TOHI GAUE A TE KAU APOSITOLO 28
28
Paulo i Malete, tona uusi e te gata
1I tamatou kua hao i te tuutamaki, nee matou iloi leva ko te higoa o te motu ko Malete.
2Nee matou felavai mo te manavaofa kehe o te hahai pagani aena kia matou; nee natou tafu leva he afi pea nee natou fakaoviovi age leva matou ki ai ke matou fakamafana ai, koteuhi nee ua pea nee momoko. 3I te luluku e Paulo he tuuga vao moamoa ke si ki te afi, nee ulu leva mai ai he gata kafo kona i te vevela o te afi, o pipiki ki tona nima. 4I te sio a te hahai o te fenua ki te pipiki o te gata i tona nima, nee natou feuiaki leva: E mooni osi, ko te tagata aeni ko he tagata fakapo, koteuhi nee mole loto te faitotonu ke mauli ia, i te osi o tana hao mai te tai. 5Nee tuui leva e Paulo te manu ki te afi, pea nee mole ina logoi leva he mamahi. 6Nee talitali te hahai aena ki he fufula pe ko he mate fakapunamauli, kae i te fualoa o tanatou talitali, pea mo tanatou sio nee mole pe hoko kia ia he mea, nee natou fetogi manatu leva, o ui ko he atua ia.
Fakamauli o te tamai o Pupiliusi
7Nee i ai, ia tafatafa o te kogamea aena, ni kele nee fakalogo ki te pule lahi o te motu, ae nee higoa ko Pupiliusi; nee ina fakatalitali lelei leva matou mo fakanonofo matou ia aho e tolu i tona api. 8Nee tukulalo te tamai a Pupiliusi koteuhi nee mahaki ia, pea nee lahi tona fiva mo tona mamahi fatu. Nee ulu leva ia Paulo ki tona fale o faikole mo hili ona nima kia ia, o lelei ai leva tona mahaki. 9I tanatou logo ki te mea aena, nee omai leva mo te tahi u mahaki o te motu, pea nee fakamauli fuli leva natou. 10Nee lahi osi tanatou fai meaofa kia matou; pea i tamatou mavae, nee natou foaki mai leva kia matou te u mea fuli nee aoga kia matou.
Kaku a Paulo ki Loma
11I te osi o tamatou nofo i ai ia mahina e tolu, nee matou heka leva ki he vaka mai Alekasia ae nee tau i te temi momoko i te motu aena, pea nee tuu ai te fakailoga aeni, Tiosekule. 12I tamatou kaku ki Silakuse, nee matou nofo leva i ai ia aho e tolu. 13Mai ai, nee matou mulimuli i te alo motu, pea nee matou kaku leva ki Lesio; nee malaga leva te matagi o te saute i te aho ake, o aho lua pe pea nee matou kaku leva ki Pusole, 14i ai nee matou mau ni tehina pea nee natou kole mai leva ke matou nofo i ni aho e fitu mo natou. Nee matou mavae leva i ai o olo ki Loma. 15Ko te u tehina o te kolo aia, i tanatou mau ni logo o uhiga mo matou, nee natou omai leva o fakafelavei mai kia matou, o kaku mai ki te Folume o Apiusi pea mo te otele ko Tolu-Tavelene. Ko Paulo i tana sio kia natou nee fakafetai leva ki te Atua pea nee toe lotomalohi ai leva.
16I tamatou kaku ki Loma nee fakagafua leva kia Paulo ke nofo i hona nofoaga toko tahi, mo te tagata solia ae nee leo kia ia.
Akonaki a Paulo i Loma
17I te hili o aho e tolu, nee paui leva e Paulo te kau lalahi o te kau Sutea ke natou fakatahi age kia ia. I tanatou fakatahi age nee palalau leva ia kia natou, o ui: Tagata tehina, nee mole pe au fai he mea e fakafegai ki te hahai pee ki te u agaifenua o atatou tamai, kae nee tuku au ki te pilisoni i Selusalemi, pea nee tuku au mai ai kia nima o te kau Loma. 18I te osi o tanatou fakafehui au, nee natou loto ke natou fakaateainai au koteuhi nee mole pe natou mau he mea ia au e tonu ke au mate ai. 19Kae nee fakafehagai ki ai te kau Sutea, pea nee aoga ke au tagi kia Sesale, kae nee mole au loto ke fakalakahalai toku puleaga. 20Ko te tupuaga aena o taku kole ke au felavei mo koutou pea ke au palalau kia koutou, koteuhi ko te amanaki lelei a Iselaele ae e au nofo ai mo te u seini aeni.
21Nee natou tali leva kia ia. Nee heeki matou mau he tohi mai Sutea o uhiga mo koe, pea nee heeki hau he tahi i te u tehina, o laukovi mai o uhiga mo koe. 22Kae e matou fia logo maia koe totonu pe kotea tau manatu, koteuhi kua matou iloi te fakafehagai i te u kogamea fuli ki te magai lotu aena.
23Nee natou fakatuutuu leva kia ia he aho, pea nee hau leva he kaugamalie o mau ia i tona fale. Nee fakaha leva e Paulo te puleaga o te Atua kia natou i tana tuku tana fakamooni mauli, pea mo tana kumi i te lao a Moisese mo te kau polofeta te u mea o uhiga mo Sesu ke natou tui ai. Nee fai leva te mea aena mai te uhu o kaku ki te afiafi. 24Nee tui leva ihi ki te mea nee ina fakaha, pea ko ihi nee mole leva natou tui. 25I tanatou tauine nee heeki natou tukutahi, nee fai leva e Paulo te palalau aeni e tahi: E mooni osi te palalau a te Laumalie Maonioni ki atatou tamai i te gutu o te polofeta ko Esaia, o ui:
Maliu o Paulo ki te kau pagani
26 Alu ki te hahai aena, o ui:
E koutou logo anai i okotou taliga,
Kae e mole koutou mahino anai,
E koutou sisio anai i okotou mata,
Kae e mole koutou malama anai.
27 Koteuhi kua liliu o fefeka te loto o te hahai aena;
Kua natou fakatuli onatou taliga,
Pea kua natou mapunui onatou mata,
Ke aua naa natou sisio i onatou mata,
Ke aua naa natou logo i onatou taliga,
Ke aua naa natou mahihino i onatou loto,
Ke aua naa natou tafoki, pea ke aua naa au fakamauli natou.
28Koia ke koutou iloi kua fekaui te haofaki aena a te Atua ki te kau pagani, pea e natou fakalogo anai ki ai.
29I te osi leva o tana fakaha te mea aia, nee olo leva te kau Sutea o fihi malohi ia natou.
Pilisoni o Paulo i Loma ia tau e lua
30Nee nofo leva Paulo ia tau katoa e lua i he fale nee ina totogi. Nee ina fakatalitali natou fuli nee omai o ahiahi mai kia ia. 31Nee ina fakaha te puleaga o te Atua, pea mo akonaki ki te u mea o uhiga mo te Aliki Sesu Kilisito, i te lauatea katoa, hala fakafehagai.
ទើបបានជ្រើសរើសហើយ៖
TOHI GAUE A TE KAU APOSITOLO 28: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
TOHI GAUE A TE KAU APOSITOLO 28
28
Paulo i Malete, tona uusi e te gata
1I tamatou kua hao i te tuutamaki, nee matou iloi leva ko te higoa o te motu ko Malete.
2Nee matou felavai mo te manavaofa kehe o te hahai pagani aena kia matou; nee natou tafu leva he afi pea nee natou fakaoviovi age leva matou ki ai ke matou fakamafana ai, koteuhi nee ua pea nee momoko. 3I te luluku e Paulo he tuuga vao moamoa ke si ki te afi, nee ulu leva mai ai he gata kafo kona i te vevela o te afi, o pipiki ki tona nima. 4I te sio a te hahai o te fenua ki te pipiki o te gata i tona nima, nee natou feuiaki leva: E mooni osi, ko te tagata aeni ko he tagata fakapo, koteuhi nee mole loto te faitotonu ke mauli ia, i te osi o tana hao mai te tai. 5Nee tuui leva e Paulo te manu ki te afi, pea nee mole ina logoi leva he mamahi. 6Nee talitali te hahai aena ki he fufula pe ko he mate fakapunamauli, kae i te fualoa o tanatou talitali, pea mo tanatou sio nee mole pe hoko kia ia he mea, nee natou fetogi manatu leva, o ui ko he atua ia.
Fakamauli o te tamai o Pupiliusi
7Nee i ai, ia tafatafa o te kogamea aena, ni kele nee fakalogo ki te pule lahi o te motu, ae nee higoa ko Pupiliusi; nee ina fakatalitali lelei leva matou mo fakanonofo matou ia aho e tolu i tona api. 8Nee tukulalo te tamai a Pupiliusi koteuhi nee mahaki ia, pea nee lahi tona fiva mo tona mamahi fatu. Nee ulu leva ia Paulo ki tona fale o faikole mo hili ona nima kia ia, o lelei ai leva tona mahaki. 9I tanatou logo ki te mea aena, nee omai leva mo te tahi u mahaki o te motu, pea nee fakamauli fuli leva natou. 10Nee lahi osi tanatou fai meaofa kia matou; pea i tamatou mavae, nee natou foaki mai leva kia matou te u mea fuli nee aoga kia matou.
Kaku a Paulo ki Loma
11I te osi o tamatou nofo i ai ia mahina e tolu, nee matou heka leva ki he vaka mai Alekasia ae nee tau i te temi momoko i te motu aena, pea nee tuu ai te fakailoga aeni, Tiosekule. 12I tamatou kaku ki Silakuse, nee matou nofo leva i ai ia aho e tolu. 13Mai ai, nee matou mulimuli i te alo motu, pea nee matou kaku leva ki Lesio; nee malaga leva te matagi o te saute i te aho ake, o aho lua pe pea nee matou kaku leva ki Pusole, 14i ai nee matou mau ni tehina pea nee natou kole mai leva ke matou nofo i ni aho e fitu mo natou. Nee matou mavae leva i ai o olo ki Loma. 15Ko te u tehina o te kolo aia, i tanatou mau ni logo o uhiga mo matou, nee natou omai leva o fakafelavei mai kia matou, o kaku mai ki te Folume o Apiusi pea mo te otele ko Tolu-Tavelene. Ko Paulo i tana sio kia natou nee fakafetai leva ki te Atua pea nee toe lotomalohi ai leva.
16I tamatou kaku ki Loma nee fakagafua leva kia Paulo ke nofo i hona nofoaga toko tahi, mo te tagata solia ae nee leo kia ia.
Akonaki a Paulo i Loma
17I te hili o aho e tolu, nee paui leva e Paulo te kau lalahi o te kau Sutea ke natou fakatahi age kia ia. I tanatou fakatahi age nee palalau leva ia kia natou, o ui: Tagata tehina, nee mole pe au fai he mea e fakafegai ki te hahai pee ki te u agaifenua o atatou tamai, kae nee tuku au ki te pilisoni i Selusalemi, pea nee tuku au mai ai kia nima o te kau Loma. 18I te osi o tanatou fakafehui au, nee natou loto ke natou fakaateainai au koteuhi nee mole pe natou mau he mea ia au e tonu ke au mate ai. 19Kae nee fakafehagai ki ai te kau Sutea, pea nee aoga ke au tagi kia Sesale, kae nee mole au loto ke fakalakahalai toku puleaga. 20Ko te tupuaga aena o taku kole ke au felavei mo koutou pea ke au palalau kia koutou, koteuhi ko te amanaki lelei a Iselaele ae e au nofo ai mo te u seini aeni.
21Nee natou tali leva kia ia. Nee heeki matou mau he tohi mai Sutea o uhiga mo koe, pea nee heeki hau he tahi i te u tehina, o laukovi mai o uhiga mo koe. 22Kae e matou fia logo maia koe totonu pe kotea tau manatu, koteuhi kua matou iloi te fakafehagai i te u kogamea fuli ki te magai lotu aena.
23Nee natou fakatuutuu leva kia ia he aho, pea nee hau leva he kaugamalie o mau ia i tona fale. Nee fakaha leva e Paulo te puleaga o te Atua kia natou i tana tuku tana fakamooni mauli, pea mo tana kumi i te lao a Moisese mo te kau polofeta te u mea o uhiga mo Sesu ke natou tui ai. Nee fai leva te mea aena mai te uhu o kaku ki te afiafi. 24Nee tui leva ihi ki te mea nee ina fakaha, pea ko ihi nee mole leva natou tui. 25I tanatou tauine nee heeki natou tukutahi, nee fai leva e Paulo te palalau aeni e tahi: E mooni osi te palalau a te Laumalie Maonioni ki atatou tamai i te gutu o te polofeta ko Esaia, o ui:
Maliu o Paulo ki te kau pagani
26 Alu ki te hahai aena, o ui:
E koutou logo anai i okotou taliga,
Kae e mole koutou mahino anai,
E koutou sisio anai i okotou mata,
Kae e mole koutou malama anai.
27 Koteuhi kua liliu o fefeka te loto o te hahai aena;
Kua natou fakatuli onatou taliga,
Pea kua natou mapunui onatou mata,
Ke aua naa natou sisio i onatou mata,
Ke aua naa natou logo i onatou taliga,
Ke aua naa natou mahihino i onatou loto,
Ke aua naa natou tafoki, pea ke aua naa au fakamauli natou.
28Koia ke koutou iloi kua fekaui te haofaki aena a te Atua ki te kau pagani, pea e natou fakalogo anai ki ai.
29I te osi leva o tana fakaha te mea aia, nee olo leva te kau Sutea o fihi malohi ia natou.
Pilisoni o Paulo i Loma ia tau e lua
30Nee nofo leva Paulo ia tau katoa e lua i he fale nee ina totogi. Nee ina fakatalitali natou fuli nee omai o ahiahi mai kia ia. 31Nee ina fakaha te puleaga o te Atua, pea mo akonaki ki te u mea o uhiga mo te Aliki Sesu Kilisito, i te lauatea katoa, hala fakafehagai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland