Sanghano 7
7
Stefano haluhengo kazipeta mbuli za Abrahamu
1Mtambika mkulu kamuuza, “Che, vivo ili mbuli ino?” 2Kalonga, “Mwandugu zangu na kina tata, tegelezeni! Mulungu Magana kamulawila tata wetu Abrahamu viyakalile Mesopotamia, hanahamila Harani. 3Kamulongela, Ilawe isi yako na lukolo lwako, ugende kuna iisi yonda nikulagile! 4Kasegela iho kulawa isi ya Wakaldeo, kahamila Harani; na tata wake viyadanganike, Mulungu kamuhamiza kulawa hiko, kamgala isi ino yumkala mweye sambi. 5Komu hamwinghile uhazi muno ugambile kamba lwayo; bali viyokala kabule mwana, kamwingha kilaga cha kumgwelela isi ino heyo na mlelo wake yuja yonda yeze kuchugu chake. 6Kabili Mulungu kaulonga mlelo wake kamba wokala isi yungwa kuulilingwa; na waja wowatenda watumwa, wowatendela gehile miyaka miya ne. 7Kabili kalonga, Lukolo luja londa luwatende watumwa, Niye nowatagusa, giladi wanago wailawe isi ija, weze wanitumikile hanhu hano.
8Kamgwelela na kilaga cha kwingila kumbi; avo Abrahamu viyamulelile Isaka, kamwingiza kumbi siku dainane, na heyo Isaka vivo viyamtendele Yakobo, na Yakobo vivo tata wakulu waja Mulongo Umwe na Wabili. 9Na tata zetu wamonela Yosefu migongo, wamguliza yachole Misri. 10Komu Mulungu kakala hamonga na heyo, kamulava muna gamanghulubu gake gose, kamwingha mhome na fiyuko za ihoko hakihanga cha Farao Mndewa wa Misri, na heyo kamwika yawe mkulu, yaitawale Misri na ngʼanda yake yose. 11Baho igwa nzala nghulu muisi yose ya Misri na Kanani, na manghulubu bwando, waja tata zetu hawapatile ndigwa ya kwenela. 12Yakobo viyahulike kamba hiko Misri kuna usumilo, kawatuma tata zetu mwanza wa ichanduso. 13Avija mwanza wekabili Yosefu kaitambula kwa ndugu zake, na ndugu za Yosefu watangika na Farao. 14Yosefu katuma wanhu kumkema tata wake Yakobo na lukolo lwake lose; wanhu wavika milongo saba na wanhano. 15Yakobo kachola Misri, kadanganika heyo na tata zetu. 16Wasoligwa, wagaligwa Shekemu, wazikwa muna dikabuli dija, digambile Abrahamu diyagulile hiko Shekemu kumwawo wanage Hamori kwa mhiya.
Stefano kazipeta mbuli za Mose viyabezigwe
17Aho kilaga cha Abrahamu kija (cha kulawa Misri) vikikwenhuke, lukolo lubanza kongezeka nghani kuja Misri. 18Kalawilila mndewa wa Misri iyagwe yalekile kumtanga Yosefu. 19Hiyo kawatendela kilusu mulukolo lwetu, kawatendela gehile tata zetu na kuwalavila mbila, wanao vinghele wasigwe kunze, giladi sikuwakule. 20Milongo hiyo kaleligwa Mose, na heyo kakala yanogile nghani, kalelelwa mngʼanda ya tata wake miyezi midatu. 21Avija viyasigwe, biti Farao kamdondola, kamulelela yawe mwanage.
22Mose kalangukizwa fiyuko zose za Wamisri, kakala na mhiko za kulonga na kusanghana. 23Avija viyavikile miyaka milongo mine, kawatanga mmoyo mmwake kuchola kuwalola ndugu zake Waisraeli. 24Kamona imonga yotowigwa, kamonela bazi na kumulihiza yuja Mmisri, kamkoma. 25Kagiza ndugu zake wovitanga kamba Mulungu kowakombola kwa mkono wake; komu hawavimanyile. 26Vuchele kawezila kabili, kawona wayagwe wokisuna, kalonda kuwalamula, kalonga, Walume mweye mwawandugu mose; vilihi vumkisuna? 27Komu yuja yamsunile miyage, kamsunghizila kutali kalonga, Yuyo yalihi yakwikile uwe mkulu na mlamuzi wetu? 28Che, kolonda kunghoma na niye, kamba jana vumkomile yuja Mmisri? 29Viyahulike ulonzi hiwo, Mose kakimbila, kakala kuulilingwa isi ya Midiani, hiko kalela wana wabili.
30Vivikile miyaka milongo mine, malaika wa Magana kamulawila kuluwala hadigongo da Sinai mkisukuzi kikwaka moto. 31Mose viyagawene ago, kakanganya; komu viyakwenhuke habehi kuno yolola, kahulika Mulungu viyolonga, 32Niye na Mulungu wa tata zako, Mulungu wa Abrahamu, Mulungu wa Isaka na Mulungu wa Yakobo; baho Mose kagudema, hagesile kabili kulola. 33Mndewa kamulongela, Kohola vilatu vyako mmigulu, kilumbo hanhu hawimile iyo isi ingʼalile. 34Nigona magazo ga lukolo lwangu kuja Misri, nihulika kwiyanyanha kwao, naniye mhumuluka niwahonye; avo izo nokutuma ugende Misri!
35Iyo Mose yuja yuwalemile wolonga, Yuyo yalihi yakwikile mkulu na mlamuzi? – iyo yuyo yatumigwe na Mulungu, yawalongoze na kuwakombola kwa mkono wa malaika yuja yamulawilile mkisukuzi. 36Na heyo kawalava yosanghana vilolomboto na vinzonza muisi ya Misri na mbahali Ndunghu na kuluwala miyaka milongo mine. 37Iyo Mose yuja yawalongele kiloto Wana Waisraeli, Muulelo wa ndugu zako, Mulungu komwinulilani Mtulandagu yagambile nene, mtegelezeni Heyo! 38Iyo Mose yuyo yakalile mdidale ja Mtinghanilo kuluwala hamonga na yuja malaika yalongile nayo hadigongo da Sinai, viyabokele malonga ga upile giladi yatwinghe tweye.
Stefano kawazuma Wayuda giladi wamgalukile Kristo
39Komu tata zetu hawalondile kumtegeleza, wamsunghizila kutali, wahinduka mmiyoyo yao wabwele Misri. 40Wamulongela Aroni, Tutendele milungu yonda itulongoze, kilumbo hiyo Mose yatulavile muisi ya Misri, hatudimanya dimpatile. 41Wasongola ngwada ya ngʼombe; kinyago hicho wakilavila nhosa, wadenghelela sanghana ilawile mumkono wao. 42Avo Mulungu kagimbuka kawaleka, giladi watambikile dale da kuulanga, kamba vyandikigwe mkitabu cha Walaguzi,
Che, mweye ngʼanda ya Israeli,
mundavila Niye zaka na nhosa miyaka milongo mine kuluwala?
43Amweye muisola hema ya Moloko,
na nhondo za mulungu wenu Refa,
vinyago vumtendile giladi mzitambikile;
avo nomuhamizani mweye mchole mwanza wa kutali kubita Babeli. –
44Na ija ihema ya nhambiko ikala hamonga na tata zetu kuja kuluwala, kamba viyalagize Heyo yalongile na Mose, kaisanghana igambe na ija iyalagusilwe. 45Na tata zetu vuwaibokele, waiingiza hamonga na Yoshua muisi ya Kanani, kugakalile makabila gaja Mulungu gayawingile kuulongozi wa tata zetu kuvikila mazuwa ga Daudi. 46Na heyo kagolelwa mhome hakihanga cha Mulungu, kalonda kumzengela ngʼanda Mulungu wa Yakobo. 47Komu yuja yamzengele ngʼanda ija yuyo Salomo. 48Ayuja Yali Uchana hakala muna zingʼanda zisanghanwe na mikono ya wanhu, kwa vija Mlaguzi viyolonga,
49Ulanga uwo kigoda changu cha Undewa,
isi iyo hanhu hakwikila migulu yangu;
avo Magana kolonga, Ngʼanda ilihi yonda mnzengele,
hebu hanhu halihi honda nihumule Niye?
50Si mkono wangu usanghane gano gose?
51Mweye wene singo ndala: hamwingile kumbi miyoyo hebu magutwi, mazuwa gose mombamilila Loho Yangalile, kamba tata zenu vuwatendile, na mweye vivo. 52Mlaguzi yalihi tata zenu hawamuwingile, kileka wawakoma waja Watulandagu walagule kwiza kwake ino mwene ihoko, Yesu; avino mgalamka wandumu zake, mumkoma. 53Mweye mwibokele Inzuma vumlagizwe na malaika, hamwigogile.”
Stefano kakomigwa na mabwe
54Vuwahulike malonga gano, gawahoma mmoyo, wamgedukila meno. 55Na heyo kamema Loho Yangʼalile, kabunhula meso gake yolola kuulanga, kona iyenzi ya Mulungu na Yesu yemile mwambu wa mkono wa ukulume wa Mulungu. 56Kalonga, “Lola nokona ulanga ugubuka, na Mwana wa Mulungu kema kumkono wa ukulume wa Mulungu!”
57Wakomhoka watowa nyangi, kuno wogubika magutwi gao, wamvunhila makunda. 58Wamulava kunze ya diwambo na kumtowa na mabwe; awaja wasindi wazika nguwo zao hamigulu ya mmhale imonga yokemigwa Saulo. 59Vuwamtowa na mabwe, Stefano katambika yolonga, “Mndewa Yesu, ibokele loho yangu!” 60Kafugama mavindi, kaguta na dizwi kulu, “Mndewa, sikuuwapetele tozo dino!” Ilawabaho kadanganika.
ទើបបានជ្រើសរើសហើយ៖
Sanghano 7: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 7
7
Stefano haluhengo kazipeta mbuli za Abrahamu
1Mtambika mkulu kamuuza, “Che, vivo ili mbuli ino?” 2Kalonga, “Mwandugu zangu na kina tata, tegelezeni! Mulungu Magana kamulawila tata wetu Abrahamu viyakalile Mesopotamia, hanahamila Harani. 3Kamulongela, Ilawe isi yako na lukolo lwako, ugende kuna iisi yonda nikulagile! 4Kasegela iho kulawa isi ya Wakaldeo, kahamila Harani; na tata wake viyadanganike, Mulungu kamuhamiza kulawa hiko, kamgala isi ino yumkala mweye sambi. 5Komu hamwinghile uhazi muno ugambile kamba lwayo; bali viyokala kabule mwana, kamwingha kilaga cha kumgwelela isi ino heyo na mlelo wake yuja yonda yeze kuchugu chake. 6Kabili Mulungu kaulonga mlelo wake kamba wokala isi yungwa kuulilingwa; na waja wowatenda watumwa, wowatendela gehile miyaka miya ne. 7Kabili kalonga, Lukolo luja londa luwatende watumwa, Niye nowatagusa, giladi wanago wailawe isi ija, weze wanitumikile hanhu hano.
8Kamgwelela na kilaga cha kwingila kumbi; avo Abrahamu viyamulelile Isaka, kamwingiza kumbi siku dainane, na heyo Isaka vivo viyamtendele Yakobo, na Yakobo vivo tata wakulu waja Mulongo Umwe na Wabili. 9Na tata zetu wamonela Yosefu migongo, wamguliza yachole Misri. 10Komu Mulungu kakala hamonga na heyo, kamulava muna gamanghulubu gake gose, kamwingha mhome na fiyuko za ihoko hakihanga cha Farao Mndewa wa Misri, na heyo kamwika yawe mkulu, yaitawale Misri na ngʼanda yake yose. 11Baho igwa nzala nghulu muisi yose ya Misri na Kanani, na manghulubu bwando, waja tata zetu hawapatile ndigwa ya kwenela. 12Yakobo viyahulike kamba hiko Misri kuna usumilo, kawatuma tata zetu mwanza wa ichanduso. 13Avija mwanza wekabili Yosefu kaitambula kwa ndugu zake, na ndugu za Yosefu watangika na Farao. 14Yosefu katuma wanhu kumkema tata wake Yakobo na lukolo lwake lose; wanhu wavika milongo saba na wanhano. 15Yakobo kachola Misri, kadanganika heyo na tata zetu. 16Wasoligwa, wagaligwa Shekemu, wazikwa muna dikabuli dija, digambile Abrahamu diyagulile hiko Shekemu kumwawo wanage Hamori kwa mhiya.
Stefano kazipeta mbuli za Mose viyabezigwe
17Aho kilaga cha Abrahamu kija (cha kulawa Misri) vikikwenhuke, lukolo lubanza kongezeka nghani kuja Misri. 18Kalawilila mndewa wa Misri iyagwe yalekile kumtanga Yosefu. 19Hiyo kawatendela kilusu mulukolo lwetu, kawatendela gehile tata zetu na kuwalavila mbila, wanao vinghele wasigwe kunze, giladi sikuwakule. 20Milongo hiyo kaleligwa Mose, na heyo kakala yanogile nghani, kalelelwa mngʼanda ya tata wake miyezi midatu. 21Avija viyasigwe, biti Farao kamdondola, kamulelela yawe mwanage.
22Mose kalangukizwa fiyuko zose za Wamisri, kakala na mhiko za kulonga na kusanghana. 23Avija viyavikile miyaka milongo mine, kawatanga mmoyo mmwake kuchola kuwalola ndugu zake Waisraeli. 24Kamona imonga yotowigwa, kamonela bazi na kumulihiza yuja Mmisri, kamkoma. 25Kagiza ndugu zake wovitanga kamba Mulungu kowakombola kwa mkono wake; komu hawavimanyile. 26Vuchele kawezila kabili, kawona wayagwe wokisuna, kalonda kuwalamula, kalonga, Walume mweye mwawandugu mose; vilihi vumkisuna? 27Komu yuja yamsunile miyage, kamsunghizila kutali kalonga, Yuyo yalihi yakwikile uwe mkulu na mlamuzi wetu? 28Che, kolonda kunghoma na niye, kamba jana vumkomile yuja Mmisri? 29Viyahulike ulonzi hiwo, Mose kakimbila, kakala kuulilingwa isi ya Midiani, hiko kalela wana wabili.
30Vivikile miyaka milongo mine, malaika wa Magana kamulawila kuluwala hadigongo da Sinai mkisukuzi kikwaka moto. 31Mose viyagawene ago, kakanganya; komu viyakwenhuke habehi kuno yolola, kahulika Mulungu viyolonga, 32Niye na Mulungu wa tata zako, Mulungu wa Abrahamu, Mulungu wa Isaka na Mulungu wa Yakobo; baho Mose kagudema, hagesile kabili kulola. 33Mndewa kamulongela, Kohola vilatu vyako mmigulu, kilumbo hanhu hawimile iyo isi ingʼalile. 34Nigona magazo ga lukolo lwangu kuja Misri, nihulika kwiyanyanha kwao, naniye mhumuluka niwahonye; avo izo nokutuma ugende Misri!
35Iyo Mose yuja yuwalemile wolonga, Yuyo yalihi yakwikile mkulu na mlamuzi? – iyo yuyo yatumigwe na Mulungu, yawalongoze na kuwakombola kwa mkono wa malaika yuja yamulawilile mkisukuzi. 36Na heyo kawalava yosanghana vilolomboto na vinzonza muisi ya Misri na mbahali Ndunghu na kuluwala miyaka milongo mine. 37Iyo Mose yuja yawalongele kiloto Wana Waisraeli, Muulelo wa ndugu zako, Mulungu komwinulilani Mtulandagu yagambile nene, mtegelezeni Heyo! 38Iyo Mose yuyo yakalile mdidale ja Mtinghanilo kuluwala hamonga na yuja malaika yalongile nayo hadigongo da Sinai, viyabokele malonga ga upile giladi yatwinghe tweye.
Stefano kawazuma Wayuda giladi wamgalukile Kristo
39Komu tata zetu hawalondile kumtegeleza, wamsunghizila kutali, wahinduka mmiyoyo yao wabwele Misri. 40Wamulongela Aroni, Tutendele milungu yonda itulongoze, kilumbo hiyo Mose yatulavile muisi ya Misri, hatudimanya dimpatile. 41Wasongola ngwada ya ngʼombe; kinyago hicho wakilavila nhosa, wadenghelela sanghana ilawile mumkono wao. 42Avo Mulungu kagimbuka kawaleka, giladi watambikile dale da kuulanga, kamba vyandikigwe mkitabu cha Walaguzi,
Che, mweye ngʼanda ya Israeli,
mundavila Niye zaka na nhosa miyaka milongo mine kuluwala?
43Amweye muisola hema ya Moloko,
na nhondo za mulungu wenu Refa,
vinyago vumtendile giladi mzitambikile;
avo nomuhamizani mweye mchole mwanza wa kutali kubita Babeli. –
44Na ija ihema ya nhambiko ikala hamonga na tata zetu kuja kuluwala, kamba viyalagize Heyo yalongile na Mose, kaisanghana igambe na ija iyalagusilwe. 45Na tata zetu vuwaibokele, waiingiza hamonga na Yoshua muisi ya Kanani, kugakalile makabila gaja Mulungu gayawingile kuulongozi wa tata zetu kuvikila mazuwa ga Daudi. 46Na heyo kagolelwa mhome hakihanga cha Mulungu, kalonda kumzengela ngʼanda Mulungu wa Yakobo. 47Komu yuja yamzengele ngʼanda ija yuyo Salomo. 48Ayuja Yali Uchana hakala muna zingʼanda zisanghanwe na mikono ya wanhu, kwa vija Mlaguzi viyolonga,
49Ulanga uwo kigoda changu cha Undewa,
isi iyo hanhu hakwikila migulu yangu;
avo Magana kolonga, Ngʼanda ilihi yonda mnzengele,
hebu hanhu halihi honda nihumule Niye?
50Si mkono wangu usanghane gano gose?
51Mweye wene singo ndala: hamwingile kumbi miyoyo hebu magutwi, mazuwa gose mombamilila Loho Yangalile, kamba tata zenu vuwatendile, na mweye vivo. 52Mlaguzi yalihi tata zenu hawamuwingile, kileka wawakoma waja Watulandagu walagule kwiza kwake ino mwene ihoko, Yesu; avino mgalamka wandumu zake, mumkoma. 53Mweye mwibokele Inzuma vumlagizwe na malaika, hamwigogile.”
Stefano kakomigwa na mabwe
54Vuwahulike malonga gano, gawahoma mmoyo, wamgedukila meno. 55Na heyo kamema Loho Yangʼalile, kabunhula meso gake yolola kuulanga, kona iyenzi ya Mulungu na Yesu yemile mwambu wa mkono wa ukulume wa Mulungu. 56Kalonga, “Lola nokona ulanga ugubuka, na Mwana wa Mulungu kema kumkono wa ukulume wa Mulungu!”
57Wakomhoka watowa nyangi, kuno wogubika magutwi gao, wamvunhila makunda. 58Wamulava kunze ya diwambo na kumtowa na mabwe; awaja wasindi wazika nguwo zao hamigulu ya mmhale imonga yokemigwa Saulo. 59Vuwamtowa na mabwe, Stefano katambika yolonga, “Mndewa Yesu, ibokele loho yangu!” 60Kafugama mavindi, kaguta na dizwi kulu, “Mndewa, sikuuwapetele tozo dino!” Ilawabaho kadanganika.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.