurusalem lah ɓayu bale, ku pih Barnabas si Antiyos#11.22 Ɓay tu ɓay Barnabas, í ki̧ Mbete Fe laɓna Tempuki 4.36.. 23-24Ke ka̧h, ke ko lawsuki Ŋgerzah ƴo ziŋ nzukri-aw. Barnabas ra ɓa nzuk a suki, sa̧w siŋ sina ye ɓa Tempuki, law ye na sa tul Gaŋ tul feri riw, mí ke hew niri ɓahri, kú ɓer gi̧w ɓa kpuh-u ké tul Ŋgermbay, kú el fal ya. Bale daɓa nzukri ɓa ŋgi̧-u poŋ mun woyri hi̧ Gaŋ tul feri riw.
25Kaŋ mí Barnabas tɔr si Tarsi ɓay ƴah Sɔl. 26Ke si ziŋ ni bale, ke maŋ ni, ku el gi Antiyos. Ku kaɓ ri mbihmbam mbew, ku ƴo mbu̧h ziŋ sa̧w nzuk Ŋgermbayri. Ku sɔk niri ɓay Ŋgermbay ma pol pol, mí kandɔk kú-u dih fal Ŋgermbay ra, nzukri titil ɗi sa̧w nzuk Ŋgermbayri ɓa keretiyȩ#11.26 Nzuk a kalari ɗi nzuk-dih fal Ŋgermbayri ɓa keretiyȩ kaŋ, ɓa riŋ farna. Tɔh riŋu sɔk ɓahri, Krisiri. Ke nzak faraŋse ba, ɓa keretiyȩ. Bol falu, sa̧w nzuk Ŋgermbayri el ɗi haniri kaŋ pi, ɓa riŋ ɗina woyri.. 27Ke sewu-aw, nzuk a haniri ur ke Zurusalem si Antiyos. Ku ɓa gun nzak pihna Ŋgerzah. 28Nzuk mbew ké sakra woyri-aw, riŋ ye ɓa Agabus. Tempuki ɓaŋ ɓay ɗaka bahpihya ké ɓay lih tusiɓa hi̧ ni. Ke ur ƴo haŋsekle sa̧w nzuk Ŋgermbayri, mí ke sɔk niri. Fe-u laɓ ke sew ké sezar Koloɗ ɓa mbay. 29Nzuk-dih fal Ŋgermbayri ké Antiyos wahɓay so yi̧n woyri ɓil Ŋgermbay ké kaɓ tusiɓa Zude. A ge ge le pih ke fe mah gel ŋgerna ye. 30Ku laɓ fe-u gaŋ ba. Ku pih Barnabas ke Sɔl ke lari-u si hi̧ ŋgernzuk vul misoŋri ké tusiɓa Zude#11.30 Í mgba Mbete Galaɗri 2.1-10 tuh ke kerɓay pihna Barnabas ke Sɔl ke lari-u. Nzuk goso fe tuna a haniri ker ɓahri, seh-u-aw mah hani..
ទើបបានជ្រើសរើសហើយ៖
Mbete Fe laɓna Tempuki 11: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Fe laɓna Tempuki 11
11
1Gun nzak pihna Ŋgermbayri ke nzuk yi̧n ɓil Ŋgermbay a ɓoruri ké tusiɓa Zude lah ɓahri#11.1 Tusiɓa Zude ɓa puh ziɓri. Kandɔkaw nzuk Ŋgermbay gelayri ɓa nzukri ké sa̧w woyri ɓa ziɓ., sa̧wnzuk a ɓoruri kara mgba ɓay Ŋgerzah ma law woyri. 2-3Gelke Piyer el si ka̧h Zurusalem le, ziɓri ké kan law tul Ŋgermbay ra lah ɓahri, Piyer kaɓ ziŋ sa̧w nzuk a ɓoru, mí ku laɓ ɓay ziŋ ni ɓahri : « Mu rih kerpuh nzuk a ɓoru ké kuŋ ndi̧w kandɔk ké Ŋgerzah sɔk na ra ya, mú-u su̧ fe ziŋ niri-aw. »
4Wara mí, Piyer ndazi ɓay feri ké kal ke bamu bamu hi̧ niri. 5Ke ɓahri : « Mi kaɓ Zope ƴo goŋ Ŋgerzah, mí Ŋgerzah hi̧ mi, mi ko fe ke lɔlɔ. Mi ko gar ɓa ah-u borol ké ku mgba ti̧w garu niŋ ɗer ke nunmbam gi ka̧h ta̧w bi. 6Mi ko gel ka̧ah, hekre ɓilu. Mí mi ko fe hɔlnari ke nay kpahri, hay sa̧y kuhru ke selhaŋri ke gundoyri pi. 7Bale mi lah kusol nzuk ɓah hi̧ mi ɓahri : “Piyer, ur síɓa. Mú i, mú su̧.” 8Mí-i ɓahri : “Mbay, kaŋ ya. Bɔk mbew bi gel-su̧ hay ké mah nun Ŋgerzah ya, hay a kala ké bolkusol Ŋgerzah gboh su̧-u pi.” 9Mí kusol ra el ɓah a bɔk seɗe-u hi̧ mi ɓahri : “Fe ké Ŋgerzah ko mah nun ye ra, mú ko ɓa fe a kala ya.” 10-11Fe-u laɓ kaŋ kaŋ bɔk say bale, ku kɔklɔ gar ra el keni ma nunmbam ba, nzukri say ka̧h kerpuh ké nah kaɓ ri. Nzuk Sezareh a hani mí pih niri ma ta̧w bi. 12Mí Tempuki sɔk mi ɓahri, kerɓay sa̧w bi ɓá zɔklɔ mi ya. Mí tɔr ziŋ niri. Nzuk yi̧n ɓil Ŋgermbayri ké tɔtɔklɔ-ay si ziŋ mi pi. Riw wah, nah mbu̧h hani ké kerpuh nzuk-ɗi mi. 13Nzuk puh-u sɔk na ani mí ke ko tem nzak pihna Ŋgerzah rih kerpuh ye sɔk ni ɓahri, ké pih nzukri si Zope ɓay ɗi mi Simu ké riŋ bi a ɓoru ɓa Piyer. 14Mi ka̧h le, mi sɔ́k niri ɓay ké ɓay ya̧ niri hi̧ kú ti̧h ɓa sa̧w nzuk Ŋgermbayri, a ye ke nzuk ɓil kerpuh yeri. 15Mi ka̧h bale, mi mbi ɓay ƴo ɓah-u, mí Tempuki ké ɗer ku̧ tul wah ke titilu da̧y ra, ɗer ku̧ tul woyri kaŋ pi. 16Bale mi ker ɓay si tul ɓay ɓahna Gaŋ tul feri riw ké-e ɓahri : “Za̧h soh nzukri batem a mbih, mí batem a Tempuki le, i ɓay ti̧h ɓilu.” 17Kaŋaw ba, Ŋgerzah hi̧ sa̧wnzuk a ɓoruri Tempuki kandɔk ké-e hi̧ na a wah ziɓri ké nah kan law tul Ŋgermbay Zezu Gaŋ tul feri riw ra wa, a bi ba, mi ɓa ge mí-i mah gboh Ŋgerzah le ? »
18Nzukri ké laɓ ɓay ziŋ Piyer ra lah ɓayaw kaŋ, mí law woyri voh. Ku ɓahri : « Mí le, sa̧wnzuk a ɓoruri kara Ŋgerzah hi̧ niri mahful gi ta̧w ye ɓay ziŋ ɔkna ye. » Bale ku dim Ŋgerzah ɓayu.
Sa̧wnzuk a ɓoruri lah ɓay Ŋgermbay ké ta̧w ziɓri ké kan law tul Ŋgermbay
19Ur ke seh ké ziɓ a sa ɓay Ŋgermbay yari i Eten ra#11.19 Ɓay seh ké ziɓ a sa ɓay Ŋgermbay yari i Eten na ɓil Mbete Fe laɓna Tempuki 7., ziɓri ké kan law tul Ŋgermbay gbakra hani kparki kparki ɓay koseh ké ziŋ niri. Ziɓ a haniri ɗuk si ka̧h tusiɓa Fonizi, ziɓ a ɓoruri si tusiɓa Siper, ziɓ a ɓoruri ɓáy si Antiyos. Ku si ta̧w sa̧wnzuk a ɓoruri ya, sa ɓa ziɓri kaŋto mí ku sɔk niri ɓay lak mbay Ŋgerzah ɓahri, Zezu ɓa Ŋgermbay. 20Mí ziɓ a haniri ké kan law tul Ŋgermbay, tusiɓa woyri ɓa Siper ke Siren. Ku si ka̧h Antiyos, mí ku sɔk sa̧wnzuk a ɓoruri ɓaysuki lák mbay Zezu Gaŋ tul feri riw. 21Mí Gaŋ tul feri riw hi̧ pihna woyri ti̧h suk bale, daɓa nzuk a ɓoruri ɓa ŋgi̧-u poŋ sa̧w záh woyri el kan law tul Gaŋ tul feri riw. 22Sa̧w nzuk Ŋgermbayri ké Zurusalem lah ɓayu bale, ku pih Barnabas si Antiyos#11.22 Ɓay tu ɓay Barnabas, í ki̧ Mbete Fe laɓna Tempuki 4.36.. 23-24Ke ka̧h, ke ko lawsuki Ŋgerzah ƴo ziŋ nzukri-aw. Barnabas ra ɓa nzuk a suki, sa̧w siŋ sina ye ɓa Tempuki, law ye na sa tul Gaŋ tul feri riw, mí ke hew niri ɓahri, kú ɓer gi̧w ɓa kpuh-u ké tul Ŋgermbay, kú el fal ya. Bale daɓa nzukri ɓa ŋgi̧-u poŋ mun woyri hi̧ Gaŋ tul feri riw.
25Kaŋ mí Barnabas tɔr si Tarsi ɓay ƴah Sɔl. 26Ke si ziŋ ni bale, ke maŋ ni, ku el gi Antiyos. Ku kaɓ ri mbihmbam mbew, ku ƴo mbu̧h ziŋ sa̧w nzuk Ŋgermbayri. Ku sɔk niri ɓay Ŋgermbay ma pol pol, mí kandɔk kú-u dih fal Ŋgermbay ra, nzukri titil ɗi sa̧w nzuk Ŋgermbayri ɓa keretiyȩ#11.26 Nzuk a kalari ɗi nzuk-dih fal Ŋgermbayri ɓa keretiyȩ kaŋ, ɓa riŋ farna. Tɔh riŋu sɔk ɓahri, Krisiri. Ke nzak faraŋse ba, ɓa keretiyȩ. Bol falu, sa̧w nzuk Ŋgermbayri el ɗi haniri kaŋ pi, ɓa riŋ ɗina woyri.. 27Ke sewu-aw, nzuk a haniri ur ke Zurusalem si Antiyos. Ku ɓa gun nzak pihna Ŋgerzah. 28Nzuk mbew ké sakra woyri-aw, riŋ ye ɓa Agabus. Tempuki ɓaŋ ɓay ɗaka bahpihya ké ɓay lih tusiɓa hi̧ ni. Ke ur ƴo haŋsekle sa̧w nzuk Ŋgermbayri, mí ke sɔk niri. Fe-u laɓ ke sew ké sezar Koloɗ ɓa mbay. 29Nzuk-dih fal Ŋgermbayri ké Antiyos wahɓay so yi̧n woyri ɓil Ŋgermbay ké kaɓ tusiɓa Zude. A ge ge le pih ke fe mah gel ŋgerna ye. 30Ku laɓ fe-u gaŋ ba. Ku pih Barnabas ke Sɔl ke lari-u si hi̧ ŋgernzuk vul misoŋri ké tusiɓa Zude#11.30 Í mgba Mbete Galaɗri 2.1-10 tuh ke kerɓay pihna Barnabas ke Sɔl ke lari-u. Nzuk goso fe tuna a haniri ker ɓahri, seh-u-aw mah hani..
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.