Tohi a Paulo ki te kau LOMA 1
1
Manatu a Paulo ki te kau sagato i Loma
1Paulo, tagata faifekau a Sesu-Kilisito, nee kalagai ke apositolo, kua vahei kehe ki te fakaha o te Evaselio a te Atua 2– Evaselio ae nee fakapapau i mua e te Atua i tana kau polofeta i te Tohi tapu; 3e uiga ia mo tona Alo nee tupu mai te hako o Tavite, i te fai ki te kakano, 4nee fakaha ia ko te Alo o te Atua e te Laumalie Maonioni aki tana toe tuuake mai te kau mate, Sesu-Kilisito, totatou Aliki; 5aki ia ia kua matou tali te kalasia mo te gaue fakaapositolo, ke aumai i tona huafa ki te talagafua o te tui te kau pagani fuli, 6ae e kotou kau ai foki, koutou kua kalagai e Sesu-Kilisito – 7kia natou fuli i Loma ko te u ofaaga a te Atua, kua fakahigoa sagato i te vokasio: ke foaki atu kia koutou te kalasia mo te tokalelei e te Atua, tatatou Tamai, pea mo te Aliki ko Sesu-Kilisito!
8E au uluaki fakafetai ki toku Atua ia Sesu-Kilisito, o uhiga mo koutou fuli, koteuhi kua logologona takotou tui i te malamanei katoa. 9Ko te Atua, ae e au tauhi i toku laumalie i te Evaselio o tona Alo, e fakamooni mai kia au e au fakamanatu tuumau koutou, 10o kole tuumau i aku faikole ke au mau la, aki tona finegalo, te manuia ke au alu atu kia koutou. 11Koteuhi e au fakaamu lahi ke au sio kia koutou, o vahevahe kia koutou ni meaofa fakalaumalie ke fakamalohii ai koutou, 12pe lagi mooni age, ke fakalotomalohii ai tatou fakatahi i te lotomalie o koutou aki te tui e tou fakatahi ai, koutou mo au.
13Tehina, e au loto ke kotou iloi kua tua lahi taku fakatuutuu ke au alu atu kia koutou, o uhi ke au mau ni fua ia koutou o hage foki ko ae age u puleaga pagani; kae nee tau taofi au o kaku mai ki te aho nei. 14E au maua ki te kau Keleka mo te kau pagani, ki te kau poto mo te kau vale. 15Koia e au holi mamahi ai ke au fakaha atu kia koutou foki te Evaselio, kia koutou e nonofo i Loma.
Faitotonu i te tui
16Koteuhi e mole au ufiufi i te Evaselio: Ko te mafimafi ia o te Atua ki te fakamauli o ae pe e tui, o te Sutea uluaki, pea mo te Keleka leva, 17koteuhi i te Evaselio e fakaha ai te faitotonu o te Atua aki te tui pea ki te tui, o hage ko tona tohi: Ko te tagata agatonu e mauli anai i te tui.
Agahala a te kau pagani
18E fakaha mai te lagi te hauhau o te Atua ki te u agahala fuli mo te u kovi fuli a te u tagata ae e natou taofi te gaue a te mooni, 19koteuhi kua ha lelei kia natou te u mea ae e feala ke iloi i te Atua, koteuhi kua fakaha e te Atua kia natou. 20Koia, kua natou sisio mata ai ki te u lelei fakapulipuli o te Atua, mo tona Mafimafi, mo tona natula fakaatua, talu mai te kamataaga o te malamanei, mo kapau e natou sisio ki ana gaue. Koia e mole natou mau ai he holaaga. 21Koteuhi kua natou iloi te Atua, kae nee mole natou fakakololia kia ia ko te Atua, pea nee mole natou fakafetai kia ia; kae nee natou hehe i ni fakakaukau vaiga, pea kua fonu onatou atamai vavale i te fakapouli. 22I tanatou ui e natou popoto, kua natou liliu o vavale; 23pea kua natou fetogi te Kololia o te Atua aki ni paaki o ni tagata agahala, mo ni manulele, mo ni manu vae fa, pea mo ni manu gatolo.
24Koia kua tuku ai natou e te Atua ki te mauli fakalialia o mulimuli ki te u manumanu o onatou loto; koia kua natou fakamatagafuai ai e natou totonu onatou sino; 25natou ae kua natou fetogi te mooni o te Atua aki te loi, pea kua natou atolasio mo tauhi ki te mea ae nee fakatupu e te Atua, kae tuku te Tupuaga ae e tonu ke natou fakakololia ki ai o heegata. Ameni!
26Koia kua tuku ai natou e te Atua ki ni holi kovi fakaufiufi: Koteuhi kua fetogi e anatou fafine totonu te u felavei fakanatula aki ni felavei ae e fakafehagai ki te natula; 27pea e toe tatau mo te u tagata, kua natou siaki te fakaaoga mahani o te fafine, kae kua natou vevela i te feholikoviaki ia natou pe, o natou fai, e te tagata mo te tagata, ni mea fakaufiufi, pea kua natou tali i ai, e natou totonu, te totogi ae e feauga mo tanatou hehe.
28O tupu nee mole natou loto ke iloi te Atua, kua tuku natou e te Atua ki onatou loto fakapouli ke natou fai ni mea ae e mole gali mo natou. 29Kua natou fonu i te u mea kovi fuli, mo te u faifeauaki, mo te u agakovi, mo te u manumanu; pea kua natou tukumanava pe ki te lotokovi, mo te fakapo, mo te fekeaki, mo te kaka, mo te fasituu; 30ko natou ko te u mea gutu munamuna, mo fatufatu, mo fehia ki te Atua, mo fakamalohi, mo fia ha, mo viki tonu, mo fakatupu kovi, mo logogataa ki te u matua, mo hala atamai, 31mo hala poto, mo hala taofi fakapapau, mo hala ofa fakatagata, pea mo hala manavaofa. 32Pea e logo ai e natou iloi te fakamaau faitotonu a te Atua, ae kua ina fakaha e tonu ke mate natou e natou fai te u mea aena, e mole gata pe e natou fai te u mea aena, kae e natou toe fakamooni foki kia natou ae e natou fai te u mea aena.
ទើបបានជ្រើសរើសហើយ៖
Tohi a Paulo ki te kau LOMA 1: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau LOMA 1
1
Manatu a Paulo ki te kau sagato i Loma
1Paulo, tagata faifekau a Sesu-Kilisito, nee kalagai ke apositolo, kua vahei kehe ki te fakaha o te Evaselio a te Atua 2– Evaselio ae nee fakapapau i mua e te Atua i tana kau polofeta i te Tohi tapu; 3e uiga ia mo tona Alo nee tupu mai te hako o Tavite, i te fai ki te kakano, 4nee fakaha ia ko te Alo o te Atua e te Laumalie Maonioni aki tana toe tuuake mai te kau mate, Sesu-Kilisito, totatou Aliki; 5aki ia ia kua matou tali te kalasia mo te gaue fakaapositolo, ke aumai i tona huafa ki te talagafua o te tui te kau pagani fuli, 6ae e kotou kau ai foki, koutou kua kalagai e Sesu-Kilisito – 7kia natou fuli i Loma ko te u ofaaga a te Atua, kua fakahigoa sagato i te vokasio: ke foaki atu kia koutou te kalasia mo te tokalelei e te Atua, tatatou Tamai, pea mo te Aliki ko Sesu-Kilisito!
8E au uluaki fakafetai ki toku Atua ia Sesu-Kilisito, o uhiga mo koutou fuli, koteuhi kua logologona takotou tui i te malamanei katoa. 9Ko te Atua, ae e au tauhi i toku laumalie i te Evaselio o tona Alo, e fakamooni mai kia au e au fakamanatu tuumau koutou, 10o kole tuumau i aku faikole ke au mau la, aki tona finegalo, te manuia ke au alu atu kia koutou. 11Koteuhi e au fakaamu lahi ke au sio kia koutou, o vahevahe kia koutou ni meaofa fakalaumalie ke fakamalohii ai koutou, 12pe lagi mooni age, ke fakalotomalohii ai tatou fakatahi i te lotomalie o koutou aki te tui e tou fakatahi ai, koutou mo au.
13Tehina, e au loto ke kotou iloi kua tua lahi taku fakatuutuu ke au alu atu kia koutou, o uhi ke au mau ni fua ia koutou o hage foki ko ae age u puleaga pagani; kae nee tau taofi au o kaku mai ki te aho nei. 14E au maua ki te kau Keleka mo te kau pagani, ki te kau poto mo te kau vale. 15Koia e au holi mamahi ai ke au fakaha atu kia koutou foki te Evaselio, kia koutou e nonofo i Loma.
Faitotonu i te tui
16Koteuhi e mole au ufiufi i te Evaselio: Ko te mafimafi ia o te Atua ki te fakamauli o ae pe e tui, o te Sutea uluaki, pea mo te Keleka leva, 17koteuhi i te Evaselio e fakaha ai te faitotonu o te Atua aki te tui pea ki te tui, o hage ko tona tohi: Ko te tagata agatonu e mauli anai i te tui.
Agahala a te kau pagani
18E fakaha mai te lagi te hauhau o te Atua ki te u agahala fuli mo te u kovi fuli a te u tagata ae e natou taofi te gaue a te mooni, 19koteuhi kua ha lelei kia natou te u mea ae e feala ke iloi i te Atua, koteuhi kua fakaha e te Atua kia natou. 20Koia, kua natou sisio mata ai ki te u lelei fakapulipuli o te Atua, mo tona Mafimafi, mo tona natula fakaatua, talu mai te kamataaga o te malamanei, mo kapau e natou sisio ki ana gaue. Koia e mole natou mau ai he holaaga. 21Koteuhi kua natou iloi te Atua, kae nee mole natou fakakololia kia ia ko te Atua, pea nee mole natou fakafetai kia ia; kae nee natou hehe i ni fakakaukau vaiga, pea kua fonu onatou atamai vavale i te fakapouli. 22I tanatou ui e natou popoto, kua natou liliu o vavale; 23pea kua natou fetogi te Kololia o te Atua aki ni paaki o ni tagata agahala, mo ni manulele, mo ni manu vae fa, pea mo ni manu gatolo.
24Koia kua tuku ai natou e te Atua ki te mauli fakalialia o mulimuli ki te u manumanu o onatou loto; koia kua natou fakamatagafuai ai e natou totonu onatou sino; 25natou ae kua natou fetogi te mooni o te Atua aki te loi, pea kua natou atolasio mo tauhi ki te mea ae nee fakatupu e te Atua, kae tuku te Tupuaga ae e tonu ke natou fakakololia ki ai o heegata. Ameni!
26Koia kua tuku ai natou e te Atua ki ni holi kovi fakaufiufi: Koteuhi kua fetogi e anatou fafine totonu te u felavei fakanatula aki ni felavei ae e fakafehagai ki te natula; 27pea e toe tatau mo te u tagata, kua natou siaki te fakaaoga mahani o te fafine, kae kua natou vevela i te feholikoviaki ia natou pe, o natou fai, e te tagata mo te tagata, ni mea fakaufiufi, pea kua natou tali i ai, e natou totonu, te totogi ae e feauga mo tanatou hehe.
28O tupu nee mole natou loto ke iloi te Atua, kua tuku natou e te Atua ki onatou loto fakapouli ke natou fai ni mea ae e mole gali mo natou. 29Kua natou fonu i te u mea kovi fuli, mo te u faifeauaki, mo te u agakovi, mo te u manumanu; pea kua natou tukumanava pe ki te lotokovi, mo te fakapo, mo te fekeaki, mo te kaka, mo te fasituu; 30ko natou ko te u mea gutu munamuna, mo fatufatu, mo fehia ki te Atua, mo fakamalohi, mo fia ha, mo viki tonu, mo fakatupu kovi, mo logogataa ki te u matua, mo hala atamai, 31mo hala poto, mo hala taofi fakapapau, mo hala ofa fakatagata, pea mo hala manavaofa. 32Pea e logo ai e natou iloi te fakamaau faitotonu a te Atua, ae kua ina fakaha e tonu ke mate natou e natou fai te u mea aena, e mole gata pe e natou fai te u mea aena, kae e natou toe fakamooni foki kia natou ae e natou fai te u mea aena.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland