Sanghano 8
8
Hengele ya Yerusalemu
1Na Saulo kadenghelela vuwamkomile Stefano. Siku zija kulawilila hengele kulu ja wanahina wakalile Yerusalemu; wose wapwililika isi za Uyuda na Samaria, wasigale hiwo Watumigwa. 2Wanhu wene ihoko wamzika Stefano, wamtendela uyalazi mkulu. 3Komu Saulo kalonda kudipwililisa didale da Mulungu, kakala yokwingila ngʼanda kwa ngʼanda, yawabulule wambigalo na watwanzi na kuwengiza mkifungo. 4Na waja wapwililike wachola hiko na hiko, wosimulila dija dilonga.
Filipo muisi ya Samaria
5Filipo kachola kengila kukiwambo cha Samaria, kawapetela kivugulo cha Kristo. 6Madale wakala na sulukilo imwe, wotegeleza malonga gaja galongigwe na Filipo, vuwahulike na kuvyona vilolomboto viyakalile yotenda. 7Kilumbo mizuka michapalisi bwando iwalawa wagogigwe nayo, wolila na mazwi makulu; wanhu bwando wa lunyondenyonde na mabulugwa wahona. 8Ikala ndenghelelo nghulu muna ikiwambo kija.
Mganga Simoni kahumigwa na watumigwa
9Kukala na munhu imonga twaga jake Simoni, kakala yotenda uganga hiko na kuwagudemeza wanhu Wasamaria na kuigamba kamba heyo munhu mkulu. 10Kulawa kwa wadodo hata iwakulu wose wamtegeleza walonga, “Munhu yuno iyo Mhiko ya Mulungu ibanzile.” 11Wamuwinza, kilumbo kawadumbiza mazuwa bwando kwa uganga wake. 12Bali vuwamtogole Filipo yosimulila kivugulo kinogile cha Undewa wa Mulungu na twaga ja Yesu Kristo, wasingulwa wambigalo na watwanzi. 13Na heyo Simoni mwenyecho katogola, kasingulwa na kwigondanya na Filipo, kuno yokangawala viyawene vinzonza na vilolomboto vikulu visanghanwe.
14Watumigwa wali baho Yerusalemu vuwahulike kamba Samaria itogola mbuli ya Mulungu, wawagala Petro na Yohana kumwao. 15Na hewo vuwavikile, wawatambikila wambokele Loho Yangʼalile. 16Kwa mzoko kakala tanhu hanawahulumukila hata munhu yumwe, bali wakala wasingulwa kwa twaga ja Mndewa Yesu yeka. 17Baho vuwawageleke mikono mmatwi, waibokela iloho ingʼalile. 18Simoni viyaviwene kamba wanhu vuwogwelelwa Loho Yangʼalile kwa kugelekwa mikono na Watumigwa, kalonda yawenghe mali. 19Kalonga, “Ningheni na niye unhundulima uno, munhu yonda nimwikile mikono, yabokele Loho Yangʼalile!”
20Petro kamulongela, “Mali gako gasile kutali hamonga na gweye, kilumbo kugelegeza kamba motelo ya Mulungu igulagwa na mhiya. 21Gweye honda ugolelwe fungu hebu hesa muna dilonga dino, kwa mzoko moyo wako haugoloke hakihanga cha Mulungu. 22Avo wiyalale, uleke ubananzi uno, ukamtambikile Mndewa, giladi vihalumba usegezelwe ngelegeza kamba hiyo! 23Kilumbo nokona kuna usungu kamba duha, kabili kwa nokola wa ubananzi.”
24Simoni kedika kalonga, “Nhambikileni mweye kwa Mndewa, sukugamvikile magweka higo gamsongile na diwe dimwe!”
25Watumigwa vuwamalile ukusindila Longa ja Mndewa na kudisimulila, wabwela Yerusalemu, kuno woipwililisa Injili mvibuga bwando vya Samaria.
Mwika-mali wa Etiopia kabatizwa na Filipo
26Malaika wa Mndewa kalonga na Filipo yolonga, “Segela ugende mwambu wa kusini; goga nzila ija ihulumuke kulawa Yerusalemu kuchola Gaza,” iija ya uluwala.
27Kalawa kachola; mhunde kamona munhu wa Etiopia, yuno kakala Mwika-mali, kabili mwene lwamu kulawa Kandake, mtawala wa kitwanzi wa Etiopia, yekigwe mkulu wa igamali gake gose; kakala yacholile Yerusalemu kutambika. 28Na viyakalile yobwela, kakala mgadi jake yosoma kitabu cha Mlaguzi Yesaya. 29Loho kamulongela Filipo, “Kwenhuka behi na idigadi dino, ukehagatile najo!”
30Avo Filipo kachola chambwisa, kamuhulika yosoma kitabu cha Mlaguzi Yesaya, kalonga, “Che, kugamanya goya higo gousoma?” 31Kedika, “Nodahaze kugatanga, munhu kamba handongoze?” Kampembela Filipo, yakwele na kukala hamwe na heyo.
32Na kivugulo cha jandiko kiyakalile yosoma, kikala kino,
“Kalongozigwa kugenda kusikwa kamba nghondolo;
na kamba vija mwana nghondolo viyanyamalaga tulu behi ha mkanha mijusi,
avo vivo na heyo hananule mulomo wake.
33Avo viyakalile yokwazaganya, kitala cha ihoko kabokwa; yalihi yonda yasimulile lukolo lwake vululi?
Kwa mzoko ugima wake usegezwa muiisi.”
34Yuja Mwika-mali kamuuza Filipo kalonga, “Nokupula, mtulandagu yuja komulonga yalihi – kiloto chake mwenyecho, hebu cha munhu iyagwe?” 35Filipo kananula mulomo wake, kandusila jandiko didija, kamsimulila kivugulo cha Yesu. 36Vuwakalile wochola mnzila, wavika hanhu hana mazi; yuja Mwika-mali kalonga, “Lola mazi gano; kinghimila kilihi sikumbatizwe?” 37Filipo kalonga, “Uhatogola na moyo wako wose, chei vodahika.” Kedika kalonga, “Nhogola Yesu Kristo yuyo Mwanage Mulungu.” 38Kalagiza ija igadi ime; wahulumuka wose wali wabili hana gamazi, Filipo na yuja Mwika-mali, kambatiza.
39Imala vuwakwelile kulawa mmazi, Loho wa Mndewa kamnyagamula Filipo, na yuja Mwika-mali hamonile kabili; kilumbo kachola na zake yokimozamoza. 40Bali Filipo koneka muna Ashdodi, na viyakalile yobita kaisimulila Injili mviwambo vyose, imala kavika Kaisaria.
ទើបបានជ្រើសរើសហើយ៖
Sanghano 8: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 8
8
Hengele ya Yerusalemu
1Na Saulo kadenghelela vuwamkomile Stefano. Siku zija kulawilila hengele kulu ja wanahina wakalile Yerusalemu; wose wapwililika isi za Uyuda na Samaria, wasigale hiwo Watumigwa. 2Wanhu wene ihoko wamzika Stefano, wamtendela uyalazi mkulu. 3Komu Saulo kalonda kudipwililisa didale da Mulungu, kakala yokwingila ngʼanda kwa ngʼanda, yawabulule wambigalo na watwanzi na kuwengiza mkifungo. 4Na waja wapwililike wachola hiko na hiko, wosimulila dija dilonga.
Filipo muisi ya Samaria
5Filipo kachola kengila kukiwambo cha Samaria, kawapetela kivugulo cha Kristo. 6Madale wakala na sulukilo imwe, wotegeleza malonga gaja galongigwe na Filipo, vuwahulike na kuvyona vilolomboto viyakalile yotenda. 7Kilumbo mizuka michapalisi bwando iwalawa wagogigwe nayo, wolila na mazwi makulu; wanhu bwando wa lunyondenyonde na mabulugwa wahona. 8Ikala ndenghelelo nghulu muna ikiwambo kija.
Mganga Simoni kahumigwa na watumigwa
9Kukala na munhu imonga twaga jake Simoni, kakala yotenda uganga hiko na kuwagudemeza wanhu Wasamaria na kuigamba kamba heyo munhu mkulu. 10Kulawa kwa wadodo hata iwakulu wose wamtegeleza walonga, “Munhu yuno iyo Mhiko ya Mulungu ibanzile.” 11Wamuwinza, kilumbo kawadumbiza mazuwa bwando kwa uganga wake. 12Bali vuwamtogole Filipo yosimulila kivugulo kinogile cha Undewa wa Mulungu na twaga ja Yesu Kristo, wasingulwa wambigalo na watwanzi. 13Na heyo Simoni mwenyecho katogola, kasingulwa na kwigondanya na Filipo, kuno yokangawala viyawene vinzonza na vilolomboto vikulu visanghanwe.
14Watumigwa wali baho Yerusalemu vuwahulike kamba Samaria itogola mbuli ya Mulungu, wawagala Petro na Yohana kumwao. 15Na hewo vuwavikile, wawatambikila wambokele Loho Yangʼalile. 16Kwa mzoko kakala tanhu hanawahulumukila hata munhu yumwe, bali wakala wasingulwa kwa twaga ja Mndewa Yesu yeka. 17Baho vuwawageleke mikono mmatwi, waibokela iloho ingʼalile. 18Simoni viyaviwene kamba wanhu vuwogwelelwa Loho Yangʼalile kwa kugelekwa mikono na Watumigwa, kalonda yawenghe mali. 19Kalonga, “Ningheni na niye unhundulima uno, munhu yonda nimwikile mikono, yabokele Loho Yangʼalile!”
20Petro kamulongela, “Mali gako gasile kutali hamonga na gweye, kilumbo kugelegeza kamba motelo ya Mulungu igulagwa na mhiya. 21Gweye honda ugolelwe fungu hebu hesa muna dilonga dino, kwa mzoko moyo wako haugoloke hakihanga cha Mulungu. 22Avo wiyalale, uleke ubananzi uno, ukamtambikile Mndewa, giladi vihalumba usegezelwe ngelegeza kamba hiyo! 23Kilumbo nokona kuna usungu kamba duha, kabili kwa nokola wa ubananzi.”
24Simoni kedika kalonga, “Nhambikileni mweye kwa Mndewa, sukugamvikile magweka higo gamsongile na diwe dimwe!”
25Watumigwa vuwamalile ukusindila Longa ja Mndewa na kudisimulila, wabwela Yerusalemu, kuno woipwililisa Injili mvibuga bwando vya Samaria.
Mwika-mali wa Etiopia kabatizwa na Filipo
26Malaika wa Mndewa kalonga na Filipo yolonga, “Segela ugende mwambu wa kusini; goga nzila ija ihulumuke kulawa Yerusalemu kuchola Gaza,” iija ya uluwala.
27Kalawa kachola; mhunde kamona munhu wa Etiopia, yuno kakala Mwika-mali, kabili mwene lwamu kulawa Kandake, mtawala wa kitwanzi wa Etiopia, yekigwe mkulu wa igamali gake gose; kakala yacholile Yerusalemu kutambika. 28Na viyakalile yobwela, kakala mgadi jake yosoma kitabu cha Mlaguzi Yesaya. 29Loho kamulongela Filipo, “Kwenhuka behi na idigadi dino, ukehagatile najo!”
30Avo Filipo kachola chambwisa, kamuhulika yosoma kitabu cha Mlaguzi Yesaya, kalonga, “Che, kugamanya goya higo gousoma?” 31Kedika, “Nodahaze kugatanga, munhu kamba handongoze?” Kampembela Filipo, yakwele na kukala hamwe na heyo.
32Na kivugulo cha jandiko kiyakalile yosoma, kikala kino,
“Kalongozigwa kugenda kusikwa kamba nghondolo;
na kamba vija mwana nghondolo viyanyamalaga tulu behi ha mkanha mijusi,
avo vivo na heyo hananule mulomo wake.
33Avo viyakalile yokwazaganya, kitala cha ihoko kabokwa; yalihi yonda yasimulile lukolo lwake vululi?
Kwa mzoko ugima wake usegezwa muiisi.”
34Yuja Mwika-mali kamuuza Filipo kalonga, “Nokupula, mtulandagu yuja komulonga yalihi – kiloto chake mwenyecho, hebu cha munhu iyagwe?” 35Filipo kananula mulomo wake, kandusila jandiko didija, kamsimulila kivugulo cha Yesu. 36Vuwakalile wochola mnzila, wavika hanhu hana mazi; yuja Mwika-mali kalonga, “Lola mazi gano; kinghimila kilihi sikumbatizwe?” 37Filipo kalonga, “Uhatogola na moyo wako wose, chei vodahika.” Kedika kalonga, “Nhogola Yesu Kristo yuyo Mwanage Mulungu.” 38Kalagiza ija igadi ime; wahulumuka wose wali wabili hana gamazi, Filipo na yuja Mwika-mali, kambatiza.
39Imala vuwakwelile kulawa mmazi, Loho wa Mndewa kamnyagamula Filipo, na yuja Mwika-mali hamonile kabili; kilumbo kachola na zake yokimozamoza. 40Bali Filipo koneka muna Ashdodi, na viyakalile yobita kaisimulila Injili mviwambo vyose, imala kavika Kaisaria.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.