Lua tohi a Paulo ki te kau KOLINITO 10
10
Ko te puipui e Paulo tana gaue fakaapositolo:
Nee tuku ia ia e te Atua
1Ko au Paulo, e au kole atu kia koutou, i te agamalu mo te agalelei o Kilisito, ia au ae e mata vaivai i okotou mua moka au nofo mo koutou, pea e fonu i te lototoa kia koutou moka au nofo mamao. 2E au kole atu kia koutou, moka au nofo anai mo koutou, ke aua naa kotou fakamalohii anai au ke au fakaaoga te lototoa aena, ae e au taofi ki ni ihi ae e sisio mai kia maua o hage e ma haele o mulimuli ki te kakano.
3Kapau e ma haele i te kakano, kae e mole ma tau i te kakano. 4Koteuhi ko te u mahafu ae e ma tau ai e mole fakatagata; kae e natou malohi lahi i te Atua, ke holoi ai ki lalo ni kolo tau. 5E ma holoi ki lalo te u fakakaukau mo te u mea maoluga fuli ae e malaga ake ki te iloi o te Atua, pea e ma pilisonii te u manatu fuli o aumai natou ki te fakalogo kia Kilisito. 6E ma teuteu foki ke ma tauteai te u logogataa fuli, moka e katoa anai takotou fakalogo.
7E koutou sio ki te mea e ha i tua! Kapau e ui e he tahi e kau ia kia Kilisito, ke ina ui ia ia totonu, kapau e kau mooni ia kia Kilisito, ko maua foki e ma kau kia Kilisito. 8Pea kapau foki nee au fakakololia ia au totonu o lahi age i te pule ae nee tuku mai kia au e te Aliki ki tokotou faufau, kae mole ki tokotou maumaui, e mole au ufiufi ai. 9Pea e mole au loto ke hage e au fakamatakui koutou i aku tohi. 10Koteuhi e ui: E mamafa mo malohi ana tohi; kae ka nofo totonu ia, e vaivai pe ia, pea e kovi tana palalau. 11Ke iloi e ae e palalau fena, e ma fena i te u palalau i ama tohi moka e ma nonofo mamao, e ma toe fena foki i ama gaue moka e ma nonofo totonu mo koutou.
12E mole feala ke ma fia fakatatau ki ni ihi o natou ae e fia matamua, koteuhi e natou fakatuu anatou fua totonu ke fuafua ai natou, pea i tanatou fakatatau natou kia natou totonu, e natou hala atamai ai. 13Kia maua, e mole ma loto ke ma fakakololia i he mea ae e tuu ia tafa o te u tuakoi o te gaueaga ae nee tuku mai e te Atua kia maua, o ave ai maua o kaku kia koutou. 14E mole ma mavae i oma tuakoi, o hage nee mole ma omai o kaku mai kia koutou; koteuhi ko koutou ae nee ma kaku atu ki ai mo te Evaselio o Kilisito. 15E mole ma fakakololia i ni gaue a ni ihi age ae e tuu ia tafa o oma tuakoi. Kae e ma mau te amanaki lelei, mo kapau e tupu anai o lahi takotou tui, ke ma liliu o toe lahi age ia koutou, i tama gaueaga totonu, 16pea ke ma fakamafola te Evaselio ki te u fenua ae e mamao atu ia koutou, kae mole ma fakakololia ki ni mea ae kua fai i te gaueaga a ni ihi age. 17Ko ae e fakakololia ke fakakololia ia i te Aliki. 18Koteuhi e mole ko ae e vikiviki kia ia totonu e fakamooni ki ai, kae ko ae e fakamooni ki ai te Aliki.
ទើបបានជ្រើសរើសហើយ៖
Lua tohi a Paulo ki te kau KOLINITO 10: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 10
10
Ko te puipui e Paulo tana gaue fakaapositolo:
Nee tuku ia ia e te Atua
1Ko au Paulo, e au kole atu kia koutou, i te agamalu mo te agalelei o Kilisito, ia au ae e mata vaivai i okotou mua moka au nofo mo koutou, pea e fonu i te lototoa kia koutou moka au nofo mamao. 2E au kole atu kia koutou, moka au nofo anai mo koutou, ke aua naa kotou fakamalohii anai au ke au fakaaoga te lototoa aena, ae e au taofi ki ni ihi ae e sisio mai kia maua o hage e ma haele o mulimuli ki te kakano.
3Kapau e ma haele i te kakano, kae e mole ma tau i te kakano. 4Koteuhi ko te u mahafu ae e ma tau ai e mole fakatagata; kae e natou malohi lahi i te Atua, ke holoi ai ki lalo ni kolo tau. 5E ma holoi ki lalo te u fakakaukau mo te u mea maoluga fuli ae e malaga ake ki te iloi o te Atua, pea e ma pilisonii te u manatu fuli o aumai natou ki te fakalogo kia Kilisito. 6E ma teuteu foki ke ma tauteai te u logogataa fuli, moka e katoa anai takotou fakalogo.
7E koutou sio ki te mea e ha i tua! Kapau e ui e he tahi e kau ia kia Kilisito, ke ina ui ia ia totonu, kapau e kau mooni ia kia Kilisito, ko maua foki e ma kau kia Kilisito. 8Pea kapau foki nee au fakakololia ia au totonu o lahi age i te pule ae nee tuku mai kia au e te Aliki ki tokotou faufau, kae mole ki tokotou maumaui, e mole au ufiufi ai. 9Pea e mole au loto ke hage e au fakamatakui koutou i aku tohi. 10Koteuhi e ui: E mamafa mo malohi ana tohi; kae ka nofo totonu ia, e vaivai pe ia, pea e kovi tana palalau. 11Ke iloi e ae e palalau fena, e ma fena i te u palalau i ama tohi moka e ma nonofo mamao, e ma toe fena foki i ama gaue moka e ma nonofo totonu mo koutou.
12E mole feala ke ma fia fakatatau ki ni ihi o natou ae e fia matamua, koteuhi e natou fakatuu anatou fua totonu ke fuafua ai natou, pea i tanatou fakatatau natou kia natou totonu, e natou hala atamai ai. 13Kia maua, e mole ma loto ke ma fakakololia i he mea ae e tuu ia tafa o te u tuakoi o te gaueaga ae nee tuku mai e te Atua kia maua, o ave ai maua o kaku kia koutou. 14E mole ma mavae i oma tuakoi, o hage nee mole ma omai o kaku mai kia koutou; koteuhi ko koutou ae nee ma kaku atu ki ai mo te Evaselio o Kilisito. 15E mole ma fakakololia i ni gaue a ni ihi age ae e tuu ia tafa o oma tuakoi. Kae e ma mau te amanaki lelei, mo kapau e tupu anai o lahi takotou tui, ke ma liliu o toe lahi age ia koutou, i tama gaueaga totonu, 16pea ke ma fakamafola te Evaselio ki te u fenua ae e mamao atu ia koutou, kae mole ma fakakololia ki ni mea ae kua fai i te gaueaga a ni ihi age. 17Ko ae e fakakololia ke fakakololia ia i te Aliki. 18Koteuhi e mole ko ae e vikiviki kia ia totonu e fakamooni ki ai, kae ko ae e fakamooni ki ai te Aliki.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland