EVASELIO A MATEO 28
28
Toe tuuake o Kilisito
1I te osi o te sapato, i te mafoata o te uluaki aho o te vahaa, nee olo leva Malia mai Maketala, mo te tahi Malia, o sio ki te tanuma. 2Pea koeni, nee to leva he mafuike lahi; koteuhi nee hifo mai he aselo a te Aliki mai te lagi, o fulihi te maka, pea nee hekaheka leva ia i ona oluga. 3Ko tona agaaga nee hage ko te hila, pea ko tona kofu nee hina o hage ko te nive. 4Nee tete leva te kau tagata leo i te matataku, pea nee natou age leva kua mamate. 5Kae nee palalau leva te aselo, o ui ki te u fafine: Kia kolua, aua naa kolua mataku; koteuhi e au iloi e kolua kumi ia Sesu ae nee kolusifikoi. 6E mole pe i heni ia ia; kua toe tuuake ia ia o hage ko tana fakaha. Kolua omai o sisio ki te kogamea ae nee moe ai ia ia, 7pea kolua olo vave o fakaha ki ana tisipulo kua toe tuuake ia ia mai te kau mate. Pea koeni, kua muamua ia ia ia koutou ki Kalilea: I ai e kotou sisio anai kia ia. Koeni, kua au fakaha atu ia ia kia kolua.
8Nee na fakamamao fakavilivili leva mai te tanuma, i he mataku mo he fiafia lahi, pea nee na felelei leva, o ave te logo ki te kau tisipulo.
9Pea koeni, nee hau leva ia Sesu o fakafelavei kia naua, o ui: E au fakaalofa atu kia kolua. Nee na fakaoviovi age leva ke puke ona vae, pea nee na atolasio leva kia ia. 10Pea nee ui leva e Sesu kia naua: Aua naa kolua matataku; kolua olo o fakaha ki oku tehina ke natou olo ki Kalilea: I ai e natou sisio anai kia au.
Totogi paaga o te kau solia
11I te lolotoga o tana olo i te ala, nee ulu leva ni tagata o te kau leo ki te kolo, o fakaha ki te kau pule faisakilifisio te u mea fuli nee hoko. 12Nee fakatahi leva te kau pule faisakilifisio mo te kau matua, pea nee natou loto tahi leva ke foaki he paaga lahi ki te kau solia, 13o ui: Kotou tala: Nee omai ana tisipulo i te pouli o kaihaa ia ia, kae nee matou momoe. 14Pea kapau e logo te kovana ki te mea aia, e matou fakafimaliei anai ia ia, pea e matou haofaki anai koutou mai te tua. 15Nee too leva e te kau solia te paaga, pea nee natou mulimuli leva ki te u fakatotonu kua tuku age kia natou. Pea nee mafola leva te logo aia i te kau Sutea, o kaku mai ki te aho nei.
Tuku o he gaue foou ki te u tisipulo
16Nee olo leva te kau tisipulo e toko hogofulu ma tahi ki Kalilea, ki te mouga ae nee fakatotonu age e Sesu kia natou. 17I tanatou sisio kia ia, nee natou atolasio leva kia ia. Kae nee lakilua leva ni ihi. 18Ko Sesu, nee fakaovi age leva, pea nee palalau leva kia natou, o fenei: Ko te pule fuli i te lagi mo te kele kua tuku mai kia au. 19Koia, koutou olo, kotou fai ni tisipulo i te u puleaga fuli, pea kotou papitemai natou i te huafa o te Tamai, mo te Alo pea mo te Laumalie Maonioni, 20pea kotou ako natou ki te taupau o te u mea fuli nee au fakatotonu atu kia koutou. Pea koeni, e au fakatahi mo koutou i te aho fuli, o kaku ki te fakaosi o te malamanei.
ទើបបានជ្រើសរើសហើយ៖
EVASELIO A MATEO 28: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 28
28
Toe tuuake o Kilisito
1I te osi o te sapato, i te mafoata o te uluaki aho o te vahaa, nee olo leva Malia mai Maketala, mo te tahi Malia, o sio ki te tanuma. 2Pea koeni, nee to leva he mafuike lahi; koteuhi nee hifo mai he aselo a te Aliki mai te lagi, o fulihi te maka, pea nee hekaheka leva ia i ona oluga. 3Ko tona agaaga nee hage ko te hila, pea ko tona kofu nee hina o hage ko te nive. 4Nee tete leva te kau tagata leo i te matataku, pea nee natou age leva kua mamate. 5Kae nee palalau leva te aselo, o ui ki te u fafine: Kia kolua, aua naa kolua mataku; koteuhi e au iloi e kolua kumi ia Sesu ae nee kolusifikoi. 6E mole pe i heni ia ia; kua toe tuuake ia ia o hage ko tana fakaha. Kolua omai o sisio ki te kogamea ae nee moe ai ia ia, 7pea kolua olo vave o fakaha ki ana tisipulo kua toe tuuake ia ia mai te kau mate. Pea koeni, kua muamua ia ia ia koutou ki Kalilea: I ai e kotou sisio anai kia ia. Koeni, kua au fakaha atu ia ia kia kolua.
8Nee na fakamamao fakavilivili leva mai te tanuma, i he mataku mo he fiafia lahi, pea nee na felelei leva, o ave te logo ki te kau tisipulo.
9Pea koeni, nee hau leva ia Sesu o fakafelavei kia naua, o ui: E au fakaalofa atu kia kolua. Nee na fakaoviovi age leva ke puke ona vae, pea nee na atolasio leva kia ia. 10Pea nee ui leva e Sesu kia naua: Aua naa kolua matataku; kolua olo o fakaha ki oku tehina ke natou olo ki Kalilea: I ai e natou sisio anai kia au.
Totogi paaga o te kau solia
11I te lolotoga o tana olo i te ala, nee ulu leva ni tagata o te kau leo ki te kolo, o fakaha ki te kau pule faisakilifisio te u mea fuli nee hoko. 12Nee fakatahi leva te kau pule faisakilifisio mo te kau matua, pea nee natou loto tahi leva ke foaki he paaga lahi ki te kau solia, 13o ui: Kotou tala: Nee omai ana tisipulo i te pouli o kaihaa ia ia, kae nee matou momoe. 14Pea kapau e logo te kovana ki te mea aia, e matou fakafimaliei anai ia ia, pea e matou haofaki anai koutou mai te tua. 15Nee too leva e te kau solia te paaga, pea nee natou mulimuli leva ki te u fakatotonu kua tuku age kia natou. Pea nee mafola leva te logo aia i te kau Sutea, o kaku mai ki te aho nei.
Tuku o he gaue foou ki te u tisipulo
16Nee olo leva te kau tisipulo e toko hogofulu ma tahi ki Kalilea, ki te mouga ae nee fakatotonu age e Sesu kia natou. 17I tanatou sisio kia ia, nee natou atolasio leva kia ia. Kae nee lakilua leva ni ihi. 18Ko Sesu, nee fakaovi age leva, pea nee palalau leva kia natou, o fenei: Ko te pule fuli i te lagi mo te kele kua tuku mai kia au. 19Koia, koutou olo, kotou fai ni tisipulo i te u puleaga fuli, pea kotou papitemai natou i te huafa o te Tamai, mo te Alo pea mo te Laumalie Maonioni, 20pea kotou ako natou ki te taupau o te u mea fuli nee au fakatotonu atu kia koutou. Pea koeni, e au fakatahi mo koutou i te aho fuli, o kaku ki te fakaosi o te malamanei.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland