Lua tohi a Paulo ki te kau KOLINITO 11
11
Tauaga o te gaue fakaapositolo mooni:
Kilisito toko tahi
1Oi! E au fakaamu ke feala ke kotou tali he kii vale siisii ia au! Io, koutou katakii au! 2Koteuhi e au finenonofo kia koutou i he finenonofo o te Atua, koteuhi kua au fakatahii koutou ki he tagata ohoana e tahi, o tupu ke au fakahaha koutou kia Kilisito o hage ko he taupoou maa.
Tokaga ki te u apositolo loi
3Kae, o hage ko te gata ae nee ina kakaai ia Eva i tana puleaki kaka, e au mataku naa kua fakahalai akotou fakakaukau ke kotou maliu kehe i te faigafua ae e mau ia Kilisito. 4Koteuhi, kapau e alu atu he tahi o fakaha atu kia koutou he tahi age Sesu i ae nee matou fakaha atu, pee kapau e kotou tali he tahi age laumalie i ae nee kotou tali, pee ko he tahi age Evaselio i ae nee kotou tui ki ai, e kotou katakii lelei te tagata aia. 5Ka e au fuafua atu e au, e mole au malalo age i he mea i te u apositolo lalahi aena. 6Kapau e mole au poto i te palalau, kae e mole au fena i te iloilo, pea nee ma fakaha te mea aena kia koutou o lahi i te u mea fuli.
7Pe kua au fai he agahala i taku fakamalalo ia au totonu, ke hiki ake koutou ki oluga, i taku fakaha atu te Evaselio a te Atua kia koutou, kae nee mole totogi au? 8Nee au fakamasiva ihi age Ekelesia, i taku tali maia natou he totogi ke au gaue ai kia koutou. Pea i te temi nee au nofo ai ia koutou, nee au masiva, nee mole pe au fakamasivai he tagata e toko tahi, 9koteuhi ko te u tehina ae nee omai mai Masetonia, nee natou aumai te u mea fuli nee aoga kia au. I te u mea fuli, nee au tokaga ke aua naa au liliu ko he kavega kia koutou, pea e au tokaga tuumau foki ki te mea aia. 10I te mooni o Kilisito ae e nofo ia au, e au fakaha e mole too anai ia au te kololia aia i te u fenua o Akaia. 11Koteuhi kotea?… Koteuhi e mole au ofa kia koutou?… E iloi ia e te Atua! 12Kae e au fai, pea e au fai fena anai ke tuusi ai te u faigamalie fuli kia natou ae e natou fia kumi he mea ke natou fakavikiviki ai, pea mo he fakamooni e natou e gaue o tatau mo maua. 13Ko te u tagata aena ko ni apositolo loi, ko ni tagata gaue kaka, e natou kofu o hage ko ni apositolo a Sesu-Kilisito. 14Pea e mole fakapunamauli te mea aena, koteuhi ko Satana totonu e kofu o hage ko he aselo o te malama. 15Koia e mole ko he mea foou foki, moka kofu te u tagata gaue aena o hage ko ni tagata faifekau o te maonioni. Ko tonatou ikuaga e mulimuli anai ki anatou gaue.
Fakailoga o te apositolo mooni: Mamahi o Paulo i tana gaue
16E au toe ui, aua naa sio he tahi kia au ko he vale; ka kailoa, kotou tali au o hage ko he vale, o tupu ko au foki, ke au fakakololia fakasiisii kia au. 17Ko te mea ae e au palalau ki ai, i toku loto ke au fakakololia au, e mole hau mai te Aliki, kae e au palalau o hage ko he vale. 18Koteuhi e kaugamalie natou ae e fakakololia kia natou i te kakano, e au fakakololia foki kia au. 19Koteuhi e kotou katakii te kau vale, ia koutou ae e popoto! 20Kapau e fakapopulai koutou e he tahi, kapau e folo koutou e he tahi, kapau e fakamalohii koutou e he tahi, kapau e palalau lalahi he tahi, kapau e paaki okotou mata e he tahi, e kotou katakii. 21E au ufiufi i tona fakaha, nee ma fakaha toma gaegae.
Kae, ko te u mea fuli ae e feala ke toa ai he tahi – e au palalau o hage ko he vale – e au toa foki mo au i tona fai! 22Pe e natou Hepeleo? Mo au foki. Pe e natou Iselaele? Mo au foki. Pe e natou hau mai te hakoga o Apalahamo? Mo au foki. 23Pe e ko te u tagata faifekau natou a Kilisito? E au palalau fakavale, e au fakalaka age ia natou: I te u gaue, e au lahi age; i te u haha, e au toe lahi age; i te u pilisonii, e au lahi age. Nee tua lahi taku tuutamaki ki te mate. 24Nee tua nima toku haha e te kau Sutea, pea nee taki tolugofulu ma hiva te foi ta i te hahaaga. 25Nee tua tolu toku ta aki te u akau, tua tahi toku tuki makai, tua tolu taku tuutamaki i te tai, nee au mou o nofo i he aho mo he po e tahi i te moana. 26Nee tua lahi taku fefolauaki, nee au tuutamaki i te u vaitafe, o memehii mai te potu o te kau kaihaa, memehii mai te potu o natou o toku fenua, memehii mai te potu o te kau pagani, memehii i te u kolo, memehii i te toafa, memehii i te tai, memehii i te u tehina loi. 27Nee au fai ni gaue kinakina mo mamahi, o tau mo ni alaala pouli lahi osi, mo te fia kai, mo te fia inu, mo ni sesunio liuliuga, mo te momoko, pea mo te masiva. 28Pea e mole au palalau ki te u mea ake ae, pea e au tau i te aho takitahi mo te tuania o te u Ekelesia fuli. 29Kapau e gaegae he tahi, e au logoi foki he gaegae? Kapau e to he tahi ki te agahala, e au logoi he mamahi lahi?
30Kapau e tonu ke au fakakololia kia au, pea e au fakakololia anai i toku gaegae! 31Ko te Atua, ae ko te Tamai o te Aliki Sesu, ae e manuia o heegata, e ina iloi e mole au loi! 32I Tamaso, ko te kovana a te hau ko Aletasi, nee ina fakatotonu ke leoleo te kolo o te kau Tamaso, ke puke au, 33kae nee fakahifo au i he matapa fakamalama i he maea, i he kato, i te kaupa o te kolo, o au hao ai mai onatou nima.
ទើបបានជ្រើសរើសហើយ៖
Lua tohi a Paulo ki te kau KOLINITO 11: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 11
11
Tauaga o te gaue fakaapositolo mooni:
Kilisito toko tahi
1Oi! E au fakaamu ke feala ke kotou tali he kii vale siisii ia au! Io, koutou katakii au! 2Koteuhi e au finenonofo kia koutou i he finenonofo o te Atua, koteuhi kua au fakatahii koutou ki he tagata ohoana e tahi, o tupu ke au fakahaha koutou kia Kilisito o hage ko he taupoou maa.
Tokaga ki te u apositolo loi
3Kae, o hage ko te gata ae nee ina kakaai ia Eva i tana puleaki kaka, e au mataku naa kua fakahalai akotou fakakaukau ke kotou maliu kehe i te faigafua ae e mau ia Kilisito. 4Koteuhi, kapau e alu atu he tahi o fakaha atu kia koutou he tahi age Sesu i ae nee matou fakaha atu, pee kapau e kotou tali he tahi age laumalie i ae nee kotou tali, pee ko he tahi age Evaselio i ae nee kotou tui ki ai, e kotou katakii lelei te tagata aia. 5Ka e au fuafua atu e au, e mole au malalo age i he mea i te u apositolo lalahi aena. 6Kapau e mole au poto i te palalau, kae e mole au fena i te iloilo, pea nee ma fakaha te mea aena kia koutou o lahi i te u mea fuli.
7Pe kua au fai he agahala i taku fakamalalo ia au totonu, ke hiki ake koutou ki oluga, i taku fakaha atu te Evaselio a te Atua kia koutou, kae nee mole totogi au? 8Nee au fakamasiva ihi age Ekelesia, i taku tali maia natou he totogi ke au gaue ai kia koutou. Pea i te temi nee au nofo ai ia koutou, nee au masiva, nee mole pe au fakamasivai he tagata e toko tahi, 9koteuhi ko te u tehina ae nee omai mai Masetonia, nee natou aumai te u mea fuli nee aoga kia au. I te u mea fuli, nee au tokaga ke aua naa au liliu ko he kavega kia koutou, pea e au tokaga tuumau foki ki te mea aia. 10I te mooni o Kilisito ae e nofo ia au, e au fakaha e mole too anai ia au te kololia aia i te u fenua o Akaia. 11Koteuhi kotea?… Koteuhi e mole au ofa kia koutou?… E iloi ia e te Atua! 12Kae e au fai, pea e au fai fena anai ke tuusi ai te u faigamalie fuli kia natou ae e natou fia kumi he mea ke natou fakavikiviki ai, pea mo he fakamooni e natou e gaue o tatau mo maua. 13Ko te u tagata aena ko ni apositolo loi, ko ni tagata gaue kaka, e natou kofu o hage ko ni apositolo a Sesu-Kilisito. 14Pea e mole fakapunamauli te mea aena, koteuhi ko Satana totonu e kofu o hage ko he aselo o te malama. 15Koia e mole ko he mea foou foki, moka kofu te u tagata gaue aena o hage ko ni tagata faifekau o te maonioni. Ko tonatou ikuaga e mulimuli anai ki anatou gaue.
Fakailoga o te apositolo mooni: Mamahi o Paulo i tana gaue
16E au toe ui, aua naa sio he tahi kia au ko he vale; ka kailoa, kotou tali au o hage ko he vale, o tupu ko au foki, ke au fakakololia fakasiisii kia au. 17Ko te mea ae e au palalau ki ai, i toku loto ke au fakakololia au, e mole hau mai te Aliki, kae e au palalau o hage ko he vale. 18Koteuhi e kaugamalie natou ae e fakakololia kia natou i te kakano, e au fakakololia foki kia au. 19Koteuhi e kotou katakii te kau vale, ia koutou ae e popoto! 20Kapau e fakapopulai koutou e he tahi, kapau e folo koutou e he tahi, kapau e fakamalohii koutou e he tahi, kapau e palalau lalahi he tahi, kapau e paaki okotou mata e he tahi, e kotou katakii. 21E au ufiufi i tona fakaha, nee ma fakaha toma gaegae.
Kae, ko te u mea fuli ae e feala ke toa ai he tahi – e au palalau o hage ko he vale – e au toa foki mo au i tona fai! 22Pe e natou Hepeleo? Mo au foki. Pe e natou Iselaele? Mo au foki. Pe e natou hau mai te hakoga o Apalahamo? Mo au foki. 23Pe e ko te u tagata faifekau natou a Kilisito? E au palalau fakavale, e au fakalaka age ia natou: I te u gaue, e au lahi age; i te u haha, e au toe lahi age; i te u pilisonii, e au lahi age. Nee tua lahi taku tuutamaki ki te mate. 24Nee tua nima toku haha e te kau Sutea, pea nee taki tolugofulu ma hiva te foi ta i te hahaaga. 25Nee tua tolu toku ta aki te u akau, tua tahi toku tuki makai, tua tolu taku tuutamaki i te tai, nee au mou o nofo i he aho mo he po e tahi i te moana. 26Nee tua lahi taku fefolauaki, nee au tuutamaki i te u vaitafe, o memehii mai te potu o te kau kaihaa, memehii mai te potu o natou o toku fenua, memehii mai te potu o te kau pagani, memehii i te u kolo, memehii i te toafa, memehii i te tai, memehii i te u tehina loi. 27Nee au fai ni gaue kinakina mo mamahi, o tau mo ni alaala pouli lahi osi, mo te fia kai, mo te fia inu, mo ni sesunio liuliuga, mo te momoko, pea mo te masiva. 28Pea e mole au palalau ki te u mea ake ae, pea e au tau i te aho takitahi mo te tuania o te u Ekelesia fuli. 29Kapau e gaegae he tahi, e au logoi foki he gaegae? Kapau e to he tahi ki te agahala, e au logoi he mamahi lahi?
30Kapau e tonu ke au fakakololia kia au, pea e au fakakololia anai i toku gaegae! 31Ko te Atua, ae ko te Tamai o te Aliki Sesu, ae e manuia o heegata, e ina iloi e mole au loi! 32I Tamaso, ko te kovana a te hau ko Aletasi, nee ina fakatotonu ke leoleo te kolo o te kau Tamaso, ke puke au, 33kae nee fakahifo au i he matapa fakamalama i he maea, i he kato, i te kaupa o te kolo, o au hao ai mai onatou nima.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland